家傳滬曉 (已結業)

我地一入到去呢間，覺得呢度個環境幾靚，又舒服，我覺得幾好~我地叫左醉雞、小籠包、奶油小棠菜腐皮及鱔糊麵，我覺得d食物就普通啦~但隔離檯話雲吞雞好食，我下次一定會試下~個小籠包唔好食~唔使試~我都會再黎食~

食完佢隻小龍包之後就開始唔明點解咁人都唔發覺佢地d食物冇quali.... 好似會好食既野我地都叫曬，最好食原來係個好一般既擔擔麵... 真係吹xx。不過佢地個king parrot group 一般既餐廳都係有裝飾冇味道....下次去試下apm既suzuki先！

10個人開壺八寶茶，叫左個六和餐(6人份)，再加多幾味~河鯽魚紅棗童子雞、蔥爆牛肉薄餅、炸饅頭回鍋肉、上海炒年糕、蒸銀絲卷及小籠包。餐有四個前菜幾好食，湯就一般啦，主菜有好似有五個，味道尚好﹔還有小籠包和甜品~ 香蕉豆沙鍋餅都唔錯。本人推介︰炸饅頭回鍋肉(炸饅頭好吃，回鍋肉唔肥膩)整體來講食物都唔錯，裝修幾靚，環境幾好。不過有限時間(少於兩小時)。

星期日同屋企人黎apm食飯, 本來想去潮館, 但等位既人太多, 見呢度下一張檯就到, 就黎呢度試下五個人點了:1. 桂花糖蓮藕- 切得太厚, 但味道ok2 風鵝粉皮- 好細碟, 食唔出d鵝肉味3 水煮桂魚片(少辣) - 但都依然幾辣, 裡面仲有d粉皮, 鮮菇等配料, 都幾好食(不吃辣的人不要點)4 奶油娃娃菜少腐衣- 似用忌廉湯煮的, 不好吃5 上海炒年糕- 年糕一d都唔煙un, 無口感, 只吃用豉油炒, 一d特色都無, 唔掂!6 河鯽魚妅棗童子雞(有少少湯的) - 聽講每日只買6隻?? 係waitress 推介的, 雖然當時7點幾仲有呢個菜有d懷疑, 但最終都點左... turn out味道都差(係d湯幾好) 7 麻婆豆腐- 又細碟又求其, 仲要$45, 一d都唔低食8 上海菜飯x 3 - 無乜特別9 白飯x 1 - 無食過10 四寶茶x 5 位- 由紅棗, 己子, 仲有... 唔記得左..但呢個茶幾特別, 清清甜甜的, 我幾鍾意!總括而言呢度既質數普通, 雖然裝修唔錯, 服務亦唔差, 但食物質數就真係麻麻! 埋單$523

今日同個bf第一次嚟食, 都唔錯呀我地食咗:~小龍包~韮菜餃~饅頭宮保雞丁~排骨麵~膏蟹冬瓜湯除咗韮菜餃皮太厚,膏蟹冬瓜湯多咗啲味精之外,整體都唔錯

叉子燒餅﹣﹣﹣正蔥爆牛肉﹣﹣﹣幾好擔擔面﹣﹣﹣普通砂窩雲吞雞﹣﹣﹣雲吞﹣﹣﹣正上海粗炒﹣﹣﹣幾好炒年糕﹣﹣﹣普通芒果高力豆沙﹣﹣﹣正以上---正--- 本人重點推介

D 野好難食, RECEPTION 又唔問你坐唔坐非吸煙區, 結果我陀住八個月, 都要坐係吸煙區食飯, 真係唔知乜SERVICE.D 位又好窄, WAITER 係你側邊行過都差D 掂到你, 叫左一碟飯, 一個水煮魚加一碟菜, 埋單要二百幾, 最慘係食咁耐, 煙咁耐(其實只有兩檯客食煙, 但通風勁差), 而且兩個"食送"都唔好食, 得碟飯似樣, 真係搵笨另外, WAITER 都唔掂, 我地叫水煮魚時要求少辣,結果無做到, 俾左個NORMAL 我,一上檯已經成碗辣椒油,我問經理, 佢仲話係咁架啦, 食食下, 廚房阿姐又一碟出黎, 個碟就真係少辣(因為見到無乜辣椒油), 我真係想同個經理講, 今時今日咁服務態度係唔得架

母親節正日(五月八日)由於Booking 頗爆，我於一星期前訂位，但當時只剩下9:00pm那段時間仍接受訂位，所以我只好揀選此時段。全店裝修雅緻，雙親十分喜愛店內所播放的五六十年代懷舊歌曲，令他們可以懷緬一番。如KIWI所言，我們一行七人並安排獨立間隔的位置，感覺不俗。我們選擇了六和菜，所包括的食物頗多，已包括前菜、小菜、湯及甜。而前菜也有四碟，份量也不少。由於豆腐皮蛋沽淸，因此換上了炒蠶豆，非常鬆脆。雞絲粉皮我覺得不錯呢! 至於砂窩雲吞雞，絶對認同KIWI所講，這絶對是我嚐過最差的砂窩雲吞雞，湯完全淡而無味，可能是金華火太少且沒有任何味道吧! 其他如小籠包、脆燒鴨也不錯，雖然是六人餐，但是我們七個人也頗足夠，收費也可接受，頗大碗的白飯也只是五元、茶芥每位四元、菜飯也只是十元一碗，雖然這個套餐是$688，連額外所加的白飯、茶芥及加一也不用$800，我們也估不到呢。由於是日是母親節，飯店特為每客人免費拍攝即影即有大合照一張，並附送精送相架，這個安排非常好，令母親都笑逐顏開呢!

