小漁港海鮮舫 鮮蒸‧鮮味火鍋

营业中

休息中

近排食得多肉，又係時候食下海鮮，諗起海鮮就一定諗起呢度，貪佢又平又豐富，性價比高👍是日廚師精選套餐 ($3188/位)呢個套餐一個價錢包左八款時令海鮮、兩款刺身、四款時蔬同一款主食，餐廳嚴選當日新鮮海鮮，性價比都幾高🌟椒鹽豆腐豆腐炸粉夠薄身，炸到外脆內嫩，加上香口既椒鹽，好惹味🌟刺身拼盤食完個餐前小食就到刺身，有北寄貝、帶子、油甘魚、三文魚同象拔蚌，款款刺身都係厚切，全部都好新鮮唔會好腥，帶子厚肉又夠爽甜，油甘魚魚油甘香，三文魚亦好肥美👍🏻👍🏻👍🏻🌟時令海鮮蟹🦀蟹身好飽滿，肉質鮮甜，店員仲會幫手掉個蟹蓋落去煲粥，令粥底更鮮甜👍扇貝、鮑魚、馬友、蝦食完龍蝦就到下一輪既海鮮，有扇貝、鮑魚同馬友，扇貝又係好大隻夠厚肉，蒸完之後好鮮甜，鮑魚都係用新鮮既鮑魚，上枱嗰陣仲識得郁😂馬友魚都好鮮味十足，啖啖肉💯大蝦夠新鮮唔會霉，蝦頭仲要有蝦膏超正蜆、蠔🦪蜆都有兩款，托托蜆同大蜆，蜆肉夠鮮甜就智係靚野，仲有海水味濃郁既蠔，都幾厚肉，火侯控制得剛剛好唔會過熟，正👍🏻😍🌟時蔬有芋頭、南瓜、粟米、勝瓜，同埋蟲草花雞件一齊蒸，餐廳好貼心地用荷葉墊住啲雞件，咁就唔怕個粥好多雞油，雞件蒸到好嫩滑好好食，值得加分👍🏻

終於黎到太子好有名氣嘅蒸氣海鮮粥底鍋。記得要預早booking呀～ 我同友人揀咗廚師智選套餐～ 抵食好食到捧住個肚走🌱小食大大碟原粒炸紫薯，紫薯入口軟身得黎非常之甜，另外仲有蕎頭、花生，非常開胃🌱刺身首先上刺身船。有三文魚，帶子，北寄貝，油甘魚。刺身厚切得黎好鮮味。不過要小心個Wasabi，非常刺激攻鼻！🌱海鮮大蝦🦐鮮甜彈牙，鮑魚新鮮大隻又夠淋，馬友魚魚味較厚，但估唔到平平無奇嘅都可以咁滑嫩～ 聖子皇夠晒大隻，新解蒸起，根本唔使調味已經好食。貝類有花甲、蠔、蛤蜊～估唔到蒸蠔好有鹹香味，好好味最後就係大肉蟹🦀～ 蒸完之後好多膏好多肉，慢慢折肉黎食大滿足🌱主食時蔬煮蟲草花蒸雞配咖喱烏冬。雞嘅份量超多，下面個烏冬非常惹味，其實食到呢度已經飽晒！最最最後，仲有個集精華於一身嘅瑤柱粥底～ 等咁耐都係為咗將之前所有海鮮肉類既汁 & 精華而成，個粥底好綿好夠味。但真係食到full 晒😋😋🌱甜品入面係紅豆餡，外層煙煙韌韌，食完就非常完滿❤️

前排天氣凍，想打邊爐又唔想咁普通，就揀左蒸氣火鍋食暖個身▫️餐廳位置唔算十分就腳，但都吸引到好多食客到訪，到訪當日係閒日都全場爆滿，質素口碑都有保證▫️餐廳走港式漁港主題，連蒸籠個蓋都用左漁夫帽嘅設計，牆上多幅舊香港漁村時嘅掛畫▫️店員嘅服務好好，全程會服侍我地蒸海鮮、計時、換蒸盤🍲海鮮蒸鍋套餐 $318成個套餐都4層海鮮，一開始食之前店員會將米、排骨、瑤柱同蟹放係蒸盤底層，蒸每層海鮮都會有蒸氣倒漏返落個粥底，最後再享用充滑精華嘅蟹粥😍一入座店員先送上刺身拼盤同避風塘炒魷魚🍣刺身拼盤有三文魚、帆立貝、北寄貝、油甘魚，好鮮甜😋🌶避風塘炒魷魚一上菜好夠鑊氣，魷魚脆卜卜帶啲辣，好惹味🦐第一層係鮑魚、扇貝、蝦、海魚扇貝好大粒，上面鋪左滿滿嘅粉絲，索哂啲鮮味鮑魚口感彈牙，海魚肉質嫩滑🦪之後係花甲、蜆、青口每隻都勁大隻，脹卜卜好鮮甜🦀再之後係兩大隻勁肥美嘅蟹，隻隻都好肥美勁爆膏😍🍜最後係蟲草花蒸雞烏冬配時令蔬菜，蔬菜有芋頭、粟米、翠玉瓜、南瓜、蕃薯仔，另外蟲華雞仲有烏冬擺底，烏冬索哂蒸雞嘅精華，好夠味😋🍲到最後最後就係個蟹粥😍份量勁多，估唔到靠啲蒸氣都蒸到咁大鍋粥😍蟹粥集齊哂所有海鮮同雞嘅精華匯聚而成，

