家嫂一家大小

营业中

休息中

今日部門丫姐拉大隊請食飯，我們一行九人點了這間餐廳的午市套餐，每人$188，已包茶芥及加一。套餐有：茶(金駿眉/八寶花茶)2選1 ~ 前者茶味略濃帶甘，後者清淡而甜。視乎個人口味。輕食海膽八爪魚 ~ 海膽無腥味，八爪魚易咬雞汁粉藕 ~ 雞汁鮮甜不太咸，粉藕好粉，好食湯生拆黑羊肉花膠羹 ~ 我食了一啖， 覺得好騷，可能因為有羊皮，不過利申我唔食羊肉， 可能喜歡食羊肉嘅會鍾意。海產寬粉蒸帆元貝 ~ 蒸得剛好，好鮮甜好味點心脆皮牛腩拉腸粉 ~ 腸粉包住脆網再包住牛腩，所以口感是外軟內脆，還保留了牛腩肉汁香味蘿蔔絲春卷 ~ 口感香脆，但味道不過不失。生拆蟹粉小籠包 ~ 賣相吸引!皮薄有湯汁，可惜蟹粉味欠奉立鱗鮮魚燒 ~ 熱辣辣好香，魚鱗炸到脆卜卜，魚肉結實，好好味鮮蝦帶子餃 ~ 鮮美，好食主食鮑魚艇皇粥 ~ 口感綿密，足料甜品鮮果豆腐奶凍 ~ 不太甜，味道中規中矩。套餐款式多，味道不錯，抵食

今日老闆生日喎我Tony哥一定搞聚會啦 一行6人book咗尖沙咀家嫂再食 7:30入坐 侍應招呼很好又問大家飲紅白酒？先上小食 我最like佢個蝦多士真係好食 不過提一提大家千萬勿食大飽 因為仲有刺身船雞煲任食 sea food又任你食⋯⋯真係唔知食得邊樣冴唔太多說 佢哋食物新鮮好味$388 一個人 加10%服務費

頭盤小食約6款可任食，人齊後，就會上刺身船，刺身款式每人一件，三文魚，蝦，鮑魚，八爪魚，帶子，魚，花蟹，之後會上雞煲，味道一般，調味料唔夠，無麻無辣，雞肉可無限加，最後上火鍋湯底 ，配料所有款式直接上枱一次，需要可要求再加，配料非常小，亦都冇餐牌列出配料種類，小食種類。海鮮方面有有蝦 ，鮑魚，蜆，急凍蠔，魷魚圈，蟹，細聖子，大蟶子，海鮮一般，紅白酒分四個時段推車仔出行一圈，飲品有一些自家涼茶，有汽水，茶

尖沙咀地段，餐廳座位闊落，坐得舒服。飲品非常特別，真材實料～有蘋果雪梨，竹蔗茅根，桂圓紅棗。。。。等等。每一杯入面都會見材料。一開始會上小食，今次小食有酸菜魚，皮蛋，炸茄子，蝦多士，糍粑，可以不停加。職員會問人齊未，人齊後就會上極有睇頭既魚生船。大人食得好滋味，不過小朋友暫時除左蝦多士外，暫時其他都都唔係好岩食，最後餐廳可提供白飯，魚生飯後就到雞煲，因為有小朋友就食唔辣既，當然第二轉一定要食返辣鷄煲😋😋之後就到火鍋時間，我地選咗花膠湯底，超正超濃，飲完湯就叫職員加水食火鍋，有海鮮，牛，丸。今次糖水係蕃薯糖水，如果唔岩食，可以食雪條。地點，環境，職員都滿分。不過如果可以為小朋友準備炒飯或炒麵，相信家長們就可以食得更開心舒服。

海鮮唔新鮮，由頭到尾再可加的食物一，沒一樣可重食，菜只得三款，生菜，油麥菜，娃娃菜，食物款料少， 沒有任何餐牌可供應給你從食的資料 無下次，第一次食放題會唔飽，去過一次就知中伏，

