家傳滬曉 (已結業)

主人與奴隸獸再次光顧的原因，除了優惠套餐的吸引外，最主要是此食店給我們的印象甚佳。好！長話短說，此套餐（HK$185）包括：- 青瓜拌海蜇絲：味道清淡，普通。- 風鵝粉皮：鵝肉嫩滑，粉皮爽滑，總之是滑一滑。- 什錦冬瓜粒湯：用冬瓜粒粒湯撈飯，絕妙。- 鮮露荀炒蝦仁：露荀與蝦仁都炒得爽脆。- 黑醋排骨：味濃，酸味調得恰到好處，只是排骨炸得過火，肉質變硬實。- 白飯及甜品當夜店內顧客頗多，但員工依然服務殷勤。P.S. 此店的四寶茶不錯呢！

呢排奇怪地諗起上海的一切，所以朋友一話食飯，我就話食上海野，而ＡＰＭ只有呢間係上海菜，今次第三次食。退步左除左小籠包外，仍然皮薄汁多叫左個有好多菌的湯，好淡味叫左個雜菌燒雞，呢個味道ＯＫ叫左個石頭飯，不過有Ｄ腥，（唉～仲要係推介中）最差都係服務態度，有好多客都係到嘈，帶位果位小姐完全吾知自己做緊麼，又話要等好耐，點知ｄ客行開一陣又話號碼已經叫左啦～玩野咩

今晚和家人品嘗上海菜, 室內佈置昏黃色, 位與位不是太迫, 環境舒適! 而另我們最欣賞的菜色有下列幾道:饅頭宮保雞丁：由一大個饅頭載滿一大堆雞丁/腰果/花生/肉絲等材料, 而饅頭可撕開撈汁吃, 味道特別, 充滿口感。生煎包: 一客四個, 熱烘烘, 包底煎得十分香脆, 包面保持軟熟, 入面充滿鮮豬肉, 而入口仍感受肉汁鮮美, 必食推介!上海小籠包: 小籠包肉汁很豐足, 應該是鮮肉製, 餡很細膩, 一點不覺油膩。芒果高力奶皇: 手打蛋白鬆軟兼有彈性, 芒果蓉份量適中, 如覺得不太甜, 可自行加糖霜!

我們一行5女子吃了:- 炸饅頭回鍋肉(個皮都ok脆, 回鍋肉一般)- 蒸炸銀絲卷各一(一般)- 拍青瓜(幾好, 夠味)- 素鵝(咪素鵝咁ge味)- 鴨, 唔知咩名堂(勁肥, 大家都唔欣賞)- 酸辣湯(同豆漿大王果d差不多)如題, 真係一般囉. 好在我地坐最入最入窗邊位, 所以冇咁嘈(但已經feel到外面嘈). 7:30入座8:45要交檯, 又唔係平, 又嘈, 絕對唔係傾偈好選擇.

在APM 有頗多食肆可供選擇，有同事向主人與奴隸獸推介此食店，所以我們就光顧試試，點了：1. 雪菜菘仁腐皮卷（HK$38）：雖然菜式名稱是腐皮卷，但稱之謂『百頁』卷應該更為貼切，因為口感與味道似百頁多於腐皮。2. 饅頭宮保雞丁（HK$70）：外形不是太特別，像挖空一個脆脆大麵包，盛載了宮保雞丁。3. 招牌生煎包（5 件，HK$35）：既然是招牌，當然要試試。包煎得脆而不硬，肉汁頗多。

昨天媽媽生日, 和她去這間餐廳吃上海菜. 這間餐廳之前已經去過, 雖然侍應大多都目無表情, 態度還可以, 而且食物味道OK, 所以昨天再去一次. 可惜最後留下一個極壞的印象!!!點了幾樣食物和一個甜品, 全部都很熱, 味道還可以, 收碟及收拾桌面非常快, 好像要我們趕快走, 但那時候離交枱時間還有一個多小時!! 最氣憤的是最後結帳時, 某位長頭髮, 束馬尾的女侍應態度十分惡劣!!! 她知道我們不加入做餐廳集團的會員時, 結帳時竟然大力的丟下帳單, 我(用信用咭)簽帳後, 她望也不望, 多謝也不說就把帳單丟給我, 然後立刻離開!!儘管食物OK, 但要忍受這樣的服務態度就絶對不能接受, 我以後也不會再去這間餐廳了!!

5 號晚老婆生日,一早訂左3人枱 .裝修非常好,地方寬闊.服務唔錯.叫左雲吞雞,八凾 鍋巴,回鍋肉,小籠包,一杯凍豆漿.雲吞雞- 一般ok la八凾 鍋巴-鍋就大, 料就小,湯汁就多.回鍋肉- 好乾, 無乜汁.小籠包- 真係正.凍豆漿- 無份飯, 仔仔話正埋單要$371.我覺得好貴,唔值得再去

打來confirm booking的男人好無禮貌.第一次打黎時我喂了幾聲, 再等了數秒, 果邊都無人講野. 隔了大概三分鐘, 同一個電話display打黎. 原來是confirm booking. 對先前的無聲電話一句sorry都無, 仲用用極不友善的語氣同我講要準時到, 我話無問題, 佢就用左0.0001秒的時間立刻收線. 連講句bye bye既基本禮儀都做唔到...令人有點不愉快的感覺.其實佢d野幾好味, 上菜都夠快. 又抵食.只是佢d服務員(除左一兩個例外), 大部份都唔算醒目囉.

