小曼谷泰國美食站

营业中

休息中

悶熱天時，食欲變差，特別想吃惹味又開胃的泰國菜。依間餐廳係我第二次食，今次帶埋屋企人再度光臨，皆因佢哋嘅泰國菜真係好好食，特別係媽媽最愛的柚子沙律整得非常清新好味。柚子大蝦沙律，柚子帶點清新，但加上店鋪特製的惹味汁料，平衡返，吃起來酸酸甜甜帶少少辣，分外滋味，再加些新鮮彈牙嘅大蝦、炸蒜、炸乾葱、芫荽、花生，豐富口感，感到味道很多層次，非常醒胃惹味。生蝦刺身，蝦肉鮮甜爽口，配埋泰式醬，正。飲品方面，我們點了椰青波波，賣點係泰國直送全人手將成個椰殼除掉，好少係全面鋪頭見到。椰青水好清甜， 椰肉好爽，解渴一流。

近日經過銅鑼灣突然想食泰國菜🇹🇭所以小編就同朋友去左呢間食店試下食店既裝修都幾精緻✨店門外仲有一個大火車頭 幾特別🚂.🔥冬蔭公湯（$138）味道幾平均 唔算太濃 而且有幾多香葉 所以香味都幾濃 湯一d都唔油膩 仲酸酸辣辣幾開胃😋.仲試左鐵板豬頸肉椰菜苗（$102）同泰式鮮蝦金邊粉（$98）豬頸肉肥瘦適中 椰菜苗好甜🥬🦐鮮蝦彈牙 金邊粉炒到夠乾身 甜甜地幾好味🤤.總括黎講 餐廳既食品質素符合預期 賣相都幾靚 可以一試🤘🏻

餐廳環境地方唔大，但佈置到好似泰國曼谷夜市一樣，好有情懷。食物選擇多，我哋點了幾樣餸菜都很好吃，味道有水準👍🏻。泰式生蝦刺身$128大大隻，好新鮮，加上泰式辣醬好好食！泰式馬拉盞炒通菜$89炒得好有獲氣，色香味俱全，帶點辣味，夠晒惹味。主菜點了泰皇咖喱炒羔蟹$499平時有時都覺得食蟹好麻煩，但依到餐廳好細心提供埋手套同食蟹工具，食起上黎方便好多。依個咖哩食落唔辣，但味道濃郁，超香咖喱味，送飯或者簿餅真係一流。而且蟹身大大隻，食落啖啖肉，仲有勁多蟹膏，夠唒4-5人份量。整體黎講，所有菜式都整得比出面高水準，亦且全部都係即叫即整。鐘意食泰國菜嘅朋友，有機會都一定要黎試下👍🏻

已經大半年無去過旅行原本想4/5月去轉泰國但因為疫情 應該都無機會離開香港所以決定去食泰菜解下癮😆呢間小曼谷係銅鑼灣都算易搵鋪面唔算太大 但裝飾得幾有特色以火車為主題 除咗一入鋪頭就有架大火車頭牆邊都有啲小火車仲會有口罩套送👍🏻食物方面重點推介兩樣必食！1. 泰式芝士烤酥餅超級有驚喜！ 上枱睇落似pizza咁一分為4 係原味酥餅上撒滿左芝士 多到可以拉絲 食落好濃芝士味配上烤到酥脆既酥餅 係好食到唔捨得用黎點咖喱😆2. 串燒 （咸牛舌 雞腎 牛肉）點左呢3款 3款都好正👍🏻👍🏻👍🏻好食到唔記得影相就清哂🤣首先係雞腎 從來無食過咁爽口彈牙的雞腎完全唔會硬或者乾身之後係咸牛舌印象中牛舌都係薄薄一片點知呢串牛舌係極厚身🤩表面烤到少少脆身 咬落又啖啖肉最後係牛肉串牛肉肥瘦適中 食落好香牛味又夠juicy🥰其他仲點左馬拉盞炒通菜 黃咖喱豬頸肉就正常水平 好食但無咁出色🤣

喺銅鑼灣Tower 535嘅小曼谷，裝修以火車做主題。門口有一個超巨型嘅火車頭黎迎賓！內有Live Band的設備和音響，很有情調的！每位客人都會獲贈口罩暫存盒，枱與枱中間也加上了隔板，食得安心又放心！荔枝沙冰 $33啲冰打到好幼緻，入口香甜細滑，有濃香嘅荔枝果肉味！菠蘿沙冰 $33同荔枝沙冰一樣，口感細滑，甜中帶一點果酸，相當清新！泰式飛天炒通菜 $89爽口帶咸香，非常惹味的炒通菜！風味燒豬頸肉 $118很香口的燒豬頸肉，配埋個秘製汁真係不得了！超大塊而且Cut得非常公整，就咁睇有啲似原條燒魷魚！香葉辣椒豬肉碎燴飯配荷包蛋 $88豬肉碎香口帶微辣，而且仲要相當Juicy，配白飯真係多多都食得晒！

