小曼谷泰國美食 (教育路) (已結業)

位於元朗教育路兆明樓地下的小曼谷泰國美食，主打正宗泰國菜。餐廳的廚師大部分都是正宗泰國人，當中有幾位的侍應也是泰國人，但是服務態度頗為誠懇。餐廳的面積不算十分大，在門口等待了約十分鐘再入座，一走進門口已看到在燒菠蘿和海鮮。餐廳的環境感覺明亮，每一枱也會有面紙和牙簽提供，頗為體貼。餐廳的食物不算太貴，而且份量夠多，兩個人來吃點兩個菜式加一個小吃已十分夠飽。第一味來到的是椰青海鮮焗飯。飯疊成一座小山來到，上面倒上不少椰漿，賣相吸引。焗飯內有不少海鮮如魷魚、小八爪魚等，頗爽口。加上了椰漿的炒飯味道十分香濃，口感更滑溜，個人喜歡先把椰漿和炒飯先撥開，有需要再取用，不然太多椰漿會有點膩呢。明爐蒸桂花魚來到了，連上桌的小爐也是魚的形狀，頗為有趣。湯底為鹹酸菜湯，酸酸的，好開胃，而且味道一點也不辣。雖然桂花魚不算十分大條，但魚肉也頗為嫩滑。魚的底下，鋪滿了不少蔬菜，夠曬健康。餐廳還細心地奉上了一小碗湯，可以用膳途中看情況而加湯，湯還加了少許香茅和蒜頭。小份的泰式拼盤來到了，廚師是用慢火炸的，所以落單後需時約十五分鐘。拼盤包括炸蝦餅、炸春卷、炸魚餅及扎肉，四款小吃也炸得十分酥脆呀。個人最喜愛吃泰式炸蝦

多年前仍住在九龍區時，好多時食泰國菜都是選址九龍城內的小曼谷及另一間泰菜館。自從變了新界人後，已經好少再去九龍城區。今日竟然在元朗區重遇久違了的小曼谷。入座時正好中午，未算多人，但去到大約1時左右，已人頭滿滿。菠蘿海鮮炒飯用料足份量大，海鮮材料分別有蝦、魷魚、帶子，還加入不少提子，蔬菜粒等等，整體味道不錯，算炒得乾身。明爐香檸汁蒸桂花魚真心推介！連平時不愛辣的媽媽都忍不住連嚐幾啖汁。大部分餐廳平時多數用烏頭，小曼谷卻是用桂花魚，令人一試愛上！桂花魚新鮮，所以肉質非常嫩滑。成道菜的靈魂可說是「汁」！香檸汁混合不少辣椒仔，再加上不同的泰式香料，味道夠酸又夠辣，好惹味！椰青食泰國菜不可少得清甜可口的椰青。熱龍眼水這是點給媽媽的，味道香甜順喉。泰式燒羊架2件羊架全熟，但完全不韌，反而好軟腍。味道不羶，而且醃的時間應該夠長，所以好入味，抵讚！所配的醬汁帶些微辛辣，而且甜甜地，與羊架好襯。－－－－餐牌

今天到濕地公園後，返回元朗市區。河邊花開，春天到了。走到內街，看到這家小曼谷，九龍城大品牌老字號美食喎！通常是元朗餐廳衝出市區，而這家卻是進駐於此。看到這熟悉的名字，而且內裡有大量座位，馬上入座。　其實是小米想食芒果糯米飯！　細看餐牌，圖文並茂，色彩繽紛。下單後，先到洗手間清潔雙手，然後飲品先上來。　　芒果沙冰　小米喜歡飲品。　　　椰青    　本來想點泰國奶茶，但因為柚子沙律，為免奶茶的跟柚子的酸性相撞，於是改飲天然的椰青。       泰式鮮蝦柚子沙律        膳食纖維十足的沙律。柚子肉灑有辣椒粉，炸蒜，花生，椰糖。單食柚子會覺得很辣，配花生椰子即可中和這辣度。　　　泰皇咖喱法包軟殼蟹　　　泰國有多款咖喱，青咖喱偏辣，黃咖喱中度辣，也有紅咖喱，馬沙文咖喱和南部的咖喱，真的不大清楚泰皇咖喱是什麼味道。加上軟殼蟹又十分之好鬼吸引，不用唔洗吐殼，不用出動五指山唔洗用手，啖啖肉，連殼都食埋，保証有儀態。平時超級市場買一隻炸好的軟殼蟹，也要花費數十個大洋。現在有泰皇咖喱，有軟殼蟹，還有大包包，由原價148，減至128，百三蚊都唔洗，價格合理。　　　　原來法包真身好大隻！　軟殼蟹只是輕輕

