安安燒 (染布房街) (已結業)

純粹行過想坐火車返屋企食杯面,但被張poster吸引.唔係食物poster. 而係Hoegarrden poster~突然之間好想飲. 結果就入左黎喇.我當然係叫Hoegarrden.家姐就叫左1664blanc 白啤酒.兩杯都好好味~唔知係咪因為有啤酒飲太高興,d野都覺得好好味,蠔, 扇貝都好鮮味,牛骨髓滑一滑配麻辣汁係堅正~焦糖菠蘿又甜又多汁,鍾意食甜野既我就必like~懷舊一口魷魚仔,呢個即係細個戲院門口賣果隻,超懷念~ 好味~飲過1664blanc 白啤酒, 好似覺得仲好味過Hoegarrden.下次主力飲呢個~

除左新式點心店, 串燒亦係愈開愈多.質素亦都係參差不齊.有d直情係唔知點解佢可以燒串野都咁難食.令人懷疑店方自己究竟有無食過自己既出品.係比較新既串燒店黎講,呢間算比較好.無論座位, 服務都算係咁.當然食物係最重要, 對我黎講, 叫3樣野已經可以睇到一間串燒店既功力.1, 海鮮類-燒生蠔: 生蠔燒得唔夠就裡面會凍, 燒得過火又會縮到乾晒. 呢間既燒生蠔火喉都算掌握得不錯.2, 肉類-燒牛小排: 牛類唔洗多講, 燒過火會好韌, 又唔可以血淋淋上檯, 呢間既牛小排亦都燒到剛剛好, 肉汁亦豐富.3. 菜類-燒菜心: 燒菜好似好簡單, 其實係最難, 好易燶得黎有d位又未熱. 睇燒菜心就睇得出師傅功力. 不錯.當然, 以上所講主要是師傅的功夫, 串燒味道主要還是看醬汁.呢間既汁屬偏向咸o個邊 (個人來說, 日式串燒就屬偏甜), 鍾唔鍾意就見仁.我本人就鍾意呢種多過日式.繼續努力, 應該可以做得好好.

同兩個反斗星出旺角買衫過年,買完食飯, 見到個易拉架,兩隻野就話要食串燒, 明明乜野係串燒都未必知.近近地就即管試下.由於無訂位, 等左大概4張檯先入得. 差d凍僵.兩隻野係咁話要 "我點我點",但字又識唔晒, 好彩有圖睇.順從 "民意" 咁點左d野食.不過當然盡量健康為主, 肉比較少, 多數點蔬果同海鮮.基本上都好味, 我諗係因為佢地用既燒汁好味, d野食全部本身燒之前都無味架啦,咁個汁好味, 自然樣樣都好味.我自己最鍾意食蒜蓉蠔, d蒜蓉應該係佢地自己秘製過, 蒜味濃得黎唔苦唔辣, 配蠔簡直係完美.其次沙茶龍脷柳都好味, 肉質ok, 味道剛剛好, 而且無骨, 兩個小朋友都o岩食.另外燒芋頭都好好, 夠 "粉" , 加上燒既香味, 搞到我想自己o係屋企都燒下黎食~不過個人覺得如果再多d海鮮類及飲品會好d.我無乜食過串燒, 其實唔知算多定少,只係我自己鍾意食海鮮.飲品其實係如果有熱飲會好d.服務生都好好, 好有禮貌,我地食到中途想調去入d 既位, 因為驚小朋易友撞親,佢地都好幫忙.應該都會帶兩隻野再黎食既~

今日旺角一日遊,下午去完間openrice 上榜的cafe食.夜晚繼續食旺角.由於下午間cafe比較失望,夜晚呢餐唔再睇榜,而係search 旺角有乜野食.呢間一彈彈出黎, 好明顯係廣告,我本身無興趣, 但3個豬朋話想試,結果小數服從多數之下, 就黎左呢度食喇.我話左book位好d, 但佢地話唔洗...結果黎到等左幾個字先有位....自問少食 "串燒", 無資格俾d乜野意見,唯有講下幾樣特別記得的食物.特別記得, 有鍾意, 有唔鍾意.先講唔鍾意:麻辣螺肉---可能有人話我廢話.... 呢個麻辣螺肉太麻辣, 我食左兩粒已經頂唔住....味道不錯, 但太麻太辣了.沙茶金菇---又係廢話.... 沙茶係好香好好味, 但太濃味, 我只食左一啖, 餘下既當然係被3個豬朋秒殺了......鍾意:菠蘿---呢個好味, 好甜. 無汁無醬無粉..... 所以我好like....菜心---呢個好味,好香, 雖然有汁有粉..... 但我好like....總括來說, 每樣味道也不錯, 只是太濃味, 如果可以淡一點, 可能會比較好.服務不錯, 以旺角小店來說算有禮貌.環境普通. 乾乾淨淨, 不太逼.如果有豬朋話

