小曼谷泰國美食 (教育路) (已結業)

泰國小曼谷，相信大家一D都唔會覺得陌生，香港人鐘意食泰國菜，今次就黎左元朗呢間新開嘅小曼谷，試下港人最喜愛嘅菜式啦。泰式鹹魚炒椰菜苗，未食都聞到鹹魚嘅香味，菜苗新鮮炒得夠鑊氣之餘，鹹魚嘅鹹味又岩岩好。豬肉碎生菜包，雖然係好簡單嘅菜色，但半肥半瘦嘅豬肉碎，加上洋蔥，辣椒，芫荽一齊炒，唔多油，用黎送飯或者啤酒都係一流啦。泰式燒盲鰽，唔鐘意食多骨嘅魚，盲鰽就岩晒啦，魚身釀左香茅，打開就香噴噴，條魚唔會燒得過火，魚肉鮮嫩，配合獨有嘅酸辣醬汁，真有泰國風味。飲品揀左兩杯必選嘅，泰式青檸梳打同青檸菠蘿沙冰，酸味味，夠曬開胃同解渴呀，無得輸🤣🤣其實一入門口，待應都好有禮貌招待，見到唔食得辣嘅客人唔記得走辣，更會主動更換，面帶笑容，服務不錯👍餐廳環境不錯～

九龍城名牌泰菜來到元朗了。裝修跟九龍城的差不多，傳統簡約，泰國風味為主，算坐得舒適。泰脆豬手 $208嘩！好大隻啊。炸到脆卜卜的豬手，個皮酥脆程度好似薯片咁，肉外層焦香，中間嫩滑咸香。豬手已起骨拆肉，啖啖肉更滋味。個底仲有炸蝦片。沾埋個辣辣地的醬更美味。泰式燒原隻鮮魷魚 $113外層香烤的味道，中間是柔軟帶甜的魷魚肉。蒜爆胡椒炒虎蝦 $178大大隻的虎蝦被爆香的蒜蓉和胡椒包圍著，超級惹味，鑊氣十足，連個殼都想食埋。青芒絲伴筍殼魚 $178筍殼魚炸到脆卜卜，肉質保持嫩滑，配酸酸地的青芒果絲一齊食，幾開胃。泰式咸肉炒椰菜苗 $83爽脆的椰菜加埋咸肉一齊炒更惹味，頗夠鑊氣，不過整體略油。椰青海鮮焗飯 $92造型可愛的海鮮焗飯，椰青內堆滿香濃的椰汁飯，甜甜地，同時又有海鮮咸咸地的味道。兩者放埋一齊又幾好味。椰青 $37青檸七$36泰啤 $32

元朗四處也有不少美食，日式、西式、中式隨處可見。但最近泰式、印度菜等也越開越多，今天就先吃泰國菜看看。泰式生蝦刺身 hkd98生蝦隻隻晶瑩剔透，夾著蒜頭及紅椒，肉質彈牙爽口，帶點膠質，新鮮清甜不腥。椰青@hkd37勁甜椰青水，喝下香甜清爽解渴消暑。泰式飛天炒通菜 hkd78通菜鮮嫩，泰式醬汁香濃微辣，入味十足。明爐香檸汁蒸桂花魚 hkd208泰式明爐烏頭比較普通，所以打算試下桂花魚。桂花魚肉質超嫩，入口魚鮮帶檸香微酸甜。泰皇咖喱法包軟殼蟹 hkd158上桌時咖喱法包跟軟殼蟹分開放，咖喱倒滿法包內。蛋黃質感柔順輕盈，咖哩入口綿綿香滑，味道濃郁微甜，咖哩香配上蛋黃鮮味，化在嘴里。軟殻蟹炸至酥脆，蟹沾上咖哩再配上滲透咖哩的香脆法包，滿足。值得一提，店內服務超好，手腳快速，上菜時間短，不用怎樣等待。

係新界呢頭生活的朋友仔話我知，平日佢好少機會出九龍城，如果想食泰菜，都會食返呢間係九龍城進駐入黎的小曼谷。今日佢帶咗我黎呢度食飯泰式炒蠔餅，呢碟好新鮮，蛋醬同肥大大的蠔炒埋香噴噴，隔離枱都係咁望無嗌錯大大隻肥蠔泰王炒咖哩海鮮，好美味呢！勁足料，有大蝦、魷魚、青口、蜆肉，全部都肥美，咖哩汁撈飯一流。好大隻蝦！明爐青檸汁蒜蒸桂花魚，佢係連埋個爐一齊上，可以保持住條魚熱。辣椒同香蒜加埋好惹味，有泰國特色。魚肉鮮甜酸梅七，開胃

