家賀屋刺身寿司專門店

☆附上當日影片, 如要睇片可坐定定在大電腦前按入這篇內、手機暫不適用。☆ 入廚生活不是每一天都是樂， 當形形役役的日子每一天如是者渡過、樂的日子就漸變成一件苦差， 所以我好期盼身邊人放假的日子、 因為我亦可以放低入廚職務， 衝出廚房偷得半朝拍拖的時光、享受一吓自的二人世界。。還記得這間位於灣仔的日式壽司刺身店，對上一次來大約應該是大半年下午、 好像是有事為途經到此吃過一頓飯， 感覺印像不俗、所以今次我選址在此和身邊人吃一頓休閒的晚飯~時隔大半年感覺依舊, 座位大部分都以舒適的梳化和簡約的餐枱作設計、 沒有浮誇卻感人一種踏實的風格， 現在經營餐飲業成本非輕， 如果樓上舖都裝修得金碧輝煌試問成本當然是轉嫁在食客身上、 所以我還是喜歡一些平平實實不太誇張的餐廳感覺~ 記得上次來午膳的時候看上餐牌感覺價錢上都不算十分貴，所以今次晚市再睇睇其有多大變化。。 餐牌上晚市同樣有期間限定的單件壽司價錢都是HK$12. 大致有火炙安格斯牛肉壽司、 立魚壽司 、大赤海蝦壽司、油甘魚壽司、三文魚腩壽司、象拔蚌壽司、芝士飛魚子壽司。。 當晚我們便叫了三文魚腩壽司、油甘魚壽司、大赤海蝦壽司、四件來試試每件都為

以前食壽司一定揀連鎖式餐廳, 為的是品質有保證但近年愈來愈多小店憑創意憑排場派頭使人氣不斷亦有餐廳標榜著日本直送, 日日新鮮到港來作招徠其實沒人流的話就算再新鮮沒用, 所以人氣好重要今晚來到近灣仔街市的家賀屋像是較普通的名字, 選扯更位置商厦一樓, 令人不以為意但出𨋢後看到門口有人在等位, 聽到餐廳內食客的嘻哈聲, 原來平日都人流不缺, 假日豈不是會大排長龍？室內佈置賦有日本風情畫味道(這圖是離開時影, 富士山太美💙)打開menu, 刺身/手握壽司/丼/ 卷物/炸物/熟食等等款式繁多但最讓我吸睛的是鮪盛及大拖羅刺身, 正在考慮二選一五件大拖羅非常誘人, 鮪盛中有齊赤身/中拖羅/大拖羅各兩件亦很吸引最後決定了鮪盛, 細味一下魚身各部份由淡味開始食起赤身 • 近魚鰭的上半部, 肉質爽實而魚味濃, 口感不裕中拖羅 • 近魚尾的下半部, 從顏色看過去有漸進色, 肉質由深色位置帶點爽實至淺色位置稍為軟身一點, 魚油慢慢滲出, 魚味份外清香兼無筋大拖羅 • 郁動最少非常飽滿的前腩, 肌理分明, 脂肪遍佈均勻, 就像安格斯牛扒一樣. 三者之中口感最軟, 入口即溶, 油脂重而香味道帶甜, 回甘味長,

今晚放工，男朋友搵左間日本野，帶左我去食，佢未食過架，佢都驚伏家賀係一樓，所以見到條好長隊等lift就放棄等，改行樓梯。上到黎，已經有六七個人等緊，我地等左3個字左右有位。入到去都幾大下，四周貼滿得化既日系圖，但啲枱櫈比較西式，有啲與別不同 不過，啲餐具就係日式餐具啦，都幾乾淨。杯茶係玄米茶，都幾好飲，但一反轉見到係簡體字😂呢件係黑松露火灸帆立貝壽司，黑松露同帆立貝好夾喎！又燒得剛好呢盆有三文魚腩同大甘蝦，魚腩正，但蝦就細隻左啲同埋冇咁鮮仲叫左火灸中吞拿魚腩丼，呢個丼飯要成180蚊啦！得四塊火灸中吞拿魚，量少左啲，同埋細碗。不過又幾好食，特別係芝麻同紫菜，帶出左火灸中吞拿魚既鮮咪，同埋仲有啲碎吞拿魚肉。呢間日本野既野食都係一般般啦，不過不失啦。但成晚個位冷氣太勁，叫侍應較細佢，佢又話冇得較。我地唯有食完拿拿林走

