家嫂一家大小

营业中

休息中

第一道菜是魚生船，種類選擇不錯， 十分注重上菜的船，雖然賣相有點浮誇，但第一次去，好多人都會有Wow effect☺️ 一班朋友或一家大細，影吓相打下卡都幾開心 ！ 至於火鍋，由肉類、餃子、魚皮到菜籃；選擇非常豐富、可以再添食的火鍋料也有很多。罐裝/紙包飲品，和自家製凍飲，也是如此，當天我們特別喜歡桂花杞子茶。 比較失望就是紅白酒，對酒有要求的朋友，最好自備。 而要求冰桶需要多付$20 ，這也合理的收費。 枱與枱的空間比起很多雞煲/放題酒樓，已經寬敞很多； 地方也很乾淨👍🏼

好耐無食過放題邊爐，一心都抱住嘗試心態，去到真係無諗過咁高質的放題邊爐，全程一早安排好，刺身新鮮多款式，海鮮新鮮多種類，環境舒服，非一般的飲品花茶，涼茶，果茶多選擇，整體性非常高，我一定會再去仲一定會介紹人去！希望keep住，現在高質將來更高質……

重要嘢要講咗先😂 唔好學我咁蠢係工廈等lift😂 商場正門口有專用lift上3樓😂有趣嘅放題體驗，位位$368+1，大約$405左右一個人😆 除咗刺身之外所有嘢都係任食😆 你可以先食咗小食先，等齊人就上刺身❤️ 係等人期間，我諗住睇定嘢食，原來呢到無餐牌架😱 食完刺身就會食雞煲，食完雞煲就會揀湯底打邊爐🤭 隨時可以倒返轉頭食🤗飲品醬料係入門口嗰位任拎😋 好多特色醬料都齊全😆小食必食蝦多士，好足料，細細塊易入口，唯一缺點係太多沙律醬🫣 刺身係長過張枱嘅刺身船，打卡啱哂📸，但我哋6個人食，佢唔係全部都有6件，係得鮑魚、帶子有6件🥲 其他三文魚、油甘魚、蝦、北寄貝、八爪魚都係得4件😂 雞煲就好足料，啲雞都幾嫩口😆 由於佢個汁好食，所以豬皮吸晒啲汁特別好食‼️入面仲有蜆同雞腎，雞腎太淋麻麻哋好食🫣 打邊爐🍲有4個湯底，我哋嗌咗家嫂最著名嘅家嫂花膠老火湯😛 不過湯底冇乜特別😂 佢啲海鮮係真係幾新鮮，特別係魚❤️ 肥牛太肥，無乜牛味😂 其他都無乜特別🫣 食哂仲有糯米糍同雪條，一啲相對較低質嘅甜品。不過如果你係大食嘅，呢到都真係幾抵，性價比都算高，但係嚟得就唔好得兩三個人嚟食，因為所有嘢一煲煲嚟，可能去到

