寧記麻辣火鍋 (已結業)

諗住下午黎打邊爐可以平d,但平均每人都要$90下午差唔多2點黎到,得一對男女係到打緊邊爐呀姐服務超殷勤,係咁吹我地落單7個人,本來諗住要1個爐就算但呀姐聽到話1個爐即刻黑面,唯有叫兩個爐啦兩個都係叫左d清湯底就算,因為其中部分友人唔食得辣1個係東瓜,1個係豆腐津白野食都幾多選擇既,不過新鮮就唔算啦係肥牛到友人搵到d發泡膠粒出黎鴕鳥肉同雞肉都幾好味羊肉就麻麻,無羊味,都唔知自己食緊乜其他丸呀無驚喜,都係急凍貨叫左3次野食佢黎既份量好得意,1次會比1次少即係同樣1碟雞肉,第1次好大碟比你但2次會少d,第3次又少d咁但寫左幾多碟就幾多碟咁囉,無話會唔比你不過有一到可以讚,我地坐左成2個鐘呀姐都無吹我地走,呢個算幾好人囉

睇左好多人既食評先去食!已經有左心理準備，準時走人、態度差!打算去食宵夜平d!$220兩個人!去到真係要踏正11:00先俾你入! 入到去等佢收埋枱已經11:10 !唔理你照寫11:00入坐!當時都有d嬲不過預左!落左單d野好快到!不過個台灣麻辣湯底一d都唔辣!打算去食辣的就咪諗!d野都算新鮮!有電視睇,不過好矇!但每樣都好大份。我同男朋友食食下看看四圍好少侍應!廿幾30張(可能唔止)枱都坐滿人,得四侍應!落單、收枱、上菜、埋單。全部佢地做晒!俾你做都炆啦!他們幫我地上菜時我地都有唔該佢!講多2 句其實都幾nice!仲問我地出面好大雨記得帶遮添!$220兩人個人!送左2張$20coupon都食得幾開心!不過急左D!

與朋友聚舊見一見面, 一大班人來到旺角, 還是打邊爐比較化算 !話事人話" 去寧記啦! ". 一群人浩浩蕩蕩上去吧!入到去有一些剪報, 心想應該不俗吧!入席時約7點45分,店內有3,4 台客..場面也頗冷清.呀姐一見我們坐低就先說明收費, 未免有點掃興吧!" 每位人頭收費98, 豉油8蚊, 茶芥8蚊, 湯底一底38蚊, 有d就貴d, 仲有加一,限時一個鐘9個字, 有冇問題? " 7位送1 位, 只係免98蚊, 其他一律照收費, 不過如果無人等位都可以食耐dd既"聽後都感覺有點突兀, 雖然收費很清楚, 但真的很令人反感.其實以打邊爐來說收費不便宜心想一場來到, 還是試試吧.不過我們剛有7人, 還有朋友未到,, 每人再減十元也是可以接受.原來同行友人無一食辣, 唯有叫了豬骨湯底, 沙嗲和皮蛋, 均是常見的湯底.湯底尚算足料, 不過食物方面同一般火鍋店沒太大分別, 感覺更不爽所以連飲品也沒叫.d 呀姐開始黑面, 寫單的食物總是不齊.差不多餘下半小時, 一位友人終於來了.於是叫人加多雙"快:, 誰不知有個男人說" 你地都食得差唔多時間, 咁樣計唔會送多一個比你, 如果佢都要食就要收返正價"

3個人去食宵夜火鍋伙計態度OK，落單上菜速度算快!!要台灣麻辣+瑶柱冬瓜湯底....湯底唔一D都唔麻...只有辣,不過都可以接受瑶柱冬瓜湯底友人話唔夠味,落左D生蒜同辣椒落去.哈..生蒜一定要叫撈鼓油點啦鴨血係我既必選!!滑牛--好食過肥牛,至少有牛味!肥牛---可以接受不過無咩牛味..唔會好肥!(無D好粗既白色邊)雞肉都滑!唔錯!秀珍菇,雞肶菇放落麻辣湯度一流呀..吸晒D汁!8爪魚餅---呢個好食呀!!彈牙!墨魚丸--食到有魚味唔會好粉..油麥菜--唔算太鞋口啦..右係放辣湯煮一流呀!!炸魚皮都可以接受魚皮餃同埋魚蛋勁腥呀...食左一粒就無再食喇!!野飲要左2罐綠茶,1渣酸梅湯可樂係支裝覺得唔抵所以無叫埋單320, 送2張20蚊現金劵(一個月內到期)每人106,呢個價錢我覺得質素絕對OK!!比德興宵夜個D肥牛(2cm闊係肥膏,只有2cm係肉)好得多.哈...toilet真係唔掂...不過度度都係咁!