家賀屋刺身寿司專門店不錯的吞拿魚【特選鮪盛】$220 有吞拿魚，中吞拿魚和大吞拿魚，各兩件。正確嘅食法呢佢應該由無咁重味嘅吞拿魚開始，慢慢再食中吞，最後就食大吞。出奇地吞拿魚十分軟身，雖然唔係入口即溶，但都唔使用力咬，而且沒有根嘅位置。當然啦去到大吞嘅時候味道當更加出眾，入口即溶嘅感覺一再回味。吞拿魚油甘香，係口𥚃面好似好豐富咁【原條海鰻 壽司】$35 長達一部iPhone 7plus，而且厚度又不錯。【三文魚籽 壽司】$50 見到一粒粒晶凝通透嘅三文魚籽，好似召喚緊我去食咁。而且醬油味唔係太重，保留左好多魚油嘅香味【日本象拔蚌 刺身】$68 6片新鮮爽口 啱啱好平衡返頭先吞拿魚最適當啦【鮎魚女 刺身】$85 4片 白色刺身 清一點的【鱸魚 剌身】$165 半條 原條刺身魚，當然係極新鮮呀。不過味道就唔係太突出【室津生蠔】$45 隻 新鮮得來而且好甜美 而且冇太多嘅海水咸味

第一次吃家賀屋時，已經是讀大學時的事了。時間真的過得太快，但男友還是同一個，哈哈哈。還記得那時店鋪在灣仔的一條橫街之中，今天再訪，已經變成樓上鋪，但已經變得大很多和裝修漂亮了許多呢。樓上鋪的位置不難找，就在大有廣場附近。知道男友訂了這家餐廳後，讓我心心念念的就是這裡的吞拿魚啊啊!!!!來到這裡，一定要吃的是特選鮪盛($220)! 裡面包括大拖羅、中拖羅和赤身 各 2 貫。建議吃的時候，應該從赤身開始吃。怎麼分赤身和 大拖羅? 最簡單的就是看顏色，紅一點的就是赤身，較白的就是大拖羅。所以結論就是越白越好吃，哈哈哈。大拖羅脂肪甘香 , 肉質入口滑溜無渣 ；中拖羅肉質鮮嫩肉質，具清甜魚味；赤身的肉質結實 。每人只有一貫，實在不夠喉，因此再加碼點了極上吞拿魚($65)。這個吃起來，肉質軟綿不在話下，而且還是滿滿的魚油香味。這裡還有相當抵食的激安之選，很多都是$12一貫。我們點了好幾款，當中包括三文魚腩($12)、油甘魚($12)、特大赤海蝦($12)汁燒海鰻($12)、芝士飛魚籽($12)和象拔蚌($12)。三文魚腩肉質肥美、甘香，這個我們encore了好幾次呢；我也超喜歡這裡的特大赤海蝦，因

今日朋友收早，約咗去灣仔食日本菜，今次朋友揀咗家賀屋，我都係第一次去，餐廳面積算大，有卡位坐得都幾舒服。上菜速度適中，唔會一次過嚟晒，今次主要叫咗刺身。侍應服務主動、有禮。日本空運室津生蠔 $45/隻見佢做推廣就一定要試吓，叫咗兩隻同朋友一人一隻，蠔味重，夠 creamy。大呑拿魚腩 $260選用藍鰭吞拿魚，厚切，有5件，入口油份重，有口感。活赤貝 $98/2隻Size 算大，好新鮮，爽口，有想追加的衝動。特選海鮮丼 $250賣相係幾青，顏色好豐富，刺身種類多，有磯煮鮑魚、大呑拿魚腩、特上三文魚子、蔥吞拿魚腩、海膽、特大赤海蝦、空運立魚、赤貝、油甘魚、左口魚裙邊、呑拿魚、三文魚腩。磯煮鮑魚好入味，爽口。其他刺身整體口感新鮮，個丼d飯唔算多，但一個女仔食嘅會好飽。

