安安燒 (染布房街) (已結業)

已經有一段時間無食重慶燒, 咁啱好友邀約, 二人就再次光顧旺角呢間安安燒. 同之前一樣都係咁多人, 不過我地已經Book 好位, 唔洗等就可以入坐. 重慶燒但求夠火喉同夠濃味, 呢間啲的食物都做到呢兩個重點, 加埋佢d肉質大部份都唔錯, 醃得亦都好入味. 而家呢D天氣配埋杯生啤的確過癮!惹味蒜蓉生燒茄子 - 呢樣幾乎係重慶燒必叫之物, 呢間啲茄子可以算係係King Size, 大大條, D茄子肉燒到軟淋淋好正三重芝士燒蠔 - 蠔同芝士配搭已經係無得輸, 而且燒蠔比焗蠔多咗份炭香味, 贏晒燒一口午餐肉 - 午餐肉厚切, 燒到外層香噴噴, 咬落啖啖肉, 最緊要連青椒一齊食, 可減低油膩感燒手打魚皮餃 - 魚皮餃用黎燒都幾得意, 個皮本身煙煙韌韌, 咬落個饀亦多肉汁, 幾有新意燒甜美地們菠蘿 - 飯後甜品/水果之選, 燒完的菠蘿除咗多份香味, 而且仲特別點, 作為最後點緻非常適合!燒黃立倉 - 呢個係推介, 每次黎我地都會叫一條, 原條燒, 皮脆肉嫰, 加埋檸汁同酸甜汁打出條魚的鮮甜味, 好正!

是日到旺角買汽車用品, 一經過聞到好香燒烤味, 吞一吞口水, 決定食左先講唔入黎唔知原來呢度好出名食三重芝士撈丁, 岩曬我啦.混合藍芝士,巴馬臣芝士和車打芝士, 邪惡指數十級提升, 個人覺得藍芝士既味道最出, 芝味濃厚,每食一啖都好內疚, 唔知做幾多運動先消耗返.不過真係食唔曬因為我地仲叫左另一個撈丁, 特色芝士蒜容撈丁, 呢個就比三重芝士撈丁黎得乾身, 但係蒜容份量好夠, 好香, 食完個口一定會好臭, 我覺得呢個好食d，因為無咁乾，又屎嘅鹹香味又有蒜蓉嘅嘢味。雞軟骨冇乜特別，不過可能食得太飽食其他嘢都冇乜感覺。芝士焗蠔，無錯又係芝士啦，蠔較細隻但係味道都唔錯，不過下次會試其他嘢

難得第二日放假, 同好姊妹出咗去行街掃街. 見未有倦意就搵個地方食下宵夜坐下喇. 朋友介紹近火車站個邊有間燒物店夜晚都會開, 就坐低食下野. 呢間主要係做串燒, 也有d係鍚紙包住黎燒的食物, 而且有生啤飲. 我地唔太肚餓, 一人叫咗支Apple Cider飲, 同埋叫咗D野食. 燒茄子好大條, 上枱時熱辣辣好香, 用黎送啤酒都好惹味; 燒雞翼都唔錯, 外皮好香脆, 裏面肉質嫰滑; 燒芝士生蠔屬中型Size, 芝士夠多夠香, 配落多汁的蠔好正; 仲有燒娃娃菜估唔到都OK好味, 佢燒得唔會乾, 反而好甜好多汁. 唯一美中不足就係坐我旁邊個枱學生哥講野好大聲, 搞到我同姊妹唔係好傾到計. 不過計食物同服務的話呢間都好唔錯

上星期六同兩個朋友約左喺旺角食飯，但未諗到食咩，原本約左喺地鐵站等先，其中一個朋友打黎話喺安安燒坐低左la，已經唔洗問我啱唔啱食，哈，今次又俾佢揀啱地方，我好鍾意食串燒之前喺其他地方食串燒，都偏鹹，但呢間味道好得，會再黎食但美中不足係半露天，熱左D囉

