宴 尖沙咀

又來到－年－度KxK生日飯，我當然要細心挑選地點。於是，這餐以淺酌、閒聊、美食為主要目的的生日飯，最終選了這間來自沖繩的居酒屋。 這餐是稍早時間跟K小姐的生日飯，選了位於尖沙咀的居酒屋EN宴。 星期五晚上的EN宴非常熱鬧。 入座後，店員奉上餐前小食。 點菜之前，店員捧來－大盤鮮魚讓我們挑選。 之後，又拿來本日推介黑板介紹。 美 純米大吟釀 300ml $380 點來支愛知縣的清酒送魚生，味道清甜可口。 炙燒沖繩和牛壽司 (2件) $98 入口香嫩軟滑，牛味香濃，配上蔥花蘿蔔蓉沾點醬油，更能突出和牛鮮味。 炙嬈喉黑刺身 (半條) $680 以火槍輕炙，喉黑外皮焦香，魚肉充滿油份，有入口即溶之感，脂香四溢，齒頰留香，超讃！ 沖繩我那霸牧場AGU豬肉野菜沙律 $88野菜沙律挺新鮮的，沙律裡頭還有味道香甜，肉質爽脆的沖繩AGU豬肉，整體味道不錯！ 沖繩炸雞伴特製島豆腐他他醬 $90 炸雞醮滿醬汁，香口而富嚼勁，可以再配上特製島豆腐他他醬，味道太多，感覺有點太過了。 鹽燒牛舌 $68 厚薄適中，香口爽脆，而且調味得宜，味道很好，讚！ 柚子雪葩 最後，來個味道清新的柚子雪葩，減輕－下此餐

呢個鋪主打沖繩食物, 上到去真係心大心細架。到底食放題定散叫呢???? 最後選擇左放題啦!先嚟前菜三點, 有我最愛的沖繩苦瓜, 好爽口, 好夠味。當然仲有又薄又脆的豬耳仔啦。Sashimi 3 點, 好有魚味噃。唔覺有雪味吖。望落幾靚, 咬落去仲好味!之後就係主菜豬牛蟹任食!!!真係停不了, 好味。每次上嘅蟹, 新鮮, 多肉, 肉汁甜, 絕不是一般雪蟹!!兩大肉食, 切得薄薄的,一滾即食。肉味濃烈, 肉質嫩滑。所以, 放題係抵食嘅。不過,酒水係唔包, 鐘意飲酒嘅朋友就要留意了。

第一次响openrice寫食評，因覺得物非所值，本以為是一間有質素的日本放題食店因價錢並不便宜，所以試試，但試完後，永不會再幫襯！頭盤''三點刺身拼盤''只有兩片超細片魚刺身加一件蝦刺身，味道普通，沒特別！然後來個''三點前菜冷盤''，只是一般下欄食物！以上頭盤及冷盤只是各一碟，不是任食，朋友們，謹記呀！任食放題終於開始，''沖繩和牛'' - 絕對與post d相不附，超薄切及超多肥肉，落到火鍋後碎晒！沒有牛肉味及覺得有D梅. 天呀！沒吃過這麼差的牛肉啊！真心覺得吉x家好味得多，輪到''沖繩豬肉'' - D肉肥到呢！用恐怖來形容！完全沒有肉味. 為何以上兩款肉會咁肥？咁先可以令到顧客快覺得飽飽滯滯，難以再點，高招！本人只吃了三片牛肉及兩片豬肉已覺滯！加上這些質素令你沒有意欲追加，無謂令肚皮受罪！''松葉蟹'' - 我只可以講美味冇份，好差又不算！最可笑的是每位要另收$20茶錢，如order飲品先可免茶錢！唉！每位$708（沒有額外叫飲品），我真心覺得不值，這個價錢，一定可以有其他較高檔食店或酒店（絕對有水供應及飲品一杯）選擇而不會吃到一肚氣！😡😡😡😡😡😡

宴- 沖繩料理餐廳 本來出名係火鍋放題，$500一個人 長腳蟹 和牛任食 可惜我唔食牛 最終決定散點菜餐廳環境：我地6點半去到 只有一兩枱客人 環境乾淨舒適 座位算寬敞有空間感 唔太吵可以傾計 裝飾當然充滿琉球風味服務：我地比預約時間早到半小時 但都可以立即安排入席；坐低無耐已有服務人員遞上熱毛巾及前菜 但無水提供，每人最低飲品消費$20 唔叫飲品的話 每杯茶要收費 但可以無限添飲嘅食物質素唔錯 食材新鮮 當中尤其欣賞吞拿魚沙律、蟹膏、墨魚汁蒸蛋、燒雞泡魚干及炸河蝦等，值得一提係將蟹膏配蒸蛋一齊食 味道鮮甜好味整體來說，價格算中上 但有服務同環境配合 可以接受，回頭指數

