安平燒肉

营业中

休息中

今日同老公去荃灣行街 經過大鴻輝見到姐姐派傳單 順手接咗一張 17樓安平燒肉 我哋見咁耐冇食過燒肉 一於就食呢間啦放題形式 有分唔同價錢嘅類別 見咁耐冇二人世界 一於食個好啲嘅餐 最終我哋揀咗可以任食m5和牛嗰款 除咗有和牛仲有其他牛肉嘅部位 亦有大量台灣小食 豬肉、雞肉、海鮮等類別任食M5和牛真係要喪點喪食 在云云牛之中佢嘅雪花係分佈得最細膩最平均 網燒過後 牛脂滲出 有入口即溶效果其餘牛嘅部位 整體非常高質 肉片是新鮮的 色澤紅潤新鮮 旁邊亦有紙牌說明那款肉是哪個部位 非常貼心另外大蝦必食 我同老公兩個人食咗勁多隻 隻隻都大過手板 蝦肉勁彈牙 仲好鮮甜個人覺得燒年糕幾特別 燒完之後年糕會變到脹卜卜 外皮有點焦脆 帶點軟熟黏口 點煉奶食 甜甜地 幾得意烤豬肉乾夠特別 現成嘅就食得多 即場烤嘅豬肉乾就好少食物 即場烤熱辣辣又甜甜地 香味撲鼻小食方面充滿台灣特色 鴨舌必食 原條鴨舌真係買少見少 鹵得很入味炸蕃薯條食到我停唔到口 番薯好甜好軟熟 外皮脆漿夠脆又唔油 推介最後每人仲有一杯雪糕食 今餐真係豐富又美味

店內環境好乾淨，今次仲係坐到最入，對住山景食啊😍座位設計坐得好舒服、唔逼狹。係用QR code喺電話落單，衛生又環保☺️有四款嘅唔同級別嘅燒肉套餐選擇，包括有澳洲M5和牛、安格斯牛、極黑牛、鹽燒豬肉嘅選擇我哋揀咗澳洲M5和牛餐！入面有81款食材選擇，比其他套餐多野食簡架！呢個餐會送牛舌芯，好香牛味、入口即融既感覺！叫得呢個餐，必食既當然係澳洲M5和牛，燒到咁上下，就有好香既牛味啦！再加上和牛嘅油脂分布平均，所以入口好香滑～另外除左和牛都有其他部位既牛食下，例如牛小排、牛肚等等，啱曬鐘意食牛既朋友。除咗牛肉仲有豬同雞可以選擇，例如有五花腩、梅花豬肉、雪花豬肉、三杯雞咁。特別既係呢啲肉類有薑汁、咖喱味等等去醃製，燒完好惹味，我自己就最中意安平特製既原住民風味！真係好正！海鮮方面仲有帆立貝、魷魚、絲瓜煮蜆、多春魚等～非常鮮味！嘢飲方面，雪櫃有唔同嘅汽水，當然仲有既係安平燒肉既特製茶啦，藍莓果茶既酸甜好解膩！至於而家仲做緊推廣只要like佢嘅IG或者FB就送一杯手調柳橙綠茶，清清地 唔太甜 都幾好飲架

「牛大人」就食得多啦～「安平燒肉」你又食過未？😎身為姐妹店，以高質燒肉作為Selling Point2小時期間既任食體驗台灣燒肉味道之餘，服務亦值得嘉許👍.【服務】一坐好，店員會簡單介紹返醬料，落單方式自助吧位置等等更提醒我地 如係FB like & follow即送一杯柳橙翠綠添😈燒野食期間，店員都好熱心同有效率地收拾碗碟同更換燒盤.【餐牌】任食Set有四款我地揀左最豪華澳洲M5和牛Set任食超過81種款式，7:30前離座，每位只係$358.【牛類】15款既牛款，如果你係牛肉控可以款款都食均哂🙈或者可以參考我推薦嘅款式😈M5和牛：肉質細嫩，油脂分佈平均，入口即化！三角牛肩肉：肉質結實，口感爽滑安格斯牛小排：牛肉勁香濃燒到邊位焦脆就最正👍.【豬肉類。海鮮。雞肉類】原住民鹽燒肉：肉香濃厚，蘸上蒜醋更香口海蝦：隻隻新鮮，彈牙又實肉帆立貝：鮮嫩爽彈，建議加少少水落去冇咁易燒乾老虎雞翼：微微辛辣，食落惹味私房雞翼：加入孜然粉去醃製，香氣十足.【其他】梅山酥炸薯：外層內軟甜甜地，灑上梅粉添加層次感烤豬肉乾：香甜帶嚼勁台灣小枕頭：燒到脆口，配上煉奶，超正😍當然，仲有超過十款蔬菜類放左係自然區到另外