周六共三位朋友約左諗住食餐海鮮，但係成個用餐體驗就比一個老細搞wan晒🤷縱觀全部海鮮都新鮮、味道正常，姐姐都幾好服務，就係個老細態度有問題。食左成餐，個老細就鬧左D員工咁耐，明明個姐姐執緊其中一個客的碗碟，個老細一把老牛聲：「呀X，你擺低D野過嚟！！」叫走左個姐姐鬧！！？？我見到個客個樣當堂「吓？」左出嚟😨。老細成晚就係走嚟走去，老點D員工去邊枱邊枱做野。佢一定覺得間店多得佢睇實，其實成日打斷姐姐D工作就真，而且忙極佢都係出把口only。老細一定覺得自己運籌帷幄，好enjoy掌控全局的感覺。因為本身我張枱睇到廚房門口，見到老細唔係淨係樓面鬧，佢廚房門口又鬧，員工洗緊海鮮又要比佢鬧，仲要係嗰種不可一世的態度，大大聲比客聽到咁鬧：「我叫左你做咩就做咩，照我講咁做，唔好做多做少，你明唔明呀？！」咁嘅意思重複左兩三次咁鬧。下次應該又會話「你見到個枱要幫手就醒水啦，唔好一look木咁！」🤷最慘就係D姐姐跟著個咁嘅老細，返工勁大壓力。講返餐飯，我哋要左$398價位的套餐，但係個粥好搵苯，要另加$78先有，本身個餐有埋烏冬，三個女仔夠食有突就無加到，但係成$400一個餐連粥都唔包就唔係咁合理啦。而且

講起蒸氣火鍋我諗起一間係太子經過好多人食既餐廳《小漁港海鮮舫》有好多人排隊，放假同屋企人去食最岩，唔會太熱氣，又可以一邊蒸一邊講野，佢哋有提供套餐直接選擇當日最新鮮嘅海鮮，叫是日廚師智選套餐$318/位，當中包含刺身拼盤、八款時令海鮮、四款時蔬、一款主食。首先送上枱嘅係刺身拼盤包含三文魚、油甘魚、帆立貝、北寄貝、馬刀貝。每一樣嘢都好新鮮，厚切肥美鮮甜。之後有份小食避風塘炸魷魚，惹味可口！開始蒸氣鍋後店員會係鍋底倒入豬骨瑤柱同埋米，等到最後食完蒸氣火鍋之後可以食粥，吸晒海鮮啲精華第一道海鮮已經係龍蝦，隻隻新鮮多膏大食，顏色鮮艷呈現橙紅色，非常鮮甜，非常新鮮彈牙！半隻根本唔夠食！之後有粉絲扇貝，真係夠哂大隻彈牙。然後就係鮑魚、馬友、貝類，海蝦、海螺，生蠔等。每一樣海鮮都好新鮮，我哋完全冇落任何醬料，食落都好好味好有鮮味我尤其鍾意佢地生蠔同海蝦！主食就係係蟲草花蒸雞烏冬，雞肉用鮮嫩旁邊配上番薯南瓜粟米絲瓜芋頭，這個套餐好豐富！番南瓜芋頭本來就好甜，食完之後食埋d粥，真係好飽，不過d粥真係好有海鮮味，大家明明都好飽，但個個都覺得個粥好好味！有興趣嘅朋友記得先book位啊，因為真係好受歡迎好多人

