定食 Doraya (厚福街)

营业中

休息中

Doraya以魚生刺身聞名，炸物亦有不俗的評價。我幫襯多次，其炸雞、炸蠔、吉列海鮮、雞皮餃子、拖羅、左口魚均令我感到滿意。今日，我經openrice外賣自取購買吉列豬扒便當，滿心以為豬扒應該與其他炸物有同樣水準，結果卻是大失所望。直接講重點，分享下對豬扒評價：肉質：明顯不算多汁，瘦肉偏多，脂肪少，引致口感較乾。雖然未至於韌同柴，但咬上去並非賞心樂事。肉味方面亦乏善足陳，沒有鮮美之感。食落似普通雪藏貨，感覺只比大X活稍佳。炸皮：的確很脆，而且厚度硬度適中，不會有割口之感。然而，當你咬開之後，炸皮就會主動與豬扒分離。情況是即時解體，上層炸皮、下層炸皮、豬扒本身，分散成3個獨立個體，猶如三國鼎足而立。以一間高級日式餐廳而言，此豬扒表現並不合格。再加上$128價格，性價比極低！食番普通午餐便當好過！另外一點令我不滿的是，Doraya味噌湯一直都有擺放菇類增加口感，是我欣賞的地方。但今日呢碗味噌湯居然無咗啲菇！！失望！！補充一點，我外賣自取取得食物之後，只用了5分鐘路程，便已就座開始享用食物。因此，時間對食物質素的影響微乎其微。

🥇Doraya 豪華丼定食  $298 叫得豪華丼，當然最豐富啦！𕚃面有齊藍鯨吞拿魚大腩+赤身+吞拿魚腩蓉+吞拿魚扒+牡丹蝦+蟹膏。揀豪華丼主要希望除左吞拿魚外，可以享受埋牡丹蝦同蟹膏，牡丹蝦好巨型，蟹膏新鮮，完全無腥味，而且份量絕對唔姑寒👍🏻 🥇藍鯨吞拿魚四式丼定食  $228 主攻吞拿魚，有大腩+赤身+炙燒大腩+腩蓉。 個人推介必食！性價比高！ 大腩，赤身，炙燒大腩全部厚切，各3片，大腩鮮甜肥美，入口即溶。最驚喜是赤身，通常赤身脂肪最少，有時仲會有筋。但 Doraya 的赤身完全無筋，口感滑溜，甚至有食緊腩位的錯覺。牛燒肉丼定食   $158 牛丼份量足夠，米飯面上有滿滿的牛肉，和焦糖洋蔥是絕配🧅 海膽山盛版40g  $214 海膽是半板份量，賣相麻麻地但食落唔錯！鮮甜無怪味，附上的紫菜可以包醋飯，自製迷你海膽卷，好幸福 😊 🐥Doraya 秘製炸雞5件   $54 炸雞是 Doraya 另一必食名物，即叫即炸，外脆內 juicy，不油膩。點埋檸檬汁🍋和日式沙律醬，多一份清新和罪惡，推介大家一試 😄 和風焙煎醬冷豆腐   $46 冷豆腐是日本傳統食物之一，細膩綿滑，附上胡麻醬更添一

朋友約出嚟見面 介紹食呢間不枉我收工咁遠水路衝出去食⭐️667 火燒平目魚&藍鰭吞拿魚大腩丼定食火燒過嘅平目魚 油香四溢 選用嘅材料油脂分布平均藍鰭大腩都好正 無筋 咬落去好香 唔係入口即溶 但都就快溶🤭定食包括：味噌湯 - 還可以茶碗蒸 - 好香滑 好似布丁咁 裡面好鮮甜小茶 - 係豆 呢個好好食 有咬口又甜甜地漬物 - 韓式醃蘿蔔⭐️慢煮鹽燒三文魚頭鮫好大件 性價比都幾高 燒得幾香 但因為食咗碗飯已經好飽大家都食咗幾啖就停哂手 下次靜係叫丼飯都夠了～其他係朋友嘅丼飯☺️

冇誇張呢間嘅日式丼飯係我喺香港回訪得最多嘅一間🥳好多年前第一次食 到而家嘅水準都keep到 而且我覺得係香港嘅日式丼飯店黎講係性價比好高🤓所以一想食丼飯 始終覺得返嚟最好🤭❤️-🐟油甘魚藍鰭吞拿魚二色丼定食 ($148)一次過滿足左兩個願望🥰淨係睇色澤 都覺得呢兩款魚刺身非常之新鮮😍每片嘅厚薄度適中 唔會太薄冇咗口感 色澤好鮮艷 魚生鋪滿整個飯面唔吝嗇🥳茶碗蒸依舊係之前咁滑🐣入邊仲有好多餡料 整體質素高 個質素嚟講價錢好抵食滿足🤪

