定食 Doraya (厚福街)

营业中

休息中

睇關注組都有好多人推介呢間嘅魚生特別係吞拿魚今日咁岩經過黎試下*Menu 上好多野都想試最後揀左定食餐有三色魚生又有炸物魚生厚度ok，味道好好，吞拿魚油香夠果然值得咁多人推薦炸物一樣出色炸雞夠熱，仲要juicy炸蠔熱辣辣，連沙律醬都俾兩款，非常貼心最驚喜係可以揀壽司飯小小醋味非常開胃*隔離台見到點左三文魚定食，燒三文魚腩都好大件，外表燒得唔錯感覺呢間店咩都好有水準咁*價錢對我黎講有點小貴但物超所值，性價比高離場見到走廊排哂隊啲人都讚呢間性價比高

今次係第二次食呢間餐廳。之前嚟嘅時候點咗一個大拖羅丼飯，覺得有啲濟，今次點呢個三色吞拿魚飯就啱啱好，樣樣都可以試下。食拖羅或者吞拿魚嘅話，我一定會揀呢一間。百幾二百蚊就食到高質拖羅，性價比超高。

已經食過幾次，今次星期六下午去食，唔使等位揀左自選丼，套餐有埋蒸蛋，湯同漬物～大滿足另外加左個枝豆，熱辣辣而且份量都幾多，唔會因為唔係主食就求其刺身新鮮肥美，服務員態度好好而且有效率，值得讚賞⭐️～食飯除咗要食物有質素，服務都好緊要，呢間餐廳係間唔中想食好啲就會去

每次嚟Doraya食晚飯，都一定好滿足。基本上我每次都會叫大拖羅定食，一定冇得輸，食過咁多次都冇一次失望過，又新鮮又抵食！叫咗一份是日限定：鰆魚刺生，師傅會將魚皮燒一燒，令到件魚刺身多一份香味，本身魚肉係偏淋，所以整體係好食，如果下次佢仲有我一定會再叫嚟食。我哋仲叫咗一客慢煮鹽燒吞拿魚魚鮫，呢一味餸菜我都食過三至四次，亦都係好好食，又係冇失望過，可能係慢煮嘅關係所以魚肉會好Juicy！好嫩！yummy !

今次到日本野，嚟到呢一間doraya食佢哋最出名嘅吞拿魚拖羅😆呢間餐廳最唔好嘅地方就係冇得book位，好彩今日早食晚餐，大約6:30就去到，要齊人先至入得，大約等咗10分鐘就有位。不過我哋離開時，外面有大量客人排隊等候，所以如果想食但又唔想等位，可能就要早啲嚟啦。我就叫咗吞拿魚大腩加吞拿魚魚蓉定食。飯佢有得揀白飯同壽司飯，我就揀咗壽司飯。定食入邊包咗麵豉湯，日式蒸蛋，日本漬物同埋前菜。日式蒸蛋味道不過不失，麵豉湯略嫌太鹹。吞拿魚蓉正常發揮，不過感覺都好新鮮。吞拿魚大腩美中不足嘅地方係啱啱好今次切嗰個位置有筋，無筋既位置真係無得彈，油脂分布岩岩好，魚油油脂香味非常濃，入口即化，非常新鮮！唔記得影menu，不過大拖羅+吞拿魚蓉同中拖羅+吞拿魚蓉定食只係相差$10，所以記住叫大拖羅。呢間餐廳絕對值得一試再試，CP值太高了～

要說在香港會不斷回頭去吃的魚生飯日本餐廳，絕對就是定食Doraya。小店格局，平日中午12時已經有客人不斷入座，12:25已經滿座要等位了，可見他的品質深受懂吃的人愛戴🙂午餐時段會有午市定食提供，有便當🍱，有魚生丼飯，有其他燒魚定食等等…..而是日，我就點了這家店絕對推介的#藍鰭吞拿魚扒小丼 $108，炙燒過厚厚的藍鰭吞拿魚扒魚香豐富，好像香港較少吃到，配上白芝麻、香蔥及醬油，真的十級滿足，吃過的就會懂呢。套餐可再自選蕎麥麵或烏冬，步入初夏，30度的今天，當然點了清新的冷蕎麥麵吧。由於有感難得到訪，額外追加了$45/3片的#油甘魚刺身 ，配上伴隨清新的大葉吃，突顯油甘魚的魚香😌或許由於師傅趕不及預備，茶碗蒸需在15mins後才奉上，頓時變了像飯後甜品似的，不過，真的很飽腹了😙真心推介給未曾吃過這家性價比高的丼飯店給大家💛不過，要預時間等候呢，除非你同樣是愛早吃的一群🫠

