容記小菜王

营业中

休息中

今日同阿媽喺太子附近行街，順便諗住提早同 阿媽食飯，預祝母親節。佢鍾意食中式嘢，見到呢間招牌好大個，就俾佢吸引咗過嚟試下小菜啦。餐廳係一樓，一出就見環境幾闊寬，坐得都幾舒服。打開個餐牌，見佢有個米芝蓮燒肉好似好靚咁，但係價錢唔貴，梗係要試下啦。我地叫咗份細嘅燒肉，但食落都比想像中多。名不虛傳：層皮超脆唔會死咸，有豬肉香味；五花腩部分肥瘦比例各佔一半，連埋層皮一口係嘴入面爆開……唔洗霑汁風味更佳。另一味更食到的係炸蝦餅。一咬開除左炸得好脆之外，口感非常扎實，蝦膠質感彈牙，感覺到用料新鮮，而且咬開仲明顯見到啲紅色的蝦塊，好食啊！雖然已經好夠，但我地仲叫左個冷盤：海蜇燻蹄。海蜇嘅賣相本身已經好ok。佢唔係嗰啲好cheap嘅一包包即食海蜇，切得好粗好長。加埋本身掛喺上面嘅醬汁，酸味味咁，越食越覺得唔夠喉。燻蹄切得好薄，重點係好夠凍，配埋酸醬一齊食，更加入味。每台前菜都有碟七彩花生，唔同顏色、形狀、大細，唔同味道，都幾過癮。媽媽話啲飯係蒸飯 ，食落粒粒分明，真係又飽有又豐富嘅一餐呀。

之前睇報導話容記拎咗米芝蓮推介，今晚就同朋友黎試下。一坐低已經跟一碟花生雜豆比你，等上菜果陣有野咬下就岩晒，幾好。既然米芝蓮推介，當然要試一試個燒肉啦，另外仲嗌左個鐵板黑椒牛仔柳。燒肉：皮很鬆脆，感覺似食一塊鬆化既餅乾咁，肉既部分就肥瘦相間，調味唔會過咸遮蓋肉味，但食開重味既人就可能會覺得偏淡，不過佢亦跟左一兜芥末同乳豬醬比你，芥末醬味道輕微刺激，令你連食幾舊燒肉都唔會覺得膩，而乳豬醬亦算聰明配搭，因為乳豬醬點咩都好食，哈哈。一碟燒肉好唔好，我覺得最緊要皮脆肉嫩，而且水準穩定，而容記亦做到呢幾點，唔怪之得拎到米芝蓮鐵板黑椒牛仔柳：呢碟牛仔柳亦相當高質，首先鐵板黎喳喳聲已經加晒分，鐵板保持食物溫度至食完餐飯；而牛仔柳相當大塊亦餣得好好，唔會韌又唔會乸到太淋，口感岩岩好。洋蔥亦相當出色，洋蔥既辛辣味全無，十分之甜；唯一可惜係個黑椒汁明明好好味但太少汁了，如果多啲汁就完美喇。

因為疫情，已經好耐無同朋友約出嚟食飯。今日有此機會，當然，要挑選間有國際水平既食店啦！唔好晒左個機會呀嘛！睇左個餐牌一陣，點左個馳名海外既燒鵝，仲要有特價添，而且例牌都大大碟，啖啖肉，我地兩個人食，夠晒啦，真係覺得自己賺晒。朋友話想試下懷舊菜式，我們選了蝦籽柚皮和魚腸蒸蛋。呢兩個餸好考大廚功力㗎，雖然食材簡單 ，但一d都唔易煮,擺明係考牌。而家香港都無嘜酒家識煮啦。獻汁味濃，柚皮相對軟身，吸收晒獻汁精華，味道不錯。我估廚師用左好多功夫多次啤水，所以，才可以去左柚皮苦澀味.要俾讚至於，魚腸蒸蛋，廚師去了魚腸肥膏，上檯時，蛋面金脆，裡面又軟，口感不錯。只可惜，因為我們兩個傾計很久，魚腸蛋冷了，有些微腥的感覺。所以，我建議如果叫呢味菜，要先快點吃。呢度舖面雖然唔大，但我們可以坐在玻璃窗附近，一邊睇街境，一邊傾計，都係朋友相聚既好地方。

