小曼谷泰國美食 (教育路) (已結業)

平時去開九龍城食既小曼谷，估唔到入到嚟元朗開分店，今日去開元朗shopping, 先至發現！店內樓底高，空間感好，細檯較多，我哋嚟到既時間都要排左一陣先有位！我哋食緊既時候見門外keep住有人等位！建議如果要食都係早d嚟好d! 餐廳提供左各式各樣既泰式食品選擇，由沙律燒烤到炒粉，海鮮等等。。。為左方便客人選擇，餐廳做左d好精緻既精選餐牌，介紹佢哋既特色美食！ 飲品首先送到！我叫左杯泰式奶茶！ 茶味香濃，大致同泰國飲到既差唔多，分別在於呢杯奶茶甜度恰到好處，唔會太甜！適合鍾意飲泰式奶茶又唔想太甜既朋友！女友叫左杯芒果椰汁沙冰，芒果味十足，酸酸甜甜十分開胃！如果夏天飲一定透心涼！餐廳上菜速度都頗快，飲品嚟左無耐，餸菜已經送上！我哋叫左3 個小菜一個甜品，都係餐廳既熱賣美食！先嚟既有青咖哩雜菜， 耶汁味香濃，令到入面既雜菜都非常清甜！跟住有鑊氣十足既泰式鮮蝦炒金邊粉！ 少少辣，唔油膩，加埋d青新既青檸汁，十分滋味最後送上既主菜係泰式柚子沙律，柚子酸酸甜甜已經非常開胃，再加上d辣囝同非常香脆既花生，非常惹味，一個沙律集合晒 甜酸辣3 種味道！ 最後又點會少得食泰菜必食既椰汁糯米飯，大大個芒果加

知道小曼谷開左喺附近一段時間，想同另一半來好耐，一直未有時間，是日完成工作之後，就過來試試佢。餐廳當時客人唔算好多，店員好快幫我安排好位置。鋪位有d細，但元朗好多小店，都係咁上下格局。點左幾款野試，大約半個鐘內，就已經上齊哂，速度剛好。整體服務良好，仲幾貼心添，我同另一半都覺得非常可以。冬蔭公湯冬蔭公湯85蚊，可以接受嘅價錢，而且味道都唔錯，材料幾足，裡面有大蝦、香茅。味道酸酸辣辣，幾惹味泰皇咖喱海鮮點左個咖喱試下，睇番其他人講話係招牌，都幾好食呀。海鮮夠足料，有大蝦、大蜆，仲冇青口同魷魚，唔會好鹹，送飯或者點麵包食都ok泰式蒜蓉包原本冇諗住點，但見個咖喱幾好食，忍唔住都叫個包，正呀，香脆度高泰式拼盤點個拼盤分享，細份都夠食，百零蚊，樣樣野都有d。有蝦餅、魚餅、札肉、春卷都有，新鮮炸起，又熱又脆。青檸菠蘿沙冰沙冰比較淡。椰青

今日男朋友生日，而我又很想食泰國菜，所以等男朋友收工就去元朗附近找找有什麼泰國餐廳。竟然比我們發現了九龍城的小曼谷開到了元朗！*燒安格斯西冷牛小排（$168）這個西冷牛小排非常西式，但個人認為真的非吃不可！這個西冷牛小排半成熟，中間還有很多肉汁；肉質很淋，配上秘製的醬汁，很有泰式的風味。*明爐蒸桂花魚（$208）因為最近真的很少吃魚，出面吃的確貴一點，但工夫是家裡做不到的。桂花魚很滑，魚肉彈牙；浸著魚的湯很鮮，又帶點酸味，很開胃。*泰王咖喱炒海鮮（$178）泰式的咖哩很重椰子味，而且這個咖哩不辣，所以很適合不吃辣又想一嘗咖哩味的人。很足料，有青口、蝦、蜆和魷魚；個人最欣賞咖哩汁不會太稀。*泰式蒜蓉包（$28）有咖哩點可以沒有蒜蓉包！蒜蓉包很香，又烘得夠脆。*椰青（$37）椰青很清甜！

以往吃好味泰菜，總要千里迢迢到九龍城，沒有地鐵直達，交通不太方便。沒想到有九龍城的泰菜在元朗開設分店，真的要去試一試。泰式大併盤有札肉, 蝦餅, 魚餅及春卷，每樣各3件。老婆最欣賞蝦餅，炸得香脆彈牙，蝦味濃郁。我就欣賞魚餅，內裡有淡淡冬蔭公味道，非常有泰式風味。泰皇咖哩炒海鮮海鮮款式多，有大蜆，大蝦，魷魚及青口。味道不算辣，但咖哩味香濃，迎合港人口味。原隻椰青海鮮焗飯用新鮮椰青焗製，飯內有淡淡椰香，蝦肉清爽鮮甜，值得推介。芒果椰汁沙冰天氣漸暖，這個沙冰非常透心涼，芒果與椰汁味道得匹配。青檸菠蘿沙冰老婆盛讚非常好喝，青檸與菠蘿味道配搭得宜。

