定食8 (已結業)

今日黎左mikiki 行下，搵下野食。見到呢間都好多人排隊。好似幾吸引喎！同價錢又唔算好貴。一個定食set都算係平民價，都ok.等左大概30mins先入到去。我揀左個特上盛海景丼同咖喱豬扒炸蠔都幾靚喎！先講一講個 特上盛海景丼。有三文魚，吞拿魚，帆立貝，兩隻大蝦，仲有啲三文魚魚子。都幾豐富喎！😊😊d 刺身都幾大塊，同幾新鮮。另外附有前菜，螺肉，中華沙律同枝豆。麵豉湯同白飯可以出去自助吧到添加！！幾好！仲有個小甜品：椰汁糕。😊😊咖喱炸豬扒 反而就普普通通。覺得炸得唔夠脆。炸蠔都幾大粒，都唔錯！😊整體黎講都唔差。但等既時間較長囉。

今日去新蒲崗間定食8，失望。叫咗鯖魚同牛扒，條鯖魚好似受完福島核幅射咁，整到燶晒，望倒都無胃口我叫職員更換，佢就只係攞走碟魚，一換係20分鐘。期間放響我前面得白飯、湯同前菜，乜都等到凍晒。20分鐘嘅等待，換過條都係凍嘅鯖魚，我問啲職員係咪有15分鐘嘅送餐服務指標。佢好理直氣壯講話有，但我唔適用，因為我呢種係換餐。（定食8，點嘅係8款定食，主菜都無來到，咁叫已送餐？唔知下次放低隻碗，算唔算已經送餐成功呢？！）門口就寫住入座50分鐘要走，等都等足20分鐘先送齊，真係慶慶地。一拉開櫃筒攞餐具，成條菜包住支筷子浮晒面。。。毫無胃口了綜合公司嘅服務指標，員工態度，環境衞生程度，所有員工不見得有任何嘅歉意或意識到問題存在Sorry，不會再有下次！

嘩～嘩～嘩！！你無睇錯只要買左個餐，食到咁上下可以去添食哩間餐廳已經第二次幫襯～証明食得過！咁岩去既時候係午市時間，加上附近有office，人都幾多，但等左5分鐘左右就入得～今次叫左“岩鹽牛排”，一黎到個賣相都算吸引既，個餐附有麵豉湯、小菜、飯同甜品～而湯同飯係可以添食咖講一講哩個餐，今次味道一般，牛肉唔算好淋，而且得7嚿，肉既份量少，加左少少岩鹽怪過冇加，之後加返啲檸檬汁先好食返麵豉湯就正常，而且添湯重可以加啲海帶～至於小菜既枝豆唔錯，可以過下口癮～整體一般，今次既牛排扣左分，但其他餐可以再試！相信更好～上次既芝士豬排真係值得一試

今天，約了好朋友相聚，她提議去Mikki午膳，最後大家就決定了定食8這間日式餐廳，因為覺得環境舒適及可相聚耐一點！入到餐廳，想點餐時，先發覺原來要到門口售票處買餐，如此一來，感覺會否自己選錯餐廳呢⋯⋯自己真的有點擔心！因為似快餐店模式哦！另因為價錢實在太便宜，覺得價錢已反應食物質素，所以感覺不良好！但當買完餐時，自己以為要到取餐處攞餐，但原來又唔需要，餐廳會知道你枱號為你送上！這一來真的覺得有點特別，有些感覺去咗日本一樣！(回想起在日本售賣機點餐入¥取票，之後交到非常有禮貌之服務員安排座位並送上料理！) 當奉上午餐時，自己眼前一亮！簡直不敢相信，刺身新鮮不在話下，而份量都非常足本呢！今天，改變了我的思想，原來便宜都可以好好食！雜錦刺身飯必試

