定食8 (已結業)

上篇寫到Mikiki對面的北正宗越南菜是值得一試的, 寫的時候想起其實在Mikiki商場內這間定食8都是可以"放得入口"的店.首先, 地點方便, Mikiki的泊車優惠要求不多很易達成; 而如非駕車之人, 正如上篇提過這兒是來往東九龍大部分路面車都經過的一個點,  所以有時想去一田超市, 我們都會來Mikiki 逛逛, 今次就是來一田買生果, 可能因是閒日的關係吧~ 這店平常條隊通常打蛇餅, 今晚只需排幾位, 不如就趁此機會試試吧!排了幾分鐘已有位看看想吃什麼?在外面櫃台點餐並付清費用, 再入座等名字改得這麼吸引, 叫一客試試蒸蛋和豆腐布丁是不錯的, 刺身飯刺身普普通通一般料, 不過至少我食過兩次都無肚痾正正常常!  對食物質素要求高的食客又想趁熱鬧試試48元一個餐的話...最好都是叫熱食!   我覺得幾十蚊貨色係咁上吓~ 都放得入口嘅!加埋一都是五十多元, 白飯任裝~  正正啱晒是"大飯桶"的青少年, 實食得飽!  這類食物/這種價錢對少年人來說在商場晚市時段, 坐得舒舒服服想正正經經食個飯餐但又不想吃大家獲的話 - - -  '定食8'可算是提供多一個選擇而且真的是無敵價!  怪不

走咗去試下間定食8，個刺身飯就正正常常水準 ，不過份量都夠嘅。蒸蛋就唔錯，都幾滑，甜品我都幾鍾意 中，個湯味道就係唔係好夠味， 咁樣50蚊個餐其實我覺得都ok嘅，下次再試下其他餐。

行經mikki, 雖然已經就完lunch time，不過我都未食午餐，見到呢間定食8之前勁多人排隊，難得依家冇乜人，唔使等就食得。見到隔離檯塊豬排好大塊，我都叫個黎試下。呢度好自助，自己行岀去落單，水，湯，飯都可以自助refill。等左一陣就有得食，芝士豬排真係好大塊！不過炸得唔夠金黃，冇乜豬肉味，要沾佢個醬食會好小小，但夠脆，食落唔太油膩。蒸蛋好食，好滑溜，有擺左小小菇落去蒸。甜品係綠茶奶凍，堅有小小綠茶的苦味，我幾鐘意。

定食8之前聽朋友推薦過，話好抵食，不過新蒲崗唔係太方便，今日見得閒，就拉埋幾個朋友過來Mikki試下。 去到大約7點，已經有人排緊隊，條龍仲要幾長下，由此可見此這間餐廳應該唔錯我地4大人，餐廳限定每人要叫一個餐，我地叫左芝士豬扒定食 （$48），雞唐揚烏冬 （$48同埋岩燒牛扒定食 （$48），照燒雞腿定食 （$48）另外加左蔬菜天婦羅 （$8），酥炸生蠔 （$20/5件），醬燒魷魚 （$20）。芝士豬扒定食糸吉列豬扒，入面有芝士。件豬扒都幾厚身，芝士份量都幾多下，有拉芝士的效果！炸得香脆，唔覺油膩，$48好抵食！雞唐揚烏冬，是炸雞4件，另配一碗湯烏冬。個4件雞糸類似現在流行的韓國炸雞，鋪上炸粉炸得金黃香脆，炸粉不厚，肉質仍然香嫰唔乾，剛剛好！岩燒牛扒定食，（忘記影相）這個最扺食，因為牛扒好大件，有我一隻手掌甘大（女仔手掌），煮得剛好，有9成熟，啱曬我心水，雖然稱不上是一件好的牛扒，但性價比算是很高了。蔬菜天婦羅有6-7件，有青椒，南瓜，茄子，番薯，剛炸出來熱辣辣，好味。酥炸生蠔也不錯，喜歡食蠔的朋友不妨試試！醬燒魷魚整體上很香很好吃，魷魚處理得不錯，淋而不硬，配上的汁鹹鹹酸酸的，味道

