安安燒 (染布房街) (已結業)

好耐冇嚟過安安燒，今晚心血來潮收工同女朋友去食，十一點幾去到都仲有八成入座率，比兩年前初初開時多客左好多，今次首次點了佢招牌"三重芝士撈丁"，嚟到時比我想像中大碗好夠份量，芝士上用火槍燒左幾下，使賣相更好睇同更香！食落芝士味濃郁，食得出用左幾種芝士混合一齊，而麵亦不會煮過淋！但又其實冇其他人講到咁好食law ! "韮菜"串得好齊整，加上少少辣味粉一齊燒已經好好食！"雞翼釀餃子"依個我叫左兩客，我鐘意佢食落冇骨啖啖肉，外皮也燒到少少濃邊，很香口，味道甜甜的！"牛舌"有三大塊，肉質夠淋，完全不會有乾嘅感覺，唔錯唔錯！"燒茄子"非常大條，全條都係味粉，仲有蒜粒同辣椒粒響上面，非常野味！"蒜蓉燒元貝"燒得唔錯，不會太乾，元貝亦新鮮，最好食係佢上面啲蒜蓉帶點鮮甜嘅味道！"燒菠蘿"我揀左普通燒法，菠蘿好大塊同好多汁，簡單燒一燒已經好好食！總括嚟講安安燒各方面比以前進步左，希望佢哋繼續努力啦！

一到冬天，就好想食打邊爐，羊腩煲， 燒野食.....近年就多左樣： 串燒店。呢間係朋友介紹， 但佢無提我地訂位，好多人， 結果等左30分鐘先有位。坐低時已經餓到爆炸，瘋狂點一堆野食， 好彩野食都出得幾快。可能因為太餓既關係， 樣樣都覺得幾好味。特別正既就有幾樣：芝士撈丁， 呢樣係朋友推薦必吃。 係幾好味， 芝士汁超香濃，個丁底都煮得啱啱好， 鍾意芝士既無可能唔試。燒韮菜， 唔係好特別既一樣野， 但好似不是每一間串燒店都有得食， 可能因為逐條串好麻煩？同埋應該都考燒既功夫的， 燒到微微燶， 好香口， 但又唔會乾。燒茄子， 原條燒的， 加蒜蓉， 蒜蓉爆得唔錯， 茄子火喉都ok,  可以成條肉咁扯起黎食。燒蟶子王，呢個好似不是日日有， 新鮮的， 加少少蒜蓉， 好鮮甜。其實全餐都算滿意， 唯一美中不足既係我最愛既1664賣晒，唯有轉飲Hoegarrden.希望下次會有。呢d 咁好賣既，店主應該入定多d 貨吧？！

尋日出旺角開會開到6點幾，見餓餓地但又要返屋企做冬，又唔想食街邊野，就上黎open rice睇下有咩食唔飽嘅野zip下個肚。見到呢間叫安安燒喺附近就一個人去試下。可能D人做冬(又或者我一個人) ，唔駛等就有位地方都幾企理，餐牌易睇，見佢地有好多剪報介紹芝士麵，就決定試下佢地D芝士係咪咁芝士。 先叫左個芝士燒扇貝同雞泡魚乾，飲住青島等左一陣就上菜，算幾快。先黎左個雞泡魚乾，佢地同出面D餐廳唔同，跟個芝士醬，芝士味勁香口，送啤酒無得頂。個扇貝上枱時熱辣辣，幾大隻，芝士唔太多唔會蓋過扇貝嘅鮮味，啱晒怕口臭唔食蒜頭嘅我。食完兩樣芝士都咁得，就再點佢地嘅招牌芝士麵。以前試過尖沙咀果間果間芝士麵，覺得唔夠芝士汁，但呢度就控制到個汁啱啱好，唔會太少唔夠撈，又唔會太多浸淋個麵，個人覺得比起尖沙咀果間好味好多。 食完飲完好滿足，需然只係一條友食左少少幾樣野，但我到依家都重回味緊個芝士燒扇貝，所以決定今日收左工為呢間鋪破處，幫佢地寫份食評。希望下次可以大班Friend黎試多D其它菜式。