入坐時想和朋友點一個餐和一份小食一起分享,點知原來一個人要點一個餐,否則另一人就不能在本店食用本店食物？而且在點餐時沒有員工對客人說明清楚,我認為這規則只會讓客人感到困擾,損失更多客人！

Mikiki商場地下落一層，有一田超市和幾間食店。其中一間Lunch黎食都已經唔錯，Dinner黎食，價錢一樣架，勁覺得好抵食呀！今次和在同區工作的好友一齊食飯，佢懷孕七個月...大住個肚...諗住近近地去Mikiki食啦。人數：2位地點：Mikiki商場地下落一層Walk in：多人時需要排隊入座環境：座位舒服服務：好像快餐店，先到門口旁點餐付款（加一服務費）食物：2set定食，1個小食有八款定食選擇，一律價＄48定食附餐：漬物、味噌湯、甜點豪華海景丼＄48有三文魚、劍魚、鮮蝦、帶子、帆立貝等豪華食材！超級豐富，豪華海景丼實至名歸我眼前的大肚婆照食生冷野 真佩服！芝士豬排定食＄48超厚多汁豬排，裡面爆出濃濃芝士，炸到好香口，還有三款漬物，真係好食呀！還有單點美食大大條的醬燒魷魚兩個人食覺得份量好多...食極都仲有咁，大條之餘又肥美都係＄20咋貼心：味噌湯和白飯都可以到自助台任添呢

其實都幾中意嚟mikiki食野，雖然餐廳唔多，有啲都捱唔得好耐就執，但留得低嘅有幾間都幾好食，依度仲要人少少，唔駛逼。今晚試左新推出嘅饅魚飯，$58，嚟到嘅時候勁blink blink😍,勁大條魚👍🏻味道都幾好，配埋飯一齊食真係絕配，不過佢唔似饅魚sushi有啲燒汁喺面，亦因爲咁唔會太重味，幾啱我口味。個甜品奶凍真係幾好食👍🏻讚

今天到了此間沒有管理可言的食店，三個人去，人齊才入得，有兩個座位空，沒有問人會否拆開座，就比另一個客人，服務員態度極劣。相信這間店太好生意了，極不在乎客人多少。另外食物品質大不如前。大家食友，一試無防，再試投降。

呢間中午夜晚都係同一餐牌，而且午市晚市都好多人排隊！今晚點左牛排，魚及炸豬扒配咖哩，叫了小食燒尤魚，小食吾錯，燒得剛好，炸豬排的咖喱汁麻麻，樣貌都一般，而燒魚好食，汁都ok,加埋青檸汁開胃.牛排都多，不過有點韌，咁的價錢，ok !而且白飯，湯係任添任斟，我最鐘意個湯加海帶

離曬大譜,我同我男朋友2個人入去食野,係個店員叫我地坐4人檯,我地食左半個鐘,個店員竟然我地搬過去隔離檯,就係因為佢想俾之後入黎0既3個客人坐,我即刻鬧0個個店員有無搞錯呀?我呢家飯都未食完要我搬檯?仲有我入黎食野有俾加一服務費,呢度係唔係茶餐廳?如果佢話呢度係茶餐廳,我即刻搬檯,真係離曬大譜,呢家0係香港食個飯都要逼埋一齊坐?

mikiki 的快餐選擇不多，來到這間餐廳。因趕時間，問侍應可否幫忙先點餐。她只說了一句：「唔好意思，要人齊先入得，用餐時間五十分鐘，你等下先。」然後帶走了，眼見不是滿座，沒有好的態度，刻板的答覆，沒有照顧客人的需要，又趕時間，我便離開了。