元朗是一個新舊融合的地方，我已經有一段時間沒有來，自從上次在元朗吃到美味的潮州菜之後，對這個產生了好感，今天決定來個元朗一日遊。在附近逛街時，搜尋到原來附近竟然有間小曼谷，這間食肆在九龍城吃過，覺得不錯，自然要試試。這裡裝修設計和九龍城差不多，都是排排坐，座位約有三、四拾個。芒果沙冰$36，芒果肉加冰，打碎後沒有加水，芒果甜度適中。青檸梳打$30，青檸🍋味道十足，酸酸甜甜，是吃泰國菜必備飲料之一。泰式生蝦刺身$98，蝦肉爽口彈牙，配上青檸辣椒汁，就更加好味。不過點少少就好，因為青檸辣椒汁的辣度偏高的。極上燒安格斯西牛小排$188，外面燒得有點焦香，內𥚃保持約五成熟，肉質有點嚼勁而不會靱，加上醬汁，味道更加好。泰式燒盲鰽$138，用鹽包著燒，鹽令道魚的味道更鮮甜，撥開魚皮之後，魚肉保持肉汁，而魚肚內的香茅味，令魚沒有一點腥。配上青檸辣椒汁，味道層次再上一層。這裡的菜色味道保持得很好，服務比九龍城還好，下次再來元朗，必定再吃一次。

今晚去到出名多好嘢食的元朗教育路，嚟到呢間小曼谷食晚飯。餐牌有好多頁，都幾多選擇，望落好多款都好吸引。小曼谷炒飯 ($80) - 一上枱已經香氣撲鼻，炒飯被薄蛋皮包住，賣相漂亮，材料包括，蟹柳、札肉、豬頸肉、蝦、番茄、等等……夠鑊氣，香口好食。青芒絲伴筍殼魚 ($178) - 筍殼魚外面炸得香脆，魚肉鮮嫩，配上酸酸地嘅青芒絲、香脆嘅花生、香口嘅蝦米同酸味味魚露，水準之作。泰皇咖喱法包軟殼蟹 ($158) - 夠晒大碟，軟殼蟹香口鬆化，法包外面香脆，配上香口咖喱，好味抵食！椰青($37) - 新鮮大隻，清甜清涼芒果椰汁沙冰 ($36) - 芒果香濃，順滑好飲。

通常好多好評嘅餐廳我都唔會特別去寫食評 反正唔差我一篇 但餐廳內有位戴cap帽及眼鏡嘅長金髮女員工實在太好人,要大力讚一黎到餐廳可能得返我一個訂座所以佢講得出我個姓 當我坐低又幫我拉開d張檯驚我唔夠位 後尾落餐唔係佢 但另一位男員工都好有禮貌 之後問女員工拎水 佢見我大肚又問我要暖定熱水 之後見佢serve其他檯 又會做唔同推介比客人 講得出一份幾多件 對餐牌好熟悉食物就當然好食最正係蝦餅 青咖喱都好味

金邊粉不是我想像那麼濃的味道泰式奶茶似那種即沖粉加水個人覺得那椰汁糕不太甜，但未至於好好食整體應該適合那些不喜歡重口味的人仲有附送冬陰功湯，雞串比較滑嫩，但豬串有點乾可能期待有點高，所以有點點失望

晚市好多人都訂咗枱，好在人少易等，兩位等10分鐘就入得。叫咗個青咖喱豬，對於唔太食得辣嘅我就覺得麻麻地，豬肉都冇咩特別。叫咗一碗飯黎撈咖喱汁，但食完飯都仲有好多咖喱汁剩，所以後加左一個原味烤薄餅，薄餅冇影到相，但係都幾好味。叫咗一串豬肉同埋雞肉，燒得幾香，我比較鍾意食雞肉多過豬。呢個牛油蒜蓉虎蝦好正，好香蒜蓉味，點埋泰式辣醬更加好味。香燒扇貝同上面嘅虎蝦係一個套餐， ＄198有呢兩樣餸，帶子都燒得好好味，而且幾大粒。最後叫咗甜品，椰汁西米糕，但係西米糕得返四個，所以搭咗兩件千層糕俾我哋。呢個椰汁西米糕真係好正，甜到剛剛好，食完兩粒都唔夠喉，可以encore。千層糕係熱食，啱啱整起好熱，食落煙煙韌韌又幾好味，但個人比較喜愛椰汁西米糕。

突然腦海一閃,想起九龍城曼谷在元朗開業,就帶在元朗辛勞工作小比來試下,點了推薦3小碟加一個飯,先來羊扒,好嫩"要用手食先野味,唔騷,但羊唔騷總是怪怪地,哈再來是燒鰻魚,唔錯,皮脆肉滑芝士蝦球(小),好巨型,中間心是芝士,但不夠芝士味,蝦似尚算彈芽椰青海鮮焗飯,頂上很多椰汁,入面是椰青水焗飯,很入味椰青水新鮮清甜,肉有匙羹配備,可飲完吃埋總括來說,價錢比較貴,但食物物質ok,但在元朗區如果價錢合理一點更好

