定食8 (已結業)

Teishoku is the main of the Japanese set, served with rice and miso soup. Here at $48 ($53 with 10% service charge), you could enjoy an average Teishoku with complimentary rice, miso soup, cabbages, and barley tea. No wonder why there is always a long queue. Still, waiting time is limited since only 50 minutes are allowed. Free of charge if food is delivered after 15 minutes. Appetizer (three small dishes) and dessert are also included. Menu is seasonal.Among the eight choices, I had the pork co

呢間全店定食都係$48既餐廳，原來係爭鮮開既，所以我諗刺身壽司都係平時爭鮮質素，不如試下熟食好過👻芝士豬排定食🧀🐽($48)，熱辣辣上枱既豬排炸得唔油膩，而且驚喜既地方係炸得幾酥脆，炸皮同肉唔會分離，肉質亦唔會乾爭爭，不過芝士睇得到食唔出，芝士味欠奉，唯有當佢係普通炸豬排食就好了😂定食包左麵豉湯、白飯、前菜同甜品，而且大食既朋友唔洗驚唔夠飽，湯同飯仲可以免費任添架😎個甜品牛奶奶凍味道怪怪地，口感又好散🤔不過整體都算幾抵食😼

行過商場，門面好靚，幾款主菜都係＄48，堂食要加一服務費，見價錢吸引走咗入去試，原來係半自助式，先去櫃位買飛，食物種類唔係好多選擇，啱晒啲選擇困難症嘅人，我揀咗一個豪華海景丼，另一個揀咗岩鹽牛扒，買完飛之後要自己搵位，之後將個牌放上枱面，就會有人送餐，如果想要水、茶、再添味噌湯、生菜絲，要自取，海鮮丼普普通通、反而個牛扒仲好味，簡單燒咗兩面，味道都不錯，兩個都有三種配菜，$48價錢，應該唔會有太大要求，不過如果有得揀，我都係會去食三哥米線比較吸引

有8款揀每款都係$48 ja 又平又好食！份量好多芝士豬扒定食幾厚身但切得細d會好d$20加配尤魚勁大隻，好入味！好食！仲有燒牛扒 都幾好佢有埋配菜！甜品$48可以話超值

去完考試局。。。。去揾食。想食平dd,坐好dd.去左呢間。。。。睇相叫左個天婦羅定食，本來冇什麼其望，結果：好大條蝦，仲有三條，有湯，茶，甜品，天婦矮瓜，南瓜伴碟，前菜不在話下。質素重唔差。炸得乾身，脆口。50蚊，仲想點？一個字：抵

想當年黎呢間食飯，外面總有一條長龍，今次中午過黎，竟然不用等😁醬燒魷魚 $20好懷念呢隻魷魚，所謂今次黎食，都叫左一份，魷魚燒得好香，不會太乾身，食起上來幾有咬口！加上青檸汁一起吃，味道更佳！蒲燒鯖魚定食 $48呢款定食有三款前菜，湯，飯，主角鯖魚同甜品奶凍，鯖魚份量算多，差不多有半條，而且味道還不錯，魚皮仲燒得好脆，好香。另外，呢到仲設有自助區，有麥茶，飯，湯，菜等可以任食，只要你食得落，可以無限任食，岩晒大食嘅人！但呢到唯一一個唔好處就係，搭枱，佢地會安排到每一個座位都有客人坐，絕不放過任何一個吉位。