📍定食Doraya 尖沙咀 H8大廈💰 人均200左右 一間性價比很好的丼飯餐廳，一份丼飯差不多150左右，如果你想吃高級一點的價格就貴更貴一些～豐儉由人。我是在九龍公園遊完泳之後去吃的～覺得特別好吃！餐廳枱與枱之間的距離還可以，不是很逼仄。我點了一份角切丼飯，配了一些小菜、茶碗蒸和味增湯，我們還要了唐揚雞塊和菠菜，拌菠菜的菠菜口感便老，唐揚雞塊還OK～總的來說是一件CP值很高的餐廳，可以一來再來的那種～

事關係尖沙咀工作的緣故午餐都必須在尖沙咀區解決大多數餐廳都試過呢間係別人推薦既就抱著一試心態叫左一個刺身雜錦餐 有三文魚 玉子 魚籽 吞拿整體都好味同新鮮！ 對於我來說 （刺身如果暖係大忌）所以對於刺身 我確實幾滿意另外呢個餐有送燉蛋同一個小食仲估佢唔到送烏冬/蕎麥麵 有凍熱之選一個人食係好飽架🤣🤣🤣最後埋單1百幾 ！ 整體10分有8分☺️推薦！

襯住疫情早收工 去嘆個午餐先😍下午時間人少少，正依個中拖羅+拖羅蓉靚到呢⋯⋯有拖羅嘅油香 既有 赤身嘅魚味，超無敵，好新鮮，油香極高，越食越開胃配埋 茶碗蒸 小食 漬物 味噌湯 一場嚟到當然唔只食一個餐喇👇🏻炸物唔少得這個雜錦天婦羅，3蝦🍤 2南瓜🎃 2蕃薯🍠 1青椒仔蟹肉忌簾餅炸得唔夠脆，不過味道唔錯 隔離仲有配沙律菜 即感到無咁熱氣如有多啲沙律汁就好喇！朋友仔唔食魚生，叫左個親子丼 見佢都食晒 應該味道幾好 同樣係定食 仲多左個小沙律🥗靜靜地享受了一個午餐

今日終於嚟到定食Doraya啦，之前一路聽過佢啲吞拿魚好高質，等我今次嚟試吓係咪真係咁好味先！我今次就叫咗一個四色Don，有拖羅蓉、大拖、赤身、灸燒大拖。我男朋友就試左大拖同埋拖羅蓉Don。第一啖就係試咗拖羅蓉，點解可以咁肥美嘅？廚師仲加咗芝麻碎同埋蔥去提升佢個香味。第二啖就試咗赤身，赤身都好好食呀！赤身好肥美，配埋壽司飯正呀！之後就係灸燒大拖，有入口即溶嘅感覺，不過佢有條筋，咬極都咬唔開😅最後就係大拖啦，好食嘅嘢梗係留喺最後啦，果然冇令我失望，入口即溶啊！另外想講吓就係拖羅蓉同埋大拖嗰個Don真係好抵食呀，佢俾咗成六夠大拖，都係$200咋，性價比好高！唯一美中不足就係佢對筷子有好多木絲，食之前要磨一磨佢，但係我都知道食日本菜磨筷子係好冇禮貌嘅。如果佢下次可以用高質素嘅筷子啲就好啦！

如果平日放假想食日本餐，這間日本餐廳的吞拿魚特別的新鮮，只有平日才有午巿套餐，除了吞拿魚好食，炸雞都做得好出色，海膽也好新鮮，連配菜都做得好認真，眼看像豆腐泡，但其實是魚柳