落左班約同事黎左定食8，我比較中意食香口野，所以今日揀左炸天婦羅蝦，酥炸生蠔等。炸天婦羅蝦，又大隻又長，外脆里嫩，香甜可口，蝦肉鮮嫩彈牙，油而唔膩。酥炸生蠔，外面層粉都唔算厚，裡面啲生蠔熱辣辣，入面仲保留左好多汁水，新鮮嫩滑，十分惹味。

去龍島攞生日蛋糕。路過見到冇人就去試下！店裡有個大叔唔俾帶BB車入去，又冇BB櫈，又唔俾BB佔位置，要抱住食飯，如帶小孩極度唔建議去!!!!!買左6,7號餐同天婦羅!!都係48蚊！！好細份，老公話想點兩個餐，我話試左先好食再ENCORE啦！點知魚生暖嘅!!!好腥同噁心!!!飯就濕濕立立!!!!自助麥茶其實係暖水！鯖魚勁腥！！！仲要一路食一路聽住D樓面狂鬧廚房!!!捱左15分鐘！冇辦法食!!!太難食!!走時去門口攞返BB車仲俾個大叔小!!!!叫我小心佢地收銀機D錢!!!!我唔知點解佢認為我會開佢收銀機！！！得到教訓係食野真係唔好貪平囉！！

因事又要到此商場，見“定食8“無乜人排隊，就揀佢，之前開幕食過此餐廳，當時不須要排隊，今次重來當然有期望由於吃午飯，和朋友只柯打了兩客海景井定食魚生質素全部下降，三文魚，吞拿魚毫無味道希靈魚是腥的，帆立貝勉強可食用蒸旦保持水準，夠滑，但入邊粒蝦肉腥到想吐面豉湯足料，有很多豆腐和日式魚旦，還可以免費添飲小甜品綠茶布丁，味道ok埋單$113；價錢恰可，但結合食物質素要排隊就唔值得喇

終於搵到日再黎食下定食8,試下人地推薦既鮑魚😂😂我叫左5號餐照燒雞腿$48(款款都係48😂)我覺得酒味重左，但係照燒汁夠，肉又好juicy,唔會過老👍食到可以添飯😂蒸水蛋好滑，岩岩好時間👍枝豆都好新鮮，少少咸👍湯就普通，甜品我冇食到，覺得好水🙈我仲同友人叫左香炸和風三文魚$20有點硬，擠左檸汁冇咩雪味😂不過20蚊都好抵食，好大塊，而且味道都唔差👍怕你食濟，附埋子薑俾你消滯👍到今次黎既重點啦鮮醬鮑魚$40望落都好新鮮，冇咩雪味。重點係要醬!因為鮑魚咩味都冇，得口感係爽既，同埋算幾大隻下。失望左🙈PS飯，茶，湯可以無限添👍而且15分鐘餐未送到係免費嫁👍

定性8是區內性價比特高的餐廳，雖然通常都有十幾個人排緊隊，但只要早到少少就可以大大甘縮短依個過程，好似我今日就一去就有位食左個炸芝士豬排飯。佢既炸漿厚度一般，一咬之下，就嘗到入面熾熱的豬排肉同流出來的芝士，那種十分之甘邪惡既咸香味道好快就俘虜左我。另外，值得一提既係佢既配菜，包括湯，茶碗蒸等。佢既茶碗蒸做得非常細緻，本身蒸蛋好滑，而且裏面都加入左白果、筍片、菇片和蝦肉，食落好豐富，小小的一杯茶碗蒸不簡單。

<芝士豬排定食>-$48.山長水遠終於食到你🙄定食8開左都有一段日子，可惜位於新蒲崗既mikiki實在太格攝🙄，好難先有機會黎.等左15分鐘位就入得，要自己剔好點菜紙出去落單，定食款款$48😚，不過就要加一。👶🏼點菜後10分鐘就有野食la，無得攞免費飯券😭(15分鐘未上菜有免費定食券)，不過芝士豬排真係好新鮮炸出黎，炸皮唔會太厚都痴得豬排好實，🧀芝士就純粹係for拉絲效果無咩味，食到後尾都drydry地☹️.呢度另一個賣點就係任食白飯麵豉湯同沙律，麵豉湯仲有哂魚肉海帶架，大食既你黎呢度就岩哂！定食8除左$48 set，d小食都好抵。吉列炸蠔有成5隻，新鮮炸到岩岩熟又多汁，一咬d蠔香爆出黎💨🐙魷魚就已經有好多人推介過，果然幾大隻同厚肉，點七味粉食夠哂惹味！