是日約咗幾個好友見面聚舊嘆泰菜，其實呢間之前係九龍城已經食過好幾次，今次就朋友地點就去咗元朗食呢間分店地方唔算大，無九龍城咁寬敞舒適，但都幾簡潔乾淨每次都要飲佢杯椰子沙冰好香濃清香生蝦刺身其本上去到邊間都邊點啦，蝦本身都新鮮，夠爽口彈牙，如果再大隻斯啲就好了明爐烏頭魚都好大條，今日條魚勁新鮮，好鮮甜喔，魚肉仲好嫩滑，配埋佢啲配料及湯汁好正安格斯牛肉以炭燒做法，上檯時好香炭燒味，中間仲有點微粉嫩，牛味適中還可以，而肉質算嫩腍中帶一點咬口整體都算不錯，但本人偏向九龍城店舖，哈哈～

今日約咗幾個好耐無見嘅朋友入屯門打麻雀娛樂一下，順便聚舊傾下近況，打完後朋友就提意食泰菜，由屯門揸車去元朗都好快先點了飲品，酸梅七有2粒酸梅，都幾重梅味，溝埋七喜酸酸甜甜幾醒神，我果杯就椰子沙冰好香好濃，真係用鮮椰飲打成椰菜苗炒豬頸肉係用鐵板上的，菜苗吸哂豬肉的油香，而豬頸肉好鹹香嫩滑咖哩炒海鮮用咗多款海鮮，大蝦好大隻又彈牙，花甲同青口都勁大隻好鮮甜，入面仲有魷魚等配料芒果海鮮炒飯都不錯喔，飲粒分明又有海鮮鮮味滲哂落去，估唔到夾雜芒果一啲都唔怪仲幾好食

今日行開元朗千色店附近，估唔到係教育路開左間新的小曼谷泰菜，身為元朗人，終於唔洗去到九丈遠的九龍城先有正宗泰菜食～～地方唔算太大，但坐得幾舒服～～泰式青檸梳打酸酸甜甜，配泰菜食好岩味～～椰皇沙冰椰皇味夠出夠香濃～～馬拉盞炒椰菜苗食泰菜必點之一，椰菜苗炒得夠穫氣，味道又夠香，十分惹味～～青芒絲伴筍殼魚主角筍殼魚炸得香炸可口，外皮金黃酥脆，內裏口感嫩滑完全不鞋口～～青芒絲酸酸地，配埋香口的花生及蝦米干，只係配菜已經十分豐富！再加上特製的魚露汁特別開胃！鹽燒虎蝦虎蝦的size 唔算大隻，但燒得剛好，唔會太韌，虎蝦夠彈口，點埋酸甜汁好夾味！食泰菜怎少得泰式炒金邊粉！炒得夠爽身又夠香，配上花生碎及青檸汁簡直錦上添花！元朗必食泰菜一定係小曼谷喇！

