安安燒 (染布房街) (已結業)

那天 Happy Friday 下班跟朋友到旺角吃飯聚一聚，這的環境比較迫，每張檯的距離也比較小，對於 Rain 這個胖子來說會比較辛苦 QAQ下班之後就過去...很累、很餓...見到有燒玉子...立馬就點了一客...完全不管朋友還未到齊 XDDD熱哄哄的的玉子...雖然蛋味不算濃，但餓的時候，什麼也很好吃 >///<作為一個愛吃海鮮的人，自然就要吃海鮮...燒蟶子絕對是惹味之選，蒜粒配上蟶子是天作之合，蒜粒又不會搶過蟶子的味道，還可以帶出蟶子的鮮味~這燒的蟶子非常多汁，彈牙有嚼勁，我可以再安可嗎?燒鮑魚見到很不少辣椒，還以為會很辣的，原來不是的，少少辣，而鮑魚本身是沒什麼味道，是依賴配料的配合，辣味不重但滲透了鮑魚內...燒過的鮑魚表面香脆，而肉質爽口彈牙的...做得不錯的~芝士燒帶子，這個有小失望的，雖然有很多芝士，可能燒的時間過長了，使芝士跟帶子都失去水份...變得乾巴巴的...蒜蓉燒海蜆這個完全是吃蜆肉的鮮甜，只是用了少量的蒜蓉作調味...超好吃，蜆肉完全沒有沙的，我最怕吃到一口都是沙的情況 QAQ而蜆肉都大顆飽滿的，如果喜歡吃蜆的，一定會吃過不停~

下班後跟好友暢聚，當然要選擇有「情調」的地方啦~「情調」?我指的是夠熱鬧，又可以暢所欲言，我們選擇了旺角的「安安燒」，這個地方也算是港、九、新界的中間點，方便飯腳們從不同的上班地點前來~這裡的位子並不多喔，要先預約方可安心前來。當然啦，作為愛吃愛歡聚的我，訂位這個動作是少不了的啦。蒲坐下不久，就看到店內掛起芝士撈丁的橫額。好吧，那就試試嚕~麻吉年糕燒 ($18/串)：這個也蠻驚喜的，煙韌加上芝士香，不錯的啦~燒超美味一口甜薯 ($22/串)：紫薯是我近期蠻喜歡的食物啦，這個嘛，現在這個狀態還可以啦，但我覺得外面可以燒得脆一點的，反正入面夠甜夠軟，再燒得脆身一點就會外脆內軟啦~=3=芝士燒翠肉瓜 ($15/份)燒翠肉瓜也蠻多肉汁的，咬落去就是在爽口跟稔身之間，剛剛好的。表面的芝士味較淡，配合上這個健康的翠肉瓜，一切都來得剛好啦~焦糖脆蕃茄 ($15/份)焦糖的份量剛好，燒得脆脆的，加上蕃茄夠大夠甜夠Juicy的，在燒蕃茄來說也算是不錯之物喔~蒜蓉燒扇貝 ($45/4隻)這個燒扇貝呢...扇貝是夠厚肉的，但廚師好像重手了一點點....有點鹹的啦=3=燒蟶子皇 (時價)這個燒蟶子皇不得了，餐

這天又來到旺角搵食，搵到了安安燒。這裡真的在路邊，不過地方都幾企理。人未齊腳，我先叫了杯菊花蜜，為一陣的熱氣打打底。這裡還有我的至愛烏龍龍茶。我們點了一堆食物，不過最想推介的是這裡有很多蔬菜可以選擇，大愛！芝士燒翠玉瓜 － 很juicy，沒有燒到太乾，好鐘意！一口蕃薯 - 好甜！燒冬菇 － 雖燒得不太好看，但食落又不會太乾，還有水分的！燒菜 ／ 燒豆 － 第一次食燒蔬菜，好得意。不過豆比菜好吃的！燒栗米 － 粟米好甜，又不會乾身！焦糖脆蕃茄 － 這個很特別，焦糖脆脆的，加上蕃茄的Juicy，確實不錯！兩款燒菠蘿都各人特色。燒甜美菠蘿：甜中帶點酸，好多汁，味道好特別。甜蜜脆脆糖燒菠蘿： 這個甜味較濃，作為飯後甜品是不錯的！還有這個玉子，厚燒，好好味！

