定食 Doraya (厚福街)

营业中

休息中

平時食開呢間都唔駛點等位，呢晚黎食居然等左20分鐘先有位咁都好嘅，起碼保證啲食材夠新鮮叫左藍鯨吞拿魚扒丼，果然不失所望。平時食其他壽司店的吞拿魚腩都會覺得脂肪比例over左有點過漏，而呢間的份量多之餘亦唔會太肥，食完仲有點齒頰留香，水準都keep 到呢個定食仲包埋前菜，麵豉湯同埋日式蒸蛋，都夠飽肚

這個叫做海之幸嘅刺身定食，好新鮮好正！ 午市食一個$168嘅刺身飯對於我算係貴貴地！ 所以貪心嘅我就order左多款啲嘅！其實第一碗嚟到嘅時候，係無左2片吞拿魚同三文魚籽變蟹籽 我拎返個menu 再問個女侍應，我呢碗係唔係即係圖片呢碗？點知...佢一句都無出就拎走左...之後換返跟圖片一樣嘅俾我！ um...點都好，都慶幸換左碗俾我, 整體全新嘅油甘魚好肥好厚，三文魚腩同吞拿魚都好新鮮肥美！（雖然我內心勁驚會加料）但由一開始如實出俾我，問題會簡單得多～ **小小補充，2點後還要安排其他食客搭枱確實有啲怪...之後我地望住其他吉枱而我地就同其他食客迫埋一齊就仲怪～同埋3:30就要清場架啦，仲要被催左2-3次（加茶時講）

相隔唔夠兩星期，又黎食！ 今次試下自選三色刺身飯！！$98海膽+$78藍鰭吞拿魚中腩+$43呑拿魚腩蓉。 中拖羅幾厚切，藍鮨呑拿魚獨有嘅魚香味突出，油脂分怖雖不及大拖羅，但仍是足夠的。不過有些少筋，破壞左少少口感。海膽用上北海道海膽，食落唔腥，而且鮮甜，有一兩粒仔較苦，但整體不錯。今日7點幾黎，竟然唔洗排隊，非常難得。

第一次食呢間餐廳，已經係八年前嘅事啦。八年過去，舖頭都搬埋，但仍然係我目中一間好喜歡嘅餐廳。期待左好耐，終於黎左食呢個<<藍鰭吞拿魚大腩&魚腩蓉定食>>我知道好多人都唔太好呑拿魚，因為平時餐廳通常都係用赤身，食落無麥味咁。但呑拿魚腩卻又深得好多人歡心，佢嘅油脂完全可以令到佢嘅味道起死回生！而呢間餐廳仲要係用上藍鰭吞拿魚，味道同肉質都非常獨特，同其他品種嘅呑拿魚好唔同！今次呢個<<大腩定食>>，一如以往入口即溶！食落去第一啖真想大叫一聲「好幸福呀！」，久違的味道，成口充滿住魚腩嘅油脂，超級肥美，非常正！但係，始終大腩部份係最肥，當食多一兩舊就覺得好鬼油膩。而大腩嘅魚味亦會較中腩嘅部份不足。朋友叫左<<中腩定食>>，我都試左兩件，食落當然無大腩咁肥美，但佢藍鰭吞拿魚獨有嘅魚香非常濃郁，我個人比較鍾情於魚味較濃的，所以我反而覺得仲好食過我果個。

呢間日本餐廳向來都多人，中午黎食最好十二點半前到。今次我地都係叫左招牌藍鯨吞拿三文魚定食。 定食包自助沙律，啲沙律都幾新鮮幾好味。至於份定食都幾豐富，性價比好高。有蒸蛋，漬物 ，烏冬，丸子，當然有主菜刺生飯啦，每樣都好好食 啲刺生仲要厚切，入口即溶，好味 同事叫左呢個，又係超豐富，炸蠔同炸雞都做得唔錯，新鮮炸起。刺生又係厚切，吞拿魚腩當然比普通吞拿好食啦，不過貴少少如果午餐想食好少少，絕對推介呢間。

適逢今午公眾假期，來到厚福街的這間餐廳吃日本嘢（已經不是第一次來，有時午餐也會來吃）。好了，我們分別點了一個鰻魚飯定食及一客自選藍鯨吞拿大魚腩＋海膽＋三文魚子定食。那刺身飯仍然保持一貫的水準；可惜，那鰻魚飯，一揸筷子插入鰻魚已經知唔對路，因為鰻魚皮很硬根本不能用筷子分割，真的超級失望！人們打正旗號吃刺身的，再也不敢吃刺身以外的食物，因為吃完只會給你一肚氣！