以前去吃小曼谷泰國美食都要山長水遠去九龍城，現在方便多了，終於衝出九龍城，在元朗開設分店，超近我們家，如果想吃小曼谷的泰國菜，去元朗店就可以。著重吃菜的媽媽一定要最少點一碟泰式馬拉盞炒通菜，沒想到這惹味鮮香，爽脆無比的炒通菜竟然打動到不愛吃菜的弟弟，他一口接一口的吃著。我驚訝說簡直是奇蹟，他說這泰式馬拉盞炒通菜鹹香得宜，令他吃上癮。泰式鐵板蠔餅也是另一亮點，蠔餅用筷子敲會發出脆脆的聲響，太酥脆吧，而且亳不油膩。蠔仔更是每顆肥碩飽滿，當咀嚼時，蛋香與蠔鮮在唇齒間竄出，讓我們非常滿足。鮮菠蘿雞肉炒飯沒有加入太多調味，主要靠食香炒提味，味道恰到好處，雞肉滑嫩，用料扎實，飯粒粒粒分明且吸飽了鮮菠蘿的甜美，吃到炒飯的原味，弟弟則最愛把蓬鬆的肉鬆混在一起吃。蟹肉雞絲魚肚羹上桌一剎那，豐富的湯羹迎面而來，我們都大讚它名符其實，用料極大方，每一口都嚐到蟹肉，雞絲，魚肚，令全家食指大動其鮮甜，我們更是第一次不用拌醋調味已覺得好吃的湯羹。蟹肉，雞絲，魚肚燉煮交錯出來的滋味，回味無窮。火紅色澤的辣椒膏炒海鮮，我預備好我的胃了，哈哈。海鮮醬汁惹味香辣，足以讓味蕾開懷，胃口大增，媽媽就是喜歡它辣中帶甜的緩衝。海

係九龍城成日見到都好多人排隊... 今次經過元朗終於有機會食喇！8點半黎到都仲係好多人，等左一陣先有得入～先嗌左椰青解渴，$37個，大大個同幾多肉😋明爐蒸桂花魚$208: 魚肉好滑，加埋泰國香料一齊煮，酸酸辣辣好開胃！不過煮多陣會更入味，等15分鐘先食就最正😆咖哩炒虎蝦$178: 惹味咖哩汁加四隻大蝦！隻隻都超級大，配白飯一流！燒安格斯西冷牛小排$168: 有驚喜！估唔到泰國餐廳整牛排都唔錯！岩岩好熟，肉質仲好軟，加埋泰國醬汁，別有一番風味！食左勁多野😂😂價錢都合理，唔掛得知九龍城店咁多人排隊！下次要試埋主店先

放工後到元朗逛逛街去發現了到這間新開的泰國餐廳原來正是九龍城小曼谷的分身喜愛泰國菜的我欣喜若狂 以後又有多一個選擇了進店先點了我最愛的肉碎生菜包肉碎混合了不少泰式香料味道酸辣惹味香辛用爽脆新鮮的生菜包裹有著令人感到滿足的口感另一主打泰皇咖哩炒海鮮份量巨份可多人分享有鮮蝦魷魚青口蜆肉等海鮮咖哩混有滑蛋口感較為溫和有咖哩總不能不點泰式原味烤薄餅燙手的薄餅脹卜卜沾上咖哩後食用滋味無比再點了一份牛油蒜蓉燒蟶子蟶子大隻味道超鮮甜蒜蓉的香氣更加令人食慾大開最後各人也捧著肚子滿足地離開

