安安燒 (染布房街) (已結業)

終於有時間寫返呢個食評.當日放工就黎呢度食, 一早就book定位, 6:45分準時入座, 可能時間尚早na, 得2枱客...不過坐低無耐後就已經爆哂人na~好喇, 呢間主要食串燒, 都係分果幾類: 蔬菜, 肉, 海鮮, 丸, 特色甜品等等.....第一次食, 緊係咩都order d na~ 上菜速度都ok快架~最緊要係有人燒埋俾你食, 唔使自己燒搞到個身一陣bbq味麻~講下食左d咩係好食先:燒香甜車厘茄 $12車厘茄好甜好多汁, 燒到熱辣辣咁, 正a!!美味一口甜薯 $21呢個第一次食, 平時係超市果d都無見過, 係超甜, 好軟熟, 可以連埋皮食, 一口一粒, 超讚!!!惹味蒜蓉燒茄子 $34呢個燒茄子都唔錯, 茄子燒到岩岩好皮肉分離, 好容易好快就食哂, 但我個人口味覺得比較偏鹹, 朋友就覺得好好食~燒甜美地捫波蘿 $17燒波蘿係串燒類一定會有, 但安安燒係會係波蘿上加糖先再燒,令到d糖變左一層脆糖, 好似食緊冰糖葫蘆咁~好得意, 好好味~香濃芝士燒扇貝 $43/4隻呢個燒到岩岩好, d肉仲係好彈牙, 唔會燒到乾身咁, 又有好多cheese, 多到可以拉出黎, 正!沙茶醬燒雞脾菇 $

facebook見到佢有得睇波.. 同6個朋友book左依間食住宵夜睇德國氣紛唔錯都坐满人.. 大家最滿意既食物有芝士撈丁 .. 我自己覺得加左蒜蓉好味d..我地叫既主要係送酒野食.. 最好味係個燒雞泡魚乾.. 好juicy.. 個燒吊片夠厚.. 見佢成70幾蚊蝶 .. 成檯都係叫左一碟.. 不過好大碟.. 佢d麻辣類都好野味.. 不過真係好辣.. d唔食得辣既朋友都係食左1,2粒麻辣田螺就食唔到.. 每人叫左2杯1664.. 埋單1人2百幾.. 好過去酒吧睇..

第3次食依間.. 第1次下就食.. 為左佢碗芝士撈丁.. 第2次夜晚食.. 果時去到好失望原來夜晚無.. 今次去到好suprise 佢而家晚市有埋撈丁食.. 我食左依間次數唔算多 但我記得依2次我都叫左

途經旺角,又見有少少餓,見open rice亦有好多LIKE,就入去試試吧!菠蘿啤~第一次飲,覺得好好味.燒蕃薯~燒得好香,連皮食......LIKE.燒茄子~好辣呀!(小妹唔食得辣)燒九菜~都係辣燒雞腎~一般燒蠔~有海水味...超LIKE燒青魚~一般燒雞泡魚干~好香口......LIKE

成日行過已經想食，因為佢個名幾得意,但係條人龍就成日好長。今日就真係早左少少食飯,雖然無訂位，但咁早我地仲有得兩位，所以WALK IN都有位呀。首先係一個蒜蓉生燒茄子,竟然係原條燒，蒜蓉都幾香口既，不過茄子皮燒燶哂，只可以食肉既情況之下都幾味,不過口感有d悶。就有燒牛舌,呢個真係好林好好味，得3塊雖然有啲唔夠喉,不過仲要食埋其他野,之前食過一間好好味,依間都比得上佢嫁。之後叫左個芝士煙肉通心粉釀蟹蓋,見佢個名幾吸引所以就叫黎試下，味道正常喇，似普通忌廉通粉。之後係香濃芝士燒扇貝,食燒野當然要叫海鮮，呢個真係有好香濃昸芝士，雖然扇貝燒得比較乾身，無咁多汁,不過芝士嬴哂，再食多過燒車厘茄煙腩卷,蕃茄好汁好味，仲可以油膩又夠開胃,煙肉燒到太脆喇，不過都好好味。最後就一個燒菠蘿,好甜美,連皮燒都唔錯呀。