早兩日喺銅鑼灣近世貿隔離嘅地下舖商場發現左呢間泰國嘢食，估唔到價錢唔太貴質素都幾好喎。兩個人都係食咗$400一個人都係$200姐好抵食性價比好高入到餐廳都好貼心即刻俾咗個口罩套我哋，食得安全放心又可以好好咁樣收起我哋嘅口罩😷香葉辣椒豬肉碎燴飯88呢個超推介大家一定要叫，辣豬肉炒得啱啱好，啲油香別晒出嚟，仲要辣辣地超級下飯，上面仲有個半生熟荷包蛋撈埋啲蛋汁一流。泰式原味烤餅45呢個又係一定要叫，$45唔好睇佢幾貴都有成四片，一上枱聞到好香嘅牛油味，咬落去不得了超酥脆，卡擦卡擦咁好正。 泰式煎蠔餅138呢個就麻麻哋推介啦 唔係話特別新鮮牛串燒24 豬串燒24$24一串大概有成五舊牛肉，鍾意食牛嘅可以叫下極上安格斯牛柳粒串49

以前去九龍城吃泰菜，毫無懸念一定揀去「小曼谷」。現在銅鑼灣開了分店，這絕對是港島人的福氣。「小曼谷」門口有大大個火車頭，非常搶眼；座位設計像火車卡，非常有心思！我倆二人行，朋友說甚麼都愛吃，於是便隨心點了各自的心頭好，開心share！沙嗲串燒（每串$24）吃泰菜，必吃串燒！雞肉、牛肉當然好吃，但近年反而更愛吃冬菇串燒，感覺惹味又健康！泰式大蝦柚子沙律（$108）柚子沙律的的精髓，是底下的花生碎！跟柚子混在一起吃，少少酸少少鹹，正！泰式酸辣鳳爪（$92）好友說愛吃鳳爪，我就奉陪到底陪他吃。不過，鳳爪始終不是我杯茶，吃完唯有跟自己說可補充骨膠原吧！鐵板豬頸肉啫馬拉盞椰菜苗（$102）椰菜苗夠鮮綠，豬頸肉夠爽脆！鐵板保持熱度，放久了也不會變涼！泰式鮮蝦炒金邊粉（$92）一隻隻大蝦鋪滿金邊粉，爽滑彈牙！小曼谷原隻芒果糯米飯（$88）雖然已七成飽，但最後我倆還是要多叫個芒果糯米飯才滿足！這一餐，心滿滿的，泰滿足！

今日，同朋友去銅鑼灣呢間泰國菜餐廳食dinner，呢間餐廳門口有佢signature 既火車頭裝飾，好吸睛。打開餐牌，見到呢度有好多好吸引既地道泰國菜。我地點左香芒蟹肉炒飯，呢個炒飯好大飯，而且好足料，入面有蟹肉、芒果、蛋、肉改鬆等等，好惹味。黎食泰國菜當然要食咖哩啦，我地點左黃咖哩牛腩，我幾鐘意黃咖哩，因為佢唔辣，好易入口，配埋煮到好腍既牛腩，正！另外，呢個泰式馬拉盞炒通菜都好正！飲品方面，我地點左青檸菠蘿沙冰同埋椰青！

Holiday long weekend and boyfriend and I wanted to go to Gold Miu Kee for lunch. But when we got there, it was closed! Not sure where to eat as places were so packed, we went here as it was next door.Minibangkok Thai has a number of restaurants throughout Hong Kong. Serving up Thai for the mainstream crowd who don't want to go to more hidden Thai places in the city as they are mostly conveniently located in shopping centers.Menu is in English and Chinese. During lunch time they have a lunch set

小曼谷 想像大家一啲都吾陌生，今次帶大家黎銅鑼灣食😋餐廳好靚，門口就有架好靚既火車，裝飾都有關火車為主題，好似去左泰國咁呀😍我地叫左 ，馬拉盞炒通菜馬拉盞炒得好香好惹味，果然係眾多泰菜入面必食之一，好有鑊氣。泰式鐵板蠔餅上枱熱辣辣，好大碟，用鐵板上既，而且蠔仔份量好足，好好食😋。青咖哩豬頸肉入面既材料都煮得好入味，青咖哩易入口易，有豆，茄子等等既配菜，配上豬頸肉，好正，忍吾住要後加薄餅，叫得咖哩，當然要薄餅啦。薄餅好鬆脆，加上咖哩汁一齊食，簡直絕配。。椰汁西米糕拼泰式千層糕椰汁味好濃郁，食落好正宗，好食。。拼盤我地叫細份既，但上枱好大碟呀，4款小編就最鐘意食蝦餅啦，炸得好脆，蝦味十足😋。

