寧記麻辣火鍋 (已結業)

絕對明白monkey baby你o既感受! 我今年年頭都o黎過呢到打邊爐,食到尾,我o地d野食仲係個鍋裡面,佢要熄我o地個火,然之後拎鍋走! 離譜到爆! 你話我o地食完晒坐係到ar 住張枱就話je,仲食梗gar嘛. 咩而家食o野食得慢有罪o既咩?!?!寧記都開o左咁多年,唔係d咩o既新o野,而家又有小肥羊,又有咁多出名酒樓有火鍋食,佢o地咁做o野,你話我激d都係咁話... 唔好去死!話時話, 荃灣店小肥羊長期都有特價餐, 基本上周未都係八成full. 大家可以考慮一下!

今晚7點幾黎打邊爐, just because i want to eat something chilli & hot.開枱時阿姐係有講明只食兩個鐘, 但我地眼見都唔爆滿, 心諗:唔理咁多啦, 佢真係趕我地先算.今次係第二次黎食, 所以我都無咩要求/期望.到左9:10pm, 就有個人走黎話last order, 點埋就要埋單!ok, 埋咪埋lor, 又唔係無錢俾.埋左單之後, 過多半個鐘, 即係9:40pm, 我地仲未食完, 但有個阿姐即刻好快手走黎話:"食完就要熄火架啦!"跟住佢即刻熄左個火煱既火, 另外一個阿姐就攞埋個膠盤執走晒d 碗碟!我支未飲完既汽水差d都俾佢收埋呀!我知佢地有宵夜時段, 但我地走既時候仲有大把吉枱,出面亦無人等位, 都唔知趕客為乜.今時今日咁樣做生意, 聽執粒啦.

懷念佢出名既麻辣湯底, 今晚9點後, 2個人去食, 任食每人$78蚊, 未計茶介湯底, 減埋有$40蚊優惠券, 共$205, 話貴唔貴, 但質素真係一般, 唯一可取既係佢cover既種類都算唔少(但當然係大路野)... 但好多野都唔好食唔好食既:-千萬唔好叫佢既丸... 真係..唔得, 我試過佢o的福州魚丸同爆醬丸, 同之前o的人講既評語一樣~ 難得佢既魚皮餃都係咁難食-新鮮滑牛/雞: 雪到一舊冰咁...-肥牛: 唔得啦...好味既:-佢個鍋底可拼雙拼, 揀左四川麻辣同沙爹, 食得辣既不妨叫佢加辣, 如果唔係食唔出o個種"麻"味, 沙爹則偏鹹但味道可以-炸魚皮, 勁脆同有蒜味-脆肉鯇骨腩: 好爽同新鮮, 不過試過佢既魚片, 都係脆骨腩好食好多- 三寶(牛筋, 肥腸, 牛肚)係湯汁度滾耐o的, 好入味-蠔: 唔係特別好食, 仲縮到好細, 勝在可以任食...

麻辣湯同鴨血-- 正係迫澀d.....價錢中等啦!

我今日去左旺角的寧記打邊爐﹐$88 一位$38 湯底$8茶$6 芥食兩個鐘都唔平啊D 野食ok 咁啦不過就有有雪花的彩電睇哈哈我今日試左個台灣麻辣都唔係好辣ok 啦不過最衰就係上面個冷氣槽滴水囉重有成日miss 左一d order

一年前其實已經去過, 果次係夜晚八九點兩個人去, 今次係半夜一點一條友去上次經驗: 落單九世無人理你點左野兩分鐘出齊(洗唔洗咁快呀, 想趕我走咩?)好多野個碟都係有水的, 金菇係咁, 美國肥牛係咁, 基本上十碟有八碟都係水汪汪既金菇呢, 精彩囉......係一舊成舊咁俾你...(即係你係出面買果D 一包包成舊咁俾你, 不過好彩係切左個尾既....)乜丸乜丸全部係出面買現成果D 黎, 而且仲要係平價貨質素(分分鐘你自己買撞手神買番黎果D 都靚過佢)好小野食揀, 張紙有3 行野俾你揀, 不過係得兩行多小小係免費既, 有差唔多一行係要錢既($3x - $100)咩係要俾錢既呢?有貢丸, 雞子, 總之係出面第二間多數係任食有免費既野佢地都要收錢個麻辣湯底.....太辣了, 淨係得個辣字, 而且....而且佢似乎係加左D 其他野落去, 我自己本身係識整呢D 湯底既....佢地似乎係加左D 麻辣火鍋湯底唔應該有既野落去....而另外, 我上年果次係一個人叫左六七枝汽水的, 所以無佢地所講"成日問你叫唔叫野飲" 既問題存在今次經驗: 無改善旺角呢間既員工同以前係一樣咁"唔nice"成日出街食飯(半數