為提早一天慶祝母親節特在此店定位。此店裝修雅緻，六至七人桌已有獨立空間；加上由King Parrot Group 主理（其他餐廳如：El Cid，Island Seafood and Oyster Bar）頓時對這家餐廳加添信心。我們點了六人餐，亦是一連串失望的開始。勁”鞋”的雞絲粉皮；無味的豆腐皮蛋；乾而欠肉汁的排骨；以酸辣汁去掩蓋淡而無味的河蝦。吃至這裡，我嘗試歸咎於母親節多客人，餐廳之廚房應接不暇而要由未到家之小廚師出手。但當我渴過他們的砂鍋雲吞雞之後，就不得不下此定論：個廚房勁唔惦！！！一間上海菜館連砂鍋雲吞雞的湯底都做不好，如何能生存下去！當日此菜一到我已覺勢色不對，湯稀稀的好像黃芽白菜湯，渴下去一點雞味也沒有！！！坦白說的從未渴過如此差勁的砂鍋雲吞雞！我認為這絕不是那些小廚師的問題（如以上假設成立），而是整個食物監控出了問題。開菜館是長線投資，不可貪一時之生意而犧牲了食物的品質詢！！！

此食肆最值得推介給大家, 因為雖然今天母親節, 但侍應服務仍非常細心/殷勤.食物水準亦算ok,最令本人難忘的是: "四寶茶"~~~好飲, 好香!一行五人(各人都頗大吃), 點了一個六人套餐, 再另加燻魚及瑤柱旦白炒飯(最後吃剩, 要拎二盒打包歸家), 各樣味道都不錯!!!!

我地五個人叫左醉雞、鎮江醬鴨、水晶蟹肉翅等, D份量小得驚人~見到碟菜黎, 個個都眼望望, 真係小到嚇死人呀!連最普通果個上海粗炒都唔係好大碟架咋~價錢雖尚算合理，但份量就小得驚人, 倒不如份量多D, 而價格貴D都無咩所謂~話雖如此, 氣氛確實又幾好既~

我和老公叫了四道菜, 包括脆皮素鵝($38), 鐵板羊肉薄餅($65), 黃金大蝦($88)及乾煸四季豆($42), 茶錢$4 (好抵),結賬$265. 除了乾煸四季豆唔夠乾身外, 其他幾味菜式都很好吃. 由於我們坐到最入的位置, 所以較清靜(中間的座位,侍應人來人往,客又多,無咁好坐), 加上懷舊Background music, 頗有情調, 員工很忙但仍萛有禮。總括而言, 是一間不錯的上海菜館。

一行四人，因為要吸煙區，所以毋須等位叫了炒年糕、酸辣面、小籠包及煎煱貼炒年糕分量夠，好飽肚，而且切細細塊，好易入口至於個面都唔錯，我唔係太辣都頂得順，唔會太嗆口小籠包則一般，唔係太夠湯至於煱貼....皮唔靚，肉太實....服務一般啦....雖然坐滿人同埋出面有人等位，但係我覺得佢地d反塵比較慢，無論開茶，落單，起餸都唔太快....香片都唔係太夠香，不過茶葉都算細塊裝修算不過不失啦，算太擠逼，拉凳都唔會撞到離枱呢間上海菜應該可以撼贏同區的上海坊

food court超爆場，迫於無奈要到餐廳菜館用膳。一望店名就知係食上海菜，樓面小姐力sell是新開張五天，煮法正宗，於是把心一橫試o下。叫了上海炒年糕、擔擔麵和蒜蓉炒小棠菜。 質素普通，但一食上海炒年糕就知唔正宗，完全係上海粗炒，油多、味淡、唔知點解會有洋蔥…擔擔麵唔夠香，麵條過腍；小棠菜根本唔係炒，只係用油鹽拖水後翻兜，冇蒜香，上時仲油光反照，你說嚇人不嚇人？一句講晒，冇下次！

此店與「阿拉麵館」同一集團，但吃了後沒有不適!風鵝(即風乾的鵝肉)粉皮$48、生煎飽$35、韭菜蒸餃$30、奶油娃娃菜炒腐衣(即鮮腐竹)$48、紅燒澳洲黑豚(似叉燒，但很大件，共4件，而且醬料不同)$98和煎八寶飯（脆，但略油)$55，整體上味道不差。但最impressed的，是此店的服務員之招呼相當不錯，其中的一位侍應Sky非常有禮貌和helpful。