最近小曼谷開到入元朗，喺附近出沒冇理由唔試下。鋪頭位於教育路，位置便利，好容易搵，人流都幾暢旺。兩丁友神早食到飽飽，抱住好奇心態一試，點左個鳳爪、菜同一條魚，幾樣野都好食呀泰式酸辣鳳爪：我地都好鐘意食，感覺食D主菜前食個鳳爪，酸辣開胃。店員好細心，都問我地需唔需要少辣，可能佢地係即時撈入魚露、辣汁等，變相可以遷就客人口味，更加有彈性。我地都鐘意食辣辣地，就keep番正常水平。鳳爪份量不少，沙律菜墊底，辣度剛好，鳳爪爽口好食泰式飛天炒通菜：首先夠鍋氣，又熱辣辣。因為食過太多飛天通菜太鹹，咁呢度都濃味，但又唔會太鹹，送飯一流，好食夠味明爐香檸汁蒸桂花魚：呢度唔係用烏頭，用番桂花魚，魚肉會滑好多兼鮮甜D。明爐上，面頭放左青檸、蒜頭、辣椒、洋蔥、芫茜等等，辣度夠，又酸酸地，味道正宗魚肉方面更加無得彈，食開桂花魚都知，貪佢夠滑嘛，話哂都係淡水石斑，兩個人夠哂！仲有酸汁、熱湯，如果唔係食得太飽，我一定點個飯椰皇沙冰：普通泰國菜通常用D椰漿加糖水打啦，當然會死甜。但呢度感覺上好似用左椰汁、連埋椰皇肉打成架味道清甜，好似食緊甜品咁，很推薦。菠蘿沙冰：味道好香甜，係新鮮菠蘿味黎，沙冰保持冰感，中間會食到

今日同左個識左10年既兄弟食飯，加上佢又就生日，就揀左佢最鐘意既泰國菜賀一賀佢。餐廳唔算細，但係都坐滿晒人，不過我地好好彩地好快就有得入座。叫到成枱都係野食～·燒安格斯西冷牛小排 $168牛排入口即溶，唔會太熟，而且每塊都被切到細細舊，好易入口，配上大廚提供的醬汁，食到停唔到口。泰皇咖哩法包軟殼蟹 $128軟殼蟹大大隻，包住入面好多蟹膏，食晒D蟹之後仲可以用法包點咖哩汁食，絕對夠飽。辣椒膏炒海鮮 $178海鮮好足料，炒出傳統泰式風味，好多超大隻青口，蜆肉完全冇沙令人一試難忙，味道偏重，岩晒我呢種重口味的人，值得一讚！至於飲品方面，我地點左每人一杯，分別是芒果椰汁沙冰 $36 以及泰式青檸梳打 $30，兩杯大大杯，清涼解渴，好抵飲，用嚟配主菜簡直一流！總括嚟講，餐廳都食客人流偏多，雖然要等位，但係食到咁地道的泰式美食，等幾耐都係值得的！

原來九龍城小曼谷在元朗教育路開了分店，這天就帶爸媽特地一嚐！明爐香檸汁蒸桂花魚（$188）以火爐上，通常泰國菜吃的都是烏頭，但這兒則用上桂花魚，更得我心！魚肉肉質細嫩，伴着檸檬清香和少少酸辣，值得推薦的一道菜！鮮芒海鮮炒飯（$84）水準不錯，炒得乾身有鑊氣，還有大量海鮮，如魷魚、蝦，十分足料。而芒果粒的香甜和肉鬆的鹹香令味道更有層次。泰王咖哩法包軟殼蟹（$128）造型霸氣，一岀場即引起不少目光。法包盛載着黃咖哩，辣度不強，反而椰味偏重，法包吸收咖哩汁，特別惹味。軟殼蟹份量很多，而且啖啖肉，好吃。椰汁西米糕拼泰式千層糕($48):西米糕是我最喜愛的泰式甜品，而這兒的岀品算是近來吃過最有水準的，因為不但每件都椰香濃郁，入面還有芋頭粒，口感和味道都更加豐富。千層糕煙韌軟糯，帶班蘭清香。