聽D同事講話呢間安安燒嘅芝士麵好食，之前食佢筲箕灣分店都無食到, 所以今日收鋪後就落黎試下佢。夜晚成11點半都要等位應該係有D計，等左陣就俾左個近門口位我地。我同條女叫左D串燒，都係一般野，係夠香口夠濃味既，鍾意啤啤佢既就o岩晒。不過佢個芝士蒜蓉麵的確係好食嘅，D芝士汁夠食有凸，加埋蒜蓉撈埋一齊竟然勁夾，芝士汁既芝士味係濃到你無辦法唔鍾意, 應該落足料.而且個麵底煮得唔錯, 唔太淋又唔太硬, 出前一丁其實都有分煮得好唔好食的!食一碗都夠晒飽, 當dinner 正餐食都得.芝士迷一定會再黎!~

等睇波，少少餓又要搵訂攝，D Frd係太子果邊劈緊酒，我又唔想太早落酒吧劈到醉晒睇唔到場波，所以一條友黎吉幾串野攝下肚攝下時間。第一轉點左雞泡魚乾同燒牛舌，燒牛舌好快就上枱，幾淋唔韌，不過咸左少少。雞泡魚乾好好食，一路打機一路食，食下食下食晒都唔覺。燒鴨舌，醃左先燒幾入味，一份兩串可以慢慢嘆。坐到兩點半伙計話last order我就埋單走人，百零蚊坐左粒幾鐘都算係咁。

今日又係好友聚餐日~約去旺角大家都就腳啲！ 燒聖子好大隻，好爽口，而且蒜茸好香，調味同配料都好入味！ 燒扇貝可能因為汁醬太多，遮左本身嘅鮮味，但口感依然不錯。 燒鮑魚蒜香加微辣，好彈牙，最緊要係真係好新鮮，所以超鮮甜。 燒蠔好Creamy同juicy喎~我都係最鍾意個蒜茸，因為配起黎真係好香！三重芝士撈麵我覺得哩個一定留到最後先食，因為個芝士真係好重口味，食完先食燒海鮮，似乎會比芝士味遮左海鮮味。。。可惜明天要繼續返工，如果唔係我覺得食燒烤一定要啤啤佢！

坐係近路邊的座位，因為太開揚成日覺得有塵飛入黎，餐具都有d積，望落去唔太乾淨。點左以下食物：朱古力生蠔，幾有創意，但唔代表係好味，只係唔難食，d朱古力好稀，溝左好多水，所以食落口只有少少朱古力味，生蠔始終都係配芝士好d雞軟骨 雞腎串，好乾，好辣，好多粉！完全係食緊d調味粉落肚咁，加上我係完全食唔到辣，所以覺得好難食三重芝士撈丁，好似係呢間招牌菜？好普通，食唔出有三重芝士，芝士味好淡好稀，又係溝左好多水咁，極失望！中晒伏！芝士焗扇貝，呢個ok！不過芝士都唔太夠，如果有多d芝士會更好！香草羊架，得個咸字，勁咸，完全唔好食！兩個人，埋單300幾蚊，食得唔飽，好貴如果唔洗俾錢會再黎既...