1年多前新開既時候經常黎食，呢排醒起好似好耐冇黎過就即興係下午茶時段黎。黎到冇乜人，同朋友叫左一日一個set再加個魷魚share。唔洗15min就黎齊曬啲野最先黎到係燒魷魚，唔係熱辣辣，只係暖暖地，略為失望。碟邊有七味粉同青檸可以自己調味，個人認為唔太搭，如果用黎燒魷魚既醬汁再濃味啲會比較好。牛扒大約7成熟，呢個就熱辣辣，有牛味得黎唔會好韌，點少少隔離既海鹽畫龍點睛。飯係日本珍珠米，大大粒，粒粒分明。朋友叫既係照燒雞腿，呢個既燒汁非常惹味，而且雞腿可以做到外脆內軟，將雞皮燒到脆卜卜，雞腿肉嫩滑，有驚喜。所有餐都會附送味增湯，冷盤同奶凍。今次冷盤小食係中華沙律，帶子裙邊同牛蒡。奶凍不會太甜，味增湯好足料裏面有三文魚，白蘿蔔片同豆腐，朋友足足飲左3碗店內仲有麥茶, 拌飯醬， 沙律醬，海帶芽，白飯和味增湯可以無限任添。不過所謂拌飯醬食落係甜豉油，建議添味增湯既時候可以放啲海帶芽更加好味。不過以前會有茶碗蒸而家冇左總括而言性價比非常高，每人埋單只係六十幾蚊，岩曬大食怪，建議非繁忙時間黎，質素比平時再好啲。

今次係受侶食玩行第一次發佈的食評，希望往後會有更多的分享！講返今次既試食，其實一直以黎我地都唔多試新野。一黎怕中伏，二黎學生時代又無咩空閒錢。但有時人就係會長大，總會要探索更多。本身係鑽石山睇完戲，諗住求其醫肚就算。但荷李活廣場無左個food court，其他餐廳又食慣哂，於是決定向外尋！ 其實好野食唔少，不過我又唔想走太遠，於是就係附近搵搵。上網發現左間日本野，一個定食set 都只係48蚊左右，仲可以白飯refill啱哂大食既男仔。由鑽石山車站坐左70號到越秀廣場，再行去Mikiki商場都只係15分鐘左右。（當然上網見好多人都話行路去，我地就係好懶)定食8就係地下一層。去到發現長長人龍，本來以為會等好耐，但原來每枱限時50分鐘，所以實際兩位只係等約15分鐘就有枱。唔好以為限時就食得好趕，佢大約5分鐘就會上菜，其實認真食野唔洗30分鐘就飽哂，唔為吹水既話一定名哂時間。門面就無咩好講喇，反正坐得舒服又乾淨企理就係啦。到戲玉既食物環節，真係一個字，抵！以下為食物實照：註：岩鹽牛排，$48。雖然依個價位既牛肉你未必會聯想做和牛或者啖啖juicy，但係肉質又的確係鬆軟同有牛肉味。本人唔多鐘意加

給這間＂定食８＂全部定食＄４８的招牌給吸引了進去，已是大約晚上９點，仍有少量人在外排隊等候用餐，因與友人總共只是二人，等了５分鐘便可進去餐廳了～環境方面，餐廳衛生及清潔程度值得一讚，放在抽屜裡的餐具全部很乾淨，只是座位間隔略嫌有點迫，很容易聽到鄰座食客的對話～選好食物後，出去外面櫃位付款，不消一會食物便送上了～酥炸生蠔（＄２０）＄２０有５粒炸生蠔實在十分抵食，生蠔挺新鮮肥美的，不會炸得很乾，粉漿亦不會過厚，十分推介！煙燻三文魚沙律（＄２０）整體不錯，配上酸酸甜甜的沙律醬，很開胃！明太子雞翼（＄２０）明太子釀在雞翼中，雞翼已拆骨，啖啖肉，而且＄２０有三隻，推介！之後和友人叫的兩款定食送上了，芝士豬排定食（＄４８）有湯及三款前菜，麵鼓湯不錯，湯有放雞肉，不會像外面有些日本餐廳的麵鼓湯，只得一個咸字！前菜中有我最愛的中華沙律，有八爪魚的那款前菜也十分好吃到主角芝士豬排，一咬開內有十分十分多的芝士，豬排不會炸得很乾，仍鎖住肉汁，芝士控大愛！最後還有甜品，牛奶布丁，不算十分滑，但這個價錢來說已是十分好輪到友人點的岩鹽牛排定食（＄４８）嘗試了一點牛排，出奇地十分十分好吃！牛排肉質鮮嫩，配上岩鹽，感