約朋友食飯，見唔洗排隊就入去食，店面半開放式，有d位係户外，所以咁熱既天氣食真係有d熱至於食物方面，我地3個人食，點左差唔多20碟串燒，其中我覺得最出色既係蒜蓉芝士燒蠔，蠔既size 唔算大，但係隻隻都好肥美，鮮甜，唔係燒完縮哂水既蠔黎，一份有4隻，抵食👍🏻其餘既串燒都不過不失，調味料夠香，辣味亦適當，都夠惹味既美中不足係鋪頭抽氣唔夠，都幾大油煙，仲要半開放式咁，建議冬天去食會比較舒適

慶祝一下happy Friday先！book 左安安燒食串燒，都要在店外等左一陣先入座，好香既味道令人更加肚餓...終於有位，二話不說不停剔野食，我地二人叫左惹味蒜蓉生燒茄子，好大條，一刮即刻有肉食，加上調味粉，令淡淡的茄子變得更有味，蜜糖燒粟米煲我必點，因為太愛粟米既爽和甜，呢條粟米好正好多汁，好甜又香，另外仲有必點燒菠蘿！一咬就好多汁咇出黎，又係勁香甜，仲有燒一囗甜薯，外面皮少少脆，入面好淋，而且甜甜地，好好味！麻吉年糕燒，好少叫架，煙煙韌，囗感好好，玉子燒好嫩，甜甜地，烹調剛剛好，蒜蓉燒扇貝好香呀，雖然好細隻，但是好香蒜味和扇貝鮮味！八爪魚鬚串好香燒烤味，又新鮮子韌，特別制既調味又搭配得宜，可能係孜然粉，好香香料味，炙燒海中蝦好鮮甜又大隻，好食！烤雞腎串爽脆，安格斯肉眼牛柳串好嫩好有牛味，脂肪不多又嫩又淋，唔錯牛舌厚冇怪味，仲好軟熟，最後一碟係我至欣賞既！真系好味到暈！金銀蒜蓉燒生蠔！好甜呀！加上蒜味濃，熱辣辣，d湯汁勁正，精華呀！一定有下次！

平時路過見到安安燒好多人食，今晚就去試下，点知失望都爆，從未食過咁難食嘅串燒，除咗魚之外，相信所有嘢都係一早燒定等有order再烘熱。D金菇是包在錫纸放入微波爐烤熟，燒粢飯團又係咁二烤到面頭有色就算，完全不是外脆內軟，最簡單嘅燒雞翼都好唔掂。平時一餐串燒在其他餐廳食正常都要兩個鐘啦，我哋叫咗9樣嘢，包括燒魚，雞翼，芝士丸，茄子，金菇，雞脾菇，螺肉，鱿魚，燒粢飯團，由落單到走都係用咗40分鐘，如果係即燒，根本無可能，連D啤酒都唔夠凍。成件事我哋覺得真係好無誠意好無heart😡

好友一向鍾意食辣, 今日佢生日, 我只好捨命陪君子. 一行4 人去幫襯安安燒, 其實我自己都好鍾意食串燒, 但成日都怕辣所以唔會話特別好, 不過今日試呢間安安燒又幾好喎, 佢全部都燒得好惹味但又唔會辣到食唔到 (友人要食辣D就自己加咗辣粉).雖然得4個女仔, 但叫D野食份量一D都唔少, 大部份都燒得唔錯, 做到好香, D肉類都醃得好入味. 因為本身我鍾意食酸酸甜甜的野, 個人覺得值得一試係佢個車厘茄煙腩卷, 煙腩燒得夠脆口又不失肉汁, 肥瘦適中唔會過多脂肪, 一定要一口食落去, 咁蕃茄汁就會爆出來, 連埋個腩肉一齊食好正! 而另外我都會推介燒菠蘿, 佢有兩隻, 一隻原味, 一隻係要有焦糖個隻, 我鍾意食焦糖個