寶寶雞煲 (已搬遷) 新店位置

因為上個星期去了旅行，所以無慶祝母親節，今晚就同母親大人去了附近的火鍋店食飯。我行四人先點了猴頭菇鯊魚骨湯，再加上多款配料，湯底款式很多，而且有雞煲，隔離枱的雞煲香噴噴，下次可以一試。一渣的洛神花茶都是$28，可降血脂又解渴。打邊爐點可以唔叫牛肉，這個手切封門柳一大碟都是$198，肉味濃郁又腍滑，絕對是抵食之選。另外一個亮點是手打蝦丸及墨魚滑，蝦丸鮮打有蝦肉而且超彈牙，墨滑亦都一樣，食材新鮮做出來的一定好食。鮮蝦雲吞大隻，裏面包著兩隻蝦肉，豬肉就一般，但整體都爽口結實。蔬菜全部都是十幾廿蚊已有一大碟，真是價錢實惠。整體食物款式很多，而且質素有驚喜，四個人埋單八百都唔使，連加一都無，確實抵食。