同老婆第二次食，今次影左張相，咪寫下post 啦。。。首先講返間店，員工都禮貌，在mikiki 內，衛生幾好，平日食飯時間，都排晒隊等位。正題，講食物，第一次食過壽司，魷魚，吉豬，壽司一般，似出面方題質素，魷魚幾好味，吉豬又正，香脆，至於任飲的麵豉湯，算啦，任飲你可以幾好味先！第二次，點返吉豬加魷魚先，keep 到，老婆就照燒雞再加個吉壕。。。雞就唔錯，汁幾好味，肉又唔老，至於壕就一般姐，無下次囉，但點都好，呢間店性價比高，去下無妨，好

定食8我估都開左半年左右，由開張既第一日開始，日日大排長龍，應該滋味唔錯，於是今日就是試下。同屋企人坐低，佢幾得意，要先比左錢先，之後佢先會送食物過黎。我喊左個雞唐揚烏冬，有埋毛豆，茶碗蒸，奶凍，及一碗麵豉湯。麵豉湯有驚喜，食到有三文魚肉。其實坊間日式店既麵豉湯，大多是用熱水沖粉，就好似公仔麵湯粉包一般，所以口感特別滾燙，也只有很小巧的如小海帶等等。但依間鋪既麵頭湯係真係煲出黎，依個抵讚。雞唐揚，即係炸雞，炸得外焦內嫩，尤其入面的雞肉嫩得像奶凍一樣，係幾好味。只係我個人鍾意入面多番少少肉感，甘見仁見智啦。烏冬冇乜特別，不過不失。茶碗蒸非常之滑，裡面還有白果，蝦米等配料，味道更鮮。如果唔夠飽的話，還可以自助添飯添湯，也附有海帶，拌飯醬，沙律醬，生菜等任取，我自己唔是太需要，但是大食之人的福音.

今次黎定食8食左個炸蝦天婦羅定食。之前食過幾次水準都唔錯，所以今次幾大期望，但今次係食甘多次以來最失望既一次。因為天婦羅既粉漿真心太厚。幾乎厚過條蝦，所以油膩到一個極點，我勉強食左一條炸蝦同兩舊雜菜天婦羅就頂唔順，跟住要咬落哂啲炸漿先食佢啲餡，但都食得非常辛苦，應該係依間鋪最伏既菜式。入面條蝦幾好食都冇用，因為已經油到乜都食唔落。唯一慶幸既是有無限添飲既清甜熱湯，同微彈滑溜既奶凍打救，拉番少少印象分。

照燒雞腿定食🐔($48加一)同店名一樣，店內有八款定食，款款$48。試左雞腿定食，大大份，配蒸蛋、枝豆、三文魚湯、奶凍，飯、湯仲可以任添。 雞腿夠大份🍗，食落唔鞋，唔算好重口味，啖啖肉，如果嫌dry左啲可以去自助吧加啲汁，蒸蛋出奇地滑，直接倒落飯到食😛，最後食埋個奶凍，飽曬。

這裡主打定食，還有優惠小食。細仔揀了炸雞烏冬定食。炸雞很香脆，配讚岐烏冬，看已很不錯。大仔心大心細，終揀了刺身定食、炸豬扒定食（內層夾住芝士）同明太子雞翼小食。刺身定食有三文魚、章紅魚、蝦、帆立貝、迷你帶子、蟹籽，味道正常，不差。我揀了牛排定食同鮑魚小食。牛排仍有點肉汁，略煎，幾香。鮑魚小食，$40有四隻，味鮮，真的幾好。每份定食都是$48，要加一，跟湯內有豆腐粒、肉粒具白蘿蔔片。還有枝豆作前菜、一碗蒸蛋（內有菇、肉和蝦粒），仲有甜品😋。要讚這店，除了上述原因，這裡有白飯、湯同麥茶無限供應。我家孩子真吃得，食完個烏冬餐，還添白飯😱 唔知有冇聽錯，好像晚餐都是這餐牌，那麼咪仲更加抵😅