這天來到太子的容記小菜王，門口的大型招牌十分搶眼易認，2層的酒樓式裝橫來吃大排檔風味小菜，十分適合夏天的炎熱日子。不得不提，這店的服務十分好，由於燒鵝的骨比較多，吃到中途，侍應竟然主動換走半滿的骨碟，實在受寵若驚而且其他職員包括經理也是不停留意著每枱客人的需要，茶壺剛好無水也即時主動添加，連舉手示意也不用，緊貼程度實在嚇人。是日的4款小炒，其中炒粉絲作為主糧替代飯或面，也是個不錯的選擇。蛋皇炒脆蝦球一向很怕用蛋皇炒的菜式，一來不健康，二來很怕蛋皇的霸道很容易搶了食材的味道。然而，這道蛋皇炒脆蝦球，單看菜名已相當吸引，而且出來的效果亦十分出色，主要是廚師的功夫十分到家。蝦肉本身十分大隻，經過炸炒後仍然十分嫩滑，而且肉質幼嫩多汁，外層的脆漿做得十分薄脆可口，僅僅包裹著蝦肉但又成功帶來香脆的口感，再在外層沾上蛋黃的咸鮮，入口時一陣重蛋黃味首先爆發，繼而是香脆的口感，再到蝦肉的爽嫩。這裡欣賞的是廚師的手藝及層次，而蝦肉的鮮味則無可避免被蛋黃的霸道蓋過。無論如何，這道菜個人認為十分出色，作為用來下酒的小菜實在是 100分。陳醋骨陳醋骨同樣高質，本身沒什麼期望，而且價錢也比外間的大排檔略貴，但吃過

容記小菜王係2018米芝蓮車胎人推介餐廳之一。今晚食左must eat items: 揚名國際燒肉同極品燒鵝皇😬😬仲驚見menu有時令小菜: 蝦籽扒柚皮！據我所知扒柚皮係一樣傳統小吃，係非常之花功夫去製作既。因為製作並唔容易，所以唔係好多餐廳有得食！所以我二話不說就order左！呢次亦都係我第一次食朳柚皮😝口感好特別👍🏻😀唔講既話真係估唔到係柚皮整出嚟！燒肉成碟整齊排列，每舊燒肉都層次分明，皮脆肉嫩，又有油脂香！👍🏻燒鵝皇皮薄，少脂肪，燒得好香，肉質都唔錯！

被$19.8一碗燒鵝瀨份的宣傳吸引，就到這酒樓吃個下午茶。點了一碗燒鵝瀨份，湯頭偏淡，瀨粉爽口，不過份量比較少，燒鵝是鵝髀，味道可以，不過脂肪層比頗厚，肉比較少。以這價錢來說，算是合格。此外，還點了三個點心：蝦餃王：$12.8有四隻蝦餃，雖然不大隻，但味道不錯，蝦也爽口彈牙，還是我喜歡的傳統蝦餃皮，我覺得這蝦餃值得推薦。古法馬拉糕：這馬拉糕質地柔軟，但是味道偏淡，只屬一般。鮮蝦春卷：春卷皮很脆，也不油膩，可惜內饀味道並不突出。這是酒樓，裝潢也算不俗，但服務就真的差勁。我們進入酒樓，只見到收銀員，就告訴她兩位，但她完全沒理會我們，等了好一陣子才有侍應帶我們入座。點食物尚算順利，但之後就完全沒有侍應搭理，因為人手嚴重不足，添熱水到茶壺也要自行加添。看到不少茶客也熟練地自行添加熱水，看來服務欠佳是這酒樓的一貫作風。

