安安燒 (染布房街) (已結業)

芝士本身食法廣泛 - 就咁食, 芝士焗龍蝦, 芝士火鍋, Pizza, 意粉等等等等. 各樣做法都會將芝士帶到去唔同層次. 今日食呢間安安燒就試咗幾款芝士燒物/菜式.第一樣係佢地的招牌菜: 黑松露醬芝士撈丁 – 好耐無食芝士撈丁, 而且呢款芝士撈丁係用三種芝士撈埋一齊, 味道濃郁芳香, 加上黑松露醬, 個種獨有味道加埋落芝士度非常配合! 值得推介!芝士燒生蠔 – 芝士配海鮮又係另一個奇蹟, 同芝士焗龍蝦感覺一樣, 用芝士配合的海鮮, 除咗唔會蓋過海鮮原有鮮味外, 仲帶入咗芝士香濃口感. 一絕!燒芝士粢飯 – 芝士放面燒得微焦, 配合粢飯煙韌口感, 唔錯. 如果芝士可以多D, 或者加入飯裏面就更加好!燒雙重芝心丸 – 初時諗雙重芝心丸同芝心丸有咩分別, 望落同普通芝心丸一樣, 但食落口, 芝士夾心明顯比平日街市買返屋企的多, 而且仲係厚身芝士, 唔會水汪汪!今日專誠黎呢度試芝士, 後黎仲食咗少少蔬菜類, 都燒得好有水準, 唔怪得晚晚都要等位.