寧記麻辣火鍋 (已結業)

酸梅湯勁甜,唔掂牛肉,超薄,超鞋,打邊爐連牛肉都唔掂的話都唔知仲有乜賣点其他0野好似魚片,餃,菜....全都好似放咗好耐,上枱時乾曾曾咁最唔順係全場數埋都唔夠十枱人,D亞姐都摧三摧四,仲話過時毎15分鐘加50蚊, 唉,簡直貼錢買難受,一定冇下次!!

原來大家同我一樣,好地地想同朋友聚會7:00pm去到寧記,都係得三台人食緊!佢同我地講一小時三十分鐘, 其實我地都覺得太短時間得又唔想另找一家打火鍋 ,咁我地就決定坐落去!! 每碟細細碟, 方便每種試下,其實味道就冇麥特別ga la! 唔可以叫好好味, 致在大家可以開開心心鐘意食咩就叫食到一半肚,仲有九個字就話 last order 後來仲有三十分鐘就同我地話, 濃妝呀姐: 你地仲有3個字, 我就熄火喇唔係呀我都未夠鐘佢就開始收我地野,好可惡low!! 仲有一煲野食個朋友食緊, 佢好似覺得好多人等位咁 幫我朋友係個煲度羅d野食夾係碗我地食得好唔開心呀!!! 點解會咁ge服務態度ga!!銅記真係好好多!!希望旺角寧記員工可以睇度我地咁多位食評好好改善吧我都唔想見到你地冇生意!

我果次3個人去食, 其實都食到7788, 佢又係黎埋單先, 心諗埋左單唔洗即刻走o者(個時冇人係度等位架, 有好多空位), 點知佢轉頭就黎熄爐...呢招好黑人憎, 以前都唔會咁架, 佢可以慳返d 電掛, 但咁樣好得失d客lor, 你都冇人等位, 你咪由得我地坐多一陣間咁多, 唔洗去到熄爐咁絕呀!! 價錢又唔係特別平過人, 啲侍應態度又差, 真係冇下次!

約朋友食晚飯只得90分鐘，仲要食火鍋。你約左d唔係好想見既朋友就最好。因為一夠鐘會熄爐。完全冇時間傾偈。八時食飯九點半走人。勁快...平均$150一位絕對唔平，野食超唔得，衛生我會俾十分....................差差差。個廁所我諗去到印度至有咁嘔心。旺角如果只得佢一間食肆，我會落佐敦

之前到這裡食過幾次，也到過其他分店，特別欣賞它們的沙爹窩底，真的與一般任食火煱的沙爹有所不同。與幾個朋友於29/12到訪，星期一的晚上，沒有太多人，應該可以慢慢吃了吧。一坐下便先點了沙爹煱底，果然沒有令我們失望，火煱料也算來得快，不過，好「氣」在後頭。就在我們一行人食了大約一個多小時之後，他們走來埋單了，那時候我們的感覺是還有一兩次order可以落，不過，埋單不代表要走，就容他去吧﹗又過了一會，又有個女人走來說是last order，好的，便last你吧﹗東西極速來了，然後，過了幾分鐘，正當我在「煮」脆肉脘魚的時候，她竟然走過來說夠鐘要熄爐了﹗「甚麼﹗我還在煮那食物啊﹗」心裡說。不過，一伙人都是斯文人，否則，我一定要問候問候她了﹗又隔了一會，她又走來說要「起爐」了，問我們東西要不要，那一刻，我真想將所有未煮的食物都倒進煱裡，食剩都唔益你呀﹗最後，大家都是一肚氣離開，臨走的時候，看到那一位阿姐張開笑臉歡迎新客的樣子，真有一種人情冷暖的感覺，也對她的笑升起十分嘔心的感覺。總括而言︰(1) 它們的煱底保持水準(2) 侍應態度十分惡劣，雖然火煱是限時，她收我們的煱是合理的，但在沒有人等位還有空

劃單寫2次先有一次, 仲要成間鋪當時只得幾枱.仲要大約食左80分鐘到叫你埋單(仲話我地過灑鐘), 比完錢, 仲有少少野未食完, 第90分鐘熄我爐.咁唯有食埋隻碗o的野, 個staff仲死過來問我o的野要唔要. 連我朋友都頂唔順, 小左佢一句 "都比你熄左過爐啦, 仲點要".有個女人行埋來話一開始講左食個半鐘.乜正常唔係個半鐘係Last order?原來佢地個個半鐘係只由入去到埋單到走!!!扣起o的 寫單, 走單, 水滾, 埋單得番1個鐘.我地走到出門口時個時, 個女人仲話我地點點點. 真係跌左落地都要拿番炸砂好失望, 未食野食到咁(男女男).

