影片
更多
2016-11-14
687 浏览
今次係受侶食玩行第一次發佈的食評，希望往後會有更多的分享！講返今次既試食，其實一直以黎我地都唔多試新野。一黎怕中伏，二黎學生時代又無咩空閒錢。但有時人就係會長大，總會要探索更多。本身係鑽石山睇完戲，諗住求其醫肚就算。但荷李活廣場無左個food court，其他餐廳又食慣哂，於是決定向外尋！ 其實好野食唔少，不過我又唔想走太遠，於是就係附近搵搵。上網發現左間日本野，一個定食set 都只係48蚊左右，仲可以白飯refill啱哂大食既男仔。由鑽石山車站坐左70號到越秀廣場，再行去Mikiki商場都只係15分鐘左右。（當然上網見好多人都話行路去，我地就係好懶)定食8就係地下一層。去到發現長長人龍，本來以為會等好耐，但原來每枱限時50分鐘，所以實際兩位只係等約15分鐘就有枱。唔好以為限時就食得好趕，佢大約5分鐘就會上菜，其實認真食野唔洗30分鐘就飽哂，唔為吹水既話一定名哂時間。門面就無咩好講喇，反正坐得舒服又乾淨企理就係啦。到戲玉既食物環節，真係一個字，抵！以下為食物實照：註：岩鹽牛排，$48。雖然依個價位既牛肉你未必會聯想做和牛或者啖啖juicy，但係肉質又的確係鬆軟同有牛肉味。本人唔多鐘意加
講返今次既試食，其實一直以黎我地都唔多試新野。一黎怕中伏，二黎學生時代又無咩空閒錢。但有時人就係會長大，總會要探索更多。
本身係鑽石山睇完戲，諗住求其醫肚就算。但荷李活廣場無左個food court，其他餐廳又食慣哂，於是決定向外尋！
其實好野食唔少，不過我又唔想走太遠，於是就係附近搵搵。上網發現左間日本野，一個定食set 都只係48蚊左右，仲可以白飯refill啱哂大食既男仔。
由鑽石山車站坐左70號到越秀廣場，再行去Mikiki商場都只係15分鐘左右。（當然上網見好多人都話行路去，我地就係好懶)定食8就係地下一層。
去到發現長長人龍，本來以為會等好耐，但原來每枱限時50分鐘，所以實際兩位只係等約15分鐘就有枱。唔好以為限時就食得好趕，佢大約5分鐘就會上菜，其實認真食野唔洗30分鐘就飽哂，唔為吹水既話一定名哂時間。
門面就無咩好講喇，反正坐得舒服又乾淨企理就係啦。到戲玉既食物環節，真係一個字，抵！
以下為食物實照：
註：岩鹽牛排，$48。雖然依個價位既牛肉你未必會聯想做和牛或者啖啖juicy，但係肉質又的確係鬆軟同有牛肉味。本人唔多鐘意加左鹽既感覺，就咁食同送飯真係唔錯
註：芝士豬排，$48。我本身係一個炸豬排控，對豬排肉質尢其講究。唔係話扮大師，但真係好怕豬排薄過紙同肉質太老，食落一啲都唔爽口。而依個豬排加左芝士飴料，食落起碼豬排厚身，芝士量多，但唔係想像中咁流心而且豬排仲好鬼大塊，加埋芝士飴真係幾飽肚。
註：鮮醬鮑魚，$40。一開始係無咩期望，因為40蚊有4隻鮑魚真係難以置信，心諗唔會好食啦（女友話一定要試)。上菜既時候一望，放得靚靚之餘，size 都有返咁上下。食落同平時街市買到既差不多，但起碼食落都算爽口。（10蚊隻既價錢唔好問有無溏心plz~)
註：酥炸生蠔，$20。諗都諗唔到，炸蠔都只不過係20蚊仲有5隻。雖然蠔身不大，但炸得香口同唔太油膩，算係乾身。小總結：事後先知原來係爭鮮開既連鎖店，相信食材都唔會係咩上盛食料。但只係人均$100左右既價位，但求食物好食就係。而且作為男生既我仲食到飽飽，確係夠抵食！
P.S. 雖然只係頭一次分享，希望將來會有更多機會同大家一齊搵新野食！
张贴
