容記小菜王

营业中

休息中

常常經過太子，都會見到容記小菜王的大大個霓虹招牌，今天和媽媽逛完花園街後，便來吃些簡單小菜。餐廳有升降機，照顧到輪椅人士的需要，欣賞。而且有卡位，可以望着旺角的夜景慢慢品嚐小菜，氣氛甚佳。環境寬敞，座位也算是舒適。刴椒蒸開邊大魚頭大魚頭是即叫即蒸的，所以稍微等了一會兒，是值得的。魚頭連魚雲，肉嫩！而且魚頭大大的，我和媽媽分享就剛剛好。由於我們都很喜歡吃魚頭的關係，加上剁椒十分開胃，我們都慢慢抽絲剝繭地吃光光魚頭的每個部位，非常滿足。極品燒鵝王 例牌我和媽媽都覺得這個抵吃，$58！有下庒，燒鵝脾，啖啖肉。媽媽覺得皮脆，我自己就覺得燒鵝肉和肥膏的比例剛剛好，吃下來充滿鵝香味，點酸梅醬後，更加惹味😋看到容記小菜王還有其他特色小菜，我和媽媽下次再來試試先。

今天跟朋友一起到容記小菜王，看到菜單上超值的幾款推薦菜式都覺得不容錯過，我們倆個女生點了：燒鵝例牌，鲍魚鵝掌，米其林推薦名菜-揚名國際燒肉，還有一個小炒王。首先餐廳的氣派乾淨整齊完全一掃我對本地小菜店的印象；看餐牌時價位真的是很平易近人，讓人點所有愛吃想吃的都不心疼，另外就是菜式啦！我跟朋友最喜歡的就是這個例牌燒鵝鲍魚鵝掌 48/位 真是物超所值 燒肉我們點小的 99，份量亦是超大 另外感覺小炒店一定要有小炒王 小炒王料好食在，腰果品質好好，還有魷魚！一餐吃下來非常滿足，享盡美食。期待下次再跟朋友來吃

本人好少去食酒樓嘅餐廳，除非去飲又或者同屋企人去食飯，但係今次係朋友同我一齊去（未去過），佢話想試吓喎咁我哋就一定要試吓😂1.波士頓龍蝦伊麵（龍蝦都幾大隻，不過肉就唔係話好多，但係個伊麵就真係超多，食極都食唔晒）2.水煮牛肉（好嘢味，越食越辣，如果唔食得辣嘅人就要小心啦👅）入面有芽菜木耳3.乳鴿（都OK嘅）4.小炒王 （👍食晒所有 味道唔錯 ）人均消費都要200左右，不過係我哋兩個嗌得多😂食到好飽好飽 ，下次去食嘅話就要原因份量，叫太多真係食唔晒

好多人食飯既時候都會揀係旺角食,因為餐廳多,會多D野食揀,但其實隔離既太子都有好野食,就好似依間容記小炒王,佢係一間酒樓黎既,雖然佢係一少糖少鹽既食肆,不過其實佢地既小菜都好好食,早幾日同男朋友夜晚就上左去叫餸食飯,甘我地就叫左3款小菜,首先係濃湯海鮮什菜煲,佢比較清淡,唔會整到湯底好鹹,想食得健康既就一定要叫啦,再之後就係一個水煮牛肉煲,依個餸就真係好惹味,夠哂辣,不過佢既辣並唔會好長期甘留係口入面好快就會揮發到.而且份量都好多,唔會好多粉絲好少牛肉,不過依味餸就真係平時有食開辣既人先好食啦.最後就叫左漁香肉鬆茄子煲,我地以為漁香茄子點都會覺得鹹,不過佢地不愧為少糖少鹽既食肆,就算食依味餸都唔會好鹹,而且茄子都炆得夠冧,拎黎送飯真係一流,整體黎講容記小炒王都好推薦黎食下,因為又可以食得健康D.又好食