平安夜凍凍地，專登同男友黎打邊爐$118一位，$8茶，$8醬料，$40湯底要左鴛鴦鍋，四川麻辣同澳門豬骨湯但黎野唔齊，點左兩碟黎得個一碟，份量又少，幾次都係咁！材料都麻麻，唔係好新鮮，尤其d水餃好難食個湯底叫ok，最滿意係呢樣服務方面，冇想像中咁差，係會催埋單不過d野食真係唔係幾掂，唔會再黎埋單$359 兩位

尋晚約埋幾個大學同學飯局一聚，經一番商討後，決定到旺角寧記食一次麻辣火鍋。一行四人六點九到達，可能時間還早，連埋我地先係第二枱人。一路食落其實整體評價不錯，料有跟單嚟齊、亦都真係寫幾多嚟幾多，個麻辣鍋亦都辣得恰到好處，唔會太辣，但係夠哂麻，食嗰吓唔覺太辣，但係一飲嘢，啲「麻」就即刻出哂嚟。正。另外值得一提嘅係，佢地有前排升價價到砰砰聲嘅「貴價食品」午餐肉叫，原來午餐肉拎去打邊爐，都幾鬼好食。而整晚最失望嘅係，佢地真係食到一個半小時就嚟「埋你單」，一個鐘頭九個字就嚟收你爐。其實佢跟規矩叫我地走，係真係冇問題，但係佢地職員啲態度真係好難頂，佢嚟收爐時，其實我地都食到尾聲，但係見個鍋入面仲有幾件嘢，諗住唔好浪費，我地咪同職員講想夾埋個鍋入面剩底嗰啲料，點知佢應我地一句：夾得切你咪夾囉！語畢即刻叉隻手埋嚟收起個鍋，之後佢見我地呆左，佢仲要將句野講多次.....我地成枱當堂頂住條氣。如果唔係佢地啲態度咁，依度的確係一間幾好的火鍋店。

本來對寧記的印象都好，食品不錯，湯底也好。但上星期五去後，有得選揀的話，我會也不會選去。我明白我們去的時候是黄金時間（七點三左右），我們食到九點三個字，在入座前是說好一個鐘九個字的，我們超左三個字，叫個比較高級的侍應斟水，同我講遲下遲下，我同侍應講想飲多碗湯先收，佢話已過左鐘，叫個另外一個侍應快d收，咁算點呢？（水又唔斟）還有d料唔新鮮，看見都唔想食。又無任飲！算吧！

我係寧記既die hard fans，食足十年都無厭到．講真，平時都聽唔少睇唔少對呢間火鍋店的劣評，但我唔知係好彩定係我要求低，還是真係長期熟客服務會好ｄ．．．我從來在這裡得到的經驗都是正面和愉快的！近日我較常到旺角店吃，當然最不滿是常常要等位，而等到位入座後，兩個人就最多可以食一小時四十五分，係食得無咁過癮．不過又因為這個制度的存在，等位的人才可以肯定等到位有得吃！我在這裡當然會選擇台灣麻辣湯底，作為一個麻辣邊爐魔，我去了多間食店都吃不到比這裡惹味和好味的湯底，味道上來說可以講得上獨步天下．如果不是，為什麼長年累月給人劣評服務態度，食物新鮮及選擇度及環境衛生度底下，還是每時每刻都有這麼多人來等吃呢？食物方面，當然都係普通食物為主，無乜特別選擇，但新鮮度都合格．至於服務態度，可能我都替職員們感到辛苦（在任食火鍋店打工的人，無時無刻都要處理點食order，少ｄ腳骨力與記憶力都做唔到！），所以我常常在叫他們幫我拿東西時都會附帶一句：”辛苦你們了！做食肆職員不容易！”，可能因此令他們對我的態度蠻好吧！除了台灣麻辣湯底屬獨有必食之選外，我覺得冬瓜海鮮湯底都很不俗，湯底夠清甜有味，烚菜和雞脾菇都