今日同媽咪食LUNCH，我已經成1先到，估唔到都要等一陣。今次叫一個午市套餐($45)，係糖醋魚塊，包一碗湯、一碟前菜、客飯一碗及四寶茶。另外，叫一客小籠包($30)，一個瑤柱海皇(FREE COUPON)及一客家常餅($25)。午市套餐糖醋魚塊味道偏甜，魚炸得太硬，嘛嘛。個湯冇飲，因為有海皇，係西洋菜湯。小籠包保持水準，勁多汁，皮薄，勁正！瑤柱海皇好大碢，飲唔晒。有好多料(豆腐、蝦仁、瑤柱絲、粟米)，但湯底太稀，但味道幾好。客家常餅煎得好香，有好多，I LIKE IT!!!!!

以下值得一試石頭飯,炸銀絲卷,雪菜干豆腐皮卷,小籠包,拉麵....我們五人,價錢合理.我先生(丈夫)很喜歡此類食物,食後也說值得再去石頭飯有點像港式的福建炒飯,很香很滑麵粉類幾好,所以炸銀絲卷,小籠包,拉麵不妨一試優點是上菜快,地點容易找,地鑯可到,又有商場逛逛最好早一日訂位,否則要等位最喜歡它的四寶茶,不要選單一味茶...四寶茶包括杞子,紅棗,雪茸,水仙我給了少少四寶茶落清水內給BB飲,BB不停飲了很多

今晚同媽咪兩個人一齊去左apm 家傳滬曉食晚飯,去到唔多人, 一入去就有位, 好大本Menu..好似有D造作,睇起黎好唔方便, 但係好在大部份菜色都有相睇,唔使估估下!我點左好多網友都話正ge小籠包,媽咪點左鐵板京蔥牛肉配薄餅, 醉雞, 同埋生煎包~先講下醉雞, 佢\一拎黎已經聞刑好香ge酒味,食落去酒有少少苦澀味, 但係都幾香,可惜雞肉唔夠滑,但整體上都算ok~鐵板牛肉由侍應拎出黎到上桌都係有滋滋聲, 熱辣辣,唔似其他地方一陣就凍晒, 而且牛肉好軟身一D都唔硬,但係又唔會有鬆肉粉味~可惜ge係京蔥煮得太耐,好林,而且冇晒京蔥ge香味,但係呢個送真係幾好~小籠包, 好多網友都話正, 果然真係, 皮薄, 多汁,入面熱辣辣, D肉餡都好好味~ 非常好!生煎包係我覺得咁多個入面最好食~包底煎得非常脆又香口, 包面好軟身好香包味~兩種口感非常夾~而且D包吸收晒D肉汁, 咬落去好香肉味~下次一定要再食~埋左單之後聞到後面台食臭豆腐, 勁香~下次都要試下~^^整體上非常好, 只係個經理走黎埋完單,竟然唔識講多謝...欠缺禮貌係唯一ge不足..

星期日同家人慶祝生日, 一行12人, 叫了一個"10人和菜"set, $2200不平, 不過生日飯就無所謂啦.嘩, 真係好多食, 5碟頭盤, 魚翅湯, 幾碟大盤, 仲有小籠包同糖水, 最後大盤食唔哂, 有些打包走. 基本上樣樣都做得幾好食, 不油膩, 不重味精, 偏清淡, 應該是走健康路線, 好ok, 我地覺得好好食, 不似傳統上海菜那樣飽膩.最好味的菜有小籠包, 醉雞, 雞絲粉皮, 雪菜炒年糕, 蟹黃豆苗, 海參, 水煮牛肉, 連甜品的桂花丸子都好味. 另外服務亦好, 不時主動換碟.計埋飲品各樣, 埋單$2,500.

1) 雪菜蝦仁伴麵喱個一般喇！冇咩特別，雪菜好似有沙！2) 小籠包一向喱度小籠包都係好正，今次都一樣，冇令我失望。皮簿多汁，超正！

是日飲４寶茶，無０羊特別沙窩雲吞雞：足料，吾錯鬆子腐皮卷：好特別，都幾好食豆腐韭菜：原本吾知道系韭菜，因為上個名寫得好靚，菜來到時至知道，材料系廉價貨，所以覺得吾值得試We sat kind of in a private corner where we could see the MTR trains.

第二次黎呢間飯店. 一樣咁好味喎!! 而且仲俾個廂房我地添!! 勁正! 但book 時.已話8:15分就要還. 所以我地唯有早點吃.6:00就到達.七個女仔叫9個(小籠包係兩籠,計埋就10個啦) 但我地都食得哂喎!! 真係大食到呢....食完都仲想食!! 好味請埋其中一個女仔食. 呢餐飯好似都唔駛$80.. 抵!!!