家嫂一家大小

营业中

休息中

前一晚朋友打去訂位，接線生話兩位都仲有位。第二日比預定時間早咗少少上去，接待員搵唔到預訂電話，之後喺嗰份表後邊就有我朋友個電話，接待員態度勁差講「我哋同事尋日同你講咗今日同你confirm Booking，但今日我打咗兩次俾你都冇人聽，你哋而家係候補，但已經無位啦」我同我朋友當堂呆咗，我問佢如果要等等幾耐，佢話已經係最後一圈無位，當時係19:10。事後我朋友睇返電話根本都冇miss call, 全日電話跟身，因為喺度撳緊演唱會飛，唔知咩原因點解佢哋要咁做，霎時間喺尖沙咀都唔知搵咩食，大失預算, 十分失望。

本身好有心機寫咗好幾百字詳細食評，但改一改個app嘅privacy setting去attach張相就冇晒成堆字。所以恕我簡短寫寫餐廳係好多受歡迎種類嘅，刺身，雞煲，海鮮火鍋都係香港人大愛。但我想講啲嘢食真係唔掂。小食同涼拌類其實係okay嘅，唔算話好好但符合期望。刺身都係正常嘅，大約放題水準。所以以為之後雞煲同海鮮火鍋都正常水平但其實都幾差。雞煲係蜆加雞件，雞件係滑嘅，不過味道麻麻。火鍋，首先個花膠雞湯係勁淡，都唔預期係膠㗎喇但真係似雞湯溝咗勁多水。海鮮方面，有隻蠔係臭嘅（朋友嗰隻冇事），鮑魚唔小心咬到一下肝都係臭嘅。珊瑚蚌同蜆正常。第一輪蟹係甜同內質係爽嘅，可惜第二輪已經係霉。蝦係生猛嘅，唔錯。蟶子細細隻但都甜。糖水送蕃薯糖水但唔好食。飲品都幾多選擇。我覺得竹䉀茅根幾足料好飲。但西瓜汁太甜，我覺得係糖水太重手。服務：門口兩位姐姐唔太有禮貌，但其他職員都幾幫手同友善，值得讚！總括，我認為最可取係個竹䉀茅根而朋友覺得最好嘅係紅糖糍粑。咁你哋自己諗值唔值得去。

收到好姊妹給我的搵食情報，在尖沙咀格蘭中心3樓，開設了一間酒樓-家嫂一家大小，既有一些特色新派點心，又有刺身火鍋放題提供，趁幾天假期，便預早一星期打電話訂位，酒樓每天早上11:30營業，全日均有火煱供應，於是相約好姐姐11:30到達，齊齊食任食火鍋放題在格蘭中心有一部獨立電梯直達酒樓，我們在訂座時間前10分鐘到達，酒樓仍未營業，男侍應請我們坐在大堂取飲品丶調味料區等候！我趁機看看三排飲品架，由於時間尚早，雪櫃架上，仍未放齊所有飲品，只放了部分（飲品用即棄膠杯包裝，排列整齊，很有飲台式飲品的風味），細看旁邊介紹飲品的牌，飲品的種類繁多，而且很特別，以養生為主，包括：竹蓆茅根水丶杞子雪燕茶丶金羅果山渣茶丶蘋果雪梨茶丶香茅檸檬意米水丶紅棗圓肉杞子茶丶西柚百香果茶，還有星洲鹹檸七、白桃椰果梳打、巨峰椰果梳打，即叫即做，可向職員查詢和落單！在大堂近電梯旁的雪櫃架上，則放滿超市提供到的罐裝飲品，包括：綠茶、烏龍茶、解茶、橙汁、提子汁、可樂丶檸檬茶大堂中央，放了超過10多種各式各樣的醬油，排列整齊有序，給人一種乾淨丶舒服感覺11:30，見到一批批食客陸續進入大堂，男侍應不慌不忙地，等待同事安放妥餐具