想一想。來這餐廳吃飯的時間都有大概三年的日子。久不久想不到吃甚麼就會到這來吃貨近期來都看到多人是選擇火鍋放題🤔但這我興趣不大還是單選我愛吃的每次必點的-墨魚汁炒麵-花生豆腐-明太子雞翼以上這三樣是我最愛吃的只因在別的地方都吃不到相似的味道而每次會選擇點的-海螺。海膽。魚刺身(每次都會用魚骨煮清湯。味道清甜。。yummy~yummy)-燒左口魚邊壽司(左口魚的油分口感。。讚)來了這裡很多次。但味道依然能保持水準***不過以上都是我自己愛吃的東西

吃團年飯吃放題，這家放題不是主打抵食，是主打高質素食物，松葉蟹，和牛，沖繩豬火煱是主角。食物選擇不多，但味道卻是極佳刺身是新鮮得不得了，蝦鮮甜得不忍一口吃掉，三文魚不敢生吃，拿去灼了吃，胡亂灼但仍鮮嫩幼滑，可想而知新鮮度而另一款魚生也是鮮甜又不會腥，不沾wasabi也好好味。松葉蟹是我今次的目標，因為好少放題可以任吃這高級料理，還要不限時每份上時是半隻蟹，可以上無限份，我去酒店buffet從不吃蟹腳，因為通常淡味，肉又少又難處理，但這個不同，蟹殼超薄，較剪輕輕一剪就ok，取出蟹肉輕而易舉，且肉粗得像外面賣的皇帝蟹柳，當然這是真蟹，肉甜得不願意沾任何醬料介紹一下海葡萄，沖繩特產，現在不用到沖繩也能吃到，粒粒大到似三文魚籽，少少鹹，但咬下去噼噼啪啪好有趣，值得一試本來食蟹都食到飽，帶呢個和牛真係太美味喇入口即溶，牛肉味道好濃，忍唔住一口接一口係咁食其實仲有沖繩豬都好好食架，不過掛住食無影相烏冬本來冇諗住食，但係一食就停唔到口，烏冬煙靱彈牙，有絲絲年糕嘅香味，正蔬菜都有提供，而且都好新鮮好好味，豆腐滑嫩，有豆香味。冬菇肉厚滑溜⋯⋯不過冇影相。食完佢會用鍋湯幫你煲粥，用純正日本米，好正架最後輪

我都系第一次燥到寫食評，呢間封面寫住放題，重以為係食放題字下面個款和牛可以任食，完來兩回事，d牛紙甘薄，連一盤好似相片都沒有，甘喜歡食牛肉嘅我連一盤都食吾夠，垃圾牛！8人食飯叫了些飲料1人生日，7人埋單，每人$1020元

早上到去，帶位同我講要坐房(有地蓆嗰種)，我心諗要除鞋麻煩要求坐出面，坐卡位可以嗎？佢竟然答，卡位留比預訂。。吓！心諗我三星期前都不是預訂??!!之後就分到張細枱(佢話二人枱。。但旁邊嘅四人枱都只係兩個客人，亦同是點火窩放題)。。。算坐低;來的食物亦精緻新鮮。。。當日前菜係鴨胸沙律(鴨胸本人唔食)，當該侍應收拾用完碗碟時我叫佢個鴨胸沙律可以拎走，佢又一次怪答:你唔要?!唔要都要收前菜費$20喎。。。。。其實我叫佢拎走佢係因為我唔喜歡個食物，你收幾多錢我都唔會食咖啦～況且我係選放題，坐得低。錢預咗比。。。。😡;大家留意，該冇禮貌侍意，戴黑框白眼鏡柄眼鏡，紥馬尾，瘦身型，説話粗聲又大聲，全場女侍應中年紀較大;呢間食店食物中上，價格偏貴其實都可以(是次二人消費約$13XX)，但多咗呢種人去招呼客人，大排檔都不如。。。我千多元食呢D招呼。。。我寜可去酒店餐廳!!!

