定食 Doraya (厚福街)

营业中

休息中

已經唔係第一次嚟Doraya，即使係樓上鋪，平時嘅星期六已經多人，所以今日公眾假期，我就比平常嘅晚飯時間早啲到，大概六點半就上到餐廳，大概已經坐滿左一半以上既人，所以建議大家都係早啲到，因為餐廳係冇得book位。每次嚟到，都一定要食呢度嘅魚生飯！今次就食返藍鯨吞拿魚中腩&魚腩蓉丼定食 $178首先定食係包一個飯，麵豉湯同蒸蛋。先講個主角，佢有得揀溫飯或者係壽司飯，而我就揀咗壽司飯，因為壽司飯入邊已經有醋。兩種飯都試過，個人推薦壽司飯多d！而個吞拿魚中腩真心好新鮮，入口即溶，完全冇筋，輕易就可以用筷子分割，慢慢配上飯黎食。依個中腩真心令我回想起係日本市場上食既魚生！另外嗰邊嘅魚腩蓉亦不俗！配上少少香蔥加紫菜，整體更出色。Doraya係我想食魚生飯時，諗起嘅第一個選擇！

很久沒吃doraya，事隔一載再光顧，想不到水準下降這麼多。以前的拖羅大腩沒有這麼多筋，而且以前的份量大概多3-4成，從前「送多過飯」，現在是吃飯吃到飽.... 除此之外，食物新鮮程度亦每況愈下，現在的素質和價錢，外面有太多太多太多對手可以取代它了。

朋友同我慶祝生日，話請我食餐飯，問我食唔食魚生，咁呀梗係o岩啦！呢間定食のどらや係佢特登揀o既，話食過覺得d 吞拿魚特別好食。約平日夜晚六點九，佢話因為過o左七點就會激多人。o岩o岩坐落都還可，果然真係好快就坐滿晒，再入就要等位！推介之下當然要試下d 吞拿魚啦，點o左油甘魚&藍鰭吞拿魚二色丼飯定食($148 未加一)。小鉢係醬油黃豆，食落好似栗子o既質感同味道。我好鍾意食栗子o架，所以好鍾意呢個前菜！主角兩款刺身都好腍好軟熟，充滿油份，入口即溶，而且新鮮得o黎唔會話腥。定食附送味噌湯，但可加$10 改蜆肉味噌湯，呢個都值得加o既，個湯無話特別好味o左，但d 蜆肉本身真係幾好食，好濃郁o既味道。相對之下茶豌蒸就顯得有d 淡，雖然燉蛋入面都加o左蟹柳去整……其實係咪應該要落豉油我無落到……﹖另外仲叫o左一份廣島吉列炸蠔($58) share 食。同頭先d 蜆肉一樣，雖然經過油炸，但仍然都係非常重海鮮味，唔錯。因為我食完個飯先食佢，d 熱氣過o左，我諗如果一上即刻就食應該會更正！

終於等到年底出佐雙糧B仔。今日LUNCH 大家就決定出去食餐好啦。今次揀佐間都算就腳既上樓舖，係厚褔街一間定食專門店DORAYA。怕太多人，我地12點半就出發衝過去，費時有排等。時間岩岩好，去到唔使等位。店面環境都OK ，都坐得舒服。打開MENU，超多款海鮮丼，人就係咁，一多選擇反而真係唔識揀。揀黎揀去最後揀佐個都算偏貴既火燒平目魚+藍鮱吞拿魚赤身定食，都成168一SET，返工LUNCH 真係好小食咁貴，但見出佐份大糧就梗係無所謂啦。一黎到個SET，真係睇樣已經流曬口水，份量好足，前菜、開胃菜、湯都有水準，而最強梗係個丼，厚切吞拿魚，望落已經知極度新鮮，味道鮮甜嫩滑，燒平目魚爽得黎都好嫩﹗真係無得彈，唔止係一分錢一分貨，直頭係物超所值﹗呢個地方仲要咁方便，睇黎唔使等出糧，好快又會忍唔住再黎