呢間嘢真心黐線！你可以由五點食到10點，一次過滿足你三個願望，刺身雞煲海鮮打邊爐！CP值爆曬燈👆🏻六款任食小食😼一坐低有六款小食任叫，當中比較推薦個蜆肉同螺肉，不過小心唔好食咁飽！好戲在後頭👆🏻刺身船😻非常吸晴巨型刺身船！有長腳蟹，帶子，八爪魚，大海老等等，仲有半碟鯛魚！樣樣都新鮮好味！👆🏻雞煲（冇影到）😼雞煲嘅雞肉都OK！唔好整到好硬好乾，仲有唔同辣度俾你揀，食完唔夠仲可以炸雞👆🏻養生湯底 &任加海鮮😻是日揀咗個花膠養生湯底，唔覺得似味精湯，另外海鮮都好新鮮，蟹唔係普通嘅花蟹，只係大大隻嘅膏蟹，仲要每樣海鮮都可以追加！👆🏻果茶 / 紅白酒任飲 & 糖水/雪條任食😼值得一題佢好多唔同款嘅果茶可以揀，而且會有架車仔推紅白酒出嚟任飲，不過我已經飽到飲唔到酒，同埋最後會送埋糖水，出邊亦有個雪條櫃，有榴槤味雪條擇👆🏻象拔蚌刺身😻另外我仲加咗佢，即切即食真係鮮到爆，一d都唔腥！...💸.消費. $487（每人）🈵.回頭率. 9.5/ 10📸.打卡率. 6.0/10

這間公司立場很堅定，沒有依政府規定接納符合疫苗通行證之客人，政府沒有要求藍碼，店舖卻強加要求。然而口口聲聲說要依政府要求，客人已出示安心出行及醫健通，但店員不接受，還一直要求將電子針卡安裝至安心出行內。經理也講明沒有電子針卡就必須離場，因為公司規定一定要藍碼才可進入食肆，即使落了訂金也不能退回(參考門口相片)，擺明趕客。他們很好笑的，說投訴也不緊要，公司規定是一定要有藍碼才可進入食肆，但政府大樓也不需要藍碼也可以出入啊，是不懂法例嗎？還是這間食肆比政府大樓還要大？

呢間餐廳除咗火鍋雞煲刺身放題出名之外，原來佢仲有午市精緻套餐， 啱曬啲唔想食放題又可以慢慢歎精緻套餐嘅朋友午市套餐每位＄188已包加一及茶芥🤩茶品：陳皮普洱、八寶花茶🍵我哋兩個人所以叫齊兩款茶試下，普洱有淡淡嘅陳皮果香味滲出，唔錯；八寶花茶有清淡嘅花香味，叫齊兩款茶加埋有個燭臺，打卡都開心🤩🤩輕食：酸菜魚、雞絲粉皮🥢酸菜魚湯頭酸酸麻麻，不過唔算好辣，魚肉偏淋身，豬紅爽口，酸菜爽脆冇渣🥢雞絲粉皮雞絲質地正常，粉皮爽口好味，芝麻醬汁香濃而且帶點酸酸地好醒胃，整體好味🤩湯品：生拆黑草羊肉花膠羹🥄湯羹非常足料，當然有羊肉🐏、花膠絲、冬菇絲及木耳絲，湯羹冇羊騷味，不過如果連羊肉一齊食的話就有少少羊騷味，我個人尚可接受🤩蔬菜：香蔥油菜苗🥢菜苗嫩口冇渣，豉油有香蔥味🤩手藝：脆皮牛腩拉腸粉、蘿蔔絲春捲、生拆蟹粉小籠包、鮮蝦帶子餃、立麟鮮魚燒🥢脆皮牛腩拉腸粉總共有四嚿，兩嚿係牛腩位，兩嚿係筋腩位，牛腩位比較硬及冇咁入味，但係筋腩位就比較有口感、好趙頭及比較入味，腸粉皮滑溜🥢蘿蔔絲春捲炸皮淋身😅，蘿蔔絲冇蘿蔔味🥢生拆蟹粉小籠包小籠包豬肉餡料太濃味，可能因為太濃味嘅關係，食唔到有蟹粉在內，呢個有啲失望🥢鮮蝦