食lunch不嬲都求求其其，屋企附近發現左間48蚊日本定食就試下。叫左個岩鹽牛肉，普通，唔太林，有筋，不過以咁既價錢黎講，都可以既。環境都可以，好過坐茶餐廳啦！

講起就成肚火，呢間野食物要加一服務費，所以我比錢之前一早計定要比幾錢。計出黎條數有毫子，所以我就拎左啱啱好嘅錢去買野食啦。 去到櫃檯先發現餐廳唔駛收零頭，所以手上面果4毫子就揸住無比佢，點知比完錢行番埋位，果個收銀伸個頭出黎同我講:"你啱啱咪比錢咪比得啱啱好嘅，係咪比多2蚊比你" 佢嘅態度令我覺得佢以為我突登攞多左佢2蚊咁，當堂好似當我偷野咁，跟著有個黑色衫嘅女人聽到個收銀講野之後，係我側邊行黎行去望住，好似唔知懷疑我咩咁。 誤會左人對唔住都冇聲 班侍應企係一邊用普通話高談闊論，影響食客。休息傾計唔係唔可以，但真係騷擾到其他人。 雖然食物質素不錯，但咁嘅九流服務態度，我真係以後都唔想去!

聽說這間日本料理是由一間做左好多年的連鎖式外賣壽司店開的, 所以今晚便想來試一試. 先在門口買你想點的食物, 之後便找個位置等待食物. 他們有一個特色就是標榜食物係短時間內送到, 否則不用收費.果然!!! 真的很快就到, 我們點了很多食物, 為大家評一下吧!我們一行兩人點了兩個餐, 另外再點了多碟小食. 主菜套餐有兩款, 叫了一個雜錦海鮮剌身套餐, 不用說, 食得出剌身當然是用他們自己公司的出品, 味道口感都一樣. 另外的, 叫了一個吉列流心芝士豚肉套餐, 其實套餐已包括飯,  前菜, 沙津, 及麵豉湯.  只是吉列豚肉的肉質較為粗糙一些, 其他的都OK!有一個冰鎮鮑魚, 這個菜比想像中好味,  鮑魚算新鮮, 有咬口, 同埋價錢不貴, 抵食!!也有點了一些炸物, 價錢其實每種都不貴, 但食物的質素, 味道也在價錢之上, 也可以說是物超所值的.總括而言, 今時今日這種服務, 實在很難得了, 請加油保持住呀!! 

新浦崗返工真係幸福，咁多好野食！今日去左定食8！聲稱15分鐘內上唔到菜就回水！岩鹽牛扒，好香牛味，呢個價錢，低食！仲有前菜同甜品！呢間餐廳最大特色係所有餐都係48蚊，白飯，味噌湯同沙拉都係任裝！

第一次寫呢間食評，都食過第3,4次，唔揀食開嘅豪華海景井，見到有生薑豚肉井寫住個new字，咪試下。點知係大伏。豚肉淡而無味，而且鞋口又唔滑，汁醬又唔多。唔推介大家揀呢個。今次排隊唔算耐，不過原來有入座有限時，夠鐘有人會提你走，另外味噌湯好好飲，但refill速度唔夠快。

之前男朋友同友人試完荃灣個間返嚟同我開心分享話幾抵幾多野食又勁平點點點之餘此類等等等等.....今日終於可以到我同男朋友一齊去食 嘿...去到都好多人排緊隊 排左約30分鐘就可以入座先簡好要咩去收銀處比錢就會有人送上嚟定食每款都係$48另加一外賣自取唔收加一我同男朋友兩個人叫左4號號芝士豬排同5號照燒雞腿食物好快到定食有湯、枝豆、飯、蒸蛋、抹茶果凍...外面有麥茶提供，飯同湯、菜絲任fill$48 呢個價錢真係好抵個蒸蛋好好食底部有冬菇同蝦個湯值得一讚，雖然只收$48 但個湯絕對唔係好似出面啲餐廳咁得水，內有豆腐 蘿蔔 雞肉..啲雞肉仲幾大粒 至少唔係雞碎先啦吉豬好食中間啲芝士另叫小食鮮醬鮑魚$40@4隻同酥炸生蠔$20@5粒特飲係青蘋果梳打同藍莓梳打，每杯加$7咁抵去邊到搵？下次會同男朋友再嚟