寧記麻辣火鍋 (已結業)

打邊爐限死你個半鐘, 邊夠?!夠個半鐘就叫你埋單, 算轉個頭過話張夠鐘, 收收先, 以為佢收面d, 算點知佢一手拎走你個, 仲要我先裡面夾起條菜, 明顯未食完, 食好耐?! 叮! 時間個半鐘!坐底飲埋啖汽水, 點知轉頭大大個灰盆擺上收, 連茶杯都收埋出到門口, 排長龍? 好多人等緊?! 原來只有小貓兩大隻, 仲要中間原來有張四人吉...難怪冇生意, 咁做生意, 邊有下次?仲要食只是一般, 但係好貴, 兩個人盛惠三佰一十, 比起小羊& 大魚都要貴, 但係人地不論食物質素, 裝修, 服務態度都好好多...沙爹湯底好濃好香, 食落較鹹但我鐘意食濃味, 但係食完之後幾個鐘飲好多水都仲好渴... 超級味精...食只係一般平價食物, 冇乜好食, 小羊任食百二都仲送個海鮮拼盤啦...

今晚有朋友生日,所以我地7個人order了一張大枱.入席的時候,伙記已告知只係食兩個鐘,咁都無問題,因我地一班明天都會翻早所以都唔打算食都好晏,所以就入去.點知,大約到1個半鐘時就叫我地埋單,咁我地就立即埋單.點知埋完單過了約5-10分鐘,見到我地個個停哂手,就問我地係唔係唔食啦,唔食就收啦,因出面有好多人等位,而且又就快過鐘.足足吹了我們三次,每一次都唔同伙記.(但出面係無人等位,眼見仲有三至四張枱係空的).好過份,食得好唔舒服,未夠鐘就叫我地走.我地7個人都話以後都唔黎食,無下一次.不過食物都算ok,特別是湯底.不過服務態度就十分差勁了

旺角瓊華中心寧記麻辣火鍋真係唔得.收費$98一位無嘢好食,服務態度差,限時一個鍾頭九個字(打邊爐真係唔夠),伙計夠鍾就即時埋單兼收爐,今時今日仲趕客走,真係唔會去第二次!

星期五,好鬼凍,1030左右走去打邊爐,可能MK關係,仲好多人,我4個人,時限一個鐘頭九個字,張紙都好似好多食,但係全部D都好行,要食蝦咁都要另比錢($8/8隻),我叫沙嗲+蕃茄薯仔湯底,都分唔出有咩分別,仲有最重要個POINT,係無人理,隻手舉5分鐘,都唔見有人行過,所以您最好一次過叫晒所有,如果唔係等人理您,等得都夠鐘!

本人係第一次光顧此店,我覺得食物方面好一般. 我最鍾意食肥牛, 但係當日o既肥牛無令我增添食慾. 其他配料都真係好一般, 同普通街坊酒樓差唔多. 最令人失望係o個碟要另外收費o既帶子, 好難食, 好似食左件俾梘水醃過o既"o野"咁, 唔知食緊乜...好唔掂...服務方面都係麻麻, 雖有聽聞此店一夠鐘會即刻要人走, 不過今次真係首次見識到打邊爐會用到"唱k cut　咪趕客走"o既手法. 果個伙記一早要你埋定單, 等到一夠鐘就衝埋o黎同你講d野仲要唔要, 然後都唔等你答就自己同你熄爐搬o野走, 咁都得?!加加埋埋d茶芥, 自費飲品同火鍋配料, 要成$160/位, 我覺得好唔抵, 唔想有下次.

如題...其他人既待遇我冇遇到, 8點開始食, 食到做完肥田先有個waiter同我講夠鐘, 但係我地都已經食到飽哂停哂手咁濟.可能當日都冇乜人, 我地走時都仲有好多位掛...d野食又真係幾好既, 所有野都好新鮮...可能真係好彩啦...寧記真係一個打邊爐幾好既地方, 其中我強烈推介尖沙咀o個邊o個間, 因為service 真係好好多...我下次都唔會搏...去番TST o個間好了

哩間嘢經營手法好有問題!我同朋友一行十一二人去食dinner.因為以前冇幫襯過,佢安排入座時又冇講楚,我地唔知只得兩個鐘,結果冇就住時間嚟食. 上得幾轉食物佢就叫我哋埋單.我地費佢加收費用,諗住埋完單繼續食埋枱上啲食物先走.點知佢五分鐘後就叫我地走人. 我地話last order啲嘢都未食完點走呀?佢竟然話,"你咪繼續囉!總之一夠鐘就自動再起單.每位$30!". 嘩!搶錢呀! 我話:"第二輪食物漏單,等咗你地幾個字喎!" 佢好串咁話:"最多咪比多幾個字你囉!"跟住好嚣張咁走咗! 鬼叫我地入咗間黑間咩,無法啦!我地諗住求其食埋走人. 但眼見鍋內無乜水,咪叫佢加水囉,點知佢當冇聽過,唔埋我地. 都唔知有冇搞錯,冇水點打邊鑪呀!比一個鐘我都冇用啦! 其實有乜理由幾毎人食2個鐘,十幾個人又係食2個鐘呀?