東南亞菜方面，個人特別喜歡吃香口惹味的泰國菜~ 平時想吃正宗的泰菜，自不然想起九龍城區，不過對於住在新界西的我，要去九龍城實在有點不便. 近日得知九龍城馳名的小曼谷泰菜於元朗開了新店，某夜就來到這裡晚膳~ 餐廳位於人潮極旺的教育路，就在千色匯斜對面，地點相當易搵~ 店內空間不大，裝潢簡約，就是一間地道的泰菜小店. 椰青 ($37) 友人要了一個椰青，說味道清甜，還說吃泰菜怎能不喝椰青呢! 熱龍眼水 ($26) 不想喝凍飲的我，要來了一杯熱的龍眼水. 燙口的龍眼水味道香甜滋潤，很好喝. 不能喝凍飲的女生，可選這款養生飲品~ 蒜爆胡椒炒虎蝦 (4隻) ($178) 大大隻的虎蝦，以香辣惹味的蒜蓉胡椒來炒，連蝦殼都相當香脆，肉質爽口彈牙; 不要錯過蝦頭內的蝦膏，同樣美味. 每人吃2隻也絕不過份~ 明爐香檸汁蒸桂花魚 ($188) 最喜歡吃健康的蒸魚，桂花魚蒸得剛剛好，魚肉嫩滑，配以開胃醒神的檸汁，更添滋味. 以明爐奉上，即使慢慢吃依然是熱辣辣的，個人很喜歡. 原隻椰青海鮮焗飯 ($92) 很多泰式餐廳都吃到椰青海鮮焗飯，但不是每一次都吃到有水準的海鮮焗飯

小曼谷由十幾年前經已喺九龍城食開，仲記得當年都曾經沉迷過一輪，去親九龍城都係食小曼谷，知道佢喺元朗開咗新嘅分店，即刻急不及待嚟試一吓。餐廳位於教育路同康樂路交界，即係嘉城廣場嘅斜對面，餐廳大大個紫色嘅燈箱招牌，十分sharp醒易搵；一入到去右手邊就見到廚房入面啲泰國姐姐炮製緊各樣美食，望住串燒爐上面燒得啱啱好嘅串燒，令人垂涎欲滴。一坐低即刻嗌杯沙冰嚟爽一爽佢，揀咗泰式青檸沙冰，味道激酸而帶有微甜， 絕對係刺激你味蕾嘅開胃之選。青咖哩雞肉，青咖哩雞滿滿嘅一大盤，散發著香濃嘅青咖哩同埋椰子油嘅香味，一口咬下，雞肉保持著應有嘅嫩滑，特登加多個薄餅嚟點個青咖哩汁，鬆軟嘅薄餅同青咖哩汁絕對係絕配；另外特別鍾意佢入面有泰國嗰隻小茄子嚟做配菜，呢隻圓碌碌嘅小茄子，唔係度度地方有得食㗎。鐵板豬頸肉啫啫芥蘭苗(馬拉盞)，芥蘭苗加埋馬拉盞嘅香味，唔使講都知有幾咁無敵，呢度最正嘅係用鐵板上，鐵板滋滋作響，令到馬拉盞嘅香味持續同緩緩咁升上嚟，而且食到最後一條菜，都仲保持到嗰個暖度，值得一讚。泰式鮮蝦炒金邊粉，金邊粉味道酸酸甜甜，鮮蝦爽口彈牙，碟邊有大量嘅花生碎，撈勻之後每一啖都充斥著強烈嘅花生香，廚師混入豆干