不負責任食評之 doraya一個人的午餐 我決定食好西！食過咁多次cwb今次轉下地方試下tst 呢間分店。佢俾cwb好既係個場大啲啲位闊啲 望住街外食落舒服啲。自選刺身丼我就簡左最愛 甜蝦他他(甜蝦蓉)+海膽+帆立貝+三文魚真係悟明點解悟多人好甜蝦他他 明明佢最甜最好食。海膽冇得輸 甚至俾甜蝦他他更多既份量 食到停悟到。帆立貝同三文魚keep住水準 又甜又鮮又厚 一啖啪入口即溶。其他配菜驚喜既有茶碗蒸同甜食小丸子 呢個係尖沙咀分店獨有嫁！ cwb 就係玉子燒(因為中意食玉子燒多啲 我會簡cwb) 多左呢兩樣會飽到頂頸~同場加映：加十蚊轉蜆味湯係一超多蜆啊！一打開我連湯都飲悟到悟係講笑。不過 悟係太中意蜆既其實轉悟轉湯都冇所謂。$221(自選刺身價格悟同 另加反10%服務費)後記：Tst 分店環境好啲我念舊 cwb都係近我多啲，如果悟係今日撞上cwb休業我都悟會咁衝動過黎tst食。不過係有驚喜啲，第一次食推薦去tst間，大間啲同朋友一齊食悟會迫。果然對佢高期待係冇失望既。

之前吃過銅鑼灣分店的晚餐，非常滿意，於是今天來試試尖沙咀分店的午餐，亦沒有失望！午市人流不算太多，我點的是拖羅定食，承惠$98+10%一個很完整的定食午餐，前菜蒸蛋烏冬甜點樣樣齊，鮮菜沙律更是放題任食，份量先得到滿分。味道方面很不錯！前菜是醃菜，酸酸咸咸，有點像韓國泡菜，卻沒有泡菜般濃烈和辣口。冷烏冬是幼身烏冬，夠冷夠嚼口，夠冷夠乾身，但略嫌麵汁過咸，昆布味欠奉。蒸蛋嫩滑，配料足。厚切拖羅入口魚油豐富，一點腥或鐵銹味都沒有，如果不配熱飯配壽司飯會更佳。甜點份量剛剛好，丸子煙韌，豆沙甜度適中。

Happy hour 完，上網找尋附近有什么好吃，友人要求食清D，便向日食方向搜尋，找到此店口啤唔錯，使前住一试，此店賣點是，魚生反可像車仔面一样的自由配搭，本人选了海膽，油甘魚，吞拿魚腩蓉，另加十蚊轉蜆湯，蜆雖不大但量多，蒸蛋好滑，魚生份量ok,紫菜絲好少，要求追加本需加十蚊，但後來免費提供了，^^ ，主角魚生反真的不錯，食到有魚油的甘香，海膽亦有口感同份量，好像30g，吞拿魚蓉感覺有如雪糕般的口感，價雖有高，但绝对是物有所值

先講食物，其實唔係真係前人講到咁誇張。所謂北海道海膽，同我在二條市場，場外市場食的有一大段距離，究竟係因為運送的必然品質下降還是其他原因就不得而之了。大toro簡直係大失望。唔同日本比，同某本地中價位連鎖店比也差太多。很努力也吃不出toro味，明明望落個樣ok...至於個一肚氣呢...明明早段時間有大把吉位，偏偏要d客搭枱, 你要求轉枱呢又黑面又係要你望住d吉枱同人搭枱...就算我在大件抵食食完就走的細舖頭有吉枱都唔會要d客搭枱俾d social distance 人 la...你個場好full 就話啫...咁都唔走，只怪我太想食靚海膽，可惜...驚你唔夠飽免費送你一肚氣，勁"貼心"囉呢個價錢呢個質素呢個服務真係"無得頂"呀

返完一日工，又係時候搵好野食啦今次就去咗呢間專食吞拿魚定食間餐廳位於嘅H8，得兩部升降機，樓上10幾間食肆，又要無樓梯，等升降機都要係條街排成15分鐘先搭到上去 瘦身女叫咗呢個三文魚、油甘魚、海膽三色刺身丼定食，質素都幾唔錯，一向都係鍾情三文魚，但今次呢個飯就比新鮮甜美既海膽，同埋甘味十足既油甘魚搶左風頭，仲有唔可以忘記個餐跟住個蒸蛋，一直都怕蒸蛋好鞋，今次真係滑嘟嘟，質素十分令人難忘而瘦身男就不嬲都專一，呢間野既然係專食吞拿魚刺身，梗係叫咗個藍鰭吞拿魚扒刺身定食啦～真心吞拿魚刺身係刺身入便真係唔多得到瘦身男嘅歡心，只係知吞拿魚就好有益，三文魚始終先係瘦身男嘅摰愛，但呢個吞拿魚扒刺身定食真係瘦身男食過最好食嘅吞拿魚 ，入口油香滿溢，非常肥美，扒身又厚，肉感十足，真係黎到要試一試架！！！又叫咗生蠔，但就真係普普通通，感覺唔太新解，味道偏淡性價比呢間真係普通，但吞拿魚質素絕對值得花少少時間黎排隊試試 