今日同朋友聚會，因為朋友幾鍾意食刺身，所以就去咗我同事介紹的日本餐廳 食飯。去到七點半左右 ，不用定位都有位坐，原來入面地方都很大，空間感十足。而我哋兩個人就坐四人桌，所以十分舒服。今次因為我哋唔係太肚餓，所以都係食刺身為主。這裡海鮮新鮮味道不錯，但不可不講是這裏的薑也十分很好吃， 而且 芥末是人手整的，不是平時平價的芥末味道會比較清一點但是都 濃郁芥未味道。 最後結在每人五百蚊，雖然不是很平，但是都說合理，因為刺身都真係好新鮮。大吞拿腩 $260 ：吞拿魚腩十分新鮮，而且油脂分佈得很好，食落去係有即溶嘅感覺 ，雖然貴但係其實都幾抵食。油甘魚$65： 油甘魚都有分65蚊和八十幾蚊， 最後我就選擇平嗰款，但食落去都唔錯好有餘香而家十分新鮮。室津生蠔$45 ：見到餐牌有日本溫樽生蠔， 我哋就每人是一隻 ，食落去好creamy，而且好味好濃郁 ，這個價錢都好抵食 ，因為始終出面日本生蠔係比較少有得食。䓤吞拿魚腩海膽丼$150： 沒想到材料十分之多，好新鮮吞拿魚碎配上新鮮嘅海膽配飯一齊食十分很好吃 。講真其實食完呢啲， 食物都其實幾飽肚。 但係其實佢仲有晚餐選擇 ，都係二百蚊嚟都可以食到好味嘅

生日呀、周年紀念呀、母親節呀、父親節呀，諗去邊到食飯真係諗到頭都大晒！特別係母親節，真係全年最瘋癲嘅日子，梗係啦，全部家庭主婦都是日休息一天，唔早啲訂枱真係食西北風喇！而我家A媽好彩唔太Like中菜，所以今年嘅母親節就去食日本嘢啦！位於灣仔嘅家賀屋Harvest House Sushi，食材都係由築地新鮮直送，絕對啱晒同我一樣高要求嘅A媽啦！特選鮪盛：吞拿魚係唔少人食壽司刺身嘅必然選擇（我A姐食三文治，吞拿魚係必然選擇），一客六件，包括兩件大吞拿魚、兩件中呑拿魚同兩件吞拿魚，六件呑拿魚全部都無筋，而大同中呑拿魚仲有入口即溶嘅感覺，脂肪比例分佈得好平均！（A媽：可唔可以encore呀？）燒油甘魚頭：魚頭係A媽嘅最愛，呢度有三文魚頭同油甘魚頭，A媽話油甘魚就食得多，但油甘魚頭就未試過。油甘魚頭魚油豐富，魚肉又夠晒嫩滑，正！江戶 ‧ 刺身定食：晚餐嘅定食選擇，除咗有三文魚湯、田園沙律、日式燉蛋同烏冬之外，就係築地新鮮主打嘅8件刺身：築地鮮魚、吞拿魚、帆立貝、油甘魚同赤海蝦！大吞拿魚腩同油甘魚嘅油脂分佈好平均，最重要係超厚切呀！而赤海蝦嘅肉質超彈牙，仲有大量嘅蝦膏添！帆立貝超鮮甜，大大粒，好J

朋友嫁去外國幾年後終於回流返香港, 友人最掛住除左我之外就是日本菜, 所以決定帶她到灣仔日本菜有大食大晚上街道較為寧靜, 誰知大打lift門餐店非常熱鬧餐牌種類樣樣齊, 壽司/刺生/燒物/炸物/定食特選鮪盛有齊吞拿魚/中吞拿魚腩及大吞拿魚腩壽司, 每款兩件, 由鮮色的吞拿魚開始進食鮪盛比分開散點便宜$60- 吞拿魚, 刺生切得較厚, 新鮮- 中吞拿魚腩, 口感軟身, 魚油油份較重 - 大吞拿魚腩, 沒有因為最尚盛而切薄, 入口即溶的感覺, 覺以形容, 在口腔內徘徊期間限定的激安壽司$12/件(共12款)- 其中之一的特大赤海蝦, 上檯時蝦尾是向上卷著, 將赤海蝦打開, 不禁嘩了一聲, 好特大絕對抵食新鮮！- 散點的有左口魚裙邊壽司 $35, 近年多人進食, 刺生面輕輕被火燒過, 半生半熟, 油香四溢不得不提的是玉子燒, 餐牌上分別有焦糖或低糖味道選擇, 冷或熱亦可選, 我們當然點一份低糖, 味道就如站在日本築地市場進食一樣,晚市都有丼定食特選海鮮丼, 最豐富的一種, 定食已包括麵豉湯/沙律/燉蛋磯燒鮑魚，大吞拿魚腩，特上三文魚子，蔥吞拿魚腩，海膽，特大赤海蝦，立魚，赤貝，油甘魚，左口魚