到太子飲下午茶容記小菜王是一個很好的選擇，位置便利，食物好食，價錢又公道，食完仲可以行花園街，非常充實。今日介紹幾個必食之選：第一：必食店內特價及推介的容記燒賣王，一籠有4粒，大大粒，一粒要分幾啖才可食完，材料新鮮，是必食之選。第二個必食的是這裏的燒鵝，所以叫了個燒鵝米粉：米粉好幼好嫩，與平時食的那種不同，燒鵝有肉香味，D肉亦吾霉，不沾酸梅醬也已經很好味了。第三個是乾炒牛河：牛肉爆香後才回鑊炒，故邊緣有些焦香，加上我喜愛的韮黃，這碟乾炒牛河無得頂！海蜇手絲雞，爽脆兼沒有沙的海蜇配上芝麻手撕雞及青瓜，這道小菜作為餐前小食非常不錯。XO 醬炒蘿蔔糕、义燒包、春卷，均是飲茶大眾化的食物，這裡也能找到，而且水準也不錯，值得一試！

容記出名燒鵝、小菜又是米芝蓮之一便帶家人一嚐滋味！ 共有兩間店分別在新蒲崗及太子～ 太子站C2 出口再步行3分鐘而已 職員有量體溫也有帶上口罩 😷上一樓後酒樓地方頗大，中央位置放了很多生猛海鮮 🦞 🐠 並設有獨立房間供多人享用 ～ 焗波士頓龍蝦 伊麵底 HKD 208 芝士控說最適合了！芝士份量比麵還要多，令小編感到滿口都是濃濃芝士 ～～ 喝點茶沖一沖後再吃龍蝦，肉質爽甜，家人都把整個 🦞拆骨了 🤣整體來說OK 但如再控制一點火喉，焗長多一點點有小許焦 就更出色了 燒鵝 HKD 58 己有燒鴨了！上菜後色澤豐富，嫩口肉質配上醬汁份外美味，小編下次早點到，吃到熱騰騰就更好了 ！ 職員都忙個不停，隔枱漏單了都即時幫忙跟進 👍🏻

想食中菜，又唔想食啲連鎖酒樓，搵咗呢一間容記小菜王，見佢有咪知蓮推介，就想試吓黎到容記小菜王，點可以唔叫佢嘅燒肉，咪知蓮推介嘅燒肉碟燒肉好靚，五花腩肉三層肥瘦分明，豬皮笑得好香脆，而肉咬落去非常有彈牙，又唔會有肉嘅腥味，非常好味唔帶飯諗住叫個粉絲煲當係煮食都非常好味，裏面有好多海鮮，例如蝦仁同埋魷魚同埋帶子，炒得好乾身唔會好油上湯海鮮雜菜煲分量奇多，裏邊有晒唔同嘅菜，清清淡淡兩個人最後食唔晒都係要打包走

想食下小菜所以就約左朋友黎呢間容記小菜王試下揀呢間餐廳係因為位置好方便，喺太子，食完可以慢慢行去旺角行陣街😬✌🏾一出地鐵站 過條馬路 就見到好光既招牌 好易搵😇我地有卡位坐😙枱同枱之間有好多空間，坐得都幾舒服除左有茶飲之外，仲有一碟花生🥜一邊睇menu一邊食，轉眼間就清晒d花生😂又幾好味😂可以醫下肚餓上面呢碟係「涼伴手撕雞」✨食落有種涼涼地既感覺味道好夾 幾開胃❤️如果唔想食得太heavy 呢個係唔錯既選擇🤣上面係「黃金鮮魷」✨有好重既咸蛋王味🤩🤩🤩呢個味道既配搭有驚喜😝（ps 平時食開椒鹽鮮魷 試下新口味都唔錯）上面係「招牌沙拉骨」✨以往食沙拉骨 成日都會咬唔開😂但呢度既沙拉骨係易咬既✔️味道不錯 配埋白飯就一流☺️兩個人食三碟小菜 最後其實已經好飽好飽～其實仲有好多出名既小菜想試下😋下次會再黎試！

傳說的平民米之蓮餐廳第一次食米芝蓮中餐廳，裝潢同一般嘅酒樓冇太大分別，不過侍應招待十分熱情，當晚疫情下都坐得滿人。 餐廳裏邊有個好大嘅月光，呢啲間餐廳應該主打係食海鮮。第一道叫左燒鵝例牌，因為是餐廳必食推介，上枱時仲係暖暖地，鵝皮下充滿我鵝油，非常邪惡，鵝皮甘香，肉質鮮嫩，十分推介！第二是燒腩仔，皮超脆，一層肉一層肥，上枱時肥膏反晒光非常好味，送白飯一流！第三是乳鴿，叫左一隻，味道OK, 都算大隻，但皮就林左，肉質可口！第四樣是炸墨魚咀，個人十分喜愛墨魚咀，呢間做得非常出色，雖然揸到卜卜脆，內裏仍然好鮮甜，外脆內軟，分量亦都十足。佢嘅價錢比起出邊中餐廳差不多，簡單味道遠超其他，而且仲係米芝蓮級數，性價比好高。