好彩今日放工放得早，如果唔係可能嚟到呢間餐廳都要等好耐位，今日6:00鐘入去，唔係太多人，正合我心意。我叫左一個自選丼飯，有油金魚、日本海膽同吞拿魚大腩。我最鍾意最鍾意嘅就係呢度嘅海膽，每一啖都好鮮甜，亦都好creamy，佢嘅質素就同喺日本食新鮮海膽幾乎一樣。海膽最棹忌就係腥，呢度嘅海膽一啲腥味都冇，令人一食就上癮。而吞拿魚腩都唔錯，油脂比例都算平均，食落有魚油香味，而且都好厚切，識落每一啖都係魚肉，超級邪惡超級好食！

因為之前都有食過呢間既丼飯, 所以預早嚟到等佢開門~哈哈! 坐底見到佢有時令推介, 酸汁白子, 原來係魚精巢, 真係未食過喎~由於酸酸地, 所以冇腥味, 再加上辣椒蘿蔔蓉, 口感幾特別!另外丼就叫咗海膽, 吞拿魚腩蓉, 油甘魚刺身丼定食~海膽好味又新鮮, 油金魚好香魚油再加埋魚腩蓉真係YUMMY YUMMY呀~之前食過幾間丼既專門店都係覺得呢間質素同價錢合理~

是日跟尖子看musical, 看完後已差不多晚上十時. 有點晚, 突然想起定食doraya. Happy Friday晚上十時正到達, 不用等候便可入座, 真好! 還記得此店是人氣店, 常常要等很久才可入座. 店內地方簡潔, 有點居酒屋的感覺, 坐得挺relax. 看看menu, 點選了香蔥伴藍鰭吞拿魚腩蓉飯定食(HK$135), 藍鰭吞拿魚大腩&魚腩蓉丼定食(HK$198), 鹽燒牛舌串(HK$42). 不消一會侍應送上食物. 先喝一口麵豉湯, 夠熱, 味道沒有過鹹, 正常水準. 蒸蛋, 也是正常水準. 香蔥伴藍鰭吞拿魚腩蓉飯定食, 賣相不錯, 丼飯的珍珠米晶瑩剔透, 令人食指大動. 試一口珍珠米, 其size細細粒又粒粒分明, 口感柔軟, 每一口也有米香, 醋的分量下得剛剛好, 真的非常美味! 吞拿魚腩蓉味道也不俗, 感覺新鮮有魚香, 加上香葱和脆紫菜, 味道更加提升!尖子的藍鰭吞拿魚大腩&魚腩蓉丼定食, 也好像很有質素似的. 試一口吞拿魚大腩, 雖然未至入口即溶, 但魚香濃郁, 口感柔軟, 也不錯呢! 尖子嚷著要吃鹽燒牛舌串, 其牛味濃郁, 嚼得起勁, 不會燒得過乾. 簡單鹽燒加

Doraya 系小編嘅心頭好 💕 不得不食星期六 6pm 無訂枱 有位 👍🏻松葉蟹鉗 $98限定推介 一定要食啦😋😋一碟有八隻 好鮮甜 加上柚子汁 正!!!!!!!鹽燒牛舌串 $42燒得好入面 好厚 好有口感食落好多汁 鬆化 帶有少少騷味 小編愛得不得了😌😌吞拿魚大腩丼定食 $240不得了 重點推介 系小店必食no.1 !!!!大腩堅系肥美 食落去魚油 簡直系一級享受😍魚腩蓉 海膽 油甘魚丼 $228望落去已經好豐富 海膽系小店no. 2 必食 真系正 無腥味 😋😋魚腩蓉送飯一流油甘魚都重鮮味

Doraya 的金鎗魚蓋飯好味，應該很多人知道。今次來看到有個seasonal special，叫白子 ($68)，浸在酸酸的汁裏，介紹說是魚的精巢 (~spring bag?!)，十分新奇！份量小小，看起來像腦袋，質感很滑很creamy，正宗生內臟的感覺，有點腥味，和酸汁和葱很對味，好吃！返公司和一個日本朋友提起，原來白子是冬天的必食item！她沒想過現在香港的餐廳可以那麼closely tracked日本文化👍🏻令她很驚喜。炙燒金鎗魚 (蓋飯 ~$13x) 十分香，飯量ok，魚多過飯，有回甘香，無令我失望！好味～