幾年前黎過呢間日式丼食專門店之後，一直心心念念。可惜呢間鋪頭實在太受歡迎，成日都要排隊食唔到。今次平日收工黎碰碰運氣，估唔到等左20分鐘左右就有得入去！藍鰭吞拿魚&魚腩蓉丼定食✨呢到真係中意食吞拿魚既人既福音！吞拿魚既油脂超級豐富，分佈平均，大拖真係可以話係入口即溶，而且咬落口冇筋之類，非常滿足。而魚腩蓉就正常發揮，好soft，食得出用料新鮮。三文魚拚火炙平目魚丼✨我一向都好中意食平目魚，但好少刺身丼有，見到呢到有緊係即刻叫啦！火炙平目魚油脂超豐富，加上輕輕燒過有淡淡既焦香，送飯一流！而三文魚切得夠厚，食落啖啖肉。鹽燒牛舌✨一定要趁熱食！牛舌彈牙爽口，熟度啱啱好唔會韌，咬落去油脂肉汁會出哂黎！上面仲灑左一層既胡椒，增加口感之外仲帶出香氣。

今日叫左香蔥伴吞拿魚腩蓉定食，麻麻地，吞拿魚都唔係太新鮮，另一份糸慢煮鹽燒三文魚頭鮫轉定食，呢個就反而做得好啲，茶碗蒸得半杯，都有啲孤寒亦都麻麻哋，可能都係熟d會好啲，都幾多人，雖然有隔板但係枱與枱之間根本就係連埋一齊，冇乜大作用，其實枱與枱之間要分開少少會好啲，尤其是係疫情嘅時間

餐廳：定食 Doraya 地區：尖沙咀地址：尖沙咀厚福街8號H8 6樓日期：16/7/2022時間：12:30人數：2人 等位： 0mins 價錢： ＄405間唔時見FB刺身關注組有人介紹尼間野唔錯🙊於是就去咗朝聖下😚我哋嗌左藍鰭吞拿魚大腩丼定食（$240）同吉列豬扒定食（$128），加一後總共$405。🍱藍鰭吞拿魚大腩丼定食淨係睇色澤🤩都覺得刺身非常之新鮮😍 片片厚身口感鮮嫩，甘香肥美，油脂豐腴，入口即溶勁Juicy！色澤好鮮艷😚魚生鋪滿整個飯面份量超多🥳茶碗蒸內有冬菇及蟹柳，口感好滑🤤個質素嚟講價錢好抵食滿足🤪🍱吉列豬扒定食豬扒炸到金黃色又香又鬆脆，肉質夠軟腍，配埋日式豬扒醬好開胃，定食仲配埋麵豉湯、椰菜絲、漬物和茶碗蒸😆好豐富整體感覺店員服務好，食物質素高，值得一試！👍👍👍

DORAYA午餐定食 ($108 + 1)好豐富既午餐 有三色刺身🍣 炸蠔🦪 炸雞🍗 味噌湯🫕 醋飯🍚沙律🥗整體來說 調味有點兒不足..醋飯跟白飯應該沒什麼大分別 倒好多鼓油先有少少鹹味😅只給一點點wasabi 所有食物味道都好淡🤕感覺上比較適合口味清淡的人士😊

依加要搵一間好食既日本魚生店🐟並不容易！小編終於食到間正野可以介紹😋佢係位於尖沙咀厚福街既…🍽定食DORAYA🍱據說呢間餐廳本來只是一間🐟優質吞拿魚稍售批發的公司，早前開始搖身一變成為左一間日式定食店，當中最值得留意的為藍鰭吞拿魚🎣黎到既指定動作當然要order自選丼👍🏻因為想食咩就叫咩，自由度大，滿滿的刺身放在一碗中，好滿足阿。🌟🐮鹽燒牛舌牛舌切得稍為簿身，配上🍋檸檬汁，味道剛剛好。🥟雞皮餃子($58)雞皮包有豬肉餡，加埋🍋檸檬汁再用生菜包住食，juicy得黎帶點清新，冇咁油膩。🍱自選丼定食三文魚子($55)，帆立($62)，藍鰭吞拿魚大腩($98)，生海膽($118)（連味噌湯、茶碗蒸、小菜、漬物)吞拿魚大腩肥美甘甜，放入口中魚油味好香，肉質軟滑無筋入口即溶。白雪雪的帶子味道甘甜，豐厚的肉身極富彈性。海膽甘甜，質感細膩，幾乎入口即溶。脆卜卜的三文魚子放入口中輕輕一咬以致撲一聲，中間的醬汁在口腔中釋放，為軟綿的醋飯帶點色彩。💡小知識 ：大腩即由魚頸至魚身中間位置，由於魚腩位運動量少；最容易積聚脂肪，因此也是整條魚最肥美的部分，佔整條魚不足30%，所以特別矜貴。魚肉呈粉紅帶白色網紋的筋

突然間想食壽司去咗呢一間度食抵食之選😉$200一set拖羅冇筋不過最好早啲去排隊唔係就排隊等好耐另外order 咗個牛舌不過不失價錢合理蟹膏$1xx 份量太少🤪

尖沙咀遍布不少的刺身飯，唯獨依間最吸引我，CP值超級高，試過反唔到轉頭。難得有左口魚飯，一定要試！配菜都非常好食，依個配搭，價錢亦唔貴，簡直絕配超值！中拖羅飯，塊塊都厚切！