上次試過旺角間燒肉覺得好好味，今次就帶屋企人嚟食。因為比較早所以仲有窗邊嘅卡位，啲位置全部都好闊落好舒服仲有城市境睇吓，成件事都幾chill㗎。想講嘅係呢度嘅職員啲態度真係超級好，每一個人都好有禮貌，喺介紹佢哋啲餐同埋醬汁嘅時候都講得好詳細。佢呢度啲醬汁都係自家製，每一種醬汁都係for唔同嘅食物。好似檸檬汁咁係主要比海鮮用，而佢嘅黃金醬都好特別，好香。除咗燒肉之外，佢呢度仲有個自助區，一步一步教你炮製台式櫻花蝦拌飯。但係我就攞咗佢個冬瓜蜆肉湯，材料簡單但係好鮮甜，對我來講係必食嘅。另外佢而家做緊個promotion ，like左佢哋嘅社交平台就可以有一杯鮮橙綠茶，佢呢個鮮橙綠茶真係幾好飲，唔會太甜，又唔會太酸。然後佢哋會送一個牛舌心，我覺得呢個好味過薄切，因為夠晒林。然之後唔同嘅牛當然唔少得啦，其實佢呢度全部牛都好靚，無論係邊一個級別，邊一個部位，佢啲雪花全部都好靚。除咗牛肉之外，佢無論係海鮮定係雞肉都好好食，好似海蝦咁，真係超新鮮超彈牙又大大隻。而佢啲雞翼同埋雞俾肉都好滑，又醃到夠晒入味。佢呢度有樣幾特別嘅就係芝士鵪鶉蛋，因為貪得意未食過所以叫咗嚟試吓。食完一大輪肉類，最後當然要燒返

自從有牛大人嘅出現，我就成日心思思想去食，最近發現原來除咗牛大人火鍋之外，同集團嘅仲有安平燒肉，今日就約埋牛大人buddy嚟比拼吓究竟台式火鍋好食啲定燒肉好食啲。根據國際慣例，我哋一係唔食，一食就要食最高級嗰個餐，所以就決定揀呢個澳洲M5和牛120分鐘吃到飽。我哋今日係第一輪顧客，時間尚早，所以我哋可以爭取有利位置，餐廳入面嘅環境都非常寬敞舒適。呢度嘅自助區有一個供食客自製嘅櫻花蝦拌飯，牆上已經清晰說明製作步驟，亦可隨個人口味作適量加減，非常吸引！另外嘅自助區就類似牛大人嘅格局，包括有特大飲品凍櫃同蔬菜盒供食客自取。枱上就有五款調味料，店員都有逐一介紹建議食法，其中特別推介檸檬汁配海鮮，安平黃金醬就係配燒肉。而我就最鍾意佢哋自家製嘅茶類飲品，其中桂花烏龍係我嘅心水推介。另外只要like 社交平台，就可以送一杯免費嘅柳橙翠綠。自助區有唔同種類嘅蔬菜，用生菜包住燒肉嚟食，可以減去油膩感，而翠玉瓜同菇類就可以燒熟後灑上海鹽，甚有風味。澳洲M5和牛套餐就能夠食到澳洲M5和牛肩胛肉同埋安格斯牛小排，肉味夠濃，入口又夠嫩滑，果然呢兩款肉係唔會令你失望。而SRF極黑牛板腱嘅肉質亦絕不遜色，雪花分布平

一直好中意食牛大人，但一直無食過安平燒肉，估唔到一樣好正！！要試就當然試最貴個餐，咩都可以試到！每枱都有幾款汁比大家自由配搭，我每款都試左之後，反而中意配檸檬汁，好開胃，又好似無咁油膩。一嚟到就比左個厚切牛舌我，一燒好就好香，又有口感，超好食，大家唔好miss!之後當然要瘋狂食A5和牛，d牛肥瘦相間，花紋好靚，唔好講笑！每邊燒五秒，入口即溶！然後就到海鮮時間，我主力食蝦，d蝦大大隻，所以啖啖肉，沾d黃金汁好夾！每枱會有個碗比大家出去夾菜類，我推介大家食栗米同脆肉瓜，燒比打邊爐好食wo,係夾菜旁邊有好多野飲選擇，仲有d係台灣先有，極中意蘋果西打同冷泡茶，解油膩！而係飲品對面係櫻花蝦拌飯，全程自助，所以我落左好多紫菜，成件食落好香口，好送飯，不知不覺食左一碗。而成晚最中意係燒麻署同雞泡魚乾，前者單食有股米香，加埋煉奶食更加100分，煙煙unun！而雞泡魚乾就好適合食完，慢慢燒黎傾計！原來仲有甜品檸檬愛玉同雪糕，仲要係Haagen dazs!!!一定要留肚嘆！