由於有明星投資，寧記初時都幾出名，加上當時又沒甚麼打正台灣麻辣火窩旗號的火窩店，所以，一逢有得打邊爐，都會來寧記。通常會叫台灣麻辣，因它會辣一點，而四川麻辣就會好麻，但都要各有各好啦。而炸蒜是免費無限提供的，往往最後變成炸蒜多過醬油的。很久沒來，環境依舊，多了幾張最近會上畫的電影海報。服務依舊爽快，點了的野食不隔一會便來到。今次來已是十時許，所以客人其實不多，所以可能服務會好一點也說不定。最欣賞寧記的是它用料新鮮之外，質素也高。像是午餐肉，以前每碟會有兩塊厚切的，放在麻辣湯底後，入口時真的感覺很難忘。雖則可能因為通脹，這次的午餐肉也比以前薄，而且只得一塊，但依舊是好吃的。鵝腸每碟都有不少份量，而且質素甚高，放入湯幾秒吃落很爽；雲吞和水餃都不俗，但雲吞較好味；肥牛則麻麻，過瘦；生蠔則很肥美，不斷Encore再Encore；豬大腸又是很肥很正，不過吃得多就覺得膩。特別好吃的是豬下青，即是豬頸肉，極度肥美軟諗，而且是厚切，吃落很滿足，是前所未有的感覺，哈。去到後期，湯底變得比較咸，美中不足。服務真是沒甚麼問題，還不時主動給我們加湯，加上做野好爽手，同行的友人都很受落這種服務...當然會再來E

星期四晚上，一行9人去食，7:30pm去到，閒日無咩人，我地坐左張大檯。地方算闊落，坐得幾舒服，通道位又唔窄。員工態度幾好，落單上菜速度亦快，應該是因為當時唔多客。但有一樣不太滿意，肥牛寫幾多都好，一定黎少比你，而每一碟只有5小塊。第一次落單，肥牛寫3，佢來了1，因為第一round我地點左好多款食物，佢應該係博大霧黎少碟，博唔覺眼。之後有round只寫了三款食物，肥牛寫3，因為點得少食物，黎少碟會好覺眼，佢終於黎了2碟(但都係少左1碟喎)。而平價野如龍蝦丸，寫一碟，佢都係來一碟，但碟上的龍蝦丸堆到成坐山咁高喎。我地要左2個湯底+野飲，埋單$127一位，衣個價對於這個食物質素來講，我覺得貴。都係只會試一次好了。

今日食左....睇d評論都唔信....因為之前係tst 食個間係好ok的...但今日去到...初初都ok...但食到一個鐘多d..真係見隔離..真係有d俾人趕既感覺...之後..食到一個鐘零十五分鐘到...就feel到有位呀姐望住我地張card..過多幾分鐘呀姐就話...你地都唔食架啦...不如埋單先啦..= =\'..唔使甘早呀...之後..甘本就無人等位....但..仲有成三四個字先夠鐘...就話熄我地個爐...我男朋友都沒食完...想點呀..價錢貴其他成一成..又收茶錢..又收x油錢..又無野飲送....最重要係..服務好有問題..無人等位..都要趕客...都係去返創興..個兩間好的....its ....on our \'\'black list\'\'...already.

2月21日晚上8:00跟兩位朋友去打邊爐, 一坐低侍應拿來食物紙把紙上寫明2小時任食改為1.5小時. 我地話1.5小時唔夠時間, 佢話最多比多15分鐘. 到1.5小時侍應立即來提醒我地夠鐘叫我地埋單, 當時仍一檯食物. 佢就話比多15分鐘. 15分鐘後, 侍應話"夠鐘你地要走啦", 之後就熄爐. 檯上仍有很多食物. 我地以為外面好多人等, 點知出到開口一個人都冇. 咁趕客真係前所未見. 況且1.5小時打邊爐, 趕住食真係野都講唔到, 食到氣咳, 食咩都冇味啦. 一d服務質素都冇.

