寧記麻辣火鍋 (已結業)

睇完d食評都有d驚食物都黎得幾快張檯唔咁大 恃應將d肥牛碟蹋碟...碟抵點住d肥牛 有d唔衛生...食物普通 恃應態度還好話明任食兩個鐘 但係恃應夠鐘冇催我地 想加我地錢好彩最後都冇加 不過不失啦

呢日睇巴西對葡萄牙好彩一早BOOK左位, 一上到去個塞滿曬排隊等入去既人先講野食我覺得普普通通, 唔覺得有咩特別好食~同係創興個D平價火鍋質素差唔多..打邊爐最緊要緊係肥牛啦不過D肥牛真係........ 相當唔好食~!!我去花園金閣食個D仲好食過佢 !D肥牛好"UN"唯一正既係有午餐肉食服務不過不失啦~~~ 冇咩特別 ~~~環境在場D電影只有26 - 32吋仲要係好似冇開聲咁~ 睇波相當冇氣氛 !要睇波真係唔好選擇佢 !總結我唔會再黎.. 因為一D都唔抵~!!!$180 一位~ 野食又唔係出眾唔值

作為客人，我衷心希望寧記老闆／管理層可以見到呢篇食評！本來同幾個朋友打住邊爐睇波，順便慶祝生日，係好開心既事點知比呢間寧記激到一肚火，免費我都唔會再去！1. 食物少，質素差- 魚皮碎：叫碟炸魚皮，叫左幾次都無件事，又唔話你知有無，到我地追到有時，收到既係一碟魚皮碎！！！！！！你可以想像下，一包薯片食到最後果ｄ碎！！但我地都無出聲，明白你地今晚伙記一定好忙，心情肯定麻麻！！呢ｄ都係可以體諒既，我地都無為難大家！忍！- 豬膶：總之係我一生人食過最恐怖，最難食既豬膶，粉到離奇！！！- 其他食物份量好少，但都算數，質素非常一般，唔至於值得再來食。2. 服務超級惡劣- 蛋糕：我一去到想話擺低個蛋糕，已經被人覺得係麻煩，jeep jeep 聲！但，算！我又忍！但以下呢單野先最最最過份！！！場波一完，ｄ客四散，我地都食到七七八八。大部分客人走晒，我地就想食埋個蛋糕先，果時係１２點鬆ｄ，叫個侍應幫手拎蛋糕出來，又無影！等左一輪，終於等到個蛋糕，佢擺低台面時，um um 尋尋講左一句：食成三個幾鐘！！！！！嬲到我，忍唔住大聲問佢：你同邊個講野？？？佢唔理，繼續自己走左去．．．．．真係令人火滾！我地全晚都

遲黎既報告話說14號同朋友慶祝生日加睇波朋友13號晚book左.....仲話一定要坐房睇波寧記食物都一向ok......個晚唔知做咩.....點丸個d就黎好小肥牛就點幾多黎幾多......質素唔差囉如果世界杯期間黎一路睇波一路打邊爐確係一個唔錯既選擇囉百幾蚊有波睇又有得打邊爐唔錯唔錯建議：最好book位話響房睇波好......響廳睇我覺得電視唔夠大.....未必好睇......但個到睇波氣氛都唔錯......

友人的法羅群島朋友來港，叫埋我地一齊食飯，天寒地凍最好梗係打邊爐，佢地選擇左寧記。唔知點解好多朋友招呼外國友人都係去寧記，任飲任食可能對外國朋友是有趣的玩意吧，寧記亦都知呢點，點餸紙上中英對照，識做又體貼﹗麻辣是這兒賣點，分四川及台灣兩種新度，以台灣最辣，八個人開兩個爐，我試了台灣的麻辣湯，味道其實只是一般，最重要是那個重點"麻"字做不到，辣而不麻，不如蘸辣樣油，這是稱為麻辣最敗筆之處。任點任食，法羅群島朋友吃得很開心，因在當地根本未有試過，估不到佢最欣賞的食物是龍蝦丸及炸魚皮，佢地話味道相當有趣又香口，丸類大大粒方便吧﹗友人不是人的介紹佢食雞子等中國特色 "美" 食，談談外國生活，喝喝啤酒，這夜真開心﹗就我而言，牛肉雖不是勁肥之流，卻沒有牛味，肉質亦偏韌﹔其他食物如羊、雞、丸等都是普通貨色，墨魚滑沒有味的。同食家很怕吃任食火爐，因價錢總計起來其實也不是便宜，在其他火鍋店加多幾十蚊吃得精一點一定更好食﹗這兒食物一般湯底亦一般，不過外國朋友既然吃得開心，那就給她一個一般吧﹗