依幾日咁凍決定帶阿媽食番餐好嘢，見到依間《小漁港海鮮舫》好多人排隊，同埋係主打蒸火鍋，啱哂鍾意健康嘅家人。佢地就有套餐直接可供選擇，是日廚師智選套餐$318/位，包含刺身拼盤、八款時令海鮮、四款時蔬、一款主食。首先送到嚟嘅係刺身拼盤，包含三文魚、油甘魚、帆立貝、北寄貝、馬刀貝。我自己就最鍾意帆立貝，食落鮮甜又爽口。跟住就到左避風塘炒魷魚，好有鑊氣，一咬開層炸皮好脆，裡面嘅魷魚好嚼勁，最緊要係椒鹽味十足。接下來就到蒸氣鍋嘅時間，店員首先會倒入豬肉、瑤柱同埋米飯，待淨間煮成粥。店員話當日蟹唔靚，直接幫我升級做龍蝦，真係好驚喜。龍蝦橙紅色，靚落好新鮮，肉質鮮甜又爽牙又多膏，唔錯唔錯。下一樣海鮮就係扇貝，上面仲加入粉絲，大大隻又彈牙。之後就係鮑魚、馬友、鮮蝦、海螺同埋生蠔。最特別一定要數生蠔，店員話嚟自日本，蠔身好飽滿又大隻，食落蠔味重又多汁。食完海鮮點知仲有主食，係蟲草花蒸雞烏冬，雞肉用蒸原來好鮮嫩幼滑，又唔會油膩，健康又醒胃。食到好飽，原來鍋底嘅粥先係精華，吸收哂多款海鮮嘅鮮甜味，好正。最後仲有中式茶果做結尾，4人餐4個人都未必食得哂🤣小漁港海鮮舫 鮮蒸‧鮮味火鍋 (太子)太子荔枝角道12

朋友最近係外國返黎話有好多野都想食，佢已經列左個list出黎話有咩想食😂作為朋友既我一定滿足佢要求，今日就帶佢食其中一樣先就係蒸氣海鮮煱，其實係我都想食haha，之前聽過有同事話小漁港好食，今日一於去試下✌🏻.去前真係要book位，因為爆場唔book位真係食唔到架😎.是日廚師精選套餐 $298首先上刺身拼盤，刺身有三文魚腩，油甘魚，北寄貝，赤貝同帶子。三文魚腩勁大塊，帶子鮮甜，油甘魚北寄貝赤貝亦好新鮮。.食完刺身就開始食海鮮啦😍店員先放入粥底，豬骨同瑤柱然後會放埋蟹蓋，最後個粥就會吸收哂海鮮既精華！店員每一輪都會幫手set時間蒸海鮮防止海鮮overcook, 服務好好啊~我記得以前食某店係需要自己計時🤣係海鮮蒸緊既同時我哋叫左個避風塘炒鮮魷，魷魚肉質彈牙，香口酥脆！配飯一流(´▽｀).海鮮方面有九款，分別有蟹，魚，蝦，鮑魚，青口，螺，蠔，蜆同蟶子。海鮮本身都好新鮮所以蒸熟後保留到原本既鮮味，唔需要加任何調味都已經好鮮甜好好食。.第一轉係魚，蝦同鮑魚，魚肉好嫩滑，店員貼心提醒魚有好幼既骨叫我哋小心食，蝦肉彈牙，鮑魚爽口唔會韌而且好乾淨唔需要自己處理內臟.第二轉係青口，螺，蠔同蜆，青口同蠔

海鮮迷注意！每位$318食9款海鮮蒸氣鍋天氣轉涼，最啱食暖笠笠的美食！除了火鍋外，海鮮蒸氣鍋亦非常受歡迎，以清蒸烹調，不但可以突出海鮮的原汁原味，食落都會特別鮮甜！早前去了位於太子的小漁港海鮮舫食海鮮蒸氣鍋，餐廳內設有大水缸，每日新鮮購入食材，保證海鮮夠新鮮！每位$318 套餐，一開始會先上刺身、炸物，刺身包括三文魚，三文魚腩，希靈魚、油甘魚、北寄貝、帆立貝，而炸物是酥化椒鹽鮮魷，食落酥化而不油膩，Q彈香口，是不錯的開胃菜！之後開始9款海鮮蒸氣鍋、包括海蝦、元貝、鮑魚、海魚、蟶子、蜆、青口、蠔、肉蟹等，全部都十分新鮮，店員好貼心，由佢哋幫手控制蒸鍋，蒸海鮮時間有長有短，不過已經分好先後次序，食完第一款，第二款都大約時間蒸好，時間岩岩好！而食材方面，最讚肉蟹大大隻，厚肉彈牙，味道鮮甜；而蠔鮮味濃香，而且唔腥，口感一流！食到最後真係已經好飽，但都會比佢最尾的蟲草花蒸雞和吸收了海鮮精華的粥吸引到，啖啖清甜鮮味，包你食飽暖笠笠！

