小曼谷泰國美食站

营业中

休息中

6月份同舊同事食飯,大家都好耐無見,因為少左出街食,天氣又熱,最後決定食泰國菜,上網搵銅鑼灣小曼谷泰國美食站最近大家係Tower 535地庫,原來小曼谷泰國美食站係一個火車站有好大架火車係門口,難怪叫做美食站前菜先點左一份蝦柚子沙律,都幾大碟,4個人食都仲有淨酸酸地好好味,好多柚子咖哩大蜆,成張枱咁大碟真係估佢唔到蜆都好大隻,半隻手掌咁大SIZE$168真係抵食喎我鐘意用酥餅食咖哩特別香口入味之後再每人一個椰青,好凍涼又甜~

第二次嚟幫襯呢一間餐廳啦，佢有一架好靚嘅火車頭打卡位，今次我都係忍唔住再影多次😝😝今次餐廳加咗live Band，都幾有新意，係唱一啲我哋耳熟能詳嘅粵語歌。小食我叫咗燒豬頸肉，水準依然，份量好多，最後係食唔晒嘅🤣🤣呢樣嘢食一定係必叫嘅😉燒得好！今日太肚餓啦所以叫咗兩個飯，一個係海南雞飯，另一個係菠蘿雞肉炒飯。海南雞飯嘅雞肉鮮嫩，如果可以熱多少少嘅話我會更加鍾意食😉😉個醬汁偏辣，食得幾過癮！菠蘿雞肉炒飯超大碟，我幾鍾意佢蔬菜嘅配搭，有幾層滋味😊😊不過冇諗過佢咁大碟，加埋海南雞飯嘅油飯又係好多，所以最後打包咗少少。馬拉盞炒椰菜苗，椰菜苗比較嫩，好快就俾我哋食晒，同馬拉真係好夾嘅！食泰國菜點都要叫啲凍飲先得，今次叫咗杯芒果沙冰，我覺得兩個人share飲都OK，因為都的而且確幾大杯下，我鍾意佢有啲芒果粒係入面😘

返工做到八點幾先收工，我個朋友叫我放鬆吓同我嚟食泰國嘢，見到咁多好評我本身都係滿心歡喜。我地嗌左半隻海南雞($148)同埋一條泰式燒盲鰽($178)，海南雞嗌左2分鐘之後就上菜，因為係本身已經煮好嘅。嗰條魚等咗大半個鐘先嚟，等緊嘅時候我問個侍應啲野食幾時先嚟齊，佢話因爲條魚要由生燒到熟所以要耐啲😅 點知條魚嚟到係霉嘅。。。問咗佢兩次想拎杯水都冇俾過我，仲要黑我面。。。成餐飯最勤力都係唱歌嗰個，oscar唱莫文蔚首呼吸有害幾好聽🙂

係呢到食嘢，享受美食，開心時刻又有live band陪住你，懷舊動聽動人的歌曲⋯⋯由於較早前疫情問題，多個月未有音樂演出，而家情況好轉，係時候又要去Encore聽下歌食晚飯⋯⋯歌手唱歌悅耳，感人動聽👍👍👏👏環境和招呼更是舒適享受..........食物當然也是出色👍👍👍👍👍👍———————————————————-🔺黃咖喱海南🐔雞——咖喱🍛又香又滑，椰香味道更令咖喱香味特出，咖喱雞、洋蔥🧅、青椒、紅椒、薯仔🥔⋯⋯等等味道出色的咖喱，配合埋其他食物做配料，更是惹味和滋味😋😋———————————————————🔹蒜蓉🧄包——又香又熱散發出烤香了的蒜🧄蓉包香昧，誘人😍————————————————————🔸蒜🧄蓉牛浀焗青囗——配料蒜🧄頭可算是製作食物的百搭，只要有🧄蒜蓉的食物，香氣撲鼻，令食物更加誘人，再配合埋牛油🧈的烹製，加埋廚師的配料製作，天衣無縫的味道😋————————————————————-🔺小食拼盤（細）——超抵食，細既都咁大碟，只係百幾蚊，有春卷、蝦🦐餅，魚餅、什菜餅、每款切開四小件⋯⋯切開4小件都好大件超級抵食，真係飽到可以捧腹 🤣🤣⋯⋯1-春卷——皮脆餡多，什菜絲夠爽，