九龍城區一直是香港的泰菜集中地，除了香港的本地人，連外國的旅客也懂去九龍城區吃泰菜。當然，能夠落戶九龍城城的泰菜餐廳，自然水準也不差。當中很多更是大家心目中的名牌店。今天我來到元朗的小曼谷，這家源自九龍城的名牌泰菜在元朗剛開業不久的分店，試試她的午餐，作為測試她的水準的初階。這家店座落於嘉城廣場對面，也不難找。店面不大，可是由於是新開業的關係，店面也算光鮮。餐牌上的午餐套餐已經包含了泰菜基本的炒粉面，咖喱和燒烤口味的菜式。店家這個安排很聰明，可以以午餐的水準吸引食客進一步於晚飯時段回頭光顧，這正正滿足了我到來的目的。我選了最基本的泰式黃咖喱燒雞扒飯，配以我最喜愛的龍眼冰。這裡的套餐基本飲料有奶茶，咖啡等，另一喜出望外的是龍眼冰這一種一般餐廳會歸類為特飲的飲品也不用額外加收費用。另外上餐時還會附上一小碗冬蔭公湯。這個冬蔭公湯很鹹很酸，也没有什麼配料，可能有一些人會喜歡這種口味，可是我不喜歡。假如這個冬蔭公跟晚餐單點的是一樣的，這個我肯定不會點。雖然冬蔭公湯的體驗不好，這個咖喱飯完全使我忘記了剛剛的不滿意。咖喱很香，棷汁味道濃郁，雞扒份量很足，也有泰式燒雞獨有的燒烤香味。以$48的午餐來說

泰國菜一小聚，L小姐跟我也很久沒有吃泰國菜了，在元朗區開了小曼谷，真的是一大好消息，不用跑到外區到九龍城才有得吃泰國菜。餐牌中的種類有小食，沙律，海鮮，咖哩，粉麵，湯類，甜品，燒物及飲品。我們點了三種常見的食物，簡單一聚的晚餐。冬蔭功湯冬蔭功湯香茅南薑味香濃不嗆喉，入口酸辣互相配合，蝦肉鮮甜有嚼勁，湯頭微辣，蕃茄酸溜醒胃，正宗的冬蔭功味道，不油膩不嗆喉。上菜香氣撲鼻，湯頭濃郁，浮出一陣陣紅油，賣相也不俗。入口香濃帶嗆的冬蔭功味，湯頭酸辣味各半金邊粉色澤呈橙黃的，醬汁均勻地黏著金邊粉，醬汁香濃又帶點微甜，金邊粉有彈性，蝦肉彈牙。小食拼盤蝦餅彈牙，魚餅香口，春卷料多外皮香脆。

今日去左元朗食飯 想食泰國野所以去左有幾間分店嘅小曼谷 應該有啲質素保證叫左咖哩虎蝦加酥餅，青檸汁蒸桂花同埋飛天炒通菜咖哩虎蝦少少辣 蝦就唔算好大隻 蝦都好新鮮 口感都唔錯 爽口 咖哩汁好多 可以配酥餅或者蒜蓉包 我地揀左酥餅 酥餅係脆脆地 略嫌油左少少 不過配咖哩都好好食另外條魚 夠滑 有少少骨 佢個汁非常開胃 酸酸辣辣再加少少蒜味 好好食但係魚有啲細條 唔係好多肉 唔係好夠喉😂😂通菜都唔錯 味道唔會太咸 都好食因為天氣好熱 所以叫左2個椰青椰青超甜 好解渴 係好清甜 十分推介

成日啲fd都話要入九龍城食野，但早排元朗開左九龍城都幾出名既個間小曼谷，就可以慳番啲力水啦！今次就約一約朋友去一試啦等位時已經見啲廚房姐姐都係正宗泰國人，特別親切！今次一行必點係生菜包，份量都幾多，肉汁幾多，唔會太辣，酸味又balance我幾鐘意～但都order左杯沙冰爽一爽，好濃芒果味呢！另外咖哩軟殼蟹都好惹味，軟殼蟹啖啖肉，又唔會太油膩！最正係用脆脆地既農夫包蘸啲咖哩食～外脆內軟既口感！軟殼蟹既量都幾多～依個時候有碗飯就最正啦！最後嗌左芒果海鮮飯增添飽肚感，芒果大大粒，又甜又咸估唔到咁夾！海鮮有帶子、魷魚、蝦等等，都幾豐富！下次再食泰國野都可以翻桌！

小曼谷開到嚟元朗，元朗真係就嚟乜都有得食😂.其實我真係幾鐘意食泰式生蝦刺身，點辣汁食，超級正😆不過去泰國菜餐廳叫生蝦刺身，通常都比較貴，除番都要十幾蚊一隻🤔我有朋友會自己整生蝦刺身，只需要解凍雪藏生蝦刺身，再買支泰式辣汁，就搞掂，成本低好多😂.本身見到一份咖哩法包軟殼蟹要$128覺得有啲貴，但嚟到之後見到實物就覺得都ok，因為份量都幾足😛炸軟殻蟹大大隻，加上法包大大個😛點埋咖哩汁食，好難唔好食😆仲有每次去食泰菜基本上都會點pad thai同冬蔭功湯😋