尖沙咀高質日本菜🇯🇵［定食 Doraya］尖沙咀H8 商業大廈 竟然有一間咁高質既日本定食 食咗幾次個水準都Keep住保持到🥰大部份材料都係日本進口 性價比高推薦俾大家👍🏼 呢度出名係藍鰭吞拿魚，次次黎都一定要叫佢🐟🌟火燒平目魚&藍鯨吞拿魚中腩丼定食🍱（$188）火燒過嘅比目魚入口即溶 🔥滑油脂滲透左落個飯度 鮮甜油甘 簡直停唔到口😱吞拿魚肥美得來唔油膩 油花均勻魚質本身好香鮮甜 仲要舊舊都冇根添🥰其實中腩油膩感已經足夠 仲會食到魚本身既鮮味 🍣定食仲包左茶碗蒸，漬物，沙律同麵豉湯 🍱茶碗蒸 蛋味香濃 好香堅魚味 而且仲好滑身🥚🌟鹽燒牛舌串👅（$48）十分軟腍 熟度完美 肉汁豐盈 🤤面層薄薄既胡椒碎帶出脆口 口感對比強烈🥰但呢個真係要趁熱食如果唔係凍咗就好硬味道 9/10環境 8/10推介程度8.5/10📍定食 Doraya (厚福街) (尖沙咀)尖沙咀厚福街8號H8 6樓

我岀咗名係富貴嘴🤣太腥嘅魚生我會食唔落，甚至會吐鬼咗佢😂但呢間嘅魚生飯我可以！➼ 粒粒海鮮丼定食其實佢哋係專食呑拿魚嘅，不過我唔係特別鍾意食呑拿魚，所以揀咗最基本乜都有啲嘅魚生飯💕呢個魚生飯有三文魚、呑拿魚、三文魚子同玉子，食落有魚油嘅香味，加埋青瓜平衡返，成件事一啲都唔膩！另外好欣賞佢非常足料，真係每一啖都可以食到有魚生，我食到最後係得返魚生冇晒飯🤣個定食其實仲有茶碗蒸、漬物同麵豉湯，不過我唔記得影相haha🤣但環境就麻麻哋，啲位都有啲窄，係會有種食完就走嘅感覺☹️

🇭🇰定食Doraya·藍鰭吞拿魚大腩&魚腩蓉丼定食$198呢度既吞拿魚真係無得輸 佢個大拖係真係入口即溶 油脂好好 肥美得黎唔會太膩 食落去超滿足🥰而且佢呢度既魚腩蓉都好出色 佢係仲食到吞拿魚個質感 好新鮮 而且食落仲係肥美既😍😍·粒粒海鮮刺身小丼$88之後因為我地叫左個大丼 所以另一個就叫左個角切海鮮丼 估唔到都好有驚喜🤩🤩佢啲刺身全部都好新鮮 油甘魚油脂好好 吞拿魚都好新鮮 仲有啲三文魚籽 而且佢刺身份量好多 係真係每一啖都有刺身 開心🥳之後佢呢個仲有個細蕎麥麵既 佢個麵質都好好 好重麥味 而且好彈牙😎😎不過我地個日個茶碗蒸就一般般啦 佢幾滑既 不過食落好似無咩蛋味咁🤭🤭·#rbyeat#rby日本菜#rby尖沙咀 #rby銅鑼灣·📍尖沙咀厚福街8號H8 6樓📍銅鑼灣駱克道451-453號駱克大樓

節日假期出旺區食飯嘅話揀lunch時間會無咁多人但今日竟然連lunch都爆場🥲不過咁啱有一枱埋單走人，好彩唔洗等位火燒平目魚中拖羅定食 $188個餐跟沙律、湯、蒸水蛋我就比較鐘意食中拖羅1.唔會太肥、口感無咁油2.無乜筋呢個丼嘅中拖竟然無筋，而且入口半溶👍🏻正如果想食大拖羅只需加多$20～炙燒平目魚👍🏻推介睇個外貌好似左口魚，但原來係有分別左口魚咬落有少少爽口而平目魚入口即溶，軟腍兩種魚都一樣咁香口，食極都唔厭～