定食 Doraya (厚福街)

营业中

休息中

🐟 藍鰭吞拿魚大欖丼定食 🍱 嚟到主打吞拿魚嘅餐廳，緊係要試吓吞拿魚啦！ 朋友話既然嚟度，就要試吓藍鰭吞拿魚大欖！🤤 而且冬天嘅魚會特別肥美❤️ 宜家嚟食會再好食啲💖個餐送到嚟真係好吸引呀！🐟 吞拿魚鮮嫰，油花均勻，筋唔韌冇揸，魚質本身好香鮮甜👍的確好好味😋💥🐷🥬 千葉縣吉列豬扒定食吉列豬扒好夠脆😋 雖然係炸嘅，但都juicy，有肉香，而且唔細份！ 沙律菜亦都新鮮🥗每個套餐都附有茶碗蒸，小菜，漬物同麵豉湯🍱 茶碗蒸嘅蛋味好夠香，而且好滑😋 🐟慢煮鹽燒三文魚頭鮫本先想試西京燒，但係開場已經無得賣😮不過，都好好味！ 魚頭燒到脆卜卜，本先諗住骨多，但肉都好多呀👍 好夠食👍 雖然燒到脆卜卜，但肉嫰，皮嘅骨膠原都好厚，魚油好勁！見隔離枱叫咗海膽飯，同壽喜燒鍋，睇落都好似好好味🥺 之後要搵機會再嚟試其他菜式😋

上社交平台 睇完關注組後去的。 先點了自選"井"定食，選了大吞拿魚腩，加三文魚，加帆立貝，約$200大吞拿魚腩是鮮嫩的粉紅色啊，紋理清晰。味道豐腴，口感軟滑無渣，魚味甘香，是在香港吃過最好吃的大拖羅。

呢排工作都太忙冇好好咁樣食一餐好今日同朋友就出咗去尖沙咀食日本嘢識日本嘢就覺得一定要成set咁樣食先知道日本風味，呢度就做到呢一樣野一上菜嘅時候成盤上，有茶碗蒸有前菜有橙有麵豉湯仲有一個丼，見到都開心呢度嘅食物質素其實都唔需要多講😂😂最鍾意佢個吞拿魚同埋火炙左口魚💓💓

跟開我post嘅人都知我好鍾意食碎吞拿魚腩睇相都見到依間吞拿魚腩嘅顏色特別鮮艷特別唔同食落口油脂特別香係我第一次食多油脂味同魚味都咁豐富嘅吞拿魚腩完全榮升左我香葱吞拿魚腩碎排行榜第一位黎到依度街都要試吓佢出名嘅藍鰭吞拿魚睇個樣油脂平均顏色都好吸引不過食落去崶冇吞拿魚腩碎咁驚喜算叫做好食嘅正常可能係因為另一款嘅左口魚裙邊太奪目左口魚裙邊燒得啱啱好油脂味非常豐富擺入口佢會係個口到溶化感覺好邪惡好肥🤣🤣

尖沙咀餐廳集中地H8入面，有一間水準保持平穩既魚生店，已經回過幾次頭，性價比幾唔錯🙊本身以為假日夜晚先要排長龍等位，但原來閒日六點幾都要排一陣仔😵‍💫▪️ 藍鰭吞拿魚中腩 & 魚腩蓉丼定食 （8/10）💲178定食有漬物、嫩滑茶碗蒸同埋麵豉湯，呢度出名係藍鰭吞拿魚，次次黎都叫佢😈其實中腩部份既魚油已經好豐富，但又唔會係油到膩既感覺😍魚腩蓉口感綿密，唔會話有筋😌飯底有得揀壽司飯或者白飯，二話不說揀前者🤣感覺幾滿足，想再試埋個吞拿魚扒或者炙燒系列🤫▪️ 醬油漬藍鰭吞拿魚丼定食（7/10）💲148切粒既藍鰭吞拿魚，份量比預期中少，大部份係赤身，餘下係中腩🧐醬油漬其實都香既，但係略嫌味道少濃，蓋過左本身既鮮味🤔🔎 整體評分（8/10）

Lunchtime好多人，不過都唔算等咗好耐，同埋有得坐係到等Lunchset好平，基本上都係大概$100到。呢個已經係最貴嘅set都只係$138，係大拖羅，仲要係定食，所以我覺得非常之抵。除咗刺身飯之外仲有茶碗蒸，烏冬同埋前菜。雖然刺身飯比較細碗，但係仲有沙律吧係任食嘅，一定會夠飽。咁多嘢$150都唔使真係好平。刺身係好厚身，仲要有5舊！食落有鮮味同埋油脂味，同埋冇筋！唔使點豉油同wasabi都好好食

每隔一排都會去呢間食刺身丼 因為有一間水準超高 價錢親民 👍🏻👍🏻👍🏻留意番經常係要排隊㗎 !! 好在我哋排咗10分鐘就入得 !! 我見其他人都有book定位 !! 但好似要到齊人數先入得 (請自行check) 今次同媽咪去食 !!! 我地叫咗一個吞拿魚腩蓉飯Share 魚腩蓉口感超級超級新鮮 ! 而且份量好好 ! 吾係得小小 !! 叫左一份三文魚刺身 ( 媽咪鍾意食😀 )另外叫咗蟹子沙律 , 5尾蝦天婦羅 因為兩個人食唔到好多嘢 … 如果唔係一定會叫蟹鉗 😆😆😆