星期六夜晚想食下串燒飲下啤酒，咁就預先book左位嚟食依間串燒店一入到舖頭，即刻聞到成陣燒烤油煙味，抽氣真係好差，食完會成身油煙味既然一場嚟到就算，繼續坐底叫嘢食。首先嚟到既係一口蕃薯，入口完全唔熱，至於其他芝士蒜蓉燒蠔，蠔好細隻，蒜蓉算多但係燒出嚟又係唔熱，好失敗。其他既串燒都只係不過不失，完全無驚喜，燒出嚟既食物大多不熱，真係唔知道佢個廚房係用乜嘢爐嚟燒。較為好食只有燒牛脷，依度係厚切，食落彈牙配合少許辣椒粉，令人食到欲罷不能。總結就係依間串燒鋪性價比低，坐又坐得唔舒服，食完又成身油煙，下次一定唔會再幫襯

入店第一感覺煙霧離曼，店子細細約廿個位，食物新鮮，調味就一般，喜愛野味D就要自己加料，價錢就貴左D，叫左8款串燒+2杯飲品+1個款蒜容面，都3佰幾蚊。生蠔肥美，可推介，牛舌鮮美，可推介，蒜容麵好味多蒜容，喜愛蒜容朋友一定要食，比芝士麵好食好多，鮮冬姑鮮味，可推介，韭菜唔掂，好難咬，不建議。

都係為左個芝士撈丁而來～第一次食唔到，反而叫左蒜蓉撈丁蒜蓉好足料，包你第二日口臭～丁好爽口！正第二次再來先食到三重芝士丁，又係好足料～食得出係有唔同芝士mix and match! 無蒜蓉咁爽口，始終cheese 有奶jel jel地～兩人share 唔會膩剛剛好其他串燒都好味wor 蒜蓉蠔必食，雖然好重蒜蓉都仲食得出蠔味茄子完條又大又夠味有個年糕軟棉棉好得意，兩次去都有食叫左個燒溶棉花糖夾梳打餅，面頭仲有朱古力醬～方便甜品可以下次BBQ copy 自製haha鴨舌唔錯，菠蘿juicy~餃子雞翼，燒韮菜，雞軟骨下次就唔叫Lu 消夜時段有折，抵食最值得讚係員工都好快手同有禮貌，令人食得更開心！

朋友介紹我來吃的，看到大部分桌子都有人預約了，我們雖然是Walk in，但幸好有位子!環顧四周，玻璃窗上張貼了一張張<安安燒>的報紙&雜誌報導，主要介紹招牌---朱古力生蠔!(可是我們沒有點這個)第一次吃川式燒烤，和日式居酒屋串燒很不同，各有各好。本以為會以辛辣為主，卻發現川式的另一面!用上很多香粉，少少辣，但相對油膩感比日式少一些，惹味可口，不會很快感到膩。如果有吃過深水埗街頭的<標叔叔>的串燒，就知道是什麼口味。由於街頭本身已有很多丸類串燒，所以我在這間就以吃海鮮為主! 因此價格相對比較高了!旁邊就是年青人來慶祝生日，因為在生日前後兩星期內，如果連生日壽星有4人或以上，就有一支酒送!酒杯都是十分講究的，是外觀討好的玻璃酒杯，但始終是別桌的，不方便拍攝，總之是有花紋之玻璃酒杯，慶祝生日一流。dada1025都是今月生日的，可惜因為只是兩人，因此沒有酒送呢!好了!點菜吧!如何點菜呢? 是有一張表格可以填，一行是第一次Order的，之後不夠吃，就寫在另一行是第二次Order，總之都是清晰易用! 桌面絕不油膩，讚!燒韮菜，爽口!芝士撈丁，本來沒有興趣...因