朋友帶路黎食燒烤. 本身好少食, 唔係唔鍾意, 係怕熱氣.但一場黎到當然要食個痛快.燒鯖魚, 幾好味, 送紅酒一流.燒羊肉, 普通, 唔夠大陸好味.燒牛舌, 係偏淋o個種, 我本身鍾意偏爽o個種, 所以唔太like.燒獅子狗, 其實獅子狗本身係一定好味的.燒車厘茄煙腩片, 其實本身樣野都係好味的, 但所有野食都幾乎係同樣既調味, 食到後期有d厭.開左枝紅酒, 食住d香口野, 同朋友吹下水, 其實係ok的,但問題係全部野食都幾乎係用同樣既調味, 食下食下有d單調.如果加多幾款口味會好d. 

行過聞到陣串燒香, 即管等位試下.位都算好坐, 唔會太逼.燒韮菜: 數量夠多, 燒得都夠香. 但韮菜比較老, 吞唔到.燒菜心: 可能係前排天氣差關係?? 又係比較老, 吞唔到. 味道都可以既.安格斯牛粒: 有味, 易咬, 但份量比較少.燒原條茄子: 唔錯, 睇得出師傅功力. 茄子肉可以一條條撕起. 味道亦都幾好.雞肉軟骨棒: 好似無乜味, 日式既會有汁, 但呢度無汁.食物尚有進步空間. 值得一讚係服務員好有禮貌.

今日walk in唔洗等位，一行十個人入到去 服務員都有打招呼但個問題係 水都無一杯 都算講食物 d野食黎黎去去都係同一隻味（味粉）我真係唔知自己食緊味精定係享受緊美食仲要價錢已經係中等價 平均40-50一樣野食樣樣都得個小小 如果係大食之人呢到一定唔岩你同埋其實用呢個價錢 可以食到同區好多放題店水準一定比呢到出色 惟獨是呢到既雞翼同羊架幾好食 雞翼細心幫你去骨 羊架多汁 加埋薄荷醬值得加許既係 服務員都好好 主動幫我地收碗碟既但真係唔會再有下次 即使呢到出放題 都要考慮下先。

同男朋友睇完戲夜晚10：20Pm到達，落咗Order先見到10：30Pm後入座原來有85定8折，同店員講入單係10：40Pm都無得計俾我地。算數！因為如果好食的話，唔介意俾正價。講返D串燒，青魚上到檯係凍！又腥！牛舌堅厚得制！好難食！甜菠蘿以為會有特別，點知都只係菠蘿加糖，個人唔覺有咩特別。。其他都不外如是，唔明點解咁多好評！希望D人唔好被好評欺騙！

去旺角申請回鄉證, 跟住周圍行下,最後求其入左呢間野食.其他例如燒韮菜, 燒豚肉, 燒菠蘿等等, 都係一貫串燒店水準.另外最正係有1664啤酒, 自從o係一間酒吧飲過就覺得好正,都無諗過呢度會有. 連蘋果酒都有. 食呢d串燒都係要配啤酒最正.

有朋友想食韓燒, 見openrice 既評語唔錯, 就憑直覺揀左“安安燒”嘞! “安安燒”位於旺角既染布房街, 係旺角地鐵站E1出, 由奶路臣街直行到尾, 沿路有中國旅行社, 見“泉章居”後轉右直行, 整段歩行路程需時十几分鐘, 相當唔就腳囉!“安安燒”係一間小型韓燒店, 細細間既裝修, 好似d拉麵店咁。 我地一早book左位, 唔怕佢滿座。 呢度無放題食, 全部係散叫既串燒小食款式, 食物份量小兼無主食, 真係物似主人形呢! 最啱三五知己來把酒談歡! 大胃皇者怕且要移玉步嘞! 呢度既小食款式超多, 我地十二個人, order左差唔多五十几碟(每款叫兩至三碟) , 埋單合共要二千零蚊左右, 基本上有八成飽, 但好快又會肚餓! 大部份既食物都偏麻辣, 好難feel到食物既質數, 只能說整體上算唔差!紅薯粉-用錫紙包住燒, 分有辣同唔辣，囗感似食幼身既可粉, 唔辣既带少少甜味。一囗甜薯-細細舊既紫番薯，果真又甜又好味。雞泡魚干-有d似魷魚絲, 夠趙口。燒羊肉串-細細件, 易入囗，又唔羶。燒豚肉串-肉質嫩滑。燒鴨舌-鴨舌肉少又好乾。燒茄子、冬菇-夠軟腍。燒翠玉瓜-好爽脆。燒南瓜-瓜肉甜甜地。