👨🏽生日本身諗住買件衫俾佢帶佢去揀又諸多藉口算數咁去食大餐帶左佢去荃灣食安平燒肉由牛大人主理一間主打火鍋一間主打烤肉難得生日揀左最貴嘅和牛烤肉😎歡迎大家補祝佢生日快樂架🤣—————————————————————呢個set包81款燒烤食品同各類小食入座仲會每人送2件牛舌心我只係去左拎野飲佢已經隊左落去燒相機無得食🥲但呢條牛舌心堅高質燒完都係軟淋淋呢個追加要收費架 $58/3條咁既然叫左和牛餐咁就梗係喪食燒和牛啦質素有牛大人保證又點會差😎每款牛肉都佈滿雪花燒過嘅牛肉比邊爐更重牛油香 大滿足當中嘅牛仔骨牛板腱牛舌同雞腎都好值得推薦架除左牛雞豬肉都有啲比較特別嘅就好似雞泡魚干 起司鵪鶉蛋同台灣小枕頭原來個枕頭即係麻糬但中島覺得似日本年糕多啲當然唔少得仲有海鮮啦🤤有帆立貝大虎蝦中卷燒烤必食嘅多春魚小食類可以試下鴨舌章魚卷同花枝排想食得更抵就記得download app做會員可以即享九折優惠架—————————————————————✦ 澳洲M5和牛120分鐘吃到飽 $398

一坐低就有啲口渴，見到枱面有個推廣優惠：like同follow「安平燒肉」嘅社交平台即送一杯「柳橙翠綠」凍飲就即刻follow 左餐廳嘅社交平台。「柳橙翠綠」有橙香，飲一啖個人即刻解曬渴！燒到個人熱熱地，飲番啖即刻暑氣全消又可以繼續燒🤣🙈！一係唔食，一食就要食好d！同朋友一齊嗌左「澳洲M5和牛吃到飽」套餐，呢個餐包81款食物咁多，啱曬鍾意試唔同野食嘅我！😋跟餐送牛舌芯，牛舌就食得多啦，牛舌芯真係第一次食。牛舌芯切成長條形，富口感。一口氣點曬剩係呢個餐先有嘅野食：和牛肩胛肉、安格斯牛小排、屏東燒魚腹、虎蝦、燒帆立貝及雞泡魚干。屏東燒魚腹甜甜地味道似鰻魚，重要冇骨，個人幾鍾意。👍🏻燒帆立貝夠鮮甜，加左牛油，入口好香～雞泡魚干燒過好香，微脆又甜甜地，可以點少少酸沙律醬食，更滋味。燒肉店唔係剩係得燒肉好食架，「櫻花蝦乾拌手工麵」都唔錯👍🏻，推薦。手工麵果然係唔同啲，薄得黎有口感😍。絲瓜煮蜆蜆味道清甜，絲瓜爽脆。此香腸不同彼香腸，講緊「墨魚香腸」呀！「墨魚香腸」粗身食落彈牙。見有個台灣小枕頭(麻糬)好似幾得意就嗌個試下，輕輕燒一燒食落口感煙煙韌韌，本身冇味，要點埋啲煉奶一齊食先得。食完牛想食吓豬

今天剛好在荃灣逛街，在openrice上看到了這間牛大人的姊妹店，作為牛魔王，當然要試下啦！我們剛好在12點到，店舖剛剛開門，不用排隊，但入座後不久便滿座，所以不好太晏來😆我們點了M5澳牛餐，足足有81款食物！實有幾款岩你心水😆極黑牛板腱這個牛味很濃，是全餐最重牛味的一款。安格斯牛小排這款牛比較薄身，軟身，雖然不是入口即溶，但是很有口感！M5澳洲和牛這款牛質素較平均，相比起上面兩款，是上面兩款的中和版本，入口軟淋，而且牛味也濃。牛舌也很好味，必點！雖然這間店舖的主打是口，但是他的海鮮類也不容小虧！帆立貝新鮮，而且加上牛油後非常好味！鮮蝦大大隻，而且很肉質鮮甜！魷魚🦑也非常好味😋，Encore了五六碟！而且店舖做緊社交平台推廣，只要like便送飲品，柳橙翠綠，應該是檸檬再加上橙汁的飲品，中和肉的油膩感，不錯！而且飲品類也貫徹了牛大人的風格，有很多健康的飲品可以選擇，例如玄米茶、烏龍茶、玫瑰茶等等。總而言之，這間店舖的CP值非常高！下次食燒肉我應該也會選擇這間！