小女本身就很喜歡日本菜,但比較貴的很少機會吃到~今次因為有人加左人工, 所以一齊黎食好野。他對日本菜一向麻麻,但今次佢都覺得今餐超所值!到底散叫, 定係食任食火煱放題好呢?最後還是選擇了火煱放題~因為有和牛同松葉蟹任食先上前菜,其中呢碟剌身真係好新鮮,一d都唔腥因為我兩都很怕腥味的東西(他直情不吃生的)但呢碟剌身仲要好甜, 第一次見佢食晒成碟生剌身呀!然後就是期待已久的海葡萄!這個是另外散叫的,因為海葡萄不是每間日本食店/居酒屋都有的而且是要由沖繩運來, 所以今次是為了海葡萄而來的,哈哈。一條條的海葡萄,咬落很爽口,口感好得意。不過這份海葡萄比較咸...所以吃了一半就叫了店員可以上主菜(火煱)中和一下味道XDD終於黎到主食啦~任食放題!日本松葉蟹腳, 可凍食或放入火煱熱食。我們試過之後,還是覺得凍生鮮甜一點。蟹腳D肉好甜好肥美, 真係好似係日本吃到的一樣味道!添了三四轉,哈哈~火煱吃到最後他還有在添啊。一尾掛住食松葉蟹,食到第二、三碟我們先開始吃火煱。上層是日本和牛,下層是兩種都超。好。味!先講和牛, 有種入口即溶既FEEL, 好香牛肉味, 而且又薄又滑。有人話「食完呢餐之後返唔到轉頭

壓力大除咗想食朱古力或甜品之外，亦會有股牛同蟹癮發作。於是無啦啦星期二，mr A 即book 呢度食返個和牛蟹火鍋放題 自從第一次來過後就上咗癮，久不久都會來下。除咗火鍋亦食過幾次a la carte 沖繩菜，還是火鍋吸引好多 ！質素雖然不及喺日本食的高質和牛火鍋店，但以喺香港食嘅和牛，仲要係放題來說真係物有所值。試過牛X 的最高質和牛放題（$600+ 仲要無蟹的只有牛），「宴」的質素還是全勝 餐前小食：有雜菜沙律，三點刺身同埋沖繩小食-有苦瓜，豬耳，芥末魷魚。三種刺身都頗新鮮，特別是蝦刺身幾鮮甜。特別喜歡沖繩苦瓜，爽脆得來少少甘甘地，完全不覺苦澀味。豬耳酸酸甜甜，夠哂開胃，準備好勁食火鍋喇 近期每次必點飲品：guava juice 番石榴汁，好香同清甜，完全唔係某啲餐廳的葯水味果汁 放題火鍋材料包括：豆腐蔬菜拼盤，沖繩豬同和牛，松葉蟹。當中以和牛同蟹最出色！蟹肉完全無雪味，肉質爽甜。和牛整體質素不錯，即使淥耐咗少少都夠soft, 香牛脂味而且牛肉軟得來入口亦有質感的（不喜歡某些餐廳片到鬼咁薄的和牛） 最後記得留定少少位食個蟹粥呀！自己叫碟蟹拆定啲蟹肉。侍應會幫你收收啲火鍋湯

如果你喜歡食松葉蟹， 可以選擇這間店的豚， 牛， 松葉蟹腳放題， 雖然款式較少（加埋菜， 豆腐和烏冬任食）， 但是食高質素的食材果然不同凡響。首先可個刺身同前菜 ( 各一份)， 刺身新鮮好味。第一輪，一人一碟蟹腳， 你可冷食或放火鍋， 一份沖繩豚， 同沖繩牛。我比較當喜歡冷食蟹腳， 雖然都是急凍貨色， 但是不會似酒店的自助餐有雪味同過咸， 點上蟹醋， 真是非常鮮甜。沖繩豚和沖繩牛的質素都很好， 我不會期待好似A5 和牛咁正， 不過牛有牛味， 脂肪比例平均， 有圖有真相， 自己睇啦； 而且不會好似某些餐廳，第一輪之後就出比較差食材過你； 至於豚肉， 有豬味冇臭豬味， 不過略肥。我和朋友一碟又一碟， 最後整哂蟹肉出來， 加白飯煮成蟹肉粥， 真是鮮甜到有罪惡感， 我驚自己再食唔返呀!!!!!!一行5 人，　共大約25碟蟹，豚， 牛各10份，飽到第二日下午。