今日約左朋友出黎食餐飯，人大左就冇食個啲任食套餐，寧願貴精不貴多。太子呢一間蒸氣海鮮火鍋其實之前都有朋友介紹過比我，今日終於可以試一試啦。餐廳基本上每日都會滿座，好彩我早幾日之前whatsapp左餐廳book位。是日廚師精選套餐 $318/位刺身拼盤有三文魚、三文魚腩、油甘魚、北寄貝、希靈魚、帶子，刺身件件都厚切，同埋三文魚油甘魚食落油脂感好豐富，大大件帶子冇得輸。避風塘鮮魷酥脆惹味，而且金黃色嘅鮮魷肉質好彈牙。貝殼三寶蠔、青口同幾隻花甲，最正係花甲冇沙，蠔又好肥美，超鮮甜。元貝一隻大大粒，仲有蒜蓉粉絲底，吸曬元貝嘅精華。海蝦兩隻海蝦肉質好爽口，蝦頭仲有好蟹膏。鮑魚一隻洗到勁乾淨，唔怕食到啲污糟野。海魚一件每日嘅海魚都唔同，今日就係馬友，油脂感好豐富，肉質又好嫩滑，最正就係起曬骨，大啖大啖肉。蟹一隻好多蟹膏，正！蟶子鮮甜彈牙，仲好爽口，正！農家四寶 (芋頭、翠玉瓜、粟米、南瓜)食到尾段其實都飽飽地，呢個時候食返啲蒸蔬菜，冇落調味，超甜。蟲草花蒸雞烏冬底雞肉好嫩滑，而且嘅雞油蒸個陣滲曬落烏冬到，加埋蟲草花嘅香味，真係好好食。Overall黎講，海鮮方面每件都好新鮮同埋鮮甜，店員好好咁過黎

上次食完好掛住，所以今日特登再黎encore😍貪佢位置方便，明碼實價，冇隱藏式收費，食得安心。今次點左$318是日廚師精選套餐前菜有刺身拼盤，最鍾意食帆立貝大大粒餐前小食點咗脆皮豆腐，上面有D炸蒜好有避風塘風味是日最佳海鮮✨馬友魚✨起左骨，啖啖肉✨鮑魚、賴尿蝦✨上枱仲識郁，正宗生猛海鮮，新鮮自然爽口彈牙😍✨肉蟹🦀✨D肉食到一梳梳嘅，只有新鮮至有呢種質地👍🏻，如果唔新鮮，D肉就會霉，咬落會一pat野咁除咗海鮮，我最掛住呢個蟲草花蒸雞烏冬，最後食埋個粥，飽到攬住大肚腩離開

今次第一次黎，我地嗌左個Parco發板餐，第一個就係刺身拼盤，以為啲刺身會好薄會好hea，但完全相反，所有刺身都好厚身，又好新鮮，食唔出有雪藏味！之後就開始上八道海鮮，有蝦、扇貝、鮑魚、兩款蜆、馬友、蠔、蟹，四款時蔬，一道主食。原本諗住同平時海鮮鍋冇乜分別，點知一食第一道海鮮，已經非常之驚喜，鮮味好夠，好好食！好彈牙，一食就知係新鮮野！食到主食，就係蟲草花蒸雞烏冬，本身對佢期望唔好，點知！食咗第一啖，我哋成枱人都真係忍唔住嘩咗好多聲😂好食到要打食評，成餐飯嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩聲！特別推介，我要再黎啦！！！！

平時搭車嘅時成日經過小漁港😊依家天氣又凍凍地，終於扚起心肝約朋友嚟呢間餐廳食海鮮蒸鍋套餐，喺門口已經見到好多海鮮游嚟游去好生猛😍開始嘅時候上咗一盤刺身，有三文魚，帶子，希靈魚，北寄貝，油甘魚。刺身厚身好鮮好味，職員仲提我哋唔好落咁多Wasabi會攻鼻😀好有心首先有馬友，蝦，鮑魚，令我印象深刻係馬友，魚肉質感好滑好嫩賴尿蝦已經n年冇食過😫剪完滅晒啲殼🥺未食都覺得滿足，蝦肉超甜美貝類有蒜蓉聖子爆多蒜蓉，青口，蠔，蛤蜊～蠔好有鹹香味大肉蟹蒸完之後好多膏🥰蟹殼一早已經放咗落粥底見到呢底蟲草花蒸雞烏冬底即刻鬆一口氣，我食到好論盡😝但食到咁新鮮嘅海鮮，即刻有種好值嘅感覺。雞嘅份量多，雞肉下面有烏冬，蒸完烏冬充滿肉味😋食到呢刻到最後有海鮮瑤柱粥底，之前所有海鮮肉類既汁都滴晒落去，粥係成餐嘅精華所在😳鮮避風塘鮮魷😋想要香脆就熱辣辣食總結每次蒸唔使自己睇時間唔使自己洗海鮮🥺少咗好多麻煩，麻煩晒所有招呼我嘅職員，海鮮都好新鮮份量好足👍抵食

