小曼谷泰國美食站

营业中

休息中

疫情之前都係成日都會去泰國，因為啲嘢食好啱食， 而家思鄉病發作， 所以今日就揀咗泰國餐廳就喺tower 535， 就係銅鑼灣世貿中心旁邊。餐廳裝修常特別，一去到門口就見到好大個火車頭， 重播埋泰國音樂， 真係好似去咗旅行咁。餐廳嘅座位都好闊落， 用QR code落單非常方便， 我哋就畀其中一個孖寶推介吸引咗，因為$288就可以揀兩款主菜，都幾抵食呀。招牌海南雞半隻必食海南雞海南雞大大件， 雞味十足， 肉質鮮嫩，雞唔會太肥，配埋泰國秘製醬汁 ，正呀。鹵水豬手煲非常回味， 鹵水豬手煲滿滿嘅骨膠原， 豬手亦都非常入味，肉質夠曬軟滑。泰式芒果糯米飯芒果好甜，糯米飯亦都好好食口感夠曬彈牙有黏性， 配埋滿滿嘅椰汁，一口咬落去真係非常香甜美味。餐廳座位夠曬舒適，喺銅鑼灣都可以食到九龍城嘅味道。