天寒地凍, 最近都係食雞煲多, 熱辣辣, 食極都唔厭.今日突然同事講起串燒, 一諗起又好似同雞煲一樣 o岩晒冬天食,於是個個即刻上openrice 睇下有乜串燒店.搞左一大輪, 決定去大家o既中心點 - 旺角.book左位, 準時到, 準時入座.環境算唔錯, 唔會太逼, 氣氛都熱鬧.我地10個人瘋狂咁剔野食, waiter 收張食物紙時都 "嘩" 左一聲 XXDD吹住水等, 好似好快就有野食~對於辣辣FANS 既我黎講, 基本上好似乜都好食.最最最好味:蟶子王: 啖啖蒜蓉啖啖蟶子肉, 好味~燒芋頭: 從未食過燒既芋頭, 香香地, 辣辣地, 正呀~牛骨髓: 麻辣, 麻同辣既程度剛剛好, 好夾牛骨髓~不過有幾樣係差左少少:娃娃菜: 味都OK, 不過份量少左D.......牛舌: 又係味都OK, 不過口感差左D, 太 "lum", 我鍾意爽口, 但有d同事又話咁先好味.通心粉蟹蓋: 呢個直情唔知做乜..... 即係食緊白汁通心粉....同蟹其實無乜關係....雖然好多人, 但waiter態度好好, 呢樣最值得加獎. (雖然找錯錢)不過我個人都係鍾意雞煲多d.

說來慚愧, 之前一直無食過串燒,仲以為係好似燒野食咁樣串住自己燒......黎到先知原來係廚房燒埋一串串咁出黎.好多我都唔太鍾意食, 唔係唔好味, 而係本身唔鍾意太濃味....當然都有d鍾意既....芝士餈飯, 餈飯本身已經做得好好味, 飯軟硬適中, 配料都好味, 加上面度有一層燒香左既芝士, 非常好味.燒南瓜, 燒到好香, 但又不失南瓜既香味.多春魚, 好多好多春, 成條魚燒到脆仆仆, 好味~至於d 麻辣螺肉, 茄子, 蒜蠔等等, 我本人就不太欣賞, 因為實在太濃味.可能鍾意濃味既朋友就會好喜歡.服務方面就幾好, 有笑容, 反應快.無話因為太多客人而黑面.總括黎講,間中黎一次都ok既~

除夕, 睇完戲, 無book位食飯, 正煩惱之際,接到張傳單, 話無特別節日附加費, 又近近地, 即管黎搏一搏.雖然已經十一點, 但勁多人,門口都坐左好多檯, 本身見露天位都幾正, 想問下坐唔坐得,點知露天位都無晒位, 唔可以再開.無辦法之下, 唯有照等, 鬼叫自己唔book 定地方食野.等左差不多半個鐘, 終於有得入.一黎就係咁點野食, 因為飢寒交迫.但寒還寒, 都點左杯冰凍1664 Blanc.本身又唔係特別愛串燒,不過節日一班朋友食又係幾good.可能因為太多客, 都等得幾耐先有野食.呢幾樣就麻麻地:1.羊肉串: 唔夠羊味.2.雞腎串: 夠味但唔夠口感.3.燒菜心: 太燶了.我印象最深好味係呢幾樣:1.燒菠蘿: 甜到不行~ 熱熱地食仲正~2.棉花糖夾餅: 兩樣好簡單普通既野配埋原來係咁好味, 又香又甜.3.朱古力生蠔: 呢樣一睇個名覺得 "咩料呀~" , 點知兩樣野既味道竟然係出奇地match. 朱古力既甜, 生蠔既鮮都突顯左出黎.其他野食大致都ok, 但都係果個問題, 太耐先上檯, 有d野食已經唔太熱, 唔熱始終無咁好食.如果改善左呢樣會好好多. 

旺角不夜天, 宵夜最爽.呢間店, 成日行過行人專用區都見到個易拉架,但一直未黎試.終於今日打完波行過黎宵夜.黎到差唔多十二點, 但竟然都爆晒.拎左張等位飛就食住西北風咁等.等左十零廿分鐘,入得~可能店方本來預咁夜無咁多客?所以人手好似唔係好夠.好耐都無人理我地. 不過旺角係咁架啦. 不損我地興致.好似樣樣都想食, 狂剔左好多樣.最不滿意:虎蝦-其實d味都火喉都ok的,但點知蝦肉有少少怪味.好彩經理都肯取消這個order仲另送左其他野食俾我地.韮菜-其實味道都無問題, 但係韮菜本身太老, 完全無一條吞到!最愛是:生蠔: 有好多種口味, 我最喜歡蒜蓉生蠔, 蒜蓉好香夠味, 生蠔肥美, 鍾意蠔既人一定明白.雞子: 可能好多人都唔食, 但我好鍾意, 第一次在串燒店見到, 燒到香香地, 一咬落去果下感覺真係正. 