定食Doraya朋友生日，我哋今次就食呢間定食Doraya，朋友食過覺得唔錯，一於去試試佢先自選丼飯~$210配料吞拿魚蓉，三文魚，同海膽，入面會有一個茶碗蒸，前菜，漬物，我仲加咗$10轉左蜆肉味增湯，蜆肉味增湯非常鮮甜，海膽非常新鮮，冇腥味，三文魚都OK，吞拿魚蓉係我丼飯必選😍火燒平目魚吞拿魚赤身定食~$178入邊會有個平目魚吞拿魚赤身丼飯，味增湯，前菜，漬物，茶碗蒸，吞拿魚赤身真係好新鮮同好食，鮮甜油甘，好滿足，平目魚用火槍燒過都好香，啖啖幸福感自選丼飯~$281朋友揀咗藍鯨吞拿魚大腩，三文魚子同海膽，入邊都係會有茶碗蒸，前菜，漬物，加左$10轉蜆肉味增湯，吞拿魚大腩同普通吞拿魚真係好大分別㗎，油脂分怖得非常好，油脂甘香，正，三文魚子非常新鮮，海膽都好鮮甜，今餐真係好滿足定食 Doraya🏠：尖沙咀厚福街8號H8 6樓☎️：23668072

吞拿魚大腩/中腩刺身 $218 / $198 - 兩個都有筋，性價比比想像中差，可以唔嗌刺身，食丼嘅一兩舊就夠😂香燒吞拿魚扒 $98 - 抵食，入口即溶😚 松葉蟹鉗 $98 - 唔洗嗌都得，唔值得食！香煎牛舌片 $48 - 做得好香口，唔會Un廣島產炸蠔4個 $68 - 炸粉配合做得好好，但略貴🤔鹽燒吞拿魚餃 $168 - 超級值得食！好食過三文魚餃好多🥰，不過可以選擇要400 gram千葉縣吉列豬扒定食 $128 - 定食有蛋有湯，都好抵食，但係一定比唔到吉列豬扒專門店嘅水準，都係炸粉做得好有水準DORAYA風凱撒沙律 $48 - 正常水平，性價比之內嘅嘢自選丼(油甘$52/甜蝦$78/帆立$88) $218/ (魚蓉$48/帆立$88/魚子$58) $194 - 可以自己配搭食乜嘢魚生，都係一個唔錯嘅選擇，佢完全唔會Hea你！

當中包括大腩、赤身、炙燒大腩、腩蓉🍣平日唔食拖羅嘅👫真係俾呢間嘅食物質素驚艷到😳通常食到嘅吞拿魚無論貴定平都覺得有好重腥味，就算喺日本食都唔覺特別好食🤔呢間嘅吞拿魚係食過覺得最新鮮，性價比最高嘅一間😍刺身加溫飯底，微溫度嘅刺身令脂香味更濃郁突出💖（聽說拖羅最佳品嘗溫度為8度～）炙燒大腩入口即香味濃，大腩脂肪平均分佈👍🏻赤身係瘦肉嘅部分，爽身有咬口，但略嫌小小腥，所以都係交俾專人處理🤣腩蓉就咁食無咩特別，但腥味都較明顯，所以要撈晒啲飯一齊食😳粒粒海鮮完全唔係低價刺身貨色🥰👍🏻三文魚同吞拿魚都好新鮮好香，仲有玉子燒切粒😚跟咗壽司飯底，甜甜地又有壽司醋香味💖定食仲跟都麵豉湯、醃蘿蔔、野菜、茶碗蒸性價比好高💡不過燒牛舌就唔推介，因為好韌，食完都無牙力🤣試完一塊就交咗俾專人處理👍🏻整體來說呢間食吞拿魚定食嘅性價比高，價位中等，晚市等候時間20-60分鐘（食過兩次）～🥢藍鰭吞拿魚四色丼定食 $228🥢粒粒海鮮丼定食 $128🥢燒牛舌 $48～