呢間 #家嫂一家大小 一定要有準備先好人均 $368+ 由小食 #8小碟 開始再黎～枱咁長嘅 #刺身船食埋 #雞煲 又黎 #老火花膠湯#打埋邊爐 肥牛海鮮任點任食五點食到十點，中間仲有 #餐酒車 請埋你飲食完食埋 #甜品加雪條免開瓶費、切餅費， 服務好好。#個個飽住到第二日#PS我地只係清左基本野冇追加#唔好諗住佢會將價就貨#用料足海鮮好新鮮#行過又話送鮑魚（仲識郁架）#無酒精飲品好有誠意📍 家嫂一家大小 (尖沙咀)尖沙咀堪富利士道8號格蘭中心3樓

~~~~~~~~~~~~~~~~~~~~~~🔷 有大量自家製飲品，一杯杯整齊排列好放上雪櫃任你拎。除左冷飲，仲有幾款熱飲可以揀。我就最鍾意佢嘅 蜂蜜西柚茉莉茶火鍋醬料枱上亦都好多選擇，除咗平時見開嘅幾款基本調味之外，仲有好多特色醬料🔷 第一輪餐前小食，已經非常豐富。首輪奉上清酒煮花甲、雞絲粉皮、子薑皮蛋、黑松露蝦多士、蜜汁雞球、麻醬茄子，我最鍾意係黑松露蝦多士， 細細件炸得好鬆脆， 我一個人食左2碟！所有小食都可以無限添加 🔷 第二輪刺身，係唯一冇得追加嘅食物，一米長嘅刺身船一上枱，超吸睛！！！，有三文魚、劍魚腩、帆立貝、北寄貝、甜蝦、八爪魚、廣島蠔、蟹，全部都好新鮮美味，特別係蟹，超多膏又鮮甜！🔷 第三輪雞煲，我揀左要小辣，辣度啱啱好，除左雞之外仲有豬皮同蜆肉，有加左蜆肉令到整個雞煲鮮味增加。 雞煲都係可以無限添加🔷 第四輪火鍋，湯底有幾個可以揀，我揀左海底椰 清清地可以食到海鮮，肉嘅鮮味。火鍋海鮮嘅選擇都係好多，其他配菜都超過20種，仲要全部都可以追加，所以佢嘅賣點真係非常豐富。呢度嘅環境確係唔錯，空間感十足，而且人手都好充足，基本上一舉手就有店員嚟幫你，侍應們好好人，好有禮貌

門口服務員態度極惡劣，十分沒禮貌。食物質素亦比以前差得多，海鮮不太新鮮，雞煲味道及材料大大減少，牛肉及豬肉質素亦不太好，整體食物份量就減少左，但價錢比以前貴，不太值得。

第一次光顧家嫂，形式類似倫哥私房菜，都有刺身、雞煲和打邊爐,大部分都可追加，不過唔追加都已非常飽。而且服務非常慇勤，經常問駛唔駛換碟。晚餐價錢仲包埋house wine 任飲。諗住平價野實唔好飲，點知又唔差！都有medium body, fruity,唔澀。仲成日推住架酒車幫人添酒。飲品選擇好有驚喜，有台式鮮果茶，飲品選擇精緻又多款，唔會淨得罐裝飲品，女仔應該會好開心。刺身拼盤-都好有驚喜，擺盤靚刺身又新鮮，仲有海膽刺身，唔差㗎喎！六小碟-樣樣都幾好食跟住到雞煲（無限追加），我覺得普通，唔夠倫哥惹味，無需要添吃。倫哥個雞煲係明知頂住個肚都會想添吃！打邊爐- 因為係即興訂枱，所以試唔到特別湯底。特別湯底要預訂，建議可早一日打來預訂湯底。今次試個花膠老火湯底，先飲湯，再加湯打邊爐。（已經飽飽地）上火鍋時已有海鮮拼盤，蝦同蟹都好新鮮，仲有蟶子同鮑魚。隔離三層盒係：一層餃、一層手打丸、一層黑白枝竹（碟餃無乜點食，因為好飽）手打丸好新鮮，出去食都要差不多一百元一碟。黑色枝竹好特別，食落就同普通枝竹差不多。仲有一碟肥牛、青菜和炸魚皮。仲有甜品：黑糯米雪條/香芋雪條食完剛好十點，收工。捧住個肚走。

呢個$168 套餐非常之抵食.. 環境舒服  我剛才坐得舒適..差d睡著了,  服務員又親切有禮 出品精緻又好食呢度仲有午市火鍋海鮮放題 $258 任食任飲...真係會食到嘔的 hahah,  希望遲d再放寬人數可以約一大班朋友仔來一齊enjoy一下 嘆下茶 