打開門口做生意, 做到咁寸!!不知所謂嘅服務態度!!D 汽水同雜物又放出走廊, 仲有兩張枱放係出口到tim ..... 我影咗相send去生果,方向報& 消防處投訴佢啦. 如果佢有帆船仔, 我一定去旅發局投訴tim ar !等佢洗多四千幾蚊重頭考過!!

我地一行十二人, 坐底唔夠2個鐘就催我地走, 仲要好似恐嚇咁既態度, 真係貼錢買難受, 以後都唔會再去.起初叫我地入去果時笑笑, 之後就想打人咁, 好彩我地個個都唔怕惡人, 一話返佢地轉頭就唔見晒人喇!佢話如果我地唔即刻走就每人收$30過時費, 我地同佢講, 咁樣唯有報警, 因為佢地已經犯左法(因為有朋友讀過law), 之後咪死死地走開左.食飯食得咁唔開心都係第一次咋>.<

昨晚(21Oct06,Sat)去旺角瓊華中心寧記麻辣火鍋，見識到網友所講的Cut 鐘、埋單、收鍋一條龍服務。我見有個男伙記好似從心底去享受着咁去提供呢Ｄ服務。吾知有冇feel錯呢.....尖沙咀兩間寧記我都去過但都冇試過呢種服務。但我見都還有很多人去，點解呢.....我同朋友五個人去,連一jar蔗水,Blue Ice x 6, 每人$140. 附近真係冇其他更好選擇?

我都有相同待遇!我o地都知係only食2個鍾,未到2個hrs,差唔多到時已叫埋單la~咁都ok o既,都明白~但一到2個鍾,個男waiter 就同我o地講要收o野,但當時問都唔問我o地仲要唔要就成個鍋拎走,真係打o左個突lor!就未試過有咁o既待遇~你想人o地走o者,咪有返少少禮貌同人o地講仲要唔要lor,人o地都順氣d ar~仲要係當時唔full tim wor!~呢d 根本就係修養問題la~ 有咁o既"服務",就算d o野再好食,我都唔會想再幫襯!!~ 佢咁樣,唔係做多d客, 而係趕客lor!咁都唔明?!! 真係不知所謂!~不過公平d 講句,個四川湯底都幾ok o既~但其他o野就不過不失啦~但都係果句啦~比返少少"今時今日應有o既服務態度"啦~okay?!但我唔會再去lor

呢架野食既野普普通通啦, 過下打邊爐癮都冇所謂.我地7:30入去, 應該食到9:30. 正常9:20~30分叫人走都正常既.不過我同我個fd 9:15仲食緊野, 個火記話埋左單先, 咁我冇問題. 一講完d另一個伙記就好快手就執走我個鍋d野...我d貢丸呀...(18蚊)....痴線ga佢地, 唔問下人要唔要d野就執走, 完全唔掂啦. 另一個伙記係咁講對唔住... 唔拎走都拎走左啦..下一次一定唔黎.

好友生日, 一班人同佢食飯慶祝, 主角選擇打邊爐, 任食任玩.叫左很多野食, 比較鍾意有大魚蛋, 醬爆丸, 八爪魚餅, 豬爽肚, 牛根....反而鱔片和鯇魚片就不太好食, 唔太新鮮.環境同食物只可說ok而已, 但幾抵食呀~~Happy Birthday Sara!!

第一次食麻辣火鍋, (因為唔喜愛辣的), 食9:30夜宵, 等左半個鍾, 以為有一定水準...首先服務差, 冇人理+勁漏單, 第二食物款式很有限...都係平時最普通的食物...好d既蚌類,蝦,野飲都要加錢, 第三勁多另外收費, 已經比左人頭費啦(78), 茶錢$8位另加一我都算...但係連四個人得一碗既豉油都要$6位, 加埋可以買到幾支番黎啦...唔合理。幾好既就係冬瓜湯底, 好味~ 但總括而言佢個d另外收費已經令我非常不滿...本人又不好麻辣...唔食冇損失

尋晚十點上到去, 見到成間寧記無乜人點知門口個亞姐竟然話d檯俾人地book晒啦, 你等下先啦要我開口問佢先識俾張"飛仔", 跟住個亞姐仲要補多句:"book 檯d人黎晒都無位架啦。"二話不說即走啦!有錢驚無地方食咩。