拉姐妹衫尾去食好野未去之前已經做晒資料搜集知道果度食藍鰭吞拿魚最出名.去到簡左自選系列有d似車仔面咁自已簡材料（最少三款）簡左兩款都係藍鰭吞拿魚扒加海膽（定食黎）個藍鰭吞拿扒預先火炙過海膽都係好多人推介.藍鰭吞拿扒有d似燒綿花糖咁外面硬 入面一咬即溶 不過有幾舊有渣海膽食落去 唔甜 又無味 都幾失望不過估唔到既係佢個飯 標籤左係日本米食落去每粒飯都好飽滿 雖然飯係痴埋一齊但食落口好明顯係粒粒分明 最後d醋味先係脷度出黎

又約左朋友起尖沙咀食飯好自然就會行到去h8今次食doraya上到去諗住攞位先點知要齊人先入得裡面有位都唔可以入去坐住先好彩門口有櫈坐住等睇menu有好多選擇花多眼亂發現有個平啲既方法食幾款刺身仲可以揀自己鐘意食既最後定食自選揀左三文魚 甜蝦他他 同埋必食既吞拿魚樣樣都好新鮮但第一次食甜蝦他他覺得有少少腥朋友叫左三文魚籽同油甘魚可以share食 試多幾款個set有湯有蒸蛋仲有薑食完好滿足每人百幾蚊埋單都算係咁

認真講句，其實係香港真係好難搵到一間又好食又覺得價錢抵嘅魚生飯。喺日本食嗰啲次次都係好新鮮，又平，但係人哋魚市場，梗係新鮮啦真係冇得比嘅。喺香港食丼飯嘅話，我都只係會去某幾間。呢間就一定係其中一間啊，佢嘅刺身永遠都係好新鮮，去親食都唔會失望。今次試咗左口魚，淡淡都係魚油香味，連買壽司飯一齊食就啱啱好。而吞拿魚都好唔錯，紋理好靚，脂肪分布亦都係啱啱好，食落唔會太肥，又唔會有更，帶吞拿魚應該有嘅咁甜美

想食日本菜，朋友就帶我到位於尖沙咀的定食Doraya。聽聞這間餐廳每日都有好多人， 所以我們比較早到達，大約六點左右，直接有位。這裏的款式也有很多，實在太難太難太難選擇了。最終我就選擇了粒粒海鮮丼定食($128) ，超級滿足。每種海鮮都份量十足特別係厚切嘅魚生 好有口感 讚！！！

厚福街H8大廈都不用多介紹，全部都是小店聚腳搵食點。每逢假日的晚市，間間店鋪都大排長龍。睇了好多食評，今日特別想食魚生飯，就挑選了這一間。遇上假日的晚上，一上到門口，已大排長龍，還有要齊人才可入座啊！不過店員好客氣及有禮貌地解說因爲公司規定，並且入座起限時90分鐘。等了二十分鐘左右，終於可一嚐魚生飯，原來此間店都主打藍鯨吞拿魚，多款定食可選擇。還有自選刺身定食魚生飯。我就點了自選款，分別是帆立貝、赤貝、藍諒吞拿魚腩蓉。定食的買相精緻，有前菜，湯及蒸水蛋，上碟時已被大大粒的帆立貝吸引著，帆立貝夠啖啖肉，鮮味一般。赤貝夠爽夠鮮。藍諒吞拿魚腩蓉，撈飯最好味！食完這一餐，大滿足，大約百零蚊左右，不是太便宜但也不是太費水。必定會回頭再食

在銅鑼灣原店已吃過好幾次，因為他的藍鰭吞拿魚飯夠晒新鮮肥美，這晚第一次吃尖沙咀的店。門口人一樣多，價錢也一樣，也同樣叫了藍鰭吞拿魚飯，但這次來的魚質口感和銅鑼灣店差天共地。下面兩張相是攝自銅鑼灣店的吞拿魚扒飯，魚肉口感較肥美，口感接近普通拖羅或腩位，份量也較多。相反在尖沙咀店，本來其待油脂較肥美的，也就是較淺色腩肉的只有三小片，其他的看似赤身，口感像似鰹魚刺身。和銅鑼灣鋪滿飯面和入口即溶相比，尖沙咀店失水準也似乎偷工減料，有點失望。同時也叫了另一款刺身飯，但味道也始終不及銅鑼灣那邊。還是老店好。