最近天氣甘熱，令到小編好懷念泰國曼谷旅遊既日子🥺。但係因為疫情原因，去吾到旅行。不過，既然去吾到曼谷，甘就去小曼谷過下口癮啦😝。。泰式鐵板蠔餅好有蠔，而且蠔仔份量好足，好好食😋。。泰式拼盤（小）蝦餅食落好脆口，而目彈牙，吾錯👍🏻。魚餅好鬆軟，帶有少少香茅味，好清新。春卷饀料好足，外皮炸得好脆😁。雞棗好有咬口，吾錯。。鹹蛋黃金炸雞全翼炸得好酥脆，雞翼上面鋪滿充滿鹹香味既鹹蛋黃🤤，鹹蛋控必食推薦🥰。。泰式鮮蝦炒金邊粉食之前將花生碎同青檸汁撈勻，微微既酸辣味令到個粉更加出色😍。

自從係某泰國餐廳食過燒鱔後,就對佢念念不忘。同日式鰻魚既質感好唔同,燒鱔冇咁多濃味既醬汁,食到食物既原味,同埋脆口彈牙,仲食到燒到好脆既魚皮,實在一流。跟餐仲叫左3隻特大既蟶子,同港式煮法唔同,面頭有好多幾大隻既魚乾仔,魚乾既SALTINESS為蟶子帶來左好豐富既味道。正!呢排有優惠餐都覺抵左好多!另外仲叫左蕃茄特大帶子,帶子新鮮,唔會煮得過熟,裡面仍晶瑩剔透,加埋蕃茄仔就冇咁單調,顏色仲SHARP醒添。呢排天氣超熱,叫左個大大粒既椰青,多汁鮮甜解渴,識飲梗係飲椰青啦!冇得去旅行,去返餐好既慰勞自己都要吧!見到醫護人員有8折,有良心既店舖呀!今次叫既野食都好快有,快到好似快餐咁,岩講求速度既我。

冇得去泰國，但係竟然比我搵到香港有一間水準極度高嘅泰國餐廳。入到餐廳座位都幾多，而且lunch time時間，都好多客人。而家疫情關係，堂食亦都有八折，真係好抵食。套餐大概係五$60再包嘢飲，佢嘅金邊粉同炒飯，超級入味。而且亦都唔會油，一定會係咁問啲朋友黎食！

同男朋友好想食泰國嘢，但係又想坐耐少少，結果比我哋搵到呢間有得聽live band嘅泰國餐廳😍另外一提，餐廳裝修好有泰國夜市嘅感覺，尤其是個火車頭😂泰式生蝦刺身 $128 (5/5)總共有六隻，size算大隻，口感爽彈，配上特製酸辣汁更加開胃👍🏻同岀面嘅生蝦真係差好遠，岀面嘅size係蝦毛仔，呢度真係良心size，抵食！💯泰皇咖喱炒大蜆 $168 (4/5)咖喱汁好適合香港人口味，唔會太辣，落咗椰汁帶點甜味，而且咖喱汁好多，好足夠點薄餅同包，直頭係絕配！😍蜆嘅size不過不失，略嫌鮮味，不過咖喱搭救。泰式鹹魚炒椰菜苗 $92 (4/5)正常發揮，份量黎講算大份。食到鹹魚嘅味道，不過炒嘅時侯唔係太均勻，有一啲比較鹹。泰式蒜蓉包 $45 (5/5)👦🏻點樣定義一個蒜蓉包好食？首先一定要焗得脆，第二就係多蒜到食完個口會好大陣蒜蓉味！小曼谷就做到喇，蒜蓉亦唔會焗到燶👍🏻泰式原味烤薄餅 $45 (5/5)我哋仲好大食咁樣追加左薄餅😂因為用嚟點咖喱汁真係好惹味👍🏻皮薄，焗得脆，唔會食到成口粉或者咬唔開👍🏻Overall: 好味❤️❤️❤️一定會再幫襯！

今次去開銅鑼灣，無意中search到原來小曼谷開到銅鑼灣啦，九龍城還是有點遠haha紫色燈很搶眼，配合大型的火車裝置，別具特色。我們點了馬拉盞炒通菜作為前菜，醬汁十分惹味，是一道很好的開胃菜。鮮蝦炒金邊粉也不錯，十分爽口，配料也足夠，頂部的大蝦多肉又新鮮。牛油蒜蓉燒大蜆賣相不錯，有超多蒜蓉調味，泰式醬讓蜆肉更加香濃。泰式美味不少得的是咖哩，我們點了黃咖喱雞肉薄餅，這個菜式份量很足，咖哩滿滿椰香，雞肉挺鮮嫩。薄餅也是酥皮薄餅，很有咬口，鹹甜適中。最令我深刻的是鹹蛋黃金炸雞全翼，因為沒想過這裡的鹹蛋黃金雞翼挺不錯，鹹香惹味，不會油膩，令人食不停口。飲品方面，青檸沙冰相當清新，很解油膩。至於珍多冰超多材料，每款配搭都很有口感。總括而言，想不到小曼谷開到港島，菜式款式多，味道地道，但都要尋找一下才找到這間店呢。