放工同bf去食飯，bf帶我去旺角有間安安燒食串燒，唔洗自己燒，師傅即燒即上枱，熱騰騰，開胃噢~我揸主意叫麻吉年糕燒.燒茄子.燒芝心丸.芝士燒扇貝.蒜蓉燒生蠔，好美味~~扇貝超級大隻，芝士溶哂落去，入口兩種口感，好CREAM好香濃芝士味，啖啖肉~~生蠔有DD辣，以為甘多蒜蓉可能無咩生蠔味，但竟然無搶到生蠔鮮味，抵讚噢~~!最尾食左個冰火一口芝士方磚，好有趣的口感，外面燒得脆脆暖暖，裡面軟綿綿，好香好濃芝士味~~都幾大塊，好彩兩份食~~^V^

之前同班朋友黎左食宵夜呢度地方唔算大, 但係幾光猛仲有電視睇我地叫左個招牌芝士撈丁share真係好芝士, 隻味係唔似平價果d芝士而且味好濃, 好味!之後叫左d小食叫左個燒蕃茄, 其實都幾得意, 外面係脆脆地既焦糖裡面又好juicy, 都幾過癮之後係個燒多春魚, 雖然食完甜走去食咸唔係好岩不過都無阻多春魚既味道呢個真係抵食, 外脆內嫩, 咸咸地好好味同埋真係燒到好夠熱, 唔似平時食果d都唔熱唔脆咁然後係個燒茄子, 大大塊好juicy, 蒜蓉超多, 讚!之後仲叫左個甜既, 係燒棉花糖夾餅外面係d朱古力醬, 之後襯埋個脆脆既餅乾入面既棉花糖真係平時bbq燒得好辛苦果種燒到熔熔地又唔係熔哂果隻真係幾好味, 而且係幾特別既甜品我見佢仲有好多好新奇既野食, 下次有機會再黎啦

聽人介紹安安燒的芝士撈丁好食，專程到此一試，地方較細，但有電視播放都加多少環境分。芝士丁芝士味非常香，麵條軟硬適中，不算太淋，可以嚐得出D芝士不同於百佳惠康的平價芝士，味道濃郁很多，接著上金銀蒜蓉燒生蠔，及芝士燒扇貝，燒生蠔食下去蒜蓉一點不搶味，配以生蠔，味道非常夾，依然保留蠔鮮味，微辣惹味。燒扇貝熱呼呼，芝士配扇貝，口感好CREAMY，扇貝口感軟滑，非常夾！另外燒芝心丸同麻吉年糕燒都可以，再加一杯啤酒非常不錯，壓力全消！總括而言，此店芝士菜式確是賣點之一，值得一試。

之前已經係筲箕灣試過呢間野，覺得唔錯所以今日黎到旺角行街就試埋呢間喇！一坐低我地就叫野食喇我地叫左個燒菠蘿，燒四季豆，燒雞泡魚乾，蒜蓉燒扇貝，燒羊架，燒車厘茄煙腩卷同埋個燒芝士餈飯個燒菠蘿好特別，真係估都估唔到生果都可以燒一餐仲幾好食燒左之後有少少慶慶地，不過ｄ甜既菠蘿汁更加一咬就出哂黎，感覺串燒都可以食得好fresh之後就係個燒四季豆，四季豆先得果一串，真係唔係好夠食，不過加埋ｄ佢地自己整既秘製調味粉燒出黎真係好過癮另外就係個燒雞泡魚乾都好得意，甜甜地又好有咬口，一條條又熱熱地攞黎食住睇戲真係一流燒車厘茄煙腩卷又係好創新，唔會好酸加埋個煙腩真係估唔到咁夾！如果可以我都想係屋企自己整黎食另外個蒜蓉燒扇貝，扇貝大大隻，唔伯好似ｄ蚊滋咁細，蒜蓉味好夠！燒羊架燒得岩岩好，唔會太蘇又唔會太un, 仲好juicy添之後個燒芝士餈飯係就係創新,不過真係怪怪地,燒左雖然d芝士熔熔地係幾好食,但係會有層飯焦好痴牙,我就麻麻地喇之後仲叫左d燒多春魚,燒午餐肉多春魚燒得好好味 仲有4條 幾抵食午餐肉細細舊, 好似煎左咁, 好正overall d野食質數幾好同筲箕灣都差唔遠下次有機會想食串燒都會再黎!