見到其他食家既食評,雖然都唔係好,但太鍾意食麻辣既我都係要試一次,之前岩岩去完台灣,食左兩次麻辣火鍋,食左好出名既太和,又食左個任食既飛天麻辣,返到黎覺得太掛住麻辣喇,所以去左寧記我地叫左個鴛鴦湯底,麻辣加清湯,我地叫左佢麻辣再加辣,可能我地係晏晝去,先得兩group人,就係我地同隔離檯3個女仔,本來仲有位先生一個人食ga,我見佢好似食緊大家樂一哥火鍋咁,原來一個人都可以黎ga,睇黎佢鍾意食既程度太高la,我第一啖食個陣真係好正,好麻好辣,仲好食過台灣既,仲幾好服務態度既,好family咁,不過佢地都漏左d料冇俾,所以都想像到夜晚多人時係咩景況,我覺得佢d雲吞好好食,個蝦豬肉比例岩岩好,但係墨魚丸就係一舊粉,不過d肉就幾好食,手切牛肉比肥牛好,overall都係好味ga,我地會再去我地5個人岩岩好,4個送一個,其中一個唔使錢,我會再去ga,等下次得返我同我朋友時,我諗我會要個鴛鴦湯底,一面係四川麻辣,一面係台灣麻辣,當然兩個都要加辣呢,如果你地黎食lunch,應該會開心好多

為求去濕,第四次食.幾次經驗,我覺得服務其實唔係其他朋友講到咁差,可能我當佢係大牌檔,無乜要求.經理唔錯,可惜其他侍應唔識撈.麻辣?講笑好,好似「路痴」君所言,咸而不辣.食物絕對唔係好,但已經比大部分任食火鍋好.啤酒都唔係平,廿皮三罐.優點係唔駛等位,坐得ok,百零蚊我覺得可接受.旺角區之中,食得過.

我尋晚同D朋友去食，我地一坐底，D員工就不停問我地飲唔飲野，幾分鐘內，十次都有，好似迫你叫咁……點食物，有D連叫幾次都唔到……質素平平到差唔多食完，就不停有員工問你仲叫唔叫野食，執走上d 野，係我地傾傾下計，有員工殺埋黎，唔理我地，一輪咀咁，問我地：「仲叫唔叫野呀，幫你地埋左張單佢丫！」，我地都未俾得切反應就拎左張單去埋……我地成個打邊爐o既時間，只不過係個多小時……離譜在，佢係仲有吉都趕人走！！！

哎～食物同價格呢ｄ唔講喇～想講吓服務態度～ｄ服務員態度極差，明明話食兩個鐘．．．點知未夠鐘（仲有幾個字）佢哋就叫我哋埋單。我哋一俾＄，佢哋就收起哂我哋ｄ嘢．．．仲連個裝垃圾嘅膠盆都放埋上枱．．．迫我哋走．．．簡直離哂大譜，都唔知有冇攪錯！總之，我以後都唔會再去！如果有零分嘅，我一定俾零分！！！

好耐無食，一心想辣辣佢，點知．．．台灣麻辣湯底：得個油字，唔辣，越滾越咸，但無乜辣味，根本唔配叫一個合格的麻辣湯底。番茄薯仔湯：味淡如水，湯無乜料，非常差，自己煲仲好。配料：食來食去得幾款，肥牛同雞叫過得去，其他例如炸魚皮，魚餃，丸，竹笙，粟米全部都普通都不值一提，甚至乎唔合格，例如：炸魚皮完全唔脆，竹笙碎晒，粟米又係雪貨，非常唔得。

我試過打電話訂枱,訂2030,2015已經到左,同服務員講訂左枱6個人,心諗佢會比中枱我啦,夠膽死佢問都唔問就比張細枱我(4人枱),仲話人客太多無計,如果等中枱起碼2個鍾,因為啲客啱啱黎,我地同朋友慶祝生日就唔同佢嘈啦,咪逼埋張細枱囉,點知坐唔夠15分鐘就有中枱走,我問服務員調枱,佢話有人留枱唔換得喎,我夠有訂枱啦食物ok,不過服務差,成日打衝鋒咁,都唔知佢有咩做到,叫幾次都唔應,係位經理稍為好啲,不過我一定唔會再去食麻辣已經慶,仲要點錢買難受.....no way!

前兩星期天氣比較寒冷, 來了一個火鍋晚餐曖曖身子, 當晚店門的帶位分配出了亂子, 不知何解帶位的待應總是不給客人發上排位的票子, 只憑記憶的給客人分配, 難免引起不必要的混亂. 記憶中食物不過不失, 肥牛和貢丸的味道不錯, 其他待應服務亦很有禮貌. 只是有點人手不足的感覺.

早排天氣凍，打邊爐當然係首選，去過呢間分享下啦。去得寧記，當然要叫麻辣湯底，我地一行三人叫左四川麻辣併雪梨清湯（唔多記得全名），麻辣湯底的確唔錯，都好夠味下，反而雪梨湯就好一般。至於食物配料方面，可以用普普通通形容，丸類係大家可以在街市買到（不是自製），肥牛亦屬普通質素（好在唔韌），配料質素絕對沒有驚喜，當然此店賣點並不在此。價錢方面，一般預$150-160一個人，個人認為屬於中上價；服務尚可，起碼叫加水唔會冇人理。不過，如果唔鍾意食或者唔食辣，呢度就唔多o岩，因為食唔到佢最著名o既o野，去普通火鍋店都得啦。

星期六同友人往寧記打邊爐，叫左個麻辣同蕃茄湯底﹗其實佢既味道唔差，不過可能係自肋餐既關係，選擇唔係咁多囉﹗我地7點左右開始，佢響大約8點50 左右開始催我地走…明明未食完囉，因為佢9點之後有夜場麻﹗每人要$150, 唔算係好平囉﹗so，如果等得，i suggest 夜場囉﹗不過佢個麻辣湯底真係幾正﹗