小王牛肉麵 (已結業)

兩個人去食，我自己叫咗個「半筋半肉粗麵」$58同埋一杯「水蜜桃草莓綠茶」$18。首先係個麵：個人覺得粗麵比幼麵比較有口感、硬身啲，而幼麵煮得太腍。 牛肉超韌！食完會攝牙～ 牛筋又太腍，無起膠嘅感覺、無口感，仲腍過腸粉。只係個湯底、香味取勝。唔覺得值$58。之後係杯野飲：味道唔錯，好香甜。適合鍾意飲甜嘢嘅人。我自己本身好食得甜嘢，但呢杯嘢真係太甜，搞到我飲飲下要加少少水！好似飲緊濃縮利賓立但未溝水嘅感覺。服務態度：一般，無特別印象，無好無壞如果下次再去，唔會食翻呢個麵，會想試下其他嘢！