第一次來到這間特色的火鍋店，今次算是有口福，因為是即日訂定坐立即有候補位置給我。店內環境坐位非常寬敞舒適，但略嫌有點嘈吵。坐低後先來享用數款前菜和刺身，然後便是享用任食雞煲和火鍋。我們選擇只吃少量雞煲，因為我們比較喜歡吃海鮮火鍋。海鮮種類選擇不多，只有蟹、蝦、聖子、蚌、生蠔、鮑魚等等，海鮮味道算不錯，但是供貨有限，我們想多點一些蚌，但店員說已經售罄，感覺有點失望。除了食物外還有限量紅白餐酒供應，我只喝了一杯白酒發覺味道不太好，所以沒有繼續order白酒，這𥚃還有其它的飲料選擇，可借只喝了一瓶薏米水便售罄。這間店食物質素非常好，飲料也很特別，但是供應數量不足有點失望，今次未能盡情享受想吃的食物。價錢不算大眾化，勝價比不高。

前一晚朋友打去訂位，接線生話兩位都仲有位。第二日比預定時間早咗少少上去，接待員搵唔到預訂電話，之後喺嗰份表後邊就有我朋友個電話，接待員態度勁差講「我哋同事尋日同你講咗今日同你confirm Booking，但今日我打咗兩次俾你都冇人聽，你哋而家係候補，但已經無位啦」我同我朋友當堂呆咗，我問佢如果要等等幾耐，佢話已經係最後一圈無位，當時係19:10。事後我朋友睇返電話根本都冇miss call, 全日電話跟身，因為喺度撳緊演唱會飛，唔知咩原因點解佢哋要咁做，霎時間喺尖沙咀都唔知搵咩食，大失預算, 十分失望。

本身好有心機寫咗好幾百字詳細食評，但改一改個app嘅privacy setting去attach張相就冇晒成堆字。所以恕我簡短寫寫餐廳係好多受歡迎種類嘅，刺身，雞煲，海鮮火鍋都係香港人大愛。但我想講啲嘢食真係唔掂。小食同涼拌類其實係okay嘅，唔算話好好但符合期望。刺身都係正常嘅，大約放題水準。所以以為之後雞煲同海鮮火鍋都正常水平但其實都幾差。雞煲係蜆加雞件，雞件係滑嘅，不過味道麻麻。火鍋，首先個花膠雞湯係勁淡，都唔預期係膠㗎喇但真係似雞湯溝咗勁多水。海鮮方面，有隻蠔係臭嘅（朋友嗰隻冇事），鮑魚唔小心咬到一下肝都係臭嘅。珊瑚蚌同蜆正常。第一輪蟹係甜同內質係爽嘅，可惜第二輪已經係霉。蝦係生猛嘅，唔錯。蟶子細細隻但都甜。糖水送蕃薯糖水但唔好食。飲品都幾多選擇。我覺得竹䉀茅根幾足料好飲。但西瓜汁太甜，我覺得係糖水太重手。服務：門口兩位姐姐唔太有禮貌，但其他職員都幾幫手同友善，值得讚！總括，我認為最可取係個竹䉀茅根而朋友覺得最好嘅係紅糖糍粑。咁你哋自己諗值唔值得去。