性價比高任飲任食放題💪💪可以食足五個鐘，食得慢或掛住吹水都吾怕😂由任叫既多款小食開始，冷盤到炸物都有刺身併盤，五人或以上有刺身船，吾食得影相都夠玩😆雞煲由BB级到大辣任揀，香辣野味😋最後火鍋，叫左花膠湯底，侍應姐姐話先嚐湯底，吾肥真係有老火湯feel，真係有花膠 ; 海鮮盤亦有多款，有部份可以任叫 ; 牛肉就較普通 ; 三款手打丸，吾係現成牛丸魚蛋 ; 水餃雲吞足料 ; 腐竹都有黑白 ; 仲有魚皮等其他火鍋料，放到滿枱都係👍飲品有現成，亦有自家制飲品，各自款式都好多，最鐘意清熱潤喉蘋果雪梨水降火，紅白酒仲任飲👍因為新装修，坐位舒服吾迫，同隔离枱亦有距离。其實食到中段已好飽，可以再Encore😋

早排有朋友介紹話好嘢剛剛成班朋友諗唔到地方聚一聚，我就帶班老友膽粗粗去試吓，一試原來咁正，坐低未有食即刻去攞嘢飲，好多出面冇嘅特色嘢飲選擇！讚嘢食到啦，先來個長過張枱嘅刺身船！今期仲有毛蟹！！D刺身幾新鮮！再來一個雞煲勁野味～之後就靚湯火鍋！佢哋叫先飲個湯先食，真係唔錯，再嚟叫再肥牛，手打丸，不過因為頭盤都食飽一半，同埋太多選擇，所以根本食唔齊所有嘢。結論-可以再戰，食多幾次！

一坐低店員就會上小食炸物 > 刺身 > 雞煲> 海鮮火鍋，除咗刺身係一次性，其他野都係無限任食，可能太熱，不斷飲自家制特飲、脹住左，莫講話添食，已經好努力咁食上面既野都食吾哂。小食/炸物：有螺肉沙律/清酒煮蜆/皮蛋/炸蝦多士/紅糖糍粑/炸豆腐/榨菜花生，蝦多士又熱又脆，其他都可以。季節當造刺身拼盤：有甜蝦/帶子/三文魚/北寄貝/吞拿魚魚腩：八爪魚，如果多人就成條船出，好吸精、打卡一流。惹味雞煲：吾夠濃味、配菜少但雞肉都叫滑。雞煲入面加入豬皮同蜆，索晒d雞煲醬，變得好入味又夠淋。*食完雞煲就可揀湯底邊邊，可選花膠/酸菜魚/養生湯底/椰子湯低。環遊海鮮船：有8-10款時令海鮮，有土魷/鮑魚/生蠔/珊瑚蚌/鮮蝦/蜆/魚肚/蝦滑菇菇。火鍋配料：有極上牛肉/豚肉卷/手打丸/水餃/黑白腐竹/炸魚皮/菜/菇/麵。飲品：自家製大杯特飲同涼茶/罐裝飲品/紅白酒，紅白酒用架車仔推出黎，好耐先推一次、斟多d都不願。甜品：雪條/糯米糍。

之前朋友來過話唔錯，所以慶中秋聚會揀咗來家嫂午餐，午餐任食160 分鐘 $278/ 位最先來🍀各式小食🍀（可refill)，小食都有6 款，每款也好好味，炸蝦多士必食再來6 款🍀刺身 🍀（只包一次），帶子又厚又大件，同埋幾款刺身全部都好新鮮跟住就到 🍀雞煲 🍀（可以refill）辣度可以按自己喜好選擇，我哋揀咗BB辣，（店員話雞煲係即炒出嚟所以要等一陣）除咗雞仲有豬皮同蜆係裡面。最後到🍀打邊爐🍀（牛、豚肉、手打丸、雲吞水餃、海鮮、菜等）打邊爐的海鮮、其他材料全部都可以任食，仲要D鮑魚勁新鮮，勁癲，真係好飽😆自助區：飲品也有多款選擇，有幾款自製養生茶可以選擇。醬料也有很多款供應。