今日一行幾人去食午市打邊爐.全場樓埋唔夠3枱其實都唔算大家講得咁差我地有人早到有人遲一開始講得好清楚價錢點計我地都點左幾多野食.牛肉一碟唔多,一人一塊就無哂.不過既然係任食就無所謂啦2個鐘後埋單,,埋完都有繼續點食.服務態度尚可接受,只係有時黑面.

上星期六天氣凍同3個朋友去hotpot 朋友話去寧記, 我話去德興,但又遠唔想行, 是但la...上到去寧記7點到, 未滿就坐下...之後點野食其中肥牛看上去不是太新鮮仲有d "瓦"色, 煮完有d "un"...可能我整得太熟算....最激氣係...差唔多仲有20分鐘先夠2個鐘, d waiter 走來話多人仲有無野order, 無就食快d...食刺身咩....過多5-8分鐘有個男人走來, 熄我地爐話無水啦...你無野呀, 多人都唔洗趕到熄爐呀, 我話無水加水law, 理論左幾句, 佢走開了, 爐開返, 同我朋友講...我無比錢咩, 2個鐘丫ma...都未夠鐘, 埋單仲$143, 尼個價錢好多選擇....同朋友講無下次, 大家如果想食剌身就去...寧記啦.

樓下1月30日食評都有兩個鐘我得1個小時零45分鐘仲要入座0個下開始count我以後唔會再去以前好喜歡呢個地方兩年冇幫襯變哂我係肥牛怪都只食左半碟d 野好唔新鮮脆肉鯇你唔駛旨意一片片放入去滾因為係冰度一大舊你要成碟堆落去所有野都唔新鮮,..連菜都係叫左三罐藍冰加埋$310 (2個人)可能出去散叫冇咁貴

經朋友介紹話d間野好食又抵, 於是一行3人就去試試.6點幾7點鐘到達, 一去到就有位, 於是不停叫吓, 食吓, 又停吓, d野食一般啦.食吓食吓望吓表仲有半個鐘就夠鐘(因為只限食2個鐘), 就休息3個字吹吓水再最後沖刺. 點知3個字過後, 有個人走過黎叫我地埋單, 咁我地以為先埋張單先再食埋o個3個字啦, 咁未埋左先. 埋單後, 我地食食吓之制, 有個肥亞姐走埋黎問我地仲要唔要, 咁我地以為佢同我地清左枱面d碟先, 誰不知, 佢一野"抽"走我地個鍋(嘩! 大佬! 仲食緊嫁喎), 咁未即刻同佢講"未食完嫁", 咁佢死死氣氣擺番底, 跟住過左1分鐘倒, 又走埋黎用d冇禮貌又惡劣既態度話"出面仲有大把人等緊嫁"跟住走左去, 我地聽倒d句說話即刻呆哂, 都黎唔切做反應, 估唔到佢咁講野都得. 正確黎講我地根本都未夠鐘, 你出面大把人等關我地咩事呢, 最後我地二話不說起身走人, 咁趕客都有? 唔會再有下次幫襯.

以前逢冬天諗都唔使諗第一時間幫襯,今日諗咗好耐,到底好唔好去呢?因為上次經驗實在太差,諗住今次比多次機会佢再去試一次啦,點知.....唉! 總之就係一個字"差",講多無謂,行動最實際,以後唔会再幫襯.

今晚，再次去食。但已經沒有以前的新鮮感了，而且服務態度....係極差又dirty....叫佢沒有人回應。未夠鐘，就趕住要我埋單趕我走.....一簽完card就馬上連煲都"力"走埋......咁就係服務???.....點解我要比ser charge.blacklist.....最少一年不再去。

服務差不在下話...問佢攞乜都話等陣..有D直頭唔知佢係咪應緊你....淨係拿D辣椒都叫左四、五次先有....D野食冇味道架...食完都唔知食左D乜...好似叫午餐肉咁(竟然係冇午餐肉味)、脆皮芝士腸(冇芝士味、又唔脆)...最差既係手切牛肉(整係個買相已經唔想食啦....D肉竟然呈現不正常的暗啞粉紅色,粒狀..完全冇牛肉味)...OH...我地以後都唔會再去架啦.....>_<