家後

营业中

休息中

去開深水埗，順便搵食！家後 - 主打家的味道。餃子一定係必食的！除左水餃，呢度都有湯麵同4款套餐。我最愛食煎餃，特別係韭菜餡的。韭菜鮮豬肉餃（$38/8隻）賣相好靚，煎到金黃色脹卜卜咁，咬落去餡料非常實在，自家製味道果然唔錯。記得要加辣菜脯一齊食，更好味！香菇粟米雞肉餃/芹菜鮮豬肉餃（$35/8隻）水餃配豬骨湯底，味道就比較清，適合唔鍾意食煎炸嘢食嘅人，但餃子質素依然不錯呢！秘製炸雞翼（$25）酥脆炸肉丸（$25）再叫多兩個香口小食，炸雞翼非常juicy，肉丸一啖一粒好香，配汽水超正！

⁣煎雲耳椰菜鮮豬肉餃拼煎洋蔥鮮豬肉餃（$38）⁣【好味度：7/10】⁣⁣⁣⁣⁣煎餃嘅皮真係非常薄，輕輕就可以咬穿。😯 成嚿放入口，咬開仲會爆汁，夠juicy。💦 而且佢煎得啱啱好，煎好嗰一邊係金黃嘅顏色，入口好脆。🥰 豬肉方面比較少肥肉，健康啲。🐖 餡料方面都唔會打得太爛。✅ 而且椰菜個菜味都好突出，亦都有咬口。⁣⁣⁣⁣⁣⁣😜⁣⁣⁣⁣⁣⁣例湯：肉骨茶（+$5）⁣【好味度：9/10】⁣⁣⁣⁣⁣呢度嘅例湯竟然有肉骨茶飲。😇 部分款式嘅例湯仲可以加做湯麵嘅湯底。🍜 雖然只係例湯，但真係一啲都唔馬虎，有成條排骨。🤩 藥材味啱啱好，唔會太重，湯頭甘醇鮮甜，好好飲。⁣⁣⁣⁣⁣🥳⁣⁣⁣⁣⁣⁣⁣日式炸雞（$25）⁣【好味度：8/10】⁣⁣⁣⁣⁣餃子店竟然仲有炸雞添。🎌 而且個炸雞都係自家製㗎。🏠 佢本身會醃定啲雞肉，去到落單嘅時候先會即刻落油鑊炸，所以真係即叫即製，非常酥脆。😁 而且炸漿都好薄，酥脆得嚟唔會成口粉冇雞肉。😋 雞肉亦都好多汁，雞肉味好濃，好juicy⁣⁣⁣。⁣⁣⁣😎 仲有可以點埋泰式辣醬嚟食。🥵⁣⁣⁣⁣⁣⁣鹵水拼盤⁣⁣⁣（$39）⁣【好味度：8/10】⁣⁣⁣⁣⁣本身佢仲有雞翼尖㗎，但係我

來到基隆街見到街邊好多一枱枱，食小菜打冷，但d車係隔離不停經過，多塵又多廢氣，甘岩俾我見到呢間"家後"，主打手工水餃，就來左試一試呢度既水餃款式都多，有d款式都幾特別wor，例如香菇粟米雞肉餃，洋葱鮮豬肉餃，都比較少見唔想食水餃都仲有其他種類食物呢個辣菜脯要問員工羅先有架，我地都添左2次韮菜鮮豬肉餃配是日例湯今日既例湯係蕃茄薯仔豬骨湯底我覺得又幾夾wor，韮菜餃都好香，皮夠薄，韮菜同豬肉既份量係一半半另一碗係雲耳椰菜鮮豬肉餃配牛骨湯味道比較清淡，但食落幾有口感牛骨湯幾濃的，朋友好喜歡落單時，見到呢個日式炸雞係店長推薦！果然無介紹錯，雞肉好滑，炸粉夠薄，唔洗加醬汁都已經好好食叫左碟油菜食下試完湯餃，就梗係試埋煎餃喇原來可以雙拼，一樣價錢叫左芫茜同芹菜豬肉餃，煎到金黃色，兩者比較，覺得芹菜較有口感，芫茜就唔太夠味