食物：少糖少鹽？？？招牌小炒皇偏咸都算！西蘭花最咸！攞鹽水浸完再攞鹽水煮。珊瑚蚌又係咸。薑蔥桶蠔，咸到苦。一行十三人，我地夜到。但我地有book枱架，唔想做可以唔接架嘛。1015坐低，經理話1030廚房要收工。咁我地叫哂所有野食。期間除左上菜姐姐有笑容，叫得郁之外，兩個男經理叫乜都要叫好耐，加水加汽水，乜都要叫兩次以上。仲要叫我地好一次過叫哂所有野。十一點攞張單過黎。飲品都唔可以加單。大佬你d野咸，但又唔俾我地再叫野飲。大家都知12點限聚，我地都冇諗住磨爛蓆，同我地講11點9要走。但11點熄電視，1130熄冷氣。我地都好識做，即刻走，1140去哂廁所攞哂袋，個個已經企哂係lift口，但經理歸心似箭，冇理過有冇客人，全場熄哂燈！！！係熄哂！得返神枱盞紅燈咋！我地13個客係未走囉！係咪之前做到懶哂，慣左要早收工？講好12點收工。1145要離場，但1130就趕客走？其實由細食到大，由大排檔開始幫襯，好真心講句，唔理有冇轉手，老闆廚房係點都中唔理，食物同服務都係咁嘅質素，總之下次唔駛再黎，寧願去樓下陵發。

之前成日行開太子，都見到呢間野大大個招牌，又大大個廣告寫住米芝連燒肉，今次一於的起心肝去試下掂唔掂！d待應好快手，都有禮貌！原來重可以訂枱！今晚同太太2人叫左燒肉-細，中式牛柳，加上例牌燒鵝，再加碗白飯🤪茶錢10蚊位花生15蚊必比不過花生好正，同普通果d有唔同！香好多！中式煎牛柳，一般，同普通茶記差唔多，不過食落覺無落鬆肉粉，不過就真係大份、量多！之後燒肉，堅正！睇樣就好似大家樂果d普通料，不過食落就知大分別！半肥瘦既燒肉，完全唔肥膩，柔軟有肉汁！必試！例牌燒鵝！2-4人份量，如果2人食會有d多，肥瘦適中，多肉少脂肪，油而不膩，原價108，優惠58真係抵食！我已經諗到下次去食咩！牛就唔叫啦。。我會試個花甲龍躉煲，外加洗衣機蒜香骨！當然繼續一個燒肉😋

隨著疫情放緩，香港人又再出動周圍食，周圍買，放題，韓燒，buffet, 打邊爐，係星期五晚都差不多全院滿座，放工時係想食餐好，但又怕搵位煩，於是就去左太子呢間颇有名氣的港式酒樓，因為上年同家人做節時食過，食物質素高。黎到都要等一陣，大約15分鐘。酒樓經理好好招呼，俾卡片，帶我地去魚缸㨂，推介招牌菜，更換茶芥(我地唔食酸菜，佢幫我地轉花生) 。本身超想食拉斯維加斯蟹，但得2丁友，所以選擇了double龍蝦伊麵( 1份$188, double了份量，$376), 金銀蛋豆苗，洗衣機蒜香骨，超飽肚，大滿足。龍蝦伊麵出面市價差異很大，見過有外賣的$128都有，但質素唔ok,肉質好鬆，食不到鮮味，今次就唔同，因為係游水龍蝦，肉質厚實，鮮味十足，麵底吸收了龍蝦及上湯的味道，本身進行緊減醣飲食都忍唔住食左1細碗。金銀蛋豆苗，正路，4至6人份量，價錢108, 而家食菜係好貴，但比起一份菜心都要8x, 豆苗108都算性價比高。蒜香骨$98, 有大約8至10條, 適合4人食, 骨同肉一咬就會分離，唔使用力扯，但係咪真係用洗衣機整就唔知，但味道唔錯。埋單約6百幾，如果多人食會平d同平d,食物質素唔錯，好坐，