味道不錯, 但可慮下用唔同既汁.同朋友出旺角睇戲,諗住search 下有乜野食,就見到彈左呢個出黎.見好似食評都唔差,於是就黎試下.因為無訂位, 所以都等左一陣.入到去, 環境都係咁,木檯木椅, 無乜鬼特別, 不過比我食過既其他串燒店坐得鬆動少少.不過唔知係唔係錯覺, 好似覺得有少少煙煙地.基本上食物都係咁上下, 用同一隻汁燒出黎,都唔會話有乜特別難食.味道係偏濃味, 我自己就唔係十分喜歡,但朋友就話好好味. 各人而異吧.自己最鍾意:燒菠蘿: 好甜, 好多汁.蒜蓉燒蠔: 蒜蓉應該係自己處理過, 好好味, 蠔亦肥美.燒菜心: 燒到幾香但唔燶, 唔錯.不過食到後期就好似覺得樣樣野都係咁上下味道,我諗店方應該考慮下用唔同既汁.同埋抽氣有待改善.服務態度就很不錯, 很有禮貌. 

成日行過已經想食，但係人龍永遠都好長，今日平安夜竟然有好多吉位，即刻入去食。原來果啲係有訂位，不過我地兩位，佢都俾我地WALK IN。有好多野食，花多眼亂，樣樣都想叫黎食。燒菠蘿好甜美，不過我覺得批埋皮會好多，要自己吞皮，比較麻煩。蒜蓉生燒茄子原條燒，蒜蓉可以再香口啲，同埋茄子皮燒燶哂，好苦食唔到，只可以食肉。燒牛舌呢個真係好淋好好味，得3塊有啲唔夠喉。芝士煙肉通心粉釀蟹蓋見個名幾吸引又叫黎試下，但係味道麻麻，好似普通忌廉汁通粉。右邊既粒粒食完都唔知係咩。真係得蟹蓋裝住，食唔到蟹肉。香濃芝士燒扇貝食串燒當然要叫海鮮，呢個真係好香濃芝士，但扇貝燒得比較乾身，變左瑤柱，唔JUICY。香濃芝士燒生蠔呢個最好食，連唔食生蠔既老公都話好味。雖然芝士已經燒到焦香，但隻蠔仲好JUCIY，好飽滿！燒花枝丸食番啲小朋友野，燒得好香，夠彈牙。燒車厘茄煙腩卷將腸仔變做蕃茄，可以減低油膩又開胃。煙肉燒到脆扑扑，蕃茄好JUICY。燒羊架我唔食羊唔知咩味，不過老公話好味，燒得岩岩好。

行過旺角接到張傳單,見近近地, d相又好似影得幾吸引, 就過黎試下.可能我地太早 (6pm) , 一到就有位.電視上有我至愛: 周星馳! 正!食串燒一定要有冰凍啤酒!今次飲左杯叫 1661 blanc. 之前未飲過. 甜甜地, 有花香味, 正!野食好快上檯, 可能因為未多客.基本上全程我都係望坐個電視.食過乜都唔係好記得! XDXD不過都記得幾樣唔好食, 同好好食既~唔好食:麻辣牛骨髓: 無乜味, 可能因為牛骨髓本身太滑, 索唔到汁.燒娃娃菜: 好似都係湯浸既會好味D.好食:燒韮菜: 燒到微燶, 辣辣地!正!棉花糖夾餅: 呢個其實好簡單, 應該屋企都整到, 不過棉花糖同餅咁樣一齊食真係好match, 正!燒蒜蓉虎蝦: 啖啖肉, 蒜香, 不過貴左少少.整體黎講都可以接受, 不過尚有進步空間.有d唔太適合在串燒店賣既野其實唔應該夾硬放落menu. 