不得不介紹的一間高質泰國菜，食完保證驚喜萬分。泰式生蝦刺身 (HK$128)每次食泰國野必點系列，生蝦一碟六大隻，厚肉爽口，鮮味十足。生蝦必須要配上蒜片辣椒及酸辣汁，口感豐富味道出眾。泰式燒盲曹 (HK$178)以粗鹽烤焗的盲曹，魚身肥美飽滿，外焦內嫩。師傅很貼心的將魚皮切開，所以一揭開便可進食。基本上盲曹魚骨不多，啖啖肉，魚肉細嫩幼滑，配上店家的酸辣汁，令人食不停口。泰翅 (HK$99) 一小鍋的泰式魚翅湯，熱辣辣，加上泰國胡椒粉，小葱芫茜，生芽菜，泰式辣醬，將中式食品卻配上泰式風味。泰式鮮蝦金邊粉 (HK$98)炒金邊粉乾身有獲氣，酸酸甜甜很開胃。鮮蝦食落爽口又彈牙。食泰國菜當然要飲返支泰國啤酒啦，美味食物配上一杯冰凍啤酒，這就是人生。

不能錯過的港島小曼谷.同朋友係銅鑼灣想找一個坐得舒服的地方食飯聊天，小曼谷絕對是首選，位置方便，座位寬敞，間中更有live band，情調十足。.食泰國野不能錯過的當然是咖哩。經待應推介，order 了泰皇咖哩炒大蜆。黃咖哩甜甜又不會太辣，花奶及椰香味重。大蜆份量頗多，約十大隻，而且煮得不會過老，肉質鮮嫩。.蒜蓉包烤得香脆，但中間卻軟熟鬆化，配上咖哩一齊食，食過番尋味。.由於咖哩太好食，再叫一份泰式原味烤酥餅配咖哩食，咖哩薄餅這組合，永遠都是perfect match ! .泰式鮮蝦炒金邊粉，鮮蝦一點也吝嗇，有數隻爽口彈牙的鮮蝦。 金邊粉裏面有不少蛋絲，蔥花，芽菜，花生等配料，味道酸酸甜甜，口感同味道都好豐富。 而且金邊粉麵質Q彈，炒得有獲氣又不會太油膩。.用新鮮西瓜即叫即榨，清甜解渴，夏天炎炎最適合不過。

銅鑼灣謝斐道不嬲都多好野食今次黎左小曼谷食好野！今次我地4個人食都叫左唔少野首先有食泰國野必叫既酸辣鳳爪同生蝦個人鍾意食泰國野因為味濃又有特色而佢衣個鳳爪酸味都幾足同埋我都幾欣賞佢夠凍生蝦有蝦味，亦都幾新鮮調味料方面除左有蒜片之外仲有辣椒味道提升左一個層次因為有d泰國鋪係唔會俾辣椒的平時自己食泰國野就鍾意飲冬蔭公湯今次友人就推介我地試下衣個椰子雞湯幾好wor有d驚喜，椰子味夠但唔會太“留”d雞都算滑跟住黎到今餐我最滿意既生菜包本身好怕食到d生菜包淡味而衣個生菜包就夠晒惹味啦酸辣度好夠同時又平衡得幾好讚！另外為左飽肚我地叫左3樣飽肚野食分別係炒飯，薄餅同蒜蓉包炒飯算有鑊氣搭配芒果食都幾特別薄餅係淋身既一種算係泰國野食中比軷特別既存在蒜蓉包只要夠蒜香同脆基本就已經係好食最後因為無乜肉食既關係我地叫左d串燒食點左佢俾我地果個泰式燒烤醬整體都燒得好食其中牛舌係厚燒值得一試整體而言小曼谷裝修靚地點又方便野食仲幾好食值得一試！

今日相約一位好耐無見嘅朋友出來聚舊，先行街，然後食晚飯。行到大約6點幾，開始肚餓，我朋友提議去小曼谷泰國美食站(銅鑼灣謝斐道535號Tower 535地庫B2舖)。 去到小曼谷門口就比好大架火車頭吸引住，不忘打咭留念，場內都放了好多別緻的裝飾品，好有懷舊FEEL，餐廳環境干淨舒服，座位寬敞，食物有地道泰國風味，而且價錢合理。我地點了3款菜:1) 鮮海蝦球沙嗲串燒海蝦沾上濃郁嘅牛油香，口感彈牙、嫩滑帶微微焦香味，蝦味十足。2) 泰皇咖哩法包軟殼蟹咖喱味香而不辣，軟殼蟹炸得外脆內軟不油膩，麵包好似一隻小船，盛載住滿滿的咖哩汁，麵包滲透了咖哩汁，咬落去脆脆外皮入面軟淋淋，超好味。3) 鐵板豬頸肉炒芥蘭(馬拉盞)香濃馬拉盞炒芥蘭，少少辣好惹味，豬頸肉厚薄適中，剛剛好，正。。。飲品榴槤沙冰~棉棉榴槤沙冰入面有絲絲榴槤肉，有口感之如，重有好濃榴槤味。珍多冰~濃濃椰汁味，美麗彩條好軟滑Q彈，重有大樹菠蘿條，好味。除了食之外，駐場仲有人即席唱live，真係好有放假FEEL。