之前已經聽好多朋友講Doraya好正，誤打誤撞本身想去德美，點知見到Doraya係樓上即刻轉軚上到去勁多人排隊不過佢限時90分鐘，所以1930開始有人走，大概等咗40分鐘入得。呢度主打日本嚟嘅吞拿魚，不過唔食魚嘅我都可以揀3色自選丼。今次揀嘅係生海膽(30g $98)、甜蝦(5隻 $55)、同帆立貝(2粒 4片 $55)，唔同食材價錢都唔同。呢度嘅海膽真係好正十個讚 不但無腥味而且勁鮮甜，係暫時喺香港食過算高質嘅海膽。甜蝦一共有5隻，仲要又大隻又鮮味 。帆立貝2粒厚切成4片，中間用檸檬片隔開，帆立貝非常肥美！加入檸檬汁更加清新味美！呢個定食仲包括麵豉湯、好足料嘅茶碗蒸、漬物、同小鉢(蔬菜)，一份套餐真係份量十足又好食！難怪食到9點幾都仲有人等位！ 

我自食過一次之後，係短短1個月，我已經去左3次，第一次去係平日下午，有自助沙律供應 （有生菜，火腿，秋葵，洋蔥，十多樣款式及醬汁供應）只要叫lunch set就可以免費享用生蠔，夠鮮甜，爽口刺身飯好小會有咁多海膽，而海膽係鮮甜味道濃郁，我平時係不食吞拿魚，但我被佢既吞拿魚蓉所吸引，一口鮮味海膽，一口肥美吞拿魚蓉，帶子鮮甜，簡直係lunch刺身飯最高享受四色刺身，有蝦，吞拿魚，油甘魚同三文魚蝦 大隻 但無咩甜味吞拿魚 油甘魚 三文魚 三樣都太肥而無香味不建議order 要注意lunch salad bar淨係平日叫lunch set先有，假日無，所以我都會選擇平日去較抵

呢間專門食藍鰭吞拿魚既餐廳，座落係厚福街H8,.位置方便。lunch time 時間更加坐無虛席! 大概下午2點鐘到步，仍然坐滿客人! 要左一份藍鰭吞拿魚大腩併魚蓉定食，加$10轉做蜆湯，隨餐更有任食沙律吧。沙律吧款式唔算多，沙律菜，切粒秋葵，薯仔沙律…可惜沙律菜差不多沽清亦都冇再添加，所以可選擇的就更少。主角上場喇，睇落去魚生又新鮮又肥美呢! 蜆湯…極可惜…只飲到咸味! 蜆肉size細，好多粒都已脫殼兼且完全冇鮮味，絕對唔值得加錢轉，寧可要返普通味噌湯!品嘗返主角先! 大腩SIZE絕對唔細, 厚厚一片, 一入口已有溶化感，肥美鮮甜, 冇腥味, 不過就有少少筋位痴住咬唔開.  魚蓉口感好綿但就反而唔及一片片既大腩鮮甜, 但配埋暖暖既白飯都仲係唔錯既.

朋友話呢度既刺身飯好正，趁今日早放就黎試下，星期五既6點多唔洗等，用餐時間個半中。野食以刺身飯為主，有得自選刺身，幾岩咩都想試d既Vi~ 最後點左一個藍鰭吞拿魚扒丼定食同自選刺身定食(三文魚+油甘魚+帆立貝同海膽)，其中一個set加左$10轉蜆肉湯~先講下呢個自選刺身飯，刺身好厚切!!三文魚同油甘魚食落好肥美，成大塊食落口感覺好幸福呀!!而帆立貝好大隻鮮甜，最後既海膽都唔少，好creamy好鮮甜，一d都唔腥，果然係好新鮮既刺身飯，正! 而定食都配左蒸蛋，味噌湯同泡菜，食唒成個set係好飽~而藍鰭吞拿魚扒丼定食係朋友既推介，吞拿魚扒輕輕煎過，入口好香吞拿魚味，而且入口即溶，係Vi食過最好食既吞拿魚!飯底加左醬汁，甜甜地，唔洗落豉油都ok~ 而蜆肉湯真係有成碗蜆肉，不過好細隻，而且有沙~食到7點幾走既時候見到有好多人等緊位，好彩早左黎到~整體呢度既刺身飯真係好正，價錢相宜，值得一試!