「為食星球人覓食之旅（3）」今晚陪地球人朋友食宵夜，多數都係食串燒同埋摸下酒杯底～*點咗以下食物佐酒：1）惹味沙茶燒金菇： 很濃的沙茶醬味，同金菰味道很配！2）芝士燒翠玉瓜：很juicy，不會燒到太乾，好鐘意！！！！3）燒甜美菠蘿：甜得黎帶點酸，熱菠蘿味道好特別。4）燒冬菇：樣子不太討好，以為好乾，但食落QQ地，有水分。5）燒完條茄子：軟綿綿，很清淡，是我喜歡的味道。全部都係蔬菜類清清地，更能夠食到原汁原味～～* P.S 舖位細細，較適宜三五知己，一大班人聚會可能有點逼～*

地方係就係細咗啲啲，但都算坐得舒服嘅！唔知點解，自己去bbq燒鮮菇，永遠都冇串燒店咁好食😝😝😝呢個沙茶醬燒金菇，呢個配搭堅估佢唔到可以咁好食，係就係辣咗啲，不過用嚟送啤酒真係一流。呢個燒菲菜一睇就知夠誠意，因為一個字「夠多」呀！

又口痕想食下串燒，咁就叫左班friend去安安燒，好多時串燒店都要排隊，我都已經醒水book定位先，點知七點都full, 要七點半先有。未行到門口已經聞到好香，好似好架勢咁款，但店內唔係太大，坐得有d迫。用order紙落單，幾好wo, 夠方便清楚，不過填填下會不知不覺order左勁多野食囉！叫左燒雞泡魚乾，一口甜薯，燒菠蘿，醬燒金菇，燒牛舌，雞亦…真係叫左好多，已經記唔晒！心水推介：燒韮菜 - 燒得岩岩好，夠爽wo！燒鴨舌 - 重口味，但食得過癮！芝士燒生蠔 - 濃味多汁，滿意！燒羊架 - 夠嫩，d 肉軟林林，唔錯！雙重芝士丸 - 一咬喼哂d芝士出黎，芝士味超濃，超正呀~~食物其實係OK, 但如果空間可以闊返少少就會更好~!

今日同朋友去左行街買寵物野，行經安安燒, 又見餓就入去坐下食啲野啦！門口飾面幾靚呀，不過裡面客人就唔多，一坐低個侍應就同我地講晒所有沽清項目，同是日推介~但係。。。我地兩位路過無諗住當晚飯食喎！我地點左一啲串燒：-燒安格斯牛柳粒好肉汁，好冧，但亦燒得夠香，唔錯！-燒雞軟骨肉串好有咬口，有肉之餘仲有雞軟骨嘅爽脆口感。-雞泡魚乾甜味適中，唔會硬-加多寶食完串燒直覺上都係要飲下涼茶嘅，味道？都係加多寶味囉！雖然唔係食正餐，不過坐下飲下野傾下計都幾舒服呀！

今日終於去試呢間安安燒啦﹗ 之前聽朋友講已經好想試架啦﹗Book 左7點半去到攞位都要等多15分鐘，呢度少少不滿啦﹗上菜快，唔洗等好耐就有得食啦﹗叫左一口蕃薯 - 好甜牛舌 - 好香芝士丸因為辣所以我無食,不過朋友話 OK玉子燒OK雞軟骨OK牛油金菇OK燒菠蘿 - 好甜,好多汁 三重芝士撈丁 - 好濃芝士味,我超級鍾意食芝士所以覺得好好食今餐我覺得滿意，下次都會再黎食﹗

今日肥豬突然話想食串燒, 所以我即刻打黎bk位, 5點打黎bk 7點都仲有, 睇黎walk-in都會有位.7點去到, 店舖幾細, 一坐低waiter就好友善咁同我地講有咩賣哂同埋海鮮ge價錢. 食物款式好多, 我地tick tick下都tick左十幾樣@@野食黎得好快, 成台滿哂, 好似食緊放題咁!! 以下就係我地食ge野@v@甜燒一口蕃薯: 一向好中意食呢隻細細粒蕃薯, 好甜又粉, 加埋小小烘烤ge香味, 正麻吉年糕燒: 同想像有d出入, 係一粒方形ge丸包住年糕, 仲有香辣粉, 辣辣地+年糕ee unun,都幾好食.燒玉子: 好大份@0@ 食2件已經好滯, 同埋蛋太老, 唔太推介.花枝丸, 芝士丸, 牛舌同燒墨魚咀都係加左香辣粉, 香辣粉係幾好食ge不過樣樣都有就有d千篇一律la, 其實牛舌同燒墨魚咀唔加辣粉已經好正, 墨魚咀好大粒, 又juicy, 一串有5粒2個人share都夠, 而牛舌夠厚身有咬口, 正!!芝士燒生蠔: 呢個要比10粒星!! 好好食, 新鮮燒起ge生蠔熱辣辣,好juicy, 仲有好多火炙過ge芝士蓋面, 好味!!最後忍唔住encore多一碟><