之前喺九龍食得太多喇，而家要轉戰港島，話哂港島都係我嘅大本營，今次又比我發掘到好正嘅日本壽司！喺灣仔站A3出口一出之後過對面馬路，向大有商場方向行十分鐘左右，就會去到一個大路口，之後再向右轉入後街，上灣仔道83號嘅大廈二樓，就會到呢間家賀屋刺身壽司專門店。一入到餐廳，就覺得地方好大，我哋被安排坐喺一角，靜靜哋，好舒服，唔錯。再打開餐牌，真係嚇親小弟啊，因為種類實在太多！我簡直有選擇困難症啊！以下就係小弟嘅特別推介：汁燒海鰻一食落口係暖㗎，唔會好似其他地方咁，係凍㗎，鰻魚仲燒得焦焦哋，食落好香！火灸鰻魚玉子平時我就最鍾意食燒玉子，今次都唔例外，呢個燒玉子嘅中間係夾咗鰻魚，食落口感幾好，玉子甜甜哋，鰻魚又鹹鹹哋，衝擊味蕾！特選鮪盛呢個不得了喇，呢款鮪盛有三款唔同嘅吞拿魚，有普通吞拿魚、中吞拿魚腩同大吞拿魚腩，中同大吞拿魚腩入口即溶，好食到飛起，大家一定要叫！辛辣三文魚平時就食得多某大型連鎖店嘅辣味三文魚，今次試下小店嘅，竟然有驚喜！佢嘅辣度夠，好惹味，連鎖店嘅都冇辣味，呢個抵讚！芝士飛魚子芝士味夠濃，飛魚子好新鮮，脆卜卜！彩虹壽司卷有七款唔同嘅刺身喺壽司卷上面，三文魚同吞拿魚等等，又靚又好

特選鮪盛🍣 $220呢到壽司嘅質素都幾高😳我地叫左呢個出名嘅特選鮪盛黎試下🙊有6舊拖羅 包括大吞拿魚腩、中吞拿魚腩同吞拿魚🤗色澤都唔錯 切得都幾厚又新鮮 好濃郁嘅吞拿魚味😚特別係大吞拿魚腩 好肥美又滑 有入口即溶嘅感覺🤤另外餐廳亦都坐得好舒服 服務亦都唔錯😇櫻花三文魚丼🌸 $105晚餐時段亦都有提供一setset既丼飯🍱一set包括一個日式燉蛋🥚海帶麵豉湯🍲胡麻田園沙律🥗個丼飯既份量都岩岩好 唔會話好細個 食完成個餐絕對係飽既😜三文魚中等厚 🍣夠新鮮肥美 蟹籽亦都好多 食落更有口感😍配菜既質素都唔差🤤日式燉蛋好滑 要趁熱食啊🤗而沙律菜都好新鮮😍

今日心情唔多好，諗住食野氹下自己，想食丼飯，見openrice咁多好評，即管試試。人有時衰起上黎真係行路打倒吞。叫左個江戶刺身定食，盛惠288。有兩片油甘，三片左口魚群邊，兩片拖羅，一隻帶子同一隻蝦。丼飯最緊要食材夠新鮮。一黎到已經心知不妙，完全冇新鮮刺身應有嘅光澤顏色。唔好講刀功，食落不單只有腥味唔新鮮，兼且每舊都有筋。再睇埋個茶碗蒸，嚇死人咩，乾到塊嗚門卷飛左出黎！有圖有真相。蟹柳唔洗講，平價貨色，仲要瘀瘀黑黑咁色。生菜應該係全個定食最新鮮嘅，不過係街市10蚊唔洗大大個果隻貨色。而沙律d粟米呢，味道有少少開始變壞。至於標榜用日本產米嘅壽司飯，都唔係好得，好似煮左好耐咁，有d乾硬，唔講真係唔講唔覺係日本米。食到呢度，再見到湯面頭d油，真係試都唔想試，埋單317元，唔知食左d乜，唉咁嘅質素，如果你話包加一around $200仲可以接受，可能lunch set會比較對得起個價錢掛