行完街行完太子旺角好肚餓，捉緊疫症下仲有得堂食嘅尾巴！第一次上來容記小菜王食晚餐，當然要點主打名物「燒腩仔」同埋「燒鵝」啦！「燒腩仔」真心皮脆肉嫩！肉質好淋好嫩，脂肪比例剛剛好，不會有太油膩口感，個皮是精髓，非常之脆！食落卜卜聲「燒鵝」點了例牌，即四份一隻鵝，鵝油好香，脂肪比例好好，鵝肉肥美，鮮嫩多汁，外皮燒得好香，是高質燒鵝👍🏻 想食鵝比，但例牌所以冇得揀，但鵝胸也嫩滑👍🏻實在是不錯「牛仔骨」另外又點了牛仔骨，這是另一驚喜，牛仔骨幾好味，秘制汁汁甜甜地，同牛肉味好夾，肉質好淋好易咬，牛肉也有成七至八塊，大大塊，份量算是多👍🏻抵食總結是名不虛傳，是一間有質素的中菜餐廳，味道不會令人失望👍🏻

晚市禁堂食前最後一晚都要出街食個晚飯揀咗呢間米芝蓮餐廳食小菜，係網上邊見到好多人都嗌椒鹽墨魚咀，咁我都梗係要嗌返個睇下有幾好味，上菜了，果然同外邊食開嘅墨魚咀好唔同，呢度係大大粒，好有口感，好彈牙，配埋個喼汁真係不得了，而且佢個炸粉拿捏得好好，薄得嚟唔會太厚，恰到好處，食落口唔會好漏，送酒必備之選另外仲叫咗個洗衣機香蒜骨，本身都好鍾意食香蒜骨，但就畀洗衣機呢三個字吸引咗，點過時唔知咩原因，後來上網睇番先知原來呢度真係會用洗衣機嚟搞啲排骨，令到啲排骨更有彈性，唔駛靠鬆肉粉，入口果刻真係好有驚喜，正常係一般茶記食炸排骨好多時都會係油炸之後質變乾，但係呢度啲排骨炸完仲有彈口，雖然唔係滿滿肉汁，但係炸蒜香骨嚟講算係出色，而且炸出嚟嘅香蒜上碟後仲好脆口，令到呢碟菜式更加好味，嚟呢度食嘅朋友仔一定要試下仲叫咗個豉椒炒蜆但唔係細細隻嘅炒蜆，係好大隻嘅花甲啖啖肉，啲花甲好新鮮亦都好夠鑊氣炒到好香噴噴，$88就有一大碟，性價比很高總括嚟講，食物味道好好，絕對值得一試。之後放寬限聚令，要帶埋屋企人嚟食，試埋個花甲龍躉煲。

平時行過太子，都會俾容記小菜王既招牌吸引住左，今日終於有機會黎試下容記小菜王仲係2018米芝蓮車胎人美食推介餐廳，果然好令人期待餐牌超級多選擇，樣樣都好吸引，選擇困難的我們都簡左一陣子點完菜後，食少少餐前雜豆果仁，雖然會熱氣但都係食左好多首先食係必點既燒肉，一放上枱真係好吸引，燒肉層層分明，一啖咬落個皮到超級香脆，脆到食薯片咁，肉肥瘦適中，十分惹味，真係好食到停吾到口呢個係招牌沙拉骨，一聞落就有陣醋既氣味，即刻想吞口水沙拉醬既份量好夠，食落酸酸甜甜，好開胃，用黎送飯真係無得頂。仲叫左個炒糯米飯，係呢個天氣食係超級適合，一睇就知夠晒足料，仲有d蛋絲係表面。糯米飯質地煙韌，加埋蝦米花生一齊食係好香，食完成個人都暖笠笠今晚真係食得好滿足，每樣菜式都冇令人失望，真係名不虛傳