朋友介紹安平燒肉，話個度啲肉好正，特登book位同老公去試下。我地叫了澳洲M5和牛吃到飽。可以任食仼飲120分鐘。一坐低，店員好細心甘先介紹不同套餐嘅分別同自助區位置，點肉方法，枱上調味料用法。服務態度頗好的。自助區有多款飲品，自家製的冷泡茶是必須試下的，仲有不少蔬菜可以拿回去燒，我仲夾左啲櫻花蝦，拎黎做調味一流。燒肉當然係主角。每位有贈送一客兩件的牛舌芯。厚身切成長條形狀，燒後吃起來爽口。澳洲M5和牛係不斷encore之選，入口滿滿的和牛味。厚切黑豚肉眼都係意想不到咁好味。除咗肉類會令你回味無窮，呢度不得不點的一定係海鮮。我最愛大大隻帆立貝，超巨型虎蝦。海鮮好新鮮，肉質爽口彈牙，食多幾隻虎蝦都已經回本啦！原來點食物單都有台式飲品可以叫。阿里山檸檬紅茶，百香果綠茶，冬瓜茶都可以免費叫，即叫即整仲可以根據你嘅喜好揀糖，冰嘅份量。

安平燒肉聽聞超難,今於今日一於食早段,五點半準時嚟到,已經很多枱已入😜😜主要分4個餐,主要包唔同種類嘅食材,第一次呢當然要食個最貴嘅m5和牛吃到飽套餐🥰🥰座位很好坐闊落，店員服務也好為我哋介紹，主要是q r code點餐櫻花蝦飯蔬菜和飲品是自助的，半小時前便不能再點食物，兩小時，非常足夠😜😜Like 社交平台可以送一杯柳橙翠綠😜😜夏天飲非常適合，好fresh小食方面仲有我最愛嘅鴨舌，鹽酥雞，甜不辣，牛肉麵....澳洲m5和牛肩胛肉超級鬆軟入口即溶，脂分佈均勻！不斷追加🤩🤩安格斯牛小排亦是另一熱門之選，牛味更為突出，非常juicy佢哋自家製嘅醬汁，非常惹味食唔停口🤤🤤燒雞泡魚乾最愛呀！燒帆立貝非常新鮮牛油非常香濃，真係冇得頂☺️☺️台灣鯛魚下巴，必食項目，非常嫩滑，要非常有耐性！外皮燒到焦脆😬😬自家櫻花蝦飯，就算幾飽都要食半碗，真係太香太香呀，櫻花蝦加上佢哋嘅滷汁，大量蔥花點綴！真係食過你就知🤣🤣食埋雪糕，超滿足的一餐，難怪平時book唔到枱呢😏

台式「安平燒肉」一向好高人氣，佢哋嘅燒肉放題有4款套餐，任食兩小時。一場嚟到就揀咗最貴嘅澳洲M5和牛套餐 $358 (19:30前離座)，一共有超過80款食物，每位仲贈送一客牛舌芯。.燒烤主要有牛豬雞類及海鮮，另外仲有好幾款台灣夜市小吃及手調飲品。而自助區就有多款蔬菜、罐裝飲品及自家製冷泡茶等，仲可以自製櫻花蝦拌飯。.每枱都有幾款特調醬料：辣椒醬、安平黃金醬、玫瑰岩鹽、特調醬油及檸檬汁等，有齊甜酸鹹辣，用來襯托烤肉/海鮮更具風味。.實在食咗太多食物不能盡錄，就介紹吓我覺得最好食果幾款啦♥🐮 牛類：澳洲M5和牛肩胛肉油脂分佈細密，肉質幼嫩富油脂香，蘸特調醬油最能突出油脂香味。安格斯牛小排油脂分佈均勻，肉質軟腍牛味濃郁，蘸玫瑰岩鹽最能突出牛味。秘制牛肋條以秘制醬汁醃製，肉質鬆軟有彈性，本身味道甜甜地，唔使蘸醬已經幾惹味。金錢肚口感爽彈，無內臟嘅異味，好夾安平黃金醬。.🐷 豬類：原住民鹽燒肉肥瘦均勻，肉質爽彈有油脂香，配上特調蒜醋，中和油膩。豬肉乾帶果香甜味，燒到微微焦香，惹味又有嚼勁。.🦐 海鮮：虎蝦大大隻，肉質結實彈牙，蘸檸檬汁更提升鮮味。帆立貝口感柔軟，有牛油及黑椒香味，不過唔好燒太耐