九龍城對我地黎講，實在太長途跋涉，原來名物小曼谷已經殺到入黎元朗，住喺附近嘅朋友都已經同我提過無數次，假日就搵機一試餐廳近教育路，估唔到新開冇耐就已經咁好生意，加上店內位置唔多，好在最後一張近門口位被我地坐到，否則都要開始等位。位置間分佈稍密，大家坐得親熱啲囉。近門口位置有大玻璃，可以直接見到店員燒烤，一來感覺衛生啲，二來可以聞到串燒嘅香氣因為我未食過九龍城店，唔知道有咩招牌，都係點番想食嘅。餐牌選擇豐富，有小食、沙律、串燒、咖喱、海鮮、蔬菜、飯麵等。平日午市有套餐，十款有飯有麵，定價$48-58，附送飲品，都算相宜泰式拼盤 $112/小拼盤有炸蝦餅、魚餅、春卷、扎肉，二人份量。炸蝦餅粉唔會好厚，即時炸起，非常薄脆，而且入口彈牙，質素唔錯魚餅幾鬆軟，唔會偏撻撻，又有少少香茅味，沾啲泰式醬係基本。扎肉薄身，煎得剛好。春卷四作，中規中矩，起碼唔會油膩式者淋，仲幾脆口。泰皇咖喱炒海鮮 $178本來冇乜頭緒，打算叫辣椒膏炒海鮮，但店員介紹我地可以試下咖喱，話係呢度招牌啊，仲建議我地可以配搭埋蒜茸包食添，即管跟佢提議，果然冇介紹錯，認真覺得兩樣都幾好食呢咖喱炒海鮮賣相大體，見到有明顯兩隻開邊大蝦

九龍城的美味在元朗 ＠小曼谷 小曼谷是我最喜歡的泰菜餐廳之一 ，我久不久都會去九龍城食飯，早二日路過元朗教育路發現 原來元朗都開新店，趁練習完就和 partner 就到小曼谷試試看 小曼谷就在劇院附近，嘉誠商場對面 ，非常易搵。想不到新店竟然勁多人，幸好等了一會就有位了 店內位置不多，有點似茶餐廳格局，比九龍城店小很多， 價錢方面同九龍城差不多，可以點餐或散叫 點餐最抵食，不過沒有我心愛的食物，最後還是決定散叫！ 裝潢和用具和九龍城店一樣～ 椰青 ＄37 食辣最好都係飲椰青 ，可以解辣而且天然，這裡椰青很夠凍清甜 青檸梳打＄３０走甜真的很酸 ，但好ＲＥＦＲＥＳＨ！不過下次還是叫少甜好～ 椰青海鮮焗飯 ＄９２ 每次必食！每次點完，附近都會有客人跟住點，其外表真的好好看，有點似甜品的造型，上面淋滿椰漿 ，非常好送飯 ， 入面有大蝦、菠蘿、提子乾、 炒蛋、帶子 ，平時不喜歡吃飯的我卻會食上幾碗。 燒安格斯西冷牛小排＄ 168 這個價位非常超值，份量之多而且牛肉燒得火候非常好，不會過生或過熟 食起來肉味濃郁，口感腍而且多汁，令人回味 明爐蒸桂花魚 ＄208 雖然魚

今日同家人經過 行行下諗緊食邊間 見到小曼谷泰國菜 即時入去坐低坐低後 即時叫柸芒果沙冰 大大柸$36蚊 好香濃芒果味 推介泰式鹹魚炒椰菜苗 鹹香好惹味 椰菜苗爽口冇渣 正菠蘿雞肉炒飯 撈肉鬆 飯特別的有提子 加埋飯一齊食好好食泰式咖喱髮包軟殼蟹 咖哩香濃 再加麵包撈咖哩汁 冇得輸 我覺得主角係個包同個咖哩汁燒安格斯西冷牛小排$168 呢個真係超好食 燒到岩岩好 肉好淋軟 牛味濃 叫左呢碟餸係大人小朋友都最愛 最快食完既一碟 haha 見到家人小朋友食得咁開心 自己都好開心 其待下次再約朋友去食😎

朋友好似半個泰國仔，成日都要食泰菜，年年都去幾次bangkok，佢話未夠期回鄉，又掛住家鄉菜，今次近近哋陪佢喺元朗食個泰菜頂下癮先。元朗泰國餐廳我哋都試勻哂。反而未食過九龍城名店小曼谷係元朗新開嘅分店，一於試下先。先整個泰式特飲，呢個芒果椰汁沙冰好香甜。再叫左個泰式青檸梳打，不過呢個青檸梳打唔係好有夠氣同埋都幾甜。泰式生蝦正呀！大冬陰功湯，分量夠曬五六個人飲， 酸辣到適中，入面仲有幾隻大蝦。邊爐魚用上桂花魚都幾重本，幾特別。湯底估佢唔到原來都幾辣， 桂花魚肉好甜好嫩滑。泰式鹹魚炒椰菜苗，椰菜苗好爽嫩。咖哩軟殼蟹法包好正，咖哩味夠香濃香甜，法包好軟熟一啲都唔硬！終於唔使去九龍城都食到小曼谷！

