寶寶雞煲 (已搬遷) 新店位置

朋友介紹，話尼度打邊爐d料新鮮，於是今日特地過黎感受下。鍋底要左椰子走地雞（半隻雞），真係好足料，成鍋都係椰子，用隻兜一兜個鍋底，全都是椰子，將D雞件放落去，滾左大約十五分鐘，可以食啦，D走地雞果然係唔同，瘦，皮脆肉爽，有甘香的雞味。然後加左個牛魔皇拼盤，有M9和牛，鮮牛肉，肥牛粒，M9和牛係鍋揚一揚即可以食，入口即溶，油花同肉比例完美，鮮牛肉和肥牛粒只要一滾遍食得，好有牛味。我地還叫左帶子，D帶子好似超級大隻，新鮮爽滑又鮮味，手打蝦丸，好彈牙，蝦味極濃秋葵，好甜好滑淮山，好松化馬尾粉絲，爽滑金菇，好新鮮朋友果然無介紹錯，值得再黎！