天氣凍, 想食火鍋, 簡左寧記,麻麻地, 不過不失啦!!!!地方好近好易去, 係地鐵站出完行1條街到 就到價錢好合理, 坐過左時間都無收額外錢, 抵!!!!有幾種湯底簡, 而且d料又新鮮, 不錯羊肉片/豬腰/牛肚/牛筯 好正好好食,滾得愈耐愈入味!個鍋底, 麻得好正, 不過就多油左 d

星期5測驗後約埋同學仔去打邊本身去新星,多人到嚇親所以轉戰寧記一行5人,有兩個辣妹,所以叫左一邊麻辣,一邊豬骨喜歡寧記的炸garlic雞蛋唔駛另外加錢唔駛話要隻雕蛋要5蚊果d老土野不過可能太多人,叫幾次先有支可樂飲下大讚麻辣鴨血同豆腐唔駛食麻辣湯都可以叫,味道唔錯個麻辣湯無小肥羊咁辣,我唔食辣既都ok不過個豬骨湯略嫌無味唔夠新星果個咁出色,有待改善亞b之前食過causeway bay果間,話mk果間好食d我就覺得兩間都ok,可能我地未食夠兩個鐘就走,未有出現被趕既情況

今日約左班朋友去食麻辣火窩, 真係食到火都黎呀!我今朝打去寧記book位, 我問聽電話個阿姐係唔係有任食?佢話係呀, 任食兩小時, 咁我問"我地十一個人, 都係食兩個鐘呀?"阿姐話如果到時無人等檯既話就可以繼續食0羅, 跟住仲話有八位送一位架, 咁我就照book啦!我地八點去到, 食到九點半就有個阿姐入黎話我地, "嘩..仲有禁多酒, 你地夠鐘喇喎!" 跟住就拿張單黎要我地埋單, 跟住個阿姐又話夠鐘你地就要走喇...我地問佢, 我地未食晒野喎, 個阿姐居然話如我地坐多半個鐘就加收$30一個人, 如此類推....咁我地無理佢啦...食多左半個鐘就走, 因為我地見無人再黎收錢, 同埋四周圍都係空檯, 所以就以為佢地只係講下, 唔會作出一d禁無理既收費啦, 點知我地出到(車立)口, 居然有個阿叔追出黎要我地俾番錢佢, 話我地坐多左半個鐘,要收$30x11位=$330, 我地同佢理論啦, 明明訂位時話無人等可以坐耐d都得, 而家又夾硬收費, 跟住個阿叔先死死地氣話, 咁就無得用個八送一優惠0羅, 雖然我地覺得唔合理, 但因為費事煩, 所以就照俾左$108佢就走....不過講明無下次, 因為呢度

