寧記麻辣火鍋 (已結業)

作為一個嗜辣者，講真，佢地個湯底又的確唔錯，但食物大路之餘又無特別，亦唔見好新鮮。比起同區任食，收費算係貴左少少，而且仲會計時計到足。但人地主打麻辣，又叫做多返ｄ分數啦。

去過呢間度食,食完之後o既感覺係--我一定唔會再去。態度唔好, 叫極都唔理, 我地叫加湯, 等到火鍋湯底乾都唔同你加, 講好幾次先同你加少少!!凍柚子荼竟然冇味道!!完全唔係凍!!天呀,仲要收幾十蚊! 簡直係耍我地,當我地冇味覺!而且我覺得野食唔夠選擇, 起碼冇腸仔先, 我個人覺得好怪。而且d野食唔係真係好好食同新鮮。完全係名過於實!!

台灣麻辣湯底︰有點麻，不算太辣，剛剛好。不似四川麻辣湯底那麼多湯渣，比較容易尋找食物^___^雪梨雪耳湯底(不記得完整名字了)︰可以說清... 也可以說淡...肥牛︰很好吃！很多普通火鍋店的肥牛都是肥肉還肥肉，瘦肉還瘦肉的。但我這次吃的都是肥瘦分佈得很適中的。而且肉質嫩而不韌，值得一讚。另外，我想大部份任點任吃的火鍋店的肥牛都是預先切好，一碟一碟疊起來冷藏的，所以我都不介意了...鴕鳥肉︰色澤暗黑。看起來不太新鮮，肉質也有點韌。牛筋︰大部份都很腍，放進麻辣湯底作麻辣牛筋是個不錯的選擇~滑牛、雞片、九肚魚、生蠔、八爪魚仔、竹笙、蘿蔔等︰中規中矩，沒有驚喜...蟹柳、金菇、雲吞、即食麵等︰跟一般火鍋店不會有太大的分別了... 反正都是成品了...柚子茶($30 一渣)︰沒有茶味，且不夠凍。價錢︰$98 一位任點任吃兩小時(另加茶、芥每位共$13)$38 湯底(可選鴛鴦，特別湯底另計)10% 加一服務︰加茶、加水、收碟都只是等一會兒就到。但聽到鄰桌有店員提醒客戶留意兩小時將至，需準備結帳。雖然店員的態度尚好，不會晦晦氣氣，但始終很少火鍋店會催促客人埋單，所以聽起來都會覺得不是味兒... 幸好

成班FRIEND 因為唔想等位所以去寧記食, 真係不知所謂, 我地八個人去食, 每人食左$120左右, 一D都唔平, 係旺角邊度都食到好過佢多多聱, 食物超唔新鮮, 湯底唔好味, 我從來未見過肥牛係連碟雪冰箱, 再取出來比你食, 夠膽死隻碟仲非常冰凍(D肥牛仲責扁哂), 服務我無留意, 咁既質素咁既收費, 好心有D良心整好少少D野啦!

第一次食已經覺得正垃圾~~野又唔好食~~野又上唔齊~~野又唔新鮮~~冷氣又細~~服務又唔好~~5個人得一碗醬油得果2 個鐘時間食~未到時間又係度趕人走~~放張單等收錢講真$98(埋單每人$131)一位值呢d咁既價錢咩~我是但去一間都好過佢啦~~ 唯一一度好既地方就係有波睇only~~仲要聽唔到電視聲....我食過最垃圾既一間火鍋店

又OK 喎唔係咁差喎可能我地早去六點幾去到無乜人招呼好好又俾好多意見手腳好快換碟收碟加水都好快丫D野一般雞片最好吃台灣辣唔係好夠辣但係可以叫佢加辣佢D鮮橙汁真係炸出黎我D 唔係果汁先生三十幾蚊一JAR 幾好架

貴呢個就唔再講啦....仲要D野唔好食又唔係咩貴價貨開爐又要另外收費醬油之類又要另外收錢但係我地八個人先得兩碗仔叫佢加水又好耐先黎加叫住唔好熄火就當你死既扮聽唔到我地食完坐陣諗住等人去完洗手間先走佢地又急急趕我地走明明仲有其他台就係都要趕我地走總之就係差...裝修又唔係好好喎去佢度不如去茶樓打邊爐仲好啦~

友人為左睇中國大戰日本, 而訂左位響度食飯, 訂果陣講明要對住電視機既檯, 佢地都做到, 令我地又睇又食得好開心.食物方面, 講真對呢度無乜要求. 鱔片、肥牛、蔬菜類都唔錯, 鴨紅、竹笙、豆卜等放麻辣湯好正, 滑牛唔掂.不過可以舒舒服服咁睇電視+任食+食物質素ok, 一人百零蚊(連另外order既飲品) 都算係咁.