📍小漁港海鮮舫 鮮蒸‧鮮味火鍋🐷爸媽都好鍾意食海鮮，見呢間款式多，好多人都大讚，就決定爸爸生日帶佢哋嚟食！真係好好味，好新鮮！要 #chuchu推介💡 當日基本上滿座，記住book位📞28689863，仲有whatsapp架—————————————————————❣️ Parco 發板餐 $398/位價錢合理！所以就揀咗呢個！可以加錢要粥底，不過侍應話會好飽所以就冇加了！以下講嘅係一人份量！🍣 加拿大象拔蚌刺身拼盤先黎個巨型刺身拼盤，有希靈魚、三文魚腩、吞拿魚、帆立貝、北寄貝、象拔蚌！見到有象拔蚌即刻揀呢個，樣樣都非常新鮮，份量十足之餘用料亦上乘唔馬虎！🦞龍蝦每人半隻！好新鮮！肉質好彈牙，平時唔係好食龍蝦嘅🐷覺得龍蝦膏好正！！！！🦐瀨尿蝦一隻扎扎跳勁生猛，入口肉厚，彈牙又多汁。🦪貝殼三寶每人有幾隻花甲，一隻青口同一隻蠔！花甲無沙，蠔好新鮮，好肥美！正正！🐚元具一隻元貝好大粒，連埋蒜蓉粉絲蒸，香口惹味！🦔鮑魚一隻鮑魚已經洗得好乾淨，爽！滑！唔難咬！🦐海蝦一隻肉質爽口脆身，啜埋蝦頭膏，好鮮甜！好食！🐟海魚一件馬友魚油極多，肉質不嬲都滑，處理好晒起晒骨，啖啖肉好好食！連唔食魚嘅🐷爸都好鐘意！

First time come to this place and the first impression is too crowd. Even just a tea pot still find hard to place it.However the seafood here are all fresh and the chicken and vegetables also super nice! Definitely come back and try again!!! 😍 love it佢上菜速度都快 因為佢會蒸完一款就即刻會蒸下一款，所以都係keep住食keep住蒸 等既時間唔會太長 當然食材上都係非常之新鮮，但係座位安排上真係好迫 完全係坐得唔舒服 大家要衡量一下

天氣涼左又會想去食下蒸海鮮🤩個心又會心思思去呢度🥢店員一如既往都好有禮貌，服務好周到☺️刺身拼盤：拖羅油脂分佈好靚，入口好滑🫧三文魚腩就肥美，甘香又好食象拔蚌爽口彈牙，好新鮮✨希靈魚微酸帶香，口感爽脆得嚟有啲似蟹子小炒方面避風塘炒魷魚🦑魷魚好新鮮✨肉質彈牙爽口，啖啖都椒香濃郁，如果有碗白飯真係一流🤩店員先喺鍋內放入粥底，裏面有醃好嘅豬肉同瑤柱。等上面既海鮮精華可以滴落個粥度😍今日既時令海鮮有龍蝦，舖上蒜蓉一齊蒸，店員幫我哋較好時間岩岩好，啖啖充滿蒜香之餘肉質都好彈牙又多膏🤩蟶子皇、生蠔、青口都好肥美，新鮮又彈牙👍🏾 瀨尿蝦都好大隻🤩一開始蒸果時仲好生猛😆肉質好爽口清蒸馬友、鮑魚、扇貝、海蝦同馬友肉質都好嫩滑，粉絲蒸扇貝，肉質好鮮甜；花甲、蜆同青口全部食材新鮮隻隻都開哂口，無沙👍🏾食既全程店會幫手計時蒸食物，坐定定等食就得😆店員仲會主動幫手清理碟面☺️🐔蟲草花蒸雞烏冬呢個真係不得了😍每次都好期待食呢個烏冬🥰個烏冬索晒啲蟲草花同雞既精華好入味🤤簡直係精粹🫶🏻蒸既火候岩岩好，條條都好彈牙🐠海鮮粥呢個都係重中之重‼️個粥由岩岩食時已經吸收緊所有海鮮既精華，再加埋個龍蝦、豬骨同瑤柱吊味，鮮味十足✨