去開元朗搵老友食晚飯，上openrice搜尋，見呢間都ok﹐又就腳，就試試啦。嚟到門口已經有一堆人排隊，我地拎完籌，周圍行個round﹐半粒鐘左右就可以入坐。泰式鮮蝦柚子沙律 - 有兩隻蝦，其他材料都幾足料，仲有蝦米仔。其實幾好味﹐不過有幾舊柚子好大舊，如果整細返少少就好啦，有d花生燶嘅。青咖哩雜菜 - 青咖哩係我飛佛，佢地用鑊仔上，份量唔多，有西蘭花、磨菇、芥蘭、津白、小圓茄、豆角、紅蘿蔔、仲有種菇❨好似叫秀珍菇❩｡ 咖哩汁甜甜地，有椰香，幾好味。泰式鮮蝦炒金邊粉 - 有3隻蝦，炒得唔錯，仲有花生碎可以拌勻d金邊粉，加幾滴青檸汁，令到個粉更好食。總括嚟講，呢間泰菜都算好食﹐不過份量少咗d﹐兩個正常食量女仔點咗以上3樣野都唔算飽，仲有空間去食個甜品。

太耐無到元朗市中心逛街，是日經過，竟見到九龍城出名小曼谷，於是決定一試。我點了椰青，新鮮開的椰青很清新清甜，不會太甜膩。而來食泰餐當然要食小食，三心兩龍的我們決定點個大拼盤，份量不少，四到六人都可以。蝦餅炸得十分香脆，很香口，而且淡淡蝦膠肉，味道很好。另一驚喜是炸魚餅，魚餅魚味濃，也有香茅的香味，令到味道提鮮，惹味而不油膩。令一款春卷入面是蘿蔔絲素菜，也不錯。主菜方面我們點了一個咖喱法包軟殼蟹， 農夫包焗得脆邊，但裏面仍保持鬆軟，沾上咖哩特別開胃，加上咖喱有香濃的椰奶香味，不會太辣。而軟殼蟹份量也不少，脆卜卜。我們也點了個鮮芒海鮮炒飯，芒果真的很新鮮，而且又多又甜，炒飯有大蝦仁和魷魚，算挺足料。加上炒飯炒得很乾身，有穫氣！最後我們點了椰汁西米糕拼泰式千層糕，椰汁西米糕仍是我最愛，椰奶香甜，加上西米和粒粒芋頭，很有口感。而千層糕也很好，有淡淡斑斕香味，煙煙韌韌，甚有層次。整體來說，每道菜味道也很好，「泰有風味」，看到有其他人點明爐蒸魚,也很吸引，下次再試！

今日在元朗發現九龍城的小曼谷新開， 見到午餐，下午茶價錢實惠，門口排長龍，當然要吃啦(￣∇￣)等了半小時可以入坐，午餐同下午茶同時都有，約40-58元配飲品 另一個10大必食至筍推介餐牌，真的很吸引最後我們選了散叫，因為我要想吃小食比較多，朋友想吃原隻泰式燒鮮尤，配上泰式酸辣汁，真係好刺激，點少少都已經很又辣又酸。完全帶出鮮尤原味，尤魚肉軟軟，邊燒得脆，點點燒烤香味，如果配上啤酒更舒心，因為下午所以我們不想要啤酒，改要了地道龍眼冰和消暑的青檸可樂龍眼冰黑糖水很潤，龍眼肉很多，甜甜的很適合女性。泰式燒羊架2件 $78羊架完全惹味，而且不羶。肉質粉嫩7成熟左右，口感軟腍，完全停不了口，還追加.看看熟成度，真的掌握很好，有肉汁芝士炸蝦丸 $85 3粒 拳頭禁大蝦丸真係小曼谷先有。無論大人小朋友都抗拒不到，彈牙加芝士誘惑，必食的。最後我們再點了新出蟹肉雞絲魚肚羮 $92因為見到鄰枱的朋友餐內有魚肚羮的，而他們說很好吃，所以我要就跟著點了。分量太多了，足4人有6碗左右。 魚肚真的很多，有雞絲，蟹肉碎，味道像碗仔翅，胡椒味很強，淋上紅醋奇怪的事就發生，蟹肉味濃起來。所以大家記得加醋！因為提升了很