今日下午去左灣仔，突然好想食日本野，所以就黎左呢間，又可以食lunch set。佢地都有好多lunch set選擇，有壽司set、刺身丼，亦都有熱食，價錢都算合理。蔥吞拿魚腩海膽丼 - 首先沙律好新鮮，同麻醬一齊食好好味。 蒸蛋都有料，如果可以滑啲就完美啦。吞拿魚腩蓉都有魚香味，同啲飯一齊食好正。海膽又新鮮又大塊，入口即融麵豉湯就正常，唔會太鹹。小結刺身定食 - 有三文魚，油甘魚同大甘蝦。雖然每樣兩件但係啲魚係厚切架！兩種魚都有魚油香味，大甘蝦就新鮮彈牙爽口。整體而言，價錢唔算貴，又可以食到新鮮好味嘅食材，下次會再黎試下佢其他丼。

我發現其實香港有好多間高級的日式餐廳, 就算沒有時間去日本, 也能在香港滿足一下自己的刺身和壽司癮。 最近發現了灣仔一間樓上的日式餐廳, 是朋友介紹的, 他說這裏的刺身非常新鮮肥美。一打開餐牌, 便發現它的食物款式非常多, 尤其是刺身和壽司。我看到特選鮪盛便立刻被那件肥美的大吞拿魚腩壽司吸引, 所以就先點了這個來吃。特選鮪盛包括大吞拿魚腩、中吞拿魚腩、吞拿魚 (各2貫)。吞拿魚腩新鮮肥美, 大吞拿魚腩咬落去啖啖油脂, 油分豐富, 即將達到入口即溶的境界, 滿口油香。中拖羅油分較有魚味, 我覺得中吞拿魚腩最好吃, 肥美得黎沒有大吞拿魚腩那麼膩。有點像越式的菜式, 這個米紙卷很特別, 它用了米紙卷著牛油果和三文魚, 裏面沒有醋飯的, 吃下去很清新和開胃。這是我這一年吃過最滑溜的玉子, 玉子非常嫩滑, 充滿蛋香。它用了平時吃傳統的日式燒銀鱈魚的煎法來煎這條平目魚, 平目魚肉質非常嫩滑, 調味料剛好, 配上沙拉醬一流。這裏的食物呈上來的速度也非常快不用五十至十分鐘 食物已經陸續送上。燒牛舌雖然是切成薄身的, 但仍能帶到爽口的質感。

若然在灣仔裏想吃藍鰭鮪魚，但又不希望走到老遠的灣仔碼頭，在這裏 ⟪家賀屋刺身寿司專門店⟫ 是可以有價格經濟而同樣是由產地直送的旬物。這照片表達了不少資訊，慢慢欣賞吧 !木魚味噌蒜頭漬 $ 35 這是近來愛吃的小食，蒜頭爽脆，一點也不辣，味道只餘下木魚味噌的香甜。火炙左口魚裙丼 $ 98魚油豐富的左口魚裙經過輕輕火炙後，一些些魚油滲進彈牙的日本飯裏，不過左口魚裙仍有保持它們的爽勁，每一嚼都會有魚脂爆油；澆上店家秘製的櫻花汁，甜甜的帶酒味豉油可帶起丼的鮮味。鹽燒三文魚腩邊 $ 38 燒得剛剛好，腩邊的四圍都被燒得薄而脆，而且海鹽粒是半溶的黏在腩邊，只要輕輕的把腩邊咬下，薄脆皮下的三文魚肉是嫩嫩的，還漏魚油呢，超好吃亦不肥膩，讚 !特選鮪盛 $ 220 是這裏的主打，差不多每一檯都會點一客。 照片的從右 (深紅色) 開始介紹 : 赤身、中拖、大拖，赤身是鮪魚的瘦肉，魚肉味最香、中拖是魚腩的上半段，比赤身多魚油但亦比大拖多一份魚肉香、大拖是最肥美的魚腩位，入口即化。 最後，餐牌上介紹他們是創立於 平成二十二 年。 味道 4環境 3服務 3衛生 4抵食 4