元朗泰國菜十間有八間我都食過！今日朋友打比我，話元朗開左小曼谷，叫我去試下同平時我地食開幾間比較下，所以今日帶同家中大細一齊食～地方比較細小，但也坐得舒服～首先點左我最愛既生蝦～生蝦也厚肉大隻，我一個食左3隻冬陰功湯味道濃，不會太辣，也有幾隻大蝦，媽媽不喜歡辣都追飲兩碗～咖哩軟殼蟹包，軟殼蟹份量多又足料，麵包亦有些少脆感～小食拼盤，春卷夠香脆，蝦餅大件，蝦味濃又彈牙～泰式鹹魚炒椰菜苗，味道剛好，椰菜苗好新鮮，有爽口感覺，不會抄過火～菠蘿炒飯，有雞肉，多菠蘿粒，提子乾，味道好，夠火喉，抄得好！泰國菜比較濃味，一般食完回家也比較囗喝，但今次沒有，比我想像中好，我地四位只點了幾款，份量足～下次可以同姊妹們黎潮聖一下～

今日又喺元朗食好西。好耐無食泰國菜，原來小曼谷喺元朗開咗分店，一於去試下。餐廳喺教育路，面積唔大，但麻雀雖小，五臟俱全。見到有幾個泰國廚師喺個唔大嘅玻璃廚房度，煮出各種食物同沖調唔同特色飲品，amazing😉， 賞心悅目。兩公婆叫咗咖喱炒虎蝦，明爐香檸汁蒸桂花魚同燒安格斯西冷牛小排，仲有2個椰青。椰青又大又清甜， 雪到冰凍的。食泰國菜配椰青，絕對是應知道的常識， 正😍碟咖喱炒虎蝦有2塊臉咁大，虎蝦好大隻， 鬼咁新鮮， 肉質鮮嫩又彈牙，咖哩香濃唔辣，佐飯一流， 最後連蝦頭啲汁都啜到乾乾淨淨 ， 食落還有少許蝦膏，非常香口 。👍👍👍平時食開明爐烏頭，比較少見明爐桂花。桂花魚很新鮮、魚肉嫩滑，用泰式酸辣嘅湯浸住好惹味， 酸辣味配上肉質鮮嫩，新鮮味美。 yummy😋😋😋不得不提燒安格斯西冷牛小排，味道似喺西餐廳食嘅燒西冷牛扒咁， bbq食法 ，香濃有肉汁，充滿驚喜，極力推介。

難得元朗開咗間小曼谷唔使下下出到九龍城食 真係覺得好開心呀，本來我就好鍾意食泰國嘢另外呢度仲會有啲套餐可以點，啱食嘅其實都幾抵食點咗個咖哩海鮮 都幾足料下， 青口，大虎蝦，大量既鮮魷， 大蜆😋😋， 全部都好新鮮又大件食咖哩點可以冇蒜蓉包呀 ，上面加舊魷魚一齊食， 簡直頂呱呱啲咖哩汁用嚟撈飯又係食到停唔到口潮州打冷就食得多筍殼魚 ，反而食泰國菜就好少點筍殼魚食， 估唔到泰式嘅木瓜筍殼魚酸酸甜甜， 一啖魚一啖木瓜絲同花生 咁食法 又另一番滋味，好特別椰青焗海鮮飯， 唔講以為呢個係一個甜品， 睇見啲椰醬滿瀉曬溜到出嚟 好誘惑呀， 再撈埋啲飯一齊食甜甜哋就真係有啲似甜品嘅感覺喎😂😂最後食埋 班蘭椰汁糕煙煙靭靭口感不錯兩個人嚟食真係食唔到多嘢 食少少已經好飽啦下次要約多幾個朋友一齊嚟試多d款式先

每次經開九龍城嘅小曼谷， 我都好想入去大拆一餐泰國菜， 但係每次都見到門口有好多人排隊，會因此谷步。 元朗人真係有口福，本身元朗都有唔少好嘅泰國菜，依家連小曼谷都進駐埋元朗，即刻要去幫襯下！黎到梗係要點返個椰青37蚊！超甜呀！甜到我連椰肉都食埋。朋友點嘅係生啤， 68蚊一大杯，朋友話啤酒好香純。呢度竟然有燒脆皮白鱔 98蚊兩串！ 白鱔出面真係唔多地方有得食，呢度有就點都要整番兩串！ 白鱔個皮真係燒得好脆，鱔肉好肥美！泰式黃金蝦168蚊，又係做得好好！鹹蛋味好香濃！蝦好大隻，一碟有4，5隻大蝦， 蝦肉好爽口! 蝦片新鮮炸起好香脆！再嚟多個菠蘿雞肉炒飯74蚊， 有菠蘿提子乾一齊炒嘅飯特別香甜， 配料份量多，菠蘿同雞肉都好大粒。今晚肚仔唔夠quota試埋佢啲甜品，下次要黎試埋佢先！