天寒地凍,於是同朋友仔一齊去打邊爐,佢地話去食寧記,聽人講寧記ｄ食物麻麻地,服務麻麻地,衛生麻麻地.....諗起都有d驚,但我地最後都去左我地係食9:30時段,去到都幾多人等位,但由於我地6點半左右急急book左位,所以好快就有位了坐低左之後梗係要即刻填紙仔啦,我地狂寫,大致上寫左呢d野:手打墨魚滑---好食,幾爽口台灣貢丸,龍蝦丸,蟹籽丸,香港仔魚蛋,芝士腸---一般急凍貨,唔會唔好味爽蓮藕片,,甜粟米,鮮南瓜片,豆腐卜,日本芋絲,鮮草菇,山根,生菜,油麥菜,枝竹,唐蒿菜 白豆腐,全部好食,尤其係鮮南瓜片,好甜好綿,我一個人都食左2碟美國肥牛,,草羊片,豬肉片,午餐肉,鴕鳥肉,豬粉腸,鵝腸,帶子---ok新鮮,羊肉片有少少 羶,鴕鳥肉好食,好滑,帶子雖然細細粒,但勝在夠新鮮,最哀d蝦冇得任食...脆肉鯇魚片冇食到....唔係太鐘意食魚,但d朋友仔話好食,佢地叫左好多碟竹庶水好飲,但酸梅湯就麻麻整體上d食物都好ok,服務都唔係好差,0個晚勁多人,勁忙,有少少黑面都正常,我同d朋友仔嘈到拆天,我地由9:30食到12:00先cut單,但佢冇熄我地個爐

琴晚同d同事, 一共5個人幫親 宵夜時段(晚上11時後): 大人$68 去到個場唔駛等位, 真好~鴛鴦湯底 - 揀咗胡椒豬肚湯+四川麻辣 麻辣有麻唔夠辣, 反而胡椒豬肚好辣, 個湯底好濃, 正~叫左超多野食:肥牛-唔夠肥, 比較瘦, 勉強接受粉腸-唔錯, 我朋友話有d苦, 我估應該係一舊舊0既問題, 我食個d一d苦都冇豬潤, 豬腰, 鴕鳥肉-好新鮮牛筋-好鬼林, 正魚皮餃, 水餃, 雲吞,魚腐-ok wor, 特別係魚皮餃幾令~粟米, 草菇, 金菇, 雞脾菇, 冬菇, 鵝腸, 炸魚皮, 脆肉鯇, 鱔片, 生腸, 蓮藕片, 雞片, 墨魚仔, 牛骨髓, 牛筋丸, 牛展, 墨魚滑...d侍應唔知係咪俾人投訴得多, 特別多野講, 好似想打好關係咁....我唔係太喜歡好多食物出面都比較少打得到~ 特別欣賞係個湯底!唔錯, 是夜一人$91, 仲送左4張20元coupon (每100元用一張) 一個月內使用返到屋企 成身都係麻辣味

我地一行6日約左去寧記食之前我已經食過2次了第1次記得食得個半鐘, 真係熄爐第2次因為冇人等位, 可以繼續食到今次...開頭冇乜人食食食吓都爆哂...食過2個鐘, 不但冇熄爐, 仲好勤力幫我地加水 我地再order嘢食, 照比我地order真係要黎一個大評反呀!!!午餐肉 炸腐皮 芋頭 好好食, 麻辣唔夠辣, 沙嗲好正好濃我地叫左2jer蔗水....每人都係$140咋一定會再去囉

是晚本來諗住去新x打邊爐, 不過而家要到九點後先有任食, 所以就轉咗嚟呢間去到個場得四五枱客, 唔駛等位鴛鴦湯底 - 由於怕辣, 所以揀咗胡椒豬肚湯+蕃茄薯仔湯, 胡椒好味啲點咗一大'堆'嘢食, 好快上枱, 食物都算新鮮, 不過要勝瓜就俾咗冬瓜, 要鮮冬菇就俾咗蘑菇....不過間間任點火鍋都係咁ga啦叫咗一JAR蔗水, 稍為甜咗啲入座計可以坐兩個鐘, 不過冇人等位所以都唔會趕你走, 因為有電視睇, 由畢打自己人睇到古靈精探B, 食咗兩個幾鐘~是晚找數用咗$20coupon, 每一百可減$20, 埋單都係$130位, 都ok啦