經常到深水埗行街購物，今日就與太太來到深水埗的家後食晚餐。家後主要有招牌餃子，有招牌牛雜麵，還有鹵水小食...等。餐廳裝修簡潔企理，裡面都已有不少的捧場客。招牌牛雜麵$39先要了個招牌牛雜麵，揀了上海幼麵，配蘿蔔、生菜、牛筋、牛肚、牛腩及牛展。湯底很清甜 。牛筋帶透明，煲到很腍，入口軟腍，感覺骨膠原滿滿。牛肚腍中帶㸃爽，鹵得比較入味。牛腩及牛展也是鹵得很入味。鹵水拼盤39鹵水拼盤有鹵水雞中翼、鹵水豬大腸、鹵水雞腎、鹵水雞翼尖及流心蛋。鹵水拼盤鹵得夠入味，尤其喜愛豬大腸及雞腎。流心蛋黃流心程度控制得恰到好處，令流心蛋蛋白軟滑蛋黃半流心，入口口感軟滑非常滿足。芫茜鮮豬肉餃拼芹菜鮮豬肉餃$38芫茜鮮豬肉餃拼芹菜鮮豬肉餃，餃子煎得表皮金金黃黃，煎的一面帶少少焦脆，兩款餃子都煎得很香口，內裏菜肉比例均勻，肉嫩多汁，非常贊的煎餃子。食粉麵及跟餐+凍飲加$3，汽水加$5。要了個凍檸蜜及凍檸樂，為這一餐帶有家的味道的晚餐加添美味。

今日一枝公走去深水埗買皮革野，見基隆街新開左間餃子店，但又有日文咁，好奇入黎試一試餐牌主打當然係餃子，亦有小食同車仔麵選擇Order完之後見老細得閒就同佢吹左兩句水，原來佢地係一家人經營呢間餃子店，老闆娘係日本人最衰我得一條友食啦！如果唔係堅要叫日式炸雞！今日叫左芫荽鮮肉餃x豬骨湯x上海幼麵店員問我要唔要辣菜甫，梗係要啦！食落去嗰陣芫荽味勁大！芫荽控一定要試！！皮薄餡靚冇得頂！上海幼麵都好好食豬骨湯有少少藥材味，加埋晒一齊再點小小辣菜甫簡直係Perfect另外我仲叫咗佢哋嘅秘製炸雞翼，非常貼心咁剪開一半方便你食，嗰隻味道真係熱得非常好入晒落肉，即叫即炸熱辣辣脆卜卜又有勁多肉，係非常好味嘅雞翼，仲感覺上有啲日式Style添老細問我食唔食煎餃，佢話反正自己煎緊黎食可以煎隻送比我試下，本身我飽到上心口，但係見佢盛意拳拳，點都要試吓啦！哇唔試猶自可一試就問自己點解唔要埋煎餃佢呢一款煎餃淨係煎左一面，感覺上一啲都唔熱氣，個餡仲有好多洋蔥起入邊，正呀😭老細可能擔心我唔夠飽仲整多碗海帶湯比我飲，超級好人煲得好入味一啲都唔係味精湯，海帶好好食今日真係食得好滿足，好嘅服務態度兼好嘅嘢食到通常只會係小店度