好友相約吃飯，又忍唔住帶佢去食燒肉，有四款選擇豐儉由人，同上次一樣，揀了澳洲M5和牛餐，不過今次就重點食喜愛吃的東西一坐低店員細心講解，先送一個牛脷蕊，切成條型的牛脷心，咬落煙靱有口感澳洲M5和牛必食之品，肉質比較嫩滑，口感比較淋，牛味淡一點，但勝在香滑喜歡食有咬口的質感，可以食安格斯牛小排，牛味比較重，肉質比較煙韌，相對不太油膩原住民鹽燒肉，豬大腸，前者必吃之選，燒得帶點微焦，將豬油的香味迫出來，入口更惹味，豬大腸清洗非常乾淨，一點腥味有沒有，兩者點上特製的白醋汁，不但可減去油膩感，令食物味道更上一層樓牛仔骨，黑椒洋蔥牛舌，牛仔骨好似豐富，雖然吃落有點膩，但又十分美味，燒熟的牛舌再加上黑椒洋蔥，充滿香味和好味烤豬肉乾，雞脯魚干，用來送啤酒，絶配屏東燒魚腹，喜歡吃魚腩的人，必食之選，燒香了的魚，灑上鹽更吊出味道，魚肉滑溜彈牙虎蝦，大大隻，每次必定encore 再encore 梅山酥炸薯，查炸得酥脆的番薯，然後灑上話梅粉，酸微微的，很開胃

呢間都算係前排網上火紅嘅一間台日式嘅燒肉店，去到近熱潮減退些終於有機會嚟試。主打放題燒肉嚟講，價錢中，比起同區嘅嚟比算係略貴，都係以唔同肉款分左左幾個價嘅選擇。見最平個餐差唔多唔野食揀咁滯，所以都係揀返貴一級嘅肉款($258)。肉類嘅選擇都算多，用手機點嘅牛雞豬各款都約有5-6款選擇，而且有幾款蔬菜類同台式小食點。先講肉類，處理一般，牛類上碟時有部溶雪差，仲係一舊冰咁，食落口感都唔錯，唔會太韌，但冇乜牛肉，只得油膩感有點失色。反而雞類唔錯，雖然賣相一般，但醃得幾夠味，燒出嚟十分惹味。至於小食類，選擇都多，相比一般燒肉店都算係有特色，其中冷盤青瓜幾開胃；不過當幾款嘅炸物類就一般，特別係蚵仔卷，叫之前諗住會有食蚵仔煎嘅感覺，但嚟到係兩回事，炸粉硬到咬唔開，令成舊蚵仔卷都好實。而呢到嘅環境就冇得輸，枱與枱嘅空間相當闊落；通風抽氣做得好，食完唔會令你成身油煙，而且咁熱嘅天氣下都冷氣充足，感覺有一半嘅價錢都去左環境上。

聽過安平燒肉係牛大人嘅姊妹店， 所以食過姊妹店嘅人對呢間燒肉店舖當然有番咁上下期望啦。而且喺今日之前，都聽過好多人要一早去排隊拎飛先有機會食到佢嘅燒肉，所以對佢期望好大㗎😋😋今日book咗位唔使排隊就可以直入，午市唔係好多人，座位只係坐咗一半滿。 環境都好大，座位寬敞 。一坐低，侍應就介紹佢哋個QR code 落單,亦都介紹個會員app有88折, 同時都係咁催你揀邊個餐，好似好趕時間咁。我哋揀咗$308 SRF極黑牛 120分鐘吃到飽套餐。首先出去行個圈，但出面嘅食物選擇少，唔太吸引。先黎揀左幾款牛肉，包括牛肩胛肉同上腹肉，上枱嘅時候牛肉紋路清楚分明，睇落都吸引嘅。但係燒完就覺得牛味一般， 肉質唔特別嫩滑，幾款牛肉都冇咩特別。 反而原住民鹽燒肉有啲驚喜，豬肉質爽， 可惜肥肉有點多左。海鮮方面，揀左少少試試。蕃茄一口元貝，番茄汁又淡又稀，唔出色。鯛魚下巴好似冇醃過咁，燒完加埋檸檬汁都係冇味。 唔值得試。另外叫咗啲熟食。 炸番薯條係比較入得口嘅，因為佢有梅粉，甜甜脆脆。涼拌鴨舌味道正常。鹽酥雞粒又硬又乾， 好似石仔咁。安平炸蚵卷， 又涷又淋，完全唔得。飲品方面， 選擇唔特別多，而且飲品普通