旺角係我同朋友放工聚腳嘅地方。今日我地就左試川式安安燒。去到d職員就向我地講下當日海鮮ge價錢我地叫左好多野食1。一口甜薯（2串） 細細粒，甜甜地，好香蕃薯味。原本叫左一串，但又覺得口感幾好，所以之後叫多串。2。燒聖子皇（1個），好細舊/＿\， 味道就普通，聖子口感都算“煙un”。3。我都3個女仔芝士生蠔（6舊），好重芝士味，但d蠔好似唔係好新鮮，咬落去食唔到d蠔味，淨係食到一“pat”野。4。麻辣田雞脾（1客），d肉好幻滑，但好到“林”左d，有d似雞脾ge質地。5。燒波蘿（1份），有6舊，甜甜地，酸酸地，唔算好特別。6。蒜蓉扇貝（4隻），好多蒜味，扇貝size唔算大，多膏肉少，但口感都算彈牙。7。串燒叫左魷魚，牛肉，海螺，雞軟骨。燒得岩岩好，唔會太硬，好易咬，審埋佢d辣粉同孜然粉，好正。8。蒜蓉撈丁（1碗），賣相麻麻地，味道都好麻麻地。係多蒜嘅，但個麵唔係好入味，好似蒜還蒜，麵還麵咁。同埋個麵都唔係好爽口，偏“林”。9。朱古力香蕉（1份），香蕉上面有一塊好薄ge糖片，同香蕉一齊食，甜甜地，香蕉就有d地方凍有d熱，感覺好搞笑，唔識形容。唔覺唔覺就食左5百幾蚊。個人認為普普通通，唔算話食

安安燒每次行過安安燒都覺得好香，今次終於唔係行過，係入去食啦!男朋友應該好肚餓，係咁係張點菜紙上面畫畫畫，叫左好多野食.....(太多)三重芝士撈丁（$44)芝士撈丁，店方用火槍燒一燒啲芝士，令賣相更吸引，聞落都幾香，不過我唔太好芝士，所以只係隨意食左幾啖，但都幾好味，芝士味好濃，撈埋丁就夠哂creamy，其實係好食，不過我自己有心理障礙，驚食太多會頂唔順嘔，始終唔太好cheese...如果係芝士愛好者，應該會覺得幾正！男友食到個樣好滿足。蒜蓉燒扇貝 $4x扇貝肉都幾大粒，唔會話燒到好乾，咬落仲有少少汁，不過師傅落左勁勁勁多蒜蓉，好似唔洗錢咁...極重口味，食完一粒扇貝...啲蒜味勁到好似有股氣攻上個腦咁....我都唔知自己講緊咩...你地明唔明...總之蒜味既濃烈程度係最高級別！秘裝醬燒雞中翼（$2x)呢三隻雞翼的調味料好惹味，本身餣都餣得夠哂入味，但略嫌雞翼size較細（正宗弱雞），有少少乾，同埋唔係好夠熱...BBQ/串燒唔係應該熱辣辣先夠惹味好食嫁咩？我好想隻雞翼熱到我辣親個嘴，然後再咇啲熱到滾既雞翼汁出黎！咁我就滿足了！哇哈哈哈哈！惹味蒜蓉生燒茄子（唔記得$2x定$3x)茄子