近期唔知點解咁多人興起去深水埗食餃子， 10個同事9個話深水埗超多餃子店， 得閒去試下。 結果今日我被公司派去深水埗拿貨辦，結果被我留意到有家小店專食餃子的。 見他們門口貼咗曾經有傳媒報導的新聞，就好奇同同事一齊入去食啦！ 話明小店，內裹的裝潢簡易，但空間感十足，好乾淨，從無小蟲子飛來飛去。因為個人之前係深水埗食過幾家餐廳，就有可怕不乾淨的情況出現過，所以我對乾淨依方面好著緊。但我見依間野，老闆可能好著重乾淨，小蟲子沒有，油立立桌子沒有。 扺讚！ 依間小店， 服務生不多，嚴格嚟講得一個。其餘的是老闆親力親為。 餐牌簡單，價錢平民化。 大家可以留意一下，他們的餃子餡料好𣎴同，反而傳統的白菜豬肉餃就沒有了。 食餃子除咗擇口味，重有得擇湯。 湯是自煮老火湯（女服務員好自信地告訴我） 而我選了❤️菠菜鮮豬肉餃x芫茜鮮豬肉餃❤️湯是時日例湯：猴頭菇豬骨髓湯女同事選了❤️香茹粟米雞肉餃x芹菜鮮豬肉餃 （煎餃） ❤️同事話未試過依啲餡，要試下奇唔奇怪。 我見滷水， 我忍唔住叫咗一碟拼盤試下豬大腸同雞蛋 意外地好味。 估唔到餃子店都有出色的滷水食品， 而且入味唔太鹽。 主角上場， 餃子皮好簿，餡料多，但又無爆

今日喺深水埗買完嘢，打算食個平平哋嘅晚飯，朋友話食過依間餃子店又平又好味，身為餃子精嘅我當然要試一試。首先餐廳面積不算大，係一家人自己小本經營，俾人有種好溫馨嘅感覺，而且環境乾淨舒服。餐廳除咗有餃子及粉麵外，仲有好多小食以及飯類可以選擇。最後我哋二人就決定點一個車仔麵、餃子同小食share。老闆喺點菜時已經問定需唔需要辣菜莆，非常貼心。辣菜莆係餐廳自己調製的，唔會太辣但非常香。車仔麵揀咗四個餸配豬骨湯米線$44(牛腩、蘿蔔、鹵水豬大腸及溏心蛋），份量都夠多，而且湯底好清，完全無味精嘅感覺，牛腩肥瘦適中，蘿蔔亦清甜。不得不讚餐廳有溏心蛋供應，好日式的感覺，蛋黃香甜。餃子方面揀咗韮菜鮮豬肉餃配例湯$35及煎香菇粟米雞肉餃配洋蔥鮮豬肉餃$38今日嘅例湯係肉骨茶，藥材味道唔會太濃，但清清哋跟餃子更配。餃子果然出色，皮夠薄，而且韮菜的量比豬肉的量更多，係我喜歡嘅比例，韮菜味非常濃！好好味。而煎香菇粟米雞肉餃更加係必食之選，以雞肉做料更突出到香菇嘅香以及粟米嘅清甜，而且粟米令到口感更清爽不油膩。煎洋蔥鮮豬肉亦不錯，洋蔥不但帶出甜味，而且取代咗肥豬肉，令到餃子唔用肥肉都有好多肉汁嘅感覺。而小食方面，