今日係旺角收工, 諗住同班同事睇下有咩食啦大家都一致認為唔想食d咁飽肚既野..所以我地就決定左食串燒喇,咁岩醒起轉角條街有間串燒店,我地就入左去食喇好彩咁岩有人食完我地唔洗等就可以入去食入到去環境好光猛,又有電視睇下我地二話不說就叫左一堆野食叫左韮菜,雞泡魚乾,一口甜薯,燒茄子,蒜蓉燒生蠔,燒雞脾菇等等個雞泡魚乾幾好味,甜甜地,幾得意,點埋d芝士醬真係好唔錯個一口甜薯就勝在特別,細細舊甜甜地唔會濟燒茄子夠juicy, 不過我就覺得唔夠咸, 如果味濃d就好蒜蓉燒生蠔個蒜蓉味好夠濃,但配埋個生蠔又好夾之後我地又叫左燒多春魚,午餐肉,車厘茄同埋魷魚筒燒多春魚真係好味, 燒得岩岩好, 唔會乾魷魚筒都係, 配芝士醬幾好味車厘茄燒得熱辣辣, 鮮鮮甜甜, 幾過癮不過最唔好既一樣野係份量好多都太少,要叫多幾份先夠食同埋無最普通既牛豬雞串叫整體黎講都唔錯

食串燒唔洗去到渡船角咁偏僻係open rice search左依間同3個朋友食飯超鍾意 因為本身好鐘意食川式串燒 依間又方便服務態度好 不得不表揚 唔係d咩貴價餐廳有依個服務都算係bonus 鍾意既原因係佢比渡船角果間無咁乾 韮菜，雞泡魚乾好juice.. 正最推介係佢個蒜蓉燒生蠔，燒午餐肉同佢既麻辣系列.. 最好味係個麻辣田雞 麻辣金菇 同麻辣螺肉 下次會試佢d芝士野 因為怕芝士會好濟無叫到 如果無咁煙會好d 返到屋企都仲有燒烤味

今日收夜，一時興起同班同事去食野咁岩經過個門口光光猛猛，就入左去食喇首先我地一坐低就急不及待叫野食我地叫左燒羊架、牛舌、羊肉串同埋燒多春魚等等..上野食速度都唔會太慢..一黎就係多春魚..真係好耐無食過咁好味既多春魚..外脆內嫩..好快就比我地食哂之後就係燒羊架..有d羊既羶味，但係又唔會燒得太乾太韌第二輪我地就叫左d菜, 魷魚同雞泡魚乾 同埋叫多次燒多春魚燒四季豆好似少左d..如果可以多d就好..雞泡魚乾甜甜地又幾好咬魷魚配個芝士醬都好好食整體黎講都幾好..最重要止到想食小食既心

等朋友係旺角收工已經凌晨2點..咁岩朋友又生日..話想去食d野難得仲有地方未關門..所以就走左去食喇..首先叫左燒茄子、燒多春魚、一口墨魚、燒韮菜同扇貝等等啦..茄子燒得好好食..唔乾又juicy燒多春魚真係值得一讚..燒得外脆內嫩..魷魚好有咬口..好快就比我地食哂另外就係韮菜..雖然望落好少..但其實食落好多..第二round我地又叫左燒多春魚同埋雞泡魚乾等等..雞泡魚乾甜甜地..好好食燒多春魚真係好好食..所以平時唔係點食多春魚既我都唔抗拒食..員工服務態度唔錯..上野食速度亦唔算慢..整體黎講都幾滿意..下次有機會會再黎