平時收藏唔少餐廳 都未有時間逐一到訪前晚約咗朋友食飯 咁啱佢哋都話聽過呢間 評價唔錯 就終於嚟咗🙈當晚尖沙咀其實人唔多 但上到餐廳 都全場爆滿lift口座位、企位都係輸候嘅人好在等咗幾個字就有位😆Menu選擇都多 都係丼飯為主 有固定組合同自選刺身丼💁🏻‍♀️朋友分別叫咗角切丼飯 同魚餃定食而我就食自選 最少揀三款食材 自由配搭每款唔同價錢 約莫幾十到7、80一款 👆🏻自選丼飯都有配set 有汁煮雜菜、配菜、茶碗蒸同味噌湯 味道偏家常 沒有非常驚喜可能重點係刺身😂刺身切得非常厚 而且質素都對得住價錢有埋紫蘇葉 可以包啲飯嚟食不過飯就有少少乾😵‍💫另外 配味噌湯同茶碗蒸都是一半的 圖中為未起筷嘅份量 可以多返少少就好啦🤔同埋原先想食海膽 但店員表示近期海膽唔靚 誠實又貼心的提醒 加返啲分🥰一般朋友聚會可以嚟試吓 但座位就會迫少少 環境都比較嘈

呢間成日都想食.但佢冇得BOOK位.只有WALK IN適逢早收工.就早早去到~~可惜都要齊人先入座🥲好彩餐廳位置都多.朋友一到就入座~!!😎係門口見到必食推介.由於本身唔好海膽所以好快已經揀到食咩😚因為食物選擇都多.朋友最後決定自選丼飯😌💥火灸平目魚 吞拿魚赤身丼定食🔥🍱💥自選丼飯: 三文魚 赤身 帆立貝 蝦 三文魚籽丼定食🍱SET附有沙律 前菜 漬物 茶碗蒸同味噌湯成個SET係超豐富.好抵食🤩D魚料都厚身新鮮~火灸平目魚 魚油香.又肥美~!!好好食🤤吞拿魚赤身肥美厚切.大滿足🤤朋友個自選SET都好吸引.好足料一致覺得係好食又抵食!!絕對可以ENCORE!!😍最後我地都食唔哂D飯~🈵

Doraya一直係我最念念不忘既日本餐廳，每隔一段時間就會心思思想去食😆差唔多每一次去都係必叫吞拿魚🐟🐟🐟餐廳座位唔算多，而且冇得book枱，walk-in 仲要等齊人先入得，所以一出lift口長期都會見到一大班人等緊位😂回頭率極高藍鰭吞拿魚扒丼定食🐟🍚（配日本溫泉蛋）$158吞拿魚扒係保持一貫水準，但以等食左咁多年黎講，覺得師傅好似切薄左😭😭😭咬落既口感比起以前冇咁滿足，不過都係叫做好食既，而且價錢仲係百幾蚊成個set, 性價比仲係高既👍🏻不過今次食既壽司飯底唔記得左走豉油🙈本人唔係咁鍾意食有汁既飯，所以覺得略咸🙈值得一讚既係茶碗蒸係好好好好食！蛋相當滑溜，蛋中有香菇同蟹柳，加上上湯十分入味，成杯茶碗蒸超高水準👍🏻👍🏻👍🏻雞皮餃子🐔🥟 $58/5隻店員建議餃子連埋生菜一齊食，又真係幾清新，雞皮餃子新鮮熱辣，外皮好脆，內餡都好熱辣辣，包左一層生菜既話會似韓國燒肉原理，唔需要怕食雞皮會油膩，2個人share食都唔夠喉😆😆雖然話吞拿魚扒切得薄左啲，不過我都會繼續黎😂下次會試下中腩/大腩定食，希望佢地既油脂滿足到我啦🥺

如果想食唔錯嘅藍鰭吞拿魚，又唔想洗咁多錢，咁呢間就係唔錯嘅選擇😆🔸藍鰭吞拿魚扒丼定食炙燒過嘅吞拿魚扒略帶焦香，入口充滿魚脂香氣，同壽司飯係絕配～🔸藍鰭吞拿魚四色丼定食 四色丼包括有大腩、赤身、炙燒大腩、腩蓉～大腩係我嘅至愛！入口即化，滿滿魚油香味！就咁食或者加少少刺身醬油同wasabi都正～腩蓉口感細滑，帶魚油香赤身魚油香冇咁重但亦冇咁膩，加埋落去令個飯層次豐富啲👍🏻🔸雞皮餃子炸到金黄香脆嘅雞皮包住充滿肉汁嘅內餡，冇得輸～可以加少少檸檬汁再攞生菜包住食～🔸慢煮鹽燒藍鰭吞拿魚鮫火候控制好好，表面焦香，魚肉夠滑唔乾！調味亦恰度好處！丼飯份量好多，男士食都實夠飽～餐廳地點方便，價錢相宜，值得一試～———————————————定食ᴅᴏʀᴀʏᴀ •厚福街分店