最近想食得清淡　但又唔想下下都食粥　餃子會係唔錯既選擇打開ｏｐｅｎｒｉｃｅ　ａｐｐｓ搵深水步既餃子店就見到佢啦　望一望個餐單　幾吸引就入去試下先睇睇佢既餐單　好簡單　唔會太花多眼亂　只係寫上中文就知道佢做本地人生意多叫左一個鹵水拼盤（３９蚊）但剛好買曬雞翼　老闆就上前問我地想食咩我地就選擇加多ｄ雞胗糖心蛋鹵得幾入味　但可能ｏｖｅｒｃｏｏｋ　左少少味有好糖心既感覺豬腸都唔錯　洗得干净　切既大細剛剛好一口　雞胗係最好食　好爽口之後叫左個菜（全走）菜都算新鮮主角黎啦　我叫左韮菜豬肉餃同埋雲耳椰菜豬肉餃配米粉加上是日例湯（肉骨茶（３８蚊）韮菜豬肉餃都好足料　韮菜好香　皮溥餡靚　雲耳椰菜就令到餃子多左層口感　好爽口佢既肉骨茶送左隻豬骨黎　佢煲到好淋做到’’骨肉分離’’好辣既我拎左佢地自家製既菜埔我就覺得唔係太辣　可以再辣多ｄ不過有自家製既菜埔都好貼心我朋友就叫左煎洋蔥豬肉餃同埋煎香菇栗米豬肉餃配米粉豬骨湯（３８蚊）一上場都比佢煎到金黃色既表面吸引煎洋蔥豬肉餃好多汁　食洛又好脆　估唔到洋蔥既味又無蓋過豬肉味　兩者真係好夾！原粒栗米令餃子多左咬口　不過香菇味味算特出總結：小店經營都有心思價錢又貼地真

🔎家後📍深水埗基隆街211號地舖-我真係好鐘意食餃子🥟 今日收工約埋同事一齊去食餃子 誓要食均全深水埗嘅餃子！-🔹煎餃 $38/8隻 雙拼同價韭菜鮮豬肉餃拼洋蔥鮮豬肉餃 餃子用左日式煎法煎得好脆 皮亦都幾薄 餡料亦都keep到肉汁 我覺得相當唔錯 韭菜味夠香 洋蔥味會較juicy 兩樣都好推薦！！！🔹湯餃 $35/8隻 可選牛骨湯/豬骨湯/是日例湯香菇粟米雞肉餃拼芫茜鮮豬肉餃是日例湯係肉骨湯 幾好飲 無味精 仲有埋辣菜脯係得香菇粟米先係用雞肉包 一直都好鐘意粟米餃 甜甜地好吸引芫茜餃好香 芫茜味唔算好濃 份量配搭得幾好🔹鹵水拼盤 $39有雞翼，豬大腸 ，雞腎，蘿蔔同流心蛋全部都煮得好淋好入味 特別係大腸同雞翼 蘿蔔亦都無根又淋又甜 一次過試哂幾款都唔錯另外跟凍飲+$3🍴9/10#90sfoodieshare_深水埗 #食在深水埗 #餃子系列

水埗新開左一間餃子店 家庭式經營食物款式有餃子🥟、福建小食、日式小食、車仔麵價錢真係好平好平🤑.🥟煎餃八隻 $38八隻餃子可以雙拼 叫咗4隻洋蔥鮮豬肉餃、4隻雲耳椰菜鮮豬肉餃洋蔥豬肉餃 一咬落去😳 有少少爆汁嘅感覺洋蔥汁咇哂出嚟🤣好香餃子皮煎到幾脆😋 唔錯.🥟湯餃八隻 $35雙拼叫咗 4隻菠菜鮮豬肉餃、4隻香菇粟米雞肉餃湯底有牛骨湯、豬骨湯同是日例湯 今次係番茄湯🍅對番茄湯有少少失望 完全係豬骨味🤨只係揼咗舊蕃茄落去餃子質素依然保持水準👍🏻香菇粟米雞肉餃🥟雞肉味幾鮮 加上粟米味突出 幾特別😌.#福建鮮大腸羹 $29呢款小食好正宗大腸洗得好乾淨😼一啲都唔肥膩 配料有豬紅同豆腐 但為咗癖腥味 略嫌落多咗胡椒粉🤭整體味道唔錯 喜歡食福建菜嘅朋友可以試吓.#滷水拼盤 $39依家錢來講真係超級抵‼️有糖心蛋、雞翼、雞翼尖、雞腎、豬大腸糖心蛋做得最出色 糖心甜甜地😋好味其他質素都好平均 如果滷水味再入味啲會更好