第2次到Mikiki 商場，網上評論 這間定食8 睌巿很多人，要等很長時間。今天星期日下午5pm 到商場，周圍人流不多。其實較早前吃完早餐， 又未正式食午餐， 很肚餓 ， 決定來一 個 '提早的晚餐'。店內咁好氣氛有点昏暗。。坐低睇歺牌先。我和老公樣樣都想試，最後決定要海景丼同芝士流心炸豬扒，另外叫了明太子雞翼同追加三文魚沙律。老公去收銀處落單。摺好下次光顧有可樂送，可能有小朋友先有?食物陸續送來，哎喲～可能剔錯了海景丼(刺身)变黃金丼 。好多炸物添!沙律很清新，三文魚不太鹹，沙律菜很脆身。明太子雞翼做得很惹味，有些微辣。芝士流心豬扒不太流，上檯時唔夠熱。個咖哩汁唔辣的，反而小朋友吃到。黃金丼實則是綜合海鮮天婦羅，炸粉唔厚並鬆脆，當中有款好像是條小倉魚天婦羅，好特別之前未食过，炸完唔会好乾另外這裏米飯，橋麥茶，麵豉湯及椰菜絲沙律是任添的。那個麵豉湯內有豆腐及海藻(任加)，keep 住都好熱，阿仔勁鍾意添左3碗咁多。剩係依個部份都可以吃到飽飽食到6點多开始陸續多人，埋單唔駛200，價錢合理。

價錢平而且抵食既，第一時間就諗起 mikiki既定食8 ， $50左右就有一個set ,而且湯，茶，飯係免費任飲任裝的，鍾意食日本野既朋友點可以錯過呀！芝士吉烈豬排定食真係好抵，有前菜，飯，同甜品，超值呀！芝士豬排新鮮炸，香脆而且有流心芝士，呢個價錢值得一試！係新蒲崗mikiki 商場，行過想食午飯晚飯可以試下！

邊個話平嘢冇好嘢，你間位於新蒲崗Mikiki商場嘅定食8，平得來之餘，都感受到呢間餐廳嘅誠意，食物質素絕對係一個字，高！今日嚟到唔需要等位，系出邊收銀處叫完餐比完錢之後，返到埋位，大概5至10分鐘就有人將個餐送到過嚟，效率非常高！我哋叫咗兩個餐，第一個係蒲燒鯖魚（ ＄48 )晚餐時段， ＄48一個定食，能夠食到好嘢仲要食得飽你，喺邊度搵！？鯖魚嘅味道都好鮮，而且裏面嘅肉質亦都好滑，大大條嘅鯖魚可以送到兩碗飯！岩鹽牛扒（ ＄48 )一片片嘅牛肉，色香味俱全，見到裏面煎到啱啱有少少生食起上嚟亦都好林，點小小鹽來食，調出個味，味道一流，一啖一塊，同樣亦都可以送到好多飯！定食仲包埋餐盤側邊嘅海蜇、中華沙律等等嘅配菜，食完個飯之後，仲有一個牛奶布甸做飯後甜品！追加！醬燒魷魚（ ＄20 )你冇睇錯，我亦都冇打錯，只係需要＄20 ，原條嘅魷魚，燒得好香，而且魷魚肉亦都好彈牙，點埋側邊嘅七味粉，更加香，更加惹味，又可以送多碗飯！以下八款定食，全部都只係＄48 ，慳錢又想食好嘢嘅你，一定唔可以唔試呢間定食8另外仲有好多款嘅小食，好多都只係＄20，而且味道同埋賣相都十分之好！唔夠食嘅，你可以去旁邊嘅吧枱，

定食8終於加價了，定食款式依然有8款，但是不再劃一價錢了😭😭😭😭8款定食有部份更改了，價錢由劃一$48，更改為4款$48和4款$58，一加加$10幅度也太大了吧！單點小食還有用餐三步曲汁燒牛扒跟之前岩鹽牛扒差不多，貴了$10，還好份量雙倍，感覺上也值得一點～跟之前一樣沒太多牛肉味，但$58仍然是優惠價錢～照燒雞腿定食仍然是$48雞腿比之前大份又肉厚，照燒汁味道尚可，算是超值套餐了！2個人晚餐仍然不過$120，算是經濟實惠又飽肚的晚餐了！