同學聚會, 選擇咗<寧記>, 我於出發前曾到此睇食評, 劣評佔多, 心知不妙...先咗其中一同學 7:30pm 喺旺角 MTR station 等, 再行去瓊華打算 join 8:00pm 班 friend. 點知佢哋遲到, 仲叫我哋上去先. 吓!! 食評中曾講過, 由攞飛開始計時o架喎, 咁快入去, 咪好快要我哋走. 一坐低, 個待應就同我哋講, 係限時兩小時, $98 一位, 加咗三樣 $8 o既唔知咩, 湯底另計. 但我哋問個待應, 如果我啲朋友要 15min. 後先嚟, 咁係咪都由依家開始計(當時係 7:55pm 左右), 個待應即刻話當我哋 8:15pm 坐低.一般打邊爐o既食物都有, 特別o既有四川麻鍋底, 牛骨髓, 豬腰, 九肚魚... 雖然我唔食, 但朋友食後都覺得唔錯, 而且唔多火鍋有咁特別o既食物.我哋由 8:00pm 食到 11:00pm, 不但冇人催, 仲問我哋要唔要添嘢, 真係要咩有咩喎, 而且 order o既都算快到. 至於有關熄爐之說, 呢件事完全冇發生喺我哋身上囉.一行七人最後埋單每人 $150, 真係唔算平, 用咁o既價錢, 真係未必

食完返黎至知咁多劣評我 10.50 坐低...佢地真係要我呆坐到 11.00 至可以俾宵夜價...笑容/尾音係無架喇,但不至於要我受氣...而且我食足兩個鐘都無趕我走喎...我時運高?????一個人講都唔信....個個人都話佢地興'熄爐'喎...唔通係正價時段,同宵夜時段既分別?至於'標價'以外...要再加茶錢/煱底/醬油/花生....香港人...唔係唔慣下嘛???揀左台式麻辣....只係一味多油...少少麻,唔多覺辣...下次都係叫番四川麻辣....料呢...大路貨唔少....丸呀腸呀唔駛提....精彩既如下:第一必食:豬腰...好少任食火煱有豬腰...可能因為供應少,清洗工夫又煩,呢度豬腰大大件又新鮮....正麻辣三寶...縮骨算爆老...nonono....係牛肚牛筯鴨血......簡直無敵呀...牛肚覺得太'周街都係'...所以狂食牛筯,鴨血,豬腰...幾乎已經飽羊肉片...當然係雪藏貨...但肥瘦適中有羊騷味...正脆鯇片,九肚魚都好新鮮最衰係同行的垃圾口情人,要本金童幫佢掃埋 d 乜乜物物垃雜丸,冰塊牛肉.....浪費晒我 d 胃納量....

在四川麻辣未登陸香港前,(四川麻的感覺比較重而台灣則著重辣味)第一次接觸台式麻辣火煱是十多年前在山林道肥媽開的火煱店,那時平均消費大約每人3-4百元.結業後直到寧記的出現台式麻辣才叫開始多人認識,未做任食前平均消費每人2-3百元.尖沙咀舖無訂位嘅話都唔駛旨意有得食!隔幾年後變了做任食火煱一直至今.去吃麻辣火鍋不過是為了享受那入口火辣吃得滿頭大汗的快感!不明白為何這麼多不吃得辣的人去食麻辣火鍋!然後又話湯底唔掂又辣得滯食唔落?每次來這裡也目標鮮明只為了幾款食物而來!鴨血----入口時湯底的辣混和鴨血軟滑的感覺,有其它東西可替代嗎?牛筋、牛肚、大腸----放在煱內滾得愈耐愈入味!牛筋淋得來有咬口,肚及腸吸了湯的味道比食街邊牛雜更美味.鮮榨木瓜汁----這裡的即叫即搾無溝糖水, 因為而家食就過癮,第二日出返嚟真係笑唔出! 木瓜汁呢個時候就帮到手喇!通常來這裡食麻辣火鍋都會揀一些本身味道不特出,而質感比較爽及索湯的材料來吃!因為清楚明白自己這餐的主角是----辣!