今日約左屋企人去深水埗一齊行街同埋食埋dinner! 阿媽話想食餃子，之後行行下去到基隆街就見到一間充滿家庭溫暖既自製餃子🥟既店舖，我地就入左去坐啦！睇完menu就點左：秘製炸雞🍗$25: 新鮮熱辣辣咁炸起，有5件，炸得皮很脆口同埋雞肉都好嫩滑，而且唔會食到成口油！牛雜(牛腩，牛肚，牛根，牛𦟌）菠菜麵$39: 牛雜炆得很腍身，唔會有牛羶味，再配埋菠菜麵一齊食很match,個麵身很爽滑，真係食到好香口既菠菜味道！😋芫茜鮮豬肉餃、芹菜豬肉湯餃8隻$35: 配是日例湯，我地叫左2款mix,海帶豬骨湯，湯底很清甜潤喉，海帶亦可清熱氣！莞茜味真係好香口，而芹菜又好爽脆，用黎做餃子🥟材料真係唔錯，個皮又薄而又唔會易穿，大廚真係花左唔少功夫！再飲埋杯凍菜蜜$14，家人就飲熱檸茶$12，真係帶住好豐富幸福的餃子感覺回家！🥰+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日同男朋友食野，食這間家庭式新開的餃子小店，在基隆街的位置。雖然地方不是很寬敞，但乾淨整潔又有中國香港的風格及圖片，簡約設計！服務一流，老闆及服務員都好熱情好客，對待客人用心又會問及客人的需要，超級滿意喔！這裡有飯有粉有餃子有小食，而餃子咁出名，我們當然要試一試湯的及煎的，更可以選雙拼，試了冬菇粟米雞肉餃及洋蔥鮮豬肉煎餃子，煎得個賣相好靚，飽滿的多餡餃子，皮薄到透明賬卜卜，另一邊就煎得好香脆口感好；冬菇粟米雞肉餃好香黑椒味道、雞肉嫩滑又健康點、冬菇口感好正配上粟米的甜味；洋蔥鮮豬肉餃好甜的洋蔥、鮮豬肉好香好入味唔乾身；更有自家製香菜脯，有辣有無辣，好爽脆好口感好美味、好配合好夾！另一個我們點了湯餃配河粉，河粉軟滑大碗加2條生菜，湯餃選了菠菜鮮豬肉餃子，好薄好滑的餃子皮，菠菜好多好嫩配上豬肉香軟口感，好健康又多纖維！湯底更有牛骨湯、豬骨湯及是日靚湯，好清甜好健康！是日的是海帶豬骨湯，正呀！另外更有多款小食選擇，如酥炸豬肉丸、炸雞翼、炸雞、滷大腸、滷水拼盤等等，除了中式，老闆想加少少日式感。我們選了滷水雞翼，4隻都幾大隻，好軟腍口感，皮滑肉嫩！飲了凍檸茶，夠凍又香檸味！推薦這間小店。

今日星期日，跟朋到鴨寮街買電話卡準備去旅行，今日係2019年最熱的一天，我們也不想行，在基隆街見到一間小店 - 家後，是吃餃子、湯麵，見到門外張貼的單張，湯底是每天七點用十磅牛骨煲煮，見到如此吸引就決定試試。餐廳面積不大，是小店經營，老闆明哥非常健談，爸爸媽媽幫忙打理，向來支持小店的我不得不光顧，比起大集團的餐廳只顧賺錢，沒有一點人情世故。我們點了雙拼上海幼麵（牛腩+蘿蔔）、雙拼上海幼麵（牛肚+鹵水豬大腸）、雙拼煎餃（韭菜鮮豬肉餃+菠菜鮮豬肉餃）、豬手、凍咖啡、凍檸檬茶。上海幼麵（牛腩+蘿蔔）- 牛腩很入味、蘿蔔夠淋，不得不讚牛骨湯底，香氣十足, 口味濃郁，沒有一點味精。上海幼麵（牛肚+鹵水豬大腸）- 牛肚沒有一點牛肚腥味，軟嫩滑口。韭菜鮮豬肉餃+菠菜鮮豬肉餃 - 味道香醇夠味，肉鮮嫩口，韭菜有獨特香味，煎的時間剛剛好，而且價錢不貴，性價比極高。豬手入味夠淋身，味道不錯！明哥還推介我們肉骨茶湯底的餃子，但我們已經很飽了，下次一定要試試！