呢間放題真係不得了，佢上菜係有次序，一開始佢上左6款前菜，分別係黑糖糍粑、紫薑皮蛋、白酒煮蜆、螺肉沙律、炸翠玉瓜同炸蝦多士，所有前菜都係任食同埋全部都好好味!食完個前菜，佢上左隻長過張枱既刺身船，上面有帶子、大蝦、凍蟹、八爪魚、北寄背、鮑魚、吞拿魚同仲有一款唔知咩魚~ 樣樣野都好新鮮。食完個刺身船佢就上雞煲，雞煲勁入味好滑，仲好多料，侍應姐姐話唔夠雞可以再加。食完雞煲就打邊爐，佢仲有幾款湯底揀，我地揀左花膠老火湯，不過打邊爐食既野都係佢set左, 係任食既, 佢會一次過上哂，然後你仲追加邊樣就叫邊樣，邊爐嗰張相入面既食物係未齊既，佢仲有手打丸、蟹、同埋好似仲有，多到我都唔記得, haha~ 個籠入面係魚皮。本來大家都嗌好飽，但因為個湯底好多海鮮好甜，我地最後叫左2份烏冬都搶哂，可惜公仔麵無哂, 如果唔係仲正! 火鍋料全部朋友一致認為蠔、魚肚同餃最好食!訂位既朋友訂位時order左4個雪燕燉椰皇，每個$32好抵。食完飯仲有蕃薯糖水~另外餐廳門口右手邊有個飲品醬料區，4大個雪櫃野飲任飲, 仲有大部分野飲都唔係盒裝/罐裝勁有heart, 除左凍飲仲有熱水/ 熱既好似紅棗茶。仲有雪櫃入面有3款

這間出名雞煲火鍋魚生任食，今天兩人去尖沙咀分店食一人點心套餐，意想不到點心都好掂，每款一件即叫即蒸，非常精緻，非常好味，非常滿足。先來前菜皮疍酸羌，再有九款點心由鹹到甜食完都好夠飽。日後有時間一定會再去品嘗出名火煱。

星期日一家人崇拜完又去覓食阿妹揀咗呢間出名的放題店由於我哋有老有幼，他們又說未能盡食所以今次我哋淨係食點心一進入餐廳感覺寬敞環境舒服我們七個人被安排到半開放的房有多款茗茶可供選擇，我們揀咗東方美人（綠茶）和鐵觀音，還有小火爐把茶保暖椒鹽香酥鮮魷，雖然酥炸仍然食到魷魚很新鮮香酥手打墨魚餅，充滿墨魚肉好彈口軟殼蟹腸粉，很特別，軟殼蟹很脆口素鵝香菇腸粉，皮薄料重鮑汁炆雞腳，鮑汁質地很濃但味道不足，雞腳比較瘦陳醋小籠包，陳醋直接入小籠包內，連埋小籠包的肉汁混在一起吃鴛鴦馬拉糕，質地比較黏身，甜度剛好帶子黑毛豬燒賣，帶子是新鮮帶子，燒賣內的豬肉很爽口珍珠蛋白雪燕鳳眼餃，一隻餃幾種口感精緻金魚餃，餐牌上寫一份有四隻，所以我們叫了兩份，來到是一份有四隻大四隻小金魚，店員介紹碟面的蛋白可以連埋一起吃，雖然皮比較厚，但是食到啖啖蝦肉淨係影相打卡都已經值回票價潮州韭菜煎棵，皮是煙煙韌韌，內裡的九菜滿滿一家大小炒米粉，雖然望到啲米粉好粗身，但食落口感豐富，加埋他們的自家製XO醬，絕配還有吃了咕嚕山楂豬爽肉（忘記拍照），上枱時和一碟咕嚕肉的樣一模一樣，用水蜜桃伴碟，爽肉半肥瘦口感最後叫了兩位紅糖糍粑，一位份量