食品普通，肥牛最好環境很差很嘈收費很貴唔值，又限時催人走，service ，food and atmosphere都好麻麻嘛唔會再去！

一行十人約了在旺角打邊爐, 但未定好在哪間吃. 我甚麼也不怕, 就是怕他們會揀幸福樓…(我心目中幸福樓和大狗保是同級數的食肆) 最後去了寧記. 其實寧記也不是如網友們說的差, 至少它比其他很多酒樓的cheap cheap 任食打邊爐好得多. 當然, 用料不及稻香新鮮, 但勝在價錢OK. 我們晚飯時候去, 每人叫了兩三支汽水, 也只是百多元一位, 算是OK啦~ 可惜飲品不是任飲, 否則就perfect. 呀, 還有, 肥牛是不錯的. 侍應態度也很好~ 一大班人無聊吹吹水, 寧記是個不錯的選擇.

今天經過,見佢已經減左價,正午39蚊一位.上一次同我女友尼食,中午無乜人,好似全埸自己book唒咁,幾好.一坐低,個侍應走尼同我地講,兩個人計唒所有野一百柒十幾蚊,我覺得佢地咁樣做幾好,好過其他食店到最尾先開張嚇死人既單出尼.叫左個台灣痲辣,好大陣香味,搞兩搞好多舊豬紅.香就夠,略嫌佢無咩辣味.叫左十幾樣料,個侍應手腳好快下,可能無乜人開關係.個湯底幾好,不過d料就痲痲,好多都仲有冰係上面,不過都無咩所謂啦,主要食佢個湯底.整體尼講都升唔錯,不過如果加多兩倍辣就差唔多.坐得幾舒服,食物出得快,態度幾好,值得一試.

嘩！唔講由自可，一講把己火！百几蚊一個食得個ｄ平貨，服務好就話姐，唔好就用錢買氣。上次又係咁，食左個几鐘，同家人諗住坐多陣傾下陣啦。點知外面有人等位，佢又係一個膠西咁放係我地面前，ｄ碟同碗好似人地射籃咁掉落去，我真是．．．想試下烚埋隻旦先走，佢係咁熄我地個火，叫都唔停。唔通真係俾左錢就唔係客？

哎～食物同價格呢ｄ唔講喇～想講吓服務態度～ｄ服務員態度極差，明明話食兩個鐘．．．點知未夠鐘（仲有幾個字）佢哋就叫我哋埋單。我哋一俾＄，佢哋就收起哂我哋ｄ嘢．．．仲連個裝垃圾嘅膠盆都放埋上枱．．．迫我哋走．．．簡直離哂大譜，都唔知有冇攪錯！總之，我以後都唔會再去！如果有零分嘅，我一定俾零分！！！

我兩年前係尖沙咀個間食過，今日係第二次o黎，不知係尖咀個間好d，定話宜家比以前差� ，以前真係食完好想再食，我今次食完之後唔會想再食。其實佢收98蚊，湯底仲要加38蚊，d食物又唔係貴野，又o吾多好食，其他地方都唔駛咁貴。

前日見天氣報導話將會轉冷，一行八人上左去打邊爐。由於係九點半打後，$78位另計湯底。我地食四川麻辣同蕃茄薯仔湯底，其實去親寧記，無非都係為左佢個麻辣o者，佢o的野食都係一般咋。但今次食個四川好似冇之前咁辣，當然就食得出食物o既味道啦，唔似之前咁，「食之得過辣味，口得過麻字」，個蕃茄薯仔湯底都唔錯喎，清得黎帶少少酸（當然比起屋企足料湯水差好遠），總好過要個下火皮蛋底啦，開胃一點！感覺上，寧記麻辣相比以前，好似冇乜驚喜喇，作為大家‘聚舊’點亦不失係一個好地方o既！因為價錢夠大眾化，亦有多款食物任君選擇，雖則話有時間限制，查實都唔會趕人走o既！不過，奉勸唔食得辣o既朋友真係要考慮過先，真係勁「麻」同「辣」。抱恙當中，依然冒膽小試，或用薯仔湯底過一過‘冷河’，食完仲覺得凍呀，滾完再吹風，你話即係可以捲入被竇，有幾好哩！！