真係好懷念泰國 今日出咗嚟銅鑼灣行完街 就食下泰菜頂下癮先 通常食泰國嘢會諗起九龍城 今日經過謝斐道見到tower 535有小曼谷個牌 原來喺地庫都有間小曼谷呀 真係好方便 去到餐廳門口就見到有架小火車 餐廳嘅座位都好似火車卡位咁 好得意 入座之前都會先探熱同搓手 好衛生 見到個餐牌好多嘢食 忍唔住兩個人都叫咗五樣菜 泰王咖哩法包軟殼蟹 $228見到個餐牌寫住熱賣就試下 不過今日冇法包就轉咗蒜蓉包 夠曬鬆脆 個咖哩出奇地好食 咖哩味濃郁 食落唔會辣 反而係好香 直頭以為個咖哩先係主菜差啲忘記咗啲軟殼蟹 軟殼蟹嘅份量都好多 點埋咖哩嚟食一流泰式炸蝦餅 $82 叫咗個細蝦餅 好彈牙 炸得岩岩好 蒜香胡椒炸雞全翼 $92好香胡椒味嘅雞全翼 餐廳好細心都幫我哋斬咗件分開雞槌同雞翼連翼尖 3大隻全翼 鋪面嘅炸蒜同辣椒 好好食 夠曬香脆 鐵板豬頸肉椰菜苗 $102食泰菜必點椰菜苗 配埋馬拉盞炒真係好正 好惹咪 加上呢度係鐵板上 夠曬熱辣辣 豬頸肉薄切夠爽脆 仲有好多片豬頸肉 呀泰式芝士烤薄餅 $48香氣撲鼻嘅芝士薄餅 未放入口就已經好期待 又有拉絲嘅感覺 芝士香濃 薄餅夠鬆脆 本身已經好飽 都忍唔

每年6月都係朋友豬小姐生日,今年去銅鑼灣食泰國菜,而家食飯通常都係選擇黃店,小曼谷泰國美食站好多店員都係年青人,店員真係十分有禮貌今次餐廳以火車為主題,有好大架火車係門口好似坐左係火車入面咁另外都有D火車擺設一人一個椰青,又大個又新鮮又天然椰青水好清甜飲左成晚都飲唔晒,堅抵飲豬小姐要食自己D FD叫左份豬手豬肉好軟,皮好滑,超好味,加左D香葉,增加香氣咖哩炒大蜆+酥餅咖哩好香,唔太辣,點酥餅食超好味大家都食得好開心,香港人的選擇

其實我真係好中意食泰菜，因為貪佢酸酸辣辣好惹味，今次行開銅鑼灣就試左小曼谷，餐廳用左火車頭做裝飾。原本想嗌船河，點知一早就已經售罄啦泰式醃粉絲海鮮沙律 $82(美味指數: 😋😋😋😋😋)最中意就係食海鮮沙律，酸酸辣辣好開胃，而且海鮮料超多青咖哩牛腩 $98(美味指數: 😋😋😋😋)青咖哩有好多料，微微地辣，牛肉都煮得好軟腍，簡直係泰國版偷飯賊明爐香檸汁蒸烏頭 $228(美味指數: 😋😋😋)泰式湯汁酸酸辣辣，另外仲會上多碗湯汁以防燒乾水，入面仲有雜菇，而魚肉好鮮嫩一d都唔會老香葉辣椒雞肉炒河 $88(美味指數: 😋😋😋)河粉唔會炒到一舊舊，感覺上亦都唔多油，辣椒炒河辣辣地夠晒香濃惹味泰式蒜蓉包 $45(美味指數: 😋😋😋😋😋)蒜蓉包真係做得好出色，外面脆內面軟，蒜味十足😋整體食物質素：3.5 / 5💰性價比：4 / 5👍推薦指數：4 / 5

係咖哩呀！係海鮮呀！係泰式既強既風味！唔好話我隔離飯香，成日吹棒其他國家既菜式。但泰國野我真係情不自禁呀呢份愛就好似永遠存在係我個味蕾裡面，間唔中就會抽起條筋好想好想去食， 而今次係我第二次返黎銅鑼灣既「小曼谷泰國美食站」。令人懷念既火車頭經典擺設，成個格局都有古色古香既情懷，所以點樣都好，一定要好好懲罰佢！👇📌馳 名 咖 喱 類 - ▪ 黃咖喱 · 牛腩 - $98▪ 泰式芝士 · 烤酥餅 - $38 (2塊)▫ 話明重點就係咖喱，不過我唔係太鍾意辣，所以呢個黃咖哩就係我不二之選。加上識嗌既一定會嗌埋烤酥餅夾埋一齊食，呢個組合仲勁過最佳拍檔呀，黃咖喱入口完全唔辣，汁底質感幼滑，椰香相當突出，整體調味較得岩岩好；而配角牛腩亦唔錯，肉質軟腍唔乾身，幾好食；而烤酥餅鬆脆惹味，帶少少芝士味，突顯出咖喱既濃香味，呢個一定要試！📌炒 河 類 - ▪ 泰式鮮蝦 · 炒金邊粉 - $98▫ 呢到既炒粉亦都係必點之一，我就嗌左個鮮蝦炒金邊粉，新鮮即叫即炒，夠哂鑊氣；大廚加左青檸汁，食落特別醒胃；大蝦份量比我預期中大隻，肉質鮮甜爽彈，整體我覺得幾清新，食得過！📌風 味 海 鮮 BBQ - ▪ 風味燒豬頸