友人都知我最愛吃辣，幾天不吃便心癢癢。今天晚上又是時候吃辣止癢了！同行朋友仔其實對辣沒有多大興趣，但愛吃串燒，岩哂！又可以再黎安安燒大擦一餐！每次來到我都是必點菠蘿啤的，而朋友仔則選了王老吉。川式麻辣燒扇貝呢個係我每次黎到都必點既！佢地真係好食！好入味！而且四十幾蚊有四隻，都算抵食。惹味蒜蓉生燒茄子茄子燒得好香，而且蒜蓉好足，岩哂我呢Ｄ重口味既人！加埋上面既點點辣椒，見到相都仲回味緊！不過頭尾略嫌較乾身，如果同樣可弄致juicy就大滿足啦！鮮冬菇冬菇看上去很乾，好像燒得過長時間的樣子，賣相不太討好，但吃進口又是另一感覺。孜然粉及香辣粉與冬菇味很夾，而且冬菇很稔，不錯。私房辣酒煮螺肉呢個又是另一必食推介！用鍚紙加辣酒燒螺肉，入味程度滿分，而且螺肉幾爽口，很有口感。不過食友們注意啊，這個辣酒真的有料到的啊！惹味沙茶燒金菇用鍚紙包住燒，也是非常入味，而且沙茶味很濃很香，看到朋友仔不停夾不停食，就知岩佢心意啦！麻辣錫紙紅薯粉哈哈，這次來是主攻鍚紙包的食身嗎？總覺得它們較入味：ｐ上次來吃紅薯粉較硬身，今次較稔，個人比較喜歡後者。不要看它表面平平無奇，老也是辣勁十足的啊！甜蜜脆脆燒棉花糖夾餅最後一

上次食完呢間野，覺得幾正，於是帶女朋來食多次，本想坐露天坐，點知爆矖 sad ，坐室內啦唯有，女朋話減肥所以唔係點左好多野，雞翼係必點之選，麻辣夠麻夠辣，對食炒飯都要落辣油嘅我就啱曬，扇貝芝士味夠濃，加上煙肉,熱辣辣好惹味，記憶中仲點左牛舌和翠玉瓜串，味道都ok,本身想傾下計，點知勁多人，都 係唔好阻人做生意了……坐左一個鐘就埋單走人...可以話係急急腳咁走

我是十分喜歡串燒的。串燒者，多樣化也。我最心醉的，除了是日式居酒屋的串燒外，我另外一個喜歡的就是那些滿有風味的重慶燒。佐敦渡船街那邊的兵家必爭地，早已試過了，之前試過這裡的串燒，也不錯的，是故知道這裡有試食，毫不考慮便Go go go。當晚與另一位食友來到，大家都係為食之人，來到都不用怎樣想，叫大家喜歡的就是，加上之前做功課也知道有不少必吃推薦，有食友吃就是好，加上這些類似居酒屋的地方，把酒言歡，很快便會渡過快樂一夜。坐下嘩啦嘩啦兩三下手就選定了吃什麼，這裡晚上環境不錯，幽暗燈光加上外面橙色的燈籠。真的以為自己在大阪街頭咁。飲品種類多元化，健康如王老吉，啤酒hoegaarden，再到半甜白酒都有，不過最可愛的是有菠蘿啤，低酒精偏甜，是我最喜歡的兒時飲品，高興在這裡見到這飲品，是驚喜一遇。食品方面，最喜歡的主食是這個麻辣錫紙紅薯粉$36,味道濃郁無比，每條紅薯粉都很辣，沾上惹味的麻辣感，是開胃到不行的一個主食。芥辣蝦($38),特別的前菜，算是開胃，蝦冰涼無比，配合芥辣，味道很夾配，蝦肉亦算新鮮及爽。燒韮菜($16),坦白說，這個應是全晚最差的一個菜，不知是韮菜本身老還是質素不好，就是很

近日的天氣的確涼了不少, 畢竟已入冬了... 心中忽然萌起吃串燒的念頭, 然而大多數的串燒舖都熱鬧非常且環境比較擠迫, 小弟一向不喜歡豪邁吵鬧的氣氛, 細想之下, 太座便提意去"安安燒"用餐, 並且要早一點到, 以免多人~我們大約 6:30pm 便到達, 是第一檯客... 很安心.是夜, 我們點了很多碟串燒吃, 在此只略評一些比較合"心水"的食品~燒惹味鴨舌 $28/2串:外皮燒得夠焦香, 味道調配得惹味香濃, 鹹度剛好, 鴨味悄悄地流露出來, 肉質細緻幼滑... 佐酒一流!Kronenbourg 1664 白啤酒 $65/杯:縱使小弟的尿酸偏高, 喝啤酒可能要受"痛風"之苦... 然而吃串燒, 冰凍的啤酒就是絕配! 必點!值得一讚的是, 啤酒杯是有雪過的, 夠凍! 正!香濃芝士燒扇貝 $43/4隻:扇貝比較細隻不厚身, 雖則肉質鮮甜, 但可能是燒得過了火喉因而乾身, 芝士也確實香濃~燒羊肉串 $33/2串:肉質鮮嫩可見火喉掌握得宜, 羊肉味不算濃也不羶 -- 要認真細味方知是羊肉, 鹹度適中, 孜然的味道跟羊肉很配, 若是羊肉可以大件一點就好了~ 惹味蒜蓉生燒茄子 $34/份:燒得夠