今天和朋一齊去深水埗買嘢，天氣很熱真不想食飯，所以就行行下見到一間食餃子店名字是(家後)，很特別的名字好像回家食餐，而且仲有一些日文字，基於好奇就入去試下，入去後有位先生很有禮貌地請我們座，給我們餐牌，我就不客氣地問他，原來他的太太是日本人，而且他們想未來的日子在鋪店攪一些日本新原素。今次我們叫左:鹵水拼盤$39，送上枱時仲熱，鹵水有(豬大腸、雞翼2隻、雞腎、流心蛋1隻開邊上)豬大腸洗得好乾淨，有爵口又不會韌，鹵水煮得入味不太咸。雞翼和雞腎都一樣入味唔錯，流心蛋的蛋黃很香好味。還有：韭菜鮮豬肉煎餃、雲耳椰菜鮮豬肉煎餃各4隻$38，韭菜很新鮮，椰菜爽口，味道也剛好鮮甜，煎得很脆很香。洋葱鮮豬肉餃、香菇粟米雞肉煎餃各4隻$38，洋蔥味就淡左些，粟米是新鮮一粒粒擇的，食落口時仲帶有粟米汁甜味流出來，雞肉很滑。老闆說可以自由選擇餃子款式、煎餃和湯餃也可以。跟住仲叫左碗(蘿蔔，飄香豬腳雙拼上海幼麵$32)，蘿蔔清甜無根很腍，豬腳也很腍帶有鹵水味香，上海幼麵就腍左些，湯底有三款：豬骨湯、牛骨湯、是日例湯。當日例湯是海帶湯，我就選擇左例湯，很清甜，日本海帶爽口，整碗麵都比我吃光光。還叫了2杯飲品，熱

平時經常過嚟食糖水今日發現開多咗一間小食店!店名叫做家後非常之有趣，見到門口咁多人排隊，我都排埋一份! 睇下佢係咪真係咁好食😂因為係中午食飯時間，排咗15分鐘左右終於入得。餐牌除咗有麵食，中午仲有飯提供。小食方面種類都好多，有中式有日式，最特別係有一款大腸羹。而且餃子方面種類都多得驚人，有七款自製餃子👍同朋友兩個人點咗一份大腸羹、一碗牛肉麵、同埋店家推薦嘅兩款煎餃😍大腸羹非常少見，我都係第一次試!材料有豬紅、木耳、大腸，餐廳仲會加啲胡椒粉同埋蔥，等味道更香更惹味。大腸有咬勁，食落味道好鮮，有豬腸嘅味但係唔騷 。質感有啲似湯羹 ，微微帶黏性飲落好滑👍牛雜麵我覺得做得非常出色，有牛肚、牛展、牛筋同埋牛腩。湯底非常之甘甜，有少少似台灣嘅紅燒牛肉麵，牛雜都煮得非常入味!特別係牛筋，膠質感覺特別重， 又香又滑。面係幼身嘅上海麵，食落口爽滑彈牙。以40蚊嘅價錢嚟講佢非常之高質👍👍最後就係店家推薦嘅兩款餃子，洋蔥豬肉餃同埋韭菜豬肉餃😍韭菜豬肉餃好常見，但洋蔥豬肉餃嘅配搭我就係第一次見兩款餃子都即叫即煎新鮮熱辣，菜同肉嘅比例肉都佔一半以上，十分足料。韭菜豬肉餃味道夠香豬肉夠鮮，而且夠曬多汁👍洋蔥豬肉餃