銅鑼灣太多美食吸引呀，原來在謝斐道附近有間很有特色的餐廳，到了門口看到一架復古火車，還有站內的指示牌～整個裝修也很用心，以火車做主題，仿如到了泰國美功鐵路市場🚂🚂,讓我們像去了一趟旅行，打卡一流呀，而且坐位寬敞舒服，跟朋友聚會的好地方ヾ ^_^♪朋友好鐘意吃青咖喱🍛！二話不就點了青咖喱牛腩，好香咖喱味加淡淡的椰香，味道超好呀！想不到牛腩勁滑好淋～難得地會食到這樣美味的牛腩呢😍咖喱一定要配蒜蓉包(☆∀☆)將包點落青咖喱汁非常之夾。還有椰汁珍多冰，用了一個好特別的杯子加上彩色嘅珍多冰，好吸引呀，份量超多泰式鮮蝦金邊粉，份量材料豐富,蝦好新鮮又彈牙，金邊粉炒得很香呀，必吃！最後再叫左木瓜沙律，很新鮮的感覺，加上紅蘿蔔絲和花生碎，多重口感的滋味。店內的擺設細心，店員服務友善，銅鑼灣必吃的泰國餐廳。

一到夏天完全就係食泰國嘢嘅季節～🤣🤣 一入去就發現有個火車頭既裝飾 入到去都見到好多火車既飾品 幾特別～1002 牛肉沙嗲串燒 $24牛肉幾易咬開 唔錯1004 雞腎沙嗲串燒 $24雞翼好爽脆1005 雞軟骨沙嗲串燒 $24雞軟骨水準普通，好似平時串燒店食個隻 有小小軟骨亦有小小肥膏1006 雞脾菇沙嗲串燒 $24雞脾菇好多汁亦好爽口。好味！2902 泰式馬拉盞炒椰菜苗 $92佢嘅馬拉盞汁落得比較多，所以食得辣嘅你會覺得好惹味唔食得辣嘅朋友可能要注意下。 3014 泰式豬手飯 $88豬手好淋，佢有配泰式辣汁，令到豬手食落無咁肥膩🥰。我都有用泰式辣汁點串燒都好夾。4005 榴槤沙冰 $50真係好大陣榴槤味 好香😌而且仲要有小小榴槤肉。4017 泰式龍眼冰 $33有啲冬瓜茶既味道，都幾好味 有好多龍眼肉！

九龍城小曼谷一直都係我心儀泰菜餐廳之選，朋友聚舊相約於銅鑼灣，世貿隔離棟大廈竟然地庫有小曼谷分店，今晚有幸發現真有口福。餐廳環境唔錯，裝潢別出心裁，座位寬敞，食得自在坐得舒適。餐牌美食選擇多，花多眼亂選菜需時，限時個半鐘有點緊迫，因為太好味要慢慢歎嘛。美食水準味道價錢都OK，小曼谷三字真係無令人失望，屬穩膽泰菜餐廳。泰式鮮蝦柚子沙律 $108蝦肉新鮮爽口，柚子清新味美加埋花生碎香口惹味，甜酸辣鹹皆有味道豐富，味蕾激活了~泰式拼盤(小) $156包羅四款小食，蝦餅炸得金黃爽口彈牙有蝦味好嚼口。魚餅鬆軟好香檸檬葉味好味。春卷大件饀料有椰菜甘荀粉絲口感爽脆。雞棗香口可慢慢細味。泰皇咖哩炒大蜆 $168大蜆唔少有10隻，蜆肉肥大好啜，咖哩汁美味不容置疑，個汁唔辣好香濃有椰香，甜甜地超美味，要搵D野索汁食埋。泰式原味烤酥餅(2塊) $45烤酥餅酥皮薄薄有幾層，咬落唔油膩少少淋唔會食到碎晒，原味就咁食已經好香口好好味。加埋先前炒大蜆的咖哩汁，完美配搭食到舔舔脷。