收到好姊妹給我的搵食情報，在尖沙咀格蘭中心3樓，開設了一間酒樓-家嫂一家大小，既有一些特色新派點心，又有刺身火鍋放題提供，趁幾天假期，便預早一星期打電話訂位，酒樓每天早上11:30營業，全日均有火煱供應，於是相約好姐姐11:30到達，齊齊食任食火鍋放題在格蘭中心有一部獨立電梯直達酒樓，我們在訂座時間前10分鐘到達，酒樓仍未營業，男侍應請我們坐在大堂取飲品丶調味料區等候！我趁機看看三排飲品架，由於時間尚早，雪櫃架上，仍未放齊所有飲品，只放了部分（飲品用即棄膠杯包裝，排列整齊，很有飲台式飲品的風味），細看旁邊介紹飲品的牌，飲品的種類繁多，而且很特別，以養生為主，包括：竹蓆茅根水丶杞子雪燕茶丶金羅果山渣茶丶蘋果雪梨茶丶香茅檸檬意米水丶紅棗圓肉杞子茶丶西柚百香果茶，還有星洲鹹檸七、白桃椰果梳打、巨峰椰果梳打，即叫即做，可向職員查詢和落單！在大堂近電梯旁的雪櫃架上，則放滿超市提供到的罐裝飲品，包括：綠茶、烏龍茶、解茶、橙汁、提子汁、可樂丶檸檬茶大堂中央，放了超過10多種各式各樣的醬油，排列整齊有序，給人一種乾淨丶舒服感覺11:30，見到一批批食客陸續進入大堂，男侍應不慌不忙地，等待同事安放妥餐具

性價比高任飲任食放題💪💪可以食足五個鐘，食得慢或掛住吹水都吾怕😂由任叫既多款小食開始，冷盤到炸物都有刺身併盤，五人或以上有刺身船，吾食得影相都夠玩😆雞煲由BB级到大辣任揀，香辣野味😋最後火鍋，叫左花膠湯底，侍應姐姐話先嚐湯底，吾肥真係有老火湯feel，真係有花膠 ; 海鮮盤亦有多款，有部份可以任叫 ; 牛肉就較普通 ; 三款手打丸，吾係現成牛丸魚蛋 ; 水餃雲吞足料 ; 腐竹都有黑白 ; 仲有魚皮等其他火鍋料，放到滿枱都係👍飲品有現成，亦有自家制飲品，各自款式都好多，最鐘意清熱潤喉蘋果雪梨水降火，紅白酒仲任飲👍因為新装修，坐位舒服吾迫，同隔离枱亦有距离。其實食到中段已好飽，可以再Encore😋

早排有朋友介紹話好嘢剛剛成班朋友諗唔到地方聚一聚，我就帶班老友膽粗粗去試吓，一試原來咁正，坐低未有食即刻去攞嘢飲，好多出面冇嘅特色嘢飲選擇！讚嘢食到啦，先來個長過張枱嘅刺身船！今期仲有毛蟹！！D刺身幾新鮮！再來一個雞煲勁野味～之後就靚湯火鍋！佢哋叫先飲個湯先食，真係唔錯，再嚟叫再肥牛，手打丸，不過因為頭盤都食飽一半，同埋太多選擇，所以根本食唔齊所有嘢。結論-可以再戰，食多幾次！

一坐低店員就會上小食炸物 > 刺身 > 雞煲> 海鮮火鍋，除咗刺身係一次性，其他野都係無限任食，可能太熱，不斷飲自家制特飲、脹住左，莫講話添食，已經好努力咁食上面既野都食吾哂。小食/炸物：有螺肉沙律/清酒煮蜆/皮蛋/炸蝦多士/紅糖糍粑/炸豆腐/榨菜花生，蝦多士又熱又脆，其他都可以。季節當造刺身拼盤：有甜蝦/帶子/三文魚/北寄貝/吞拿魚魚腩：八爪魚，如果多人就成條船出，好吸精、打卡一流。惹味雞煲：吾夠濃味、配菜少但雞肉都叫滑。雞煲入面加入豬皮同蜆，索晒d雞煲醬，變得好入味又夠淋。*食完雞煲就可揀湯底邊邊，可選花膠/酸菜魚/養生湯底/椰子湯低。環遊海鮮船：有8-10款時令海鮮，有土魷/鮑魚/生蠔/珊瑚蚌/鮮蝦/蜆/魚肚/蝦滑菇菇。火鍋配料：有極上牛肉/豚肉卷/手打丸/水餃/黑白腐竹/炸魚皮/菜/菇/麵。飲品：自家製大杯特飲同涼茶/罐裝飲品/紅白酒，紅白酒用架車仔推出黎，好耐先推一次、斟多d都不願。甜品：雪條/糯米糍。