刺身尚算新鮮～但唔算多款囉！ 仲話花膠湯底勁無味！雞煲勁多汁，炒極都水汪汪，雞件好少，全部都係唔食得嘅部位似燉雞唔夠香～太差！ 牛肉又奀又厚，質素都好差，試左一件就停手了。貝殼類既野超多沙～完全無浸，湯底全部都係沙攪到成晚食既野都有沙，總之成口沙。魚皮淋哂，又無響鈴，魚又無，款色唔多，想食既海鮮又話賣哂…所以😪最幣食完先發現有小強仔🪳行左出黎响枱側邊～痴鬼線，叫職員佢捉仲無嘜人理（係唔想理），總之勁唔掂囉…以後唔會再去😤服務人員態度都好差，因為每次追加食物都要靠服務員，佢哋人數唔多，所以好難叫到佢哋加數又態度唔好。 話有任飲紅白酒，但其實每人限3-4杯，唔係叫落單的，係7:00pm 後有位侍應推架酒車出嚟派酒，如果miss左就冇得後補了。總之 唔會再去。

我已經來過三次這間餐廳，亦介紹了不同朋友來吃，大家都讚口不絕！食物新鮮，有質素，連醬料都好好味；服務態度一流，員工訓練有素；飲品一般，但都啱我口味。雪燕椰皇甜度適中，好有水準！整體評語：無懈可擊！

📌 家嫂一家大小 - 尖沙咀堪富利士道8號格蘭中心3樓🗓(20/8) 星期六 ⏰ 中午12:45左右 💈特式：今朝睇Youtube見到有人介紹呢間店，睇片覺得d食材好高質抵食，就決定即時自費去幫大家實測下。去到因為冇book位，當時又full晒，正想離開之際職員剛剛收到電話有人cancel booking，所以我就順利入座了✌🏻。🥩🍔🌭🌮🥗🥯🥘🍲🍝🍣🥟🍤🍱食物：間舖本身有火鍋任食同點心任食，今次就先試左火鍋任食先，佢地係會跟住一個流程咁上菜，首先係小食>刺身>炸物>雞煲>海鮮火鍋，除咗刺身係一次性，其他野都係無限任食，實証過真係樣樣野都好好食，等我逐一講吓味道先......(一次性)刺身拼盤🐟🦐 - 刺身佢只係一次性，真係可惜，因為佢d刺身質素絕對蠃晒香港大部份日式放題店成條街；粒元貝刺身厚到成舊麥樂雞咁，仲要甜到一個點；甜蝦/三文魚/北寄貝都係高水準；吞拿魚腩油脂好足，不過美中不足就有少少筋；另外唔知點解仲有個蕃茄🍅刺身???(任食)小食/炸物 - 包括有皮蛋/螺肉沙律/清酒煮蜆/炸蝦多士/紅糖糍粑/炸唔知咩蔬菜，除咗個炸唔知咩蔬菜係普通d之外，其他

家人一齊食晚餐放題😽食物豐富😺新鮮😻-小食（6款）-海鮮刺身👍-雞煲（可選擇辣/不辣）-火鍋（可選擇豬/牛）-可選擇紅酒白酒或其他飲品-自取雪條/芒果糯米糍/番薯糖水除刺身外其他都可再加個個都飽飽🫶🏻🫶🏻

同朋友夜晚BOOK左位黎呢到食,一入到去已覺得環境好舒服,任食既打邊爐一般都好迫,仲好勁蒸氣,食完個身會成浸味,個頭又笠。家嫂環境真係好好,我地一行三人,三個都係肥婆但位置好闊落,坐既SOFA同凳一樣舒服,枱同枱之間吾係好貼個種,傾計好舒服黎到會有員工幫你安排好哂食物同次序, 6道小食都好食,之前係刺身,雞煲,再打邊爐,出菜時間剛剛好話說佢雖然樣樣每樣一人一件,但係3個肥婆    一路食,雞煲冇加過單,邊爐佢安排左一轉野食落黎.我地都食吾哂但佢個D餃好食同蝦好新鮮好好食,牛就不過不失拉. 野飲好多都係自己整類似果茶薏米水等,都吾錯調味料個部分不得了,有差不多20款,仲有好多出邊冇既好似XO醬,多種吾同辣椒,埋單12XX,呢個價錢好值得再去 附責我地張枱既姐姐好NICE好WARM,真係好有家嫂既感覺