小王牛肉麵 (已結業)

星期三，七點幾，冇乜客，入去坐低待應俾咗兩杯水，其中一隻杯上面成條酸菜喺度，算，兩個人飲一杯免得煩叫咗鹽酥雞排飯，雞排好多粉，未算太差，珍珠米，好乾，冇飯味；牛肉粗麵，其中一舊咬落去好硬，咬到啲筋啪啪聲斷開戲玉黎喇，埋單$119，呢間野唔知要食幾多錢先可以碌卡，我食過幾次怕咗佢，俾$120現金，找一蚊等咗陣都唔攞黎，見到人地遲過我埋單都找埋錢走人，後來有待應問我有咩幫手，我話等找錢，諗住佢問我俾咗幾多就話俾咗$200，然後佢迅速攞番一蚊過黎，即係特登唔找錢啦！點解咁唔妥呢間野，老套用現金都算喇，上次埋單找$10，佢厚面皮到五蚊兩蚊三個一蚊咁找，博攞貼士，咁既服務仲好意思要貼士？？宜家寫緊食評仲嬲，收加一嘅食肆，多多限制唔俾人碌卡？茶記呀？有時間我寫埋信去港鐵同台灣小王反映一下，做壞個商場同招牌！