人生第一次寫食評, 選擇左呢間openrice 排行榜第24位的.食評應該是純個人意見吧?那我寫我的主觀感受便可以吧?燒韮菜, 老左少少, 有d吞唔落. 雞泡魚干, 口感適中, 不太硬而有口感, 味道濃郁. 多春魚, 燒得很香, 魚春非常多. 燒鯖魚, 細舊左dd. 雙重芝心丸, 一向也很喜歡芝心丸, 這個芝心丸比一般的芝心丸(火鍋那種)芝士味濃很多, 非常美味 燒火辣牛丸, 牛味夠, 而且真係火辣, 辣得好過癮 燒雞中翼, 應該係用自製醬汁醃過, 甜甜酸酸, 辣辣地, 燒香左, 超好味 燒羊肉串, 羊味唔夠勁沙茶金菇, 沙茶醬應該都係自製, 比平時食既好味, 金菇索晒沙茶醬係超正 燒蠔, 蠔肥美鮮甜, 配上蒜蓉根本係perfect match 因為我們只有兩個人, 有很多想吃的也沒有點, 吃不下, 但其實想試的.如果可以是放題任吃便好了.

睇到OPENRICE 多好評成錦.. 諗住放工試試..大約7點3 到2個人唔洗等位MENU 都係串燒會賣既野, 比較特別係有甜品同撈麵.點左:1) 燒茄子2) 燒雞中翼3) 金菇4) 撈麵5) 冬菇6) 焦糖波羅7) 飲品老實講全部食物都唔得, 甜品叫到正常少少, 起馬食到食物本身的味道.其他食物全部過咸過分調味, 好似沙嗲金菇, 只係食到過多既沙嗲味同金菇既質地...撈麵更加係味濃到你唔會食得晒... 食左頭幾味真係好想CUT 單..但佢又上得鬼錦快..睇OPENRICE食評話鐘意食味濃既人會鐘意.但我本身自問都食得濃味, 食公仔麵可以連湯飲晒, 營多全部調味落晒都冇問題, 但食完安安燒既食物...真係馬上要買水清清, 夜晚訓仲要成口味精味..E間餐廳味濃既程度絕對係適合失去味覺人仕, 因為食完濃到錦既餸絕對有可能激番起失去既味覺...

見天氣凍同好評咁多...所以試下....D野食味道OK, 但太咸了...份量很少, 本人細食, 3個每人平均食完$130野都好像MO野落肚咁...結果好快食完, 第一次8點入場, 9點未夠已經走左去食糖水...而且真的太貴了!!!!芝士蒜蓉燒生蠔 - 第一口好食~但D蒜蓉多過隻蠔, 之後有親蒜蓉既野食, 都是D蒜蓉勁多勁咸...肉份量少又貴...最好食是個紅薯粉...因為唔太咸...但份量細到像2包冷麵...已經$3X...食完感覺好中伏.... 但服務態度好好~我諗係岩D夜晚食宵夜同想啤一啤既人多D...

我同老公兩個人食左15串野，只有一串羊同一份牛係肉，其他全部係韮菜，冬菇，黃牙白，茄子，甜薯，雞翼，包心丸d平價野，埋單$493，我覺得好貴，唔抵 同埋味道偏咸，茄子好辣，環境好迫好唔舒服