尖沙咀📍非常推薦！ 一次過滿足晒同一餐食晒唔同嘅嘢！ 首先有6款任添加嘅前菜，最特別係糍粑同埋麻將矮瓜！食完前菜之後就會上一個 #刺身拼盤 ➡️#雞煲 ➡️#花膠雞湯打邊爐 ➡️雪條做甜品！ 同場仲有兩小時紅白酒任飲🍷~*~*~*~*~*~*~*~*~*~*~*🌟刺身拼盤🍣款式一啲都唔馬虎，四人份量剛剛好，仲有埋海膽，雖然海膽就爭少少，不過呢個價錢來講非常合理👍🏻 ~*~*~*~*~*~*~*~*~*~*~*🌟雞煲 🐔有唔同嘅辣度選擇，非常惹味，四個人我諗份量大概係半隻雞，雞肉非常滑！~*~*~*~*~*~*~*~*~*~*~*🌟花膠雞湯湯底邊爐😌 Book位時要訂定，大概有四至六片花膠，非常推薦大家先飲咗個湯，好有口感！飲完個湯之後先開始打邊爐。小編非常喜歡食淮山，佢個湯底配埋個淮山非常入味。當然仲有個海鮮拼盤性價比高！🦐🦑🦀 除咗海鮮仲有其他基本打邊爐配料，例如手打丸，炸魚皮，蔬菜拼盤等等。海鮮仲可以追加！後加仲有鮑魚喔😋😋😋😋~*~*~*~*~*~*~*~*~*~*~*人均消費 $405Overall scores: 9/10🌟

呢個$168 套餐非常之抵食.. 環境舒服  我剛才坐得舒適..差d睡著了,  服務員又親切有禮 出品精緻又好食呢度仲有午市火鍋海鮮放題 $258 任食任飲...真係會食到嘔的 hahah,  希望遲d再放寬人數可以約一大班朋友仔來一齊enjoy一下 嘆下茶 

趕最後尾班晚市堂食，一家9人去食飽飽因為打針人數唔夠，所以要分兩枱。真心講飽到不得了，頭盤先嚟小食，最愛是蝦多士。接著是刺身拼盤船，賣相好吸引，好吸睛👀跟住上雞煲，味道一般，家人們話已經有啲飽。重頭是火鍋任食，有貴紀蚌、鮑魚、蠔…樣樣新鮮美味飲品任選有果茶、花茶、紅白酒，捧住個肚離開，大滿足呀

好多年前食過家嫂既其他分店已經覺得好震撼震撼在原來比得果幾百蚊已經可以食到咁多野!!!!!今次黎到TST既家嫂一家大小~好期待呀!!!!一搭電梯上到黎已經見到幾個大既氣水櫃同飲品櫃好多一杯杯既特色飲品,例如水果茶,竹蔗茅根等等!全部都係任飲架!!飲品櫃隔離有個調味料架!有齊我喜歡既配料!一坐低侍應姐姐就會上幾碟小食比我食住先因為朋友未到,我一個人佢都比左6碟我食D小食真係好好食!黑松露蝦多士好食到我一野啪左5舊!多士唔係好厚果隻 係好鬆趣好好味蜜汁雞球唔會好厚粉,好味!麻醬茄子又係好好味! 外脆內軟!仲有薑溶皮旦,煮硯,雞絲粉皮都唔錯於是我就係咁樣一個人暴風吸入朋友都遂個遂個到齊就再叫多ROUND小食比佢地食,任食架小食!!!!!!(頭先個ROUND我一個人食曬)其實我仲想食多幾舊蝦多士架><但係再食就會食唔落之後既野食夠小食之後!就食刺身啦!!WOHOOOOO!隻刺身船其實有成一米咁長因為太震撼,冇影到相所以只可以CAP 番VIDEO既其中一PART出黎佢有人頭計既刺身,三文魚,海膽,章紅魚,帶子等等~雖然唔係任食,但都好滿足!之後就黎到ALL YOU CAN EAT

醬料多選擇飲品多選擇 好誠意嘅有唔同嘅自家飲品，生果冷泡茶、竹蔗茅根、紅棗桂圓、桂花雪梨等等等等一個價錢可以食齊刺身、多款小食、雞煲、海鮮同火鍋除咗刺身之外其他唔夠都可以再點。我哋好好彩遇到嗰度有位叫華姐嘅侍應好好人，佢好有禮貌，幫我哋落手落腳，又會主動加湯。環境都非常舒適不過如果食到晚市就應該更加抵午市比較趕，120分鐘

上OpenRice訂咗5至7點要交枱服務好嘢飲多種類多，嘢飲唔太甜都好好味首先會有小食然後有個金龍船。但係起碼要有五個人以上先會有刺身船。所以今次就約咗六個好朋友一齊食奇怪就係上次嚟食五個人會有板海膽今次就俾咗挪威三文魚就同我講挪威嘅個價錢都好貴？所以冇海膽？聽到都呆咗臨走見到人哋就有隻蟹😒好新鮮好味之後就會有個雞煲尾有個邊爐，海鮮都好新鮮種類都好多好好味好抵食，唯獨係佢嘅時間要不停食嘢都唔可以講多句雪糕甜品都好味五至七呢段時間係冇酒。七點就有任飲嘅紅酒同事話五點至七點OpenRice book嘅就一定要好趕要食嘅就奉勸大家唔好經OpenRice book侍應話OpenRice book一定係要五點即刻係咁食係咁食七點一定要交到枱係咁食將你食完嘅雞煲裏面嘅雞我叫你起晒啲碟度就算你未食晒都叫你換碟，為求雞煲轉邊爐趕時間趕頭又趕命唔好為咗少少積分搞到個個情況唔享受

食物都算新鮮。但係服務態度好差。當刺身船上之前。已經呼喝我哋將啲碗移來移去。之後食完雞煲叫他們換碗。又話每個客人只得一隻碗不可以換。自己走去換。又黑口黑面態度甚差。希望可以改善