一班人成日會去尖沙咀因為貪佢方便但其實已經食到唔知揀咩食因為又唔想等啦又唔想比人趕 所以揀一間好嘅餐廳好難朋友推薦宴因為見到其他評論都話有日本人去食又好似環境幾舒服先來一個刺身 其實無咩特別 應該因為呢間餐廳主打並唔係魚生 但好多伴碟不過不失 其實魚生新鮮就好難唔好食 推介Toro 幾厚切但其他portion偏細跟住食咗個軟殼蟹 其實幾好食有係個蟹膏 唔係翻炸既然食沖繩菜點可以唔點苦瓜呢 呢味苦瓜苦中帶甘 配上上面嘅醬 酸酸甜甜好開胃 好好食全晚最正係佢再加一個牛油焗帶子同埋墨魚汁炒麵 其實好普通個portion有啲細 好似我隻手一樣大咋 其實性價比唔係幾高另外有一樣嘢係令我哋唔係太愉快就係佢哋上菜非常慢 叫左又唔記得 d服務有啲待慢 但對日本人就殷勤啲 d waiters/waitress 有啲唔夠well trained 會係我食緊嘢嘅時候收碟 令我哋le咁hea....整體食物其實係滿意但服務真係有待加強 

時光飛逝，不知不覺，已來到我們的一週年紀念。這一年來有起有跌，兩個人能走左一起，實在不容易，尤其是性格不合如我倆。這絕對是值得紀念的一夜。想起幾年前，跟爸媽暢遊沖繩。水綠天藍，浪濤拍岸，寫意無比，還在水族館、菠蘿園重拾童真。當然少不了，嘗盡沖繩的美食，享受人生。近來工作上的變動，讓你陷於煩惱之中。壓力之大，我難以明白，也無法分擔。特意選了EN，跟你分享當日在沖繩的無憂無慮，希望暫時把煩惱拋諸腦後，好好享受這一夜。來到一樓，就見到沖繩特色的擺設。推開木門一看，餐廳的裝潢甚有特色，有吧枱、座位和榻榻米。店員先送上熱毛巾和一小碟水雲芽菜，清新的醋味，很開胃。隨了餐牌外，還有是日鮮魚和精選。店員把整籃魚捧到枱前，逐一介紹。還有螺、蠔和水果蕃茄。精選則有黃鰭吞拿魚，刺身等等。吃沖繩菜，當然少不了苦瓜、海葡萄等特色小吃。點了店員極力推介的魚後，便從餐牌上選好了。海葡萄特產之一，含豐富營養，如氨基酸、礦物質等。像魚子般一粒粒，很爽口。醮點醋汁，酸中帶咸，味道很鮮。吃在口裡，耳邊傳來海浪聲。自家製花生豆腐滑溜的外層，咬開卻稠得黏黏的，豐盈的口感正是花生豆腐的特點。豆味沒一般豆腐般重，跟微微的花生香相互

這間餐廳都來過不少次了每次來到都是滿座的這晚看完電影當然要醫肚吧友人便提議再到這裡晚餐和他都很久沒來這裡了今晚可能是閒日而且電影後都九點半有多所以不算太多人這樣正好不會太嘈吵先來個粟米還有日本蕃茄友人和我都讚不絕口蕃茄真的鮮甜再來平時吃慣的喉黑魚有魚油而不會太膩魚頭正好可用來做個湯魚的鮮味都出來了再來一個生牛肉這個都不差還有不少得的明太子雞翼最後怎可少得我這綠茶控來個綠茶雪糕再加上甜甜蜜瓜及蘋果這便滿足了

友人來到宴 EN 食頓晚餐，好好聊一下近況，淺嚐幾杯，也好讓我食回沖繩味道。說到沖繩菜，有3款食品是絕對要認識的，海葡萄、苦瓜炒豬肉和沖繩南蠻雞，這裡都做得很不錯。海葡萄，沖繩代表食品，在沖繩買到的是一盒盒新鮮又大條的，配著少許醋汁食，非常鮮美的。這裡食到的當然不及當地大，但卻是鮮味不減。苦瓜炒豬肉，沖繩苦瓜一直都是比較細齒，而且回甘不錯，又爽口。這裡主理的苦瓜炒豬肉，加入雞蛋和豆腐，更有沖繩味道。而且苦瓜帶甘而不苦，非常易入口，配酒下菜也不俗。四點刺身，有三文魚腩、油甘魚、鱆紅魚和帶子，賣相十分精美。侍者上菜時還介紹了一下裝飾的食材，有來自北海道的小蕃茄和芥末葉，都可食用。主食，少不了一道沖繩雜錦炒幼麵。以雜菜絲和雞肉下麵，在表面灑上木魚絲。要趁熱食，避免麵糊作一團。找這家餐廳不容易，總是會不經意的走過入口。但上到1樓又是另一番景象，侍者的服務十分貼心，不但細心講解，也會不時為清酒瓶換冰。而且清酒選擇甚多，絕對適合三五知己來個小聚會。