好耐無出街食過中餐，係太子行行下突然醒起有朋友推介過呢間-話米芝蓮推介架！係太子地鐵站一出行兩三分鐘就會見到佢既大大招牌！-因為平日去加上疫症，以為唔多人食，點知原來幾滿座！餐牌上款款都好吸引，但我地得兩把口只可以叫3款！-1.容記第一咀 （$88）即係椒鹽墨魚咀，一啖一舊。炸得好好，唔會係成口炸粉既感覺，墨魚咀件件都好大舊，好有口感，送啤酒岩哂😝2.招牌沙拉骨（$98）沙拉骨好多舊！仲要舊舊都好多肉，唔會只係得一大舊骨又肉就無咩，配咪個沙律醬，好惹味又開胃，送飯岩哂3.啫啫芥蘭魚卜煲 （$118）夠哂鑊氣既一碟餸，芥蘭亦好鮮甜唔老！魚卜芥蘭份量都好多，仲有咪蝦乾去提升既佢鮮味，送飯又一流🤤-再加上佢餐前個花生，再叫左個白飯。人均都係$150到，夠哂飽肚！下次可同屋企人再食，多d人叫多d！📍 容記小菜王（#太子）#fikafoodie

約咗朋友太子食飯，經op搵到呢間容記小菜王，啲餸菜好似幾吸引咁，就walk-in入去食。入到去見到每圍枱都有嗌招牌菜燒肉，所以我哋都嗌咗一份細嘅燒肉。原來燒肉拎咗米芝連燒肉肥瘦相間，好明顯嘅五層，忍唔住即刻食一舊，啲肉好軟滑，外面層皮燒到卜卜脆，仲要一啲都唔係死咸，好好味，難怪會拎獎，真係有啲後悔無嗌大份。見到餐牌推薦蠔皇鮑魚扣鵝掌，要咗兩份。鵝掌炆到好入味，夠淋，呢個價錢嚟講鮑魚都算幾大只，起碼唔會係一口鮑，有咬口，又吾會韌。見到沙薑雞腳就好想食雞腳好大只，本身已經幾夠咸香，再點少少沙薑蓉，好好食。沙醬蓉磨得好幼滑，好香。最後叫咗個花甲煲，見到餐牌有花甲龍躉煲，未試過甘嘅組合，試吓先。味道有啲似水煮魚，花甲好大只，好厚肉，又無沙。估唔到龍躉同花甲煲係咁夾，肉質好實，又掛汁。辣得好過癮，令人停唔到口。等疫情過咗我會帶屋企人過嚟食，多啲人可以嗌多啲餸。

本身諗住食小炒打冷，喺Google一search就搵到呢一間，見到佢有羊腩煲就俾佢吸引左過嚟試食。入到舖頭要上一樓先至係佢哋嘅餐廳，餐廳空間都算闊落，衛生情況不錯。忘記影低佢嘅特價餐牌，應該每個季節都有一啲特價嘅小菜，而今次我就叫左佢哋冬季嘅羊腩煲同埋佢哋做緊優惠嘅燒鵝！首先要講一講佢哋嘅燒鵝（$58 例牌），首先睇咗價錢就已經俾佢吸引咗，整體方面都方面算唔錯，份量都好足夠，而且皮脆肉嫩，只可惜我叫果碟入邊有好多肥膏，有好幾個都係得皮同肥膏，最後我哋都浪費咗少少。天氣轉涼，點都要叫個羊腩煲。而佢嘅羊腩煲就不過不失，我個人都好鍾意食羊肉嘅，而鍾意食羊既羶味，而佢哋嘅羊肉都炆幾軟，口感都算滑，入邊仲有冬菇同枝竹，用嚟撈飯真係一流👍🏻佢呢都冇椒鹽九肚魚，咁就叫左個黃金鮮魷代替，而佢哋鹹蛋都好香，魷魚亦都唔會好硬，非常之好食😋最後，叫咗一碟時蔬 - 蒜蓉炒豆苗，豆苗新鮮，亦都唔會炒到好鹹，有啲菜嘅鮮甜味!整體來講都算好食，只係可惜我哋人唔算太多唔可以叫太多野黎試，不過有機會都可以再返嚟試一試