抓緊夏天會吃刺身的尾巴 (╯-_-)╯ ~╩╩ （反枱mode)🔹🔸火燒平目魚&藍鰭吞拿魚扒丼定食 $188🔸🔹- 定食已包茶碗蒸、味噌湯、前菜、漬物平目魚即係左口魚🤤份量有成六七條，條條油光滿面，一睇就知啖啖魚油❤️新鮮藍鰭吞拿魚扒亦有五厚片，輕輕火炙過更突出油香，鮮甜幼嫩又無筋🤤omg超好味！！室溫既壽司飯份量唔少，得到豐富魚油既滋潤，真係唔需要撈任何醬汁都好夠味，成個定食係好食🤩！！！🔸🔹香蔥伴藍鰭吞拿魚腩蓉丼定食（配日本溫泉蛋）$155🔹🔸- 定食已包茶碗蒸、味噌湯、前菜、漬物成日覺得吞拿魚腩蓉好似絞碎左嘅生豬肉😂😂雖然呢個都係藍鰭，但可能因為部位唔同，所以無咁肥美，鮮味亦無吞拿魚扒咁重，但粒溫泉蛋拎滿分😋香蔥、芝麻、溫泉蛋及魚腩蓉撈勻，唔止入口即溶，連我個心都溶埋😋🔹🔸藍鰭吞拿魚盛盒便丼 $98🔸🔹- 便丼已包味噌湯、前菜絕對係抵食之選🤪三塊厚身藍鰭吞拿魚！！成舊吞拿魚咁啪，鮮甜味會停留係口腔到久久不散😆完全無渣！炸雞新鮮炸起，脆卜卜實無死。另有少量吞拿魚腩蓉伴飯，滿足滿足😚🙌🏻🔸🔹香煎牛舌片 $48🔹🔸估唔到牛舌係我食過最差既，已經唔算好厚但好韌，係韌到唔記得娘親姓乜😩只有一

之前去過拉麵陳間金所食魚生飯都幾高質但佢地已經搬左去中環再無辦法可以係九龍食得到咁女朋友就話有間刺生丼係佢以前成日食既叫做定食doraya有銅鑼灣同尖沙咀兩間分店咁我地就去左尖沙咀果間位置係厚福街H8大廈6樓同好多商廈一樣一出電梯就係呢間野地方唔大見唔少人係出面等位但唔知點解等左幾分鐘就入得座位就一般OK窄有窗口位主要都係食魚生飯既本身我見佢介紹得咁詳細就想試下個藍鮨吞拿魚丼既佢女朋友就話呢度最出名係食車仔飯交左比佢揀之後佢好似跳左制咁一口氣揀左七樣餸連個侍應都嚇親咁佢就有寫四樣送減五蚊五樣送減十蚊咁七樣送就減廿蚊佢自己就揀左個cheapcheap三文魚蓉飯呢個飯88蚊一樣係有茶碗蒸有湯同小菜咁人大左其實就知道三文魚其實係渣野黎呢款純粹都只係當一樣送處理之後就上我果個七餸飯甜蝦有5隻中拖大拖各三件深海池魚三件海膽一pet蝦他他另一pet帆立貝4件其實拖羅同池魚都唔錯既不過堆海膽就搞唔掂仲要過百蚊完全可以唔洗叫最後加多件蘋果芝士蛋糕酸酸甜甜咁都ok埋單679要加一之後女朋友生日都去多左左一次今次佢就揀左自選四餸有油甘魚三文魚甜蝦他他帆立而我就揀左之前曾經想揀既豪華丼其實咁樣先似番個魚生丼

一個人的午餐梗係食好啲啦天氣熱食魚生飯最開胃有段時間無黎，仍然好多人Lunch時間要等位好在一個人，等二人枱好快有得食本身想點中拖羅點知今日無貨大拖又太油膩，唯有點碎吞拿魚腩溶不過撈飯一流飯又暖暖地，撈埋一齊好好味配埋三文魚籽真係豉油都唔使點落咸鮮味十足油甘魚同帆立貝正常貨仔係油甘魚太細塊又唔夠厚切如果大塊d就完美喇食定食最好就係有配菜不過今次係豆，我覺得偏硬麻麻地蒸蛋夠熱不過偏水，如果蛋多啲會更好湯都夠熱唔會太咸

今次返嚟尖沙嘴開餐，相信好多人都知道厚福街好多好嘢食，尤其係H8大廈。每日嘅開飯時段，都會排起一條長長嘅人龍，由保安分流安排食客上樓。今次要推介嘅一間餐廳就係位於H8入邊嘅「定食Doraya」！😋一嚟到餐廳已經有好多人係lift到等緊，相信啱先樓下唔少人都係排E一間餐廳。因為已經到咗食飯嘅時段，等位都用咗半個鐘。不過我嘅堅持係值得嘅！今次點咗一份醬油漬藍鰭吞拿魚丼定食，吞拿魚入口即溶嘅口感真係好正！🤤E個價錢食到E個質素，真心係抵！👍🏼

定食 Doraya地址 :尖沙咀厚福街8號H8 6樓話說兩年前經朋友介紹下，得知尖沙咀定食Doraya，一試之後都非常深刻，所以間唔時都黎食下今次係平日5點幾左右去食，所以唔洗排隊直接就入得啦。我覺得依到招牌一定係吞拿魚，所以每次黎到都會叫吞拿魚食。今次點左拖羅蓉配大腩同埋鹽燒吞拿魚魚鮫。藍鰭吞拿魚大腩及魚腩蓉丼定食| $198慢煮鹽燒藍鰭吞拿魚鮫|$168依到既藍鰭吞拿魚絕到高質，魚油多又肥美，每次都食過返尋味，而且價錢都唔算貴，所以相當抵食。味道⭐⭐⭐⭐⭐環境⭐⭐⭐⭐服務⭐⭐⭐⭐⭐衛生⭐⭐⭐⭐抵食⭐⭐⭐⭐⭐