完成係食到一肚火.......星期六一班fd去食飯 , 其中有個人話好想食麻辣火鍋 , 想住寧記近近地 , 以前食過又唔太差 , 果陣得9:10 , 見下面個水牌話9:30有宵夜 $ 88 (原價 $108 ) , 為免有誤會 , 仲專登打電話上去問係咪 9:30 就 $ 88 , 對方話係 , 我們見咁差幾個字梗係行到咁上下先去拿位啦 ~~~ 上到去.....嘩 , 駛唔駛咁多人呀 , 都唔緊要 , 拿了飛先啦 , 由9:25等等等 , 一直等到10:15先有位 , 等足9個字 , 入到去坐底 , 個人就話 $ 8茶 , $8芥 , 湯底 $ 38起 , ok啦 , 茶芥就預了架啦 , 正想寫野的時候見張紙寫住 $ 108.......$ 108 唔係呀 , 拿拿聲搵人問 , 個人仲夠膽死話係呀......唔係9:30開始 $ 88咩 , 係9:30開始 $ 88 , 但你們係 $ 108 .... y ? 原因係9:30前拿飛果d未入晒 , 所以拿住飛果d都係計 $ 108 ......... (即刻有種想走的想法)咁你就唔好俾飛人啦 , 如果唔係個個都話肚餓 , 是旦 , 我一定

參加一個令女朋友ge生日會，佢同佢條仔係呢度常客。有電視睇，有vip房（三四張大枱共用）。blue ice 15/3、生力細枝22/3、kirin 大枝22。大致黎講係好味架！好似佢地話齋。d粟米真係好好食，好甜好爽唔痴牙，實在好難得！叫左麻辣同豬骨兩個窩，每個40。麻辣聞到好香，我唔食辣但係佢配一dd野，例如麻辣南瓜都ok好食。豬骨湯底都夠鮮味，用黎烚枝竹好好味。肥牛、羊肉一碟大約有十塊，都好完整同大塊，但烚完比較粗身，係咪因為切得比較厚所致？菜，好新鮮好味！佢唔係「自助」形式，而係任你用點菜紙點菜。琴晩平均黎講，前前後要叫四碟南瓜，先得四舊南瓜（一份四至六舊）。粟米就上得幾足，但係如果係咁真係可能好多野都甩單，我地都未發覺。九個人去，每人150。兩粒鐘，未停過手，中間有兩三次「等熟」時間，食完都未算飽咁，番屋企全身同個背包（入面）都有鹹鹹ge邊爐味。

一班朋友上黎打邊勞.一開始就限左一個中頭9個字[ 之前黎食都唔係咁 ]無論你寫既數量要幾多... 佢都係畀一樣既份量你有電視睇... 但係佢d電視唔知係咪唔夠大.. 冇字幕!!個度d阿嬸態度勁差. 行話黎過差唔多夠中. 問我地仲叫唔叫野飲野食就唔order得之餘.. 仲有野食未放落個煲.. 佢都唔畀我地放仲話要即刻熄哂火收埋個煲tim 勁過份!!浪費哂d野食!!!!! 之後又聽到d阿嬸話我地將d未熟既野食放落煲度心諗:::: 你唔係諗住留畀下個客食呀嘛????? 好冇衛生囉!!!!!!係咁趕我地走... 話出面好多人等緊. 我想講出面冇人等囉. 隔離仲有3-4張台冇人用. 好無奈想慢慢開心食餐飯都唔得~唔會再有下一次!!!!!!!!!!!!!!!!!!!!!!

哼~ 真係可惡 !!本來一班人朋友仔同行20-30人, 夜麻麻玩完就想食d野, 聽講寧記開得夜, 就上去啦.打電話訂位時明明講明俾我地食2個半鐘, 當時都已經夜晚12點, 食到兩佢收鋪都唔過份呀, 我地又多人, 又唔係阻佢做生意.11點45入坐, 1點45分叫我地埋單, 2點收爐, 2點15分叫我地走, 都幾準時呀~~~仲有呀~ 叫大部分野食, 有1/3買曬, 喂, 無貨未學人做夜市啦!!!

三個人上嚟打邊爐,一心想食麻辣火鍋,刺激吓要的當然係麻辣湯底,此店係任點任食形式,首先想講個湯底係幾有水準,因為真係好夠辣同好夠味,拍得住大陸既水準!肥牛,鵝腸,貢丸,如此這般叫了幾個round,但係最有印象係佢地個麻辣鴨血,真係好入味同好好食,麻辣豆腐都唔錯,最大優點係唔使滾都可以就咁食服務都唔係太差,自助式既餐廳,都算係咁了