跟朋友約食飯，首先要揀地點，之後要揀餐廳大小，不可以坐得太迫，因為除了食飯，還要談天，所以中餐酒樓會是我最近的選擇。太子這間容記小炒王，之前朋友媽媽來食過話ok, 就返北區的朋友，選一個中間點，就這間吧。一揭開餐牌，米芝蓮推介至尊燒肉，既然來到那一定要試試跟普通燒肉有什麼不同。服務員把一碟碟豉椒炒蜆送到鄰座客人枱上，看起來很新鮮，而且蜆殼很大，感覺好像好好味，我們也來一碟。送上來的時候，我發覺他比平時的燒腩仔大件，有五層肉的，真正的冰肉燒。有別於平時食開嘅燒肉皮，好似食緊薯片，好脆，卜一聲我想鄰座客人也能聽到。五花腩油脂分佈好平均，一咬入去豬油在口腔來爆出來，燒肉鹹味剛剛好，建議一定要過白飯來伴。乳豬醬用來點脆皮，芥辣醬用來點豬肉。老實說我覺得這兩個醬味道怪怪地，所以試了一塊之後都沒點了。豉椒炒蜆好大隻，好夠鑊氣，配菜當然唔少得紅椒青椒洋蔥，味道香濃，好味。容記小炒王，韭菜，蝦乾，鮮蝦，紅蘿蔔絲，口感豐富，用來拌飯非常好。疫情期間，要食得放心，最緊要揀一間坐得寬闊一點的餐廳，用膳前用熱水洗洗碗筷，保持個人衛生。滿分為10分(1分最低，10分最高)食物：8環境：8衛生：8服務：8價錢:

今日同爸媽食晚飯，老一輩偏向鍾意食中菜，就搵左一間米芝蓮推介既中菜食飯。位置幾方便，太子站行5分鐘就到。門口大大隻字「容記小菜王」，遠遠都見到😂絕對唔會miss左個門口。格局同普通酒樓無咩分別，好多海鮮揀😆但我地3個人就無叫海鮮lu～$58 極品燒鵝皇(例牌）燒鵝皮脆肉嫩，啱啱好，唔會太咸，又唔係超肥！$88 濃湯手打魚腐浸勝瓜份量好大，勝瓜浸到岩岩好熟，唔太淋，有咬口！魚腐都好新鮮，呢個配搭唔錯。$118 啫啫芥蘭魚卜煲好有鑊氣！原來蝦乾同魚卜係咁夾，蝦乾非常之入味，魚卜份量都好多，味道好濃郁，送一流呀！呢到食物質素唔錯，就算係米芝蓮推介都無set到個價好高，價格合理，適合一大班人做節食飯/同長輩食中餐推薦！

之前每次行去大角咀或者喺太子搵嘢食嘅時候都會路過呢間容記小菜王，見到好多人食，又寫住有米芝蓮，一路都想試下。今次時間許可就過黎試下啦。🐖揚名國際燒肉 (細) $98黎到見到menu先知原來呢到係燒肉攞獎嘅，咁可以攞獎嘅燒肉就梗係要試一試啦。侍應拎碟野埋嚟嘅時候就已經聞到燒肉香味撲鼻，燒肉配甜醬同芥末。燒肉放入口入面，脂肪同肉嘅比例啱啱好，燒肉好軟熟，炸嘅皮鹹鹹香香，燒肉算係香港數一數二好食，價錢雖然唔平，但真係一分錢一分貨。🦑容記第一嘴 $88容記第一嘴其實就係椒鹽炸墨魚嘴，有一種避風塘嘅感覺。炸皮唔會太厚，墨魚味亦保留到，如果你鍾意食椒鹽魷魚鬚，呢個餸你會好鍾意，墨魚嘴比魷魚會更彈牙更爽滑。🦐海皇撈粉絲 $88硬係覺得要叫個煲仔先可以食到白飯，所以就揀左呢個海皇撈粉絲。入面有粉絲、切成絲嘅菜、蝦仁、帶子同埋魚，都算足料嘅。味道唔錯，幾啱送飯。除左呢啲之外，我地每人仲食左一碗白飯，最後頂住個大肚腩咁走。