去開太子都會比尼間餐館矚目既招牌吸引尼日尼到太子實在諗唔到食乜就決定去一試尼間地鐵站一出尼遠眺已經超搶眼既餐館一試餐廳位於一樓 要搭電梯上去係樓下大堂等lift個陣先驚覺原來餐館曾經勇奪米芝蓮真係有眼不識泰山令我更加期待試試餐館既架勢餐館內部本來以為係行茶記露線點知原來係偏向茶樓多啲 需要比茶位同花生錢但唔緊要既 如果真係有米芝蓮級數就抵番曬啦睇完menu 同男友最後決定拍板兩個小菜分別係沙拉骨 同 金沙脆蝦球是緣男友特別中意食煎炸食物而我就中意啖啖免剝蝦肉餐館上菜好快 份量都大大份沙拉骨外脆內軟 上枱熱辣辣 入面仍然保有啖啖肉汁 面頭既沙律蛋黃醬唔會太多 味道亦剛好唔會太喧賓奪主 整體都唔會話太令人食兩舊就飽滯 不俗而我自己超推介既就係佢既金沙脆蝦球咸蛋黃炒到起沙 均勻咁包覆住大大粒既鮮脆蝦球 同時又唔會炒得太乾身 蝦肉仲係相當juicy調味亦非常恰到好處 唔會偏咸但每啖咬落去都會感受到係濃郁既咸香係口腔蔓延既感覺雖然好邪惡 但真係好味到爆曬燈！不愧係米芝蓮水準 下次如果再幫襯 一定係我encore既不二之選推薦比大家！！

約左友人食飯，毫無頭緒下發現呢間店。大概網上查看後，評語也不錯👍🏻就一於試試位於太子道西馬路旁，太子站c2出口直行就找到，光亮招牌更加容易發現。時間尙早，安排我們坐較闊落既位子，魚缸開放式設計，讓客人挑選甚少餐館仍提供餐前小食，所以感到懷舊感覺，亦感到欣賞。在等朋友或餸菜中，有野咬下係開心d今日同友人主要叫左4款小菜，以下逐一介紹燒鵝王(例牌$58): 優惠小菜之一，根據不同人數而決左你既份量。 原價$108，依加真係好抵食，微溫上菜，肉質較嫩，皮脆口。最欣賞是充滿汁，不會令人感覺很柴招牌沙拉骨 ($98): 酸酸甜甜的味道，骨肉比例平衡，好送得飯下。 個人認為再多一點沙拉更加惹味容記第一嘴 ($88): 炸墨魚嘴炸得相當脆之餘，墨魚嘴新鮮有咬口，唔會梅梅地。 配酒更加一絕鮮竹銀杏浸時蔬 （$88）有多款菜自行選擇，店員會為你介紹。 絕對有驚喜，份量相當之大，湯頭好鮮甜，銀杏大大粒不會苦以下仲有部分菜單，發現大部分食客主要叫海鮮，燒肉，啤酒，可惜我同友人一般。應該係不錯既聚腳點

今日又去食新餐廳喇又係中菜🤤🤤六點半上到去都已經坐左唔少檯 之後一路不斷陸續有人入 我就知一定係好野🤪今次真係無令我失望 真係好值得一讚首先座位好舒適 我地被編排坐卡位 當然好鬆動啦兩個人叫左三個餸例牌燒鵝 油鹽水浸蜆 同埋洗衣機蒜香骨仲叫多枝啤酒嘆下先講燒鵝 一上檯就見到佢賣相真係好得 試左就覺得真係好正 啲皮好脆 啲肉好鬆化 完全唔會話好「鞋」或者靭 火候控制得好好 真係擺左入口之後會心心眼 仲要做緊特價 58咋 真係好抵食 勁推介😍第二道菜油鹽水浸蜆 特登叫佢因為唔想成日比豉椒搶哂啲味 結果清清地 食得出蜆肉嘅鮮甜味 冇沙架 又多又大隻 啲湯落左胡椒粉 少少辣辣地 再配埋芹菜僻左啲腥味 粉絲就索哂啲湯嘅精華 好好食 又係另一大推介！最後係蒜香骨 可能因為頭兩味太好 所以呢道菜我就覺得平平無奇 不過老公就大讚呀 話覺得佢炸得啱啱好 啲肉仲有汁同軟淋淋 各有所好啦！其實佢種類係非常多 不過兩個人試唔到咁多咋最後要讚埋啲員工 佢好細心 會主動換我啲碟 又會適時換水 好好服務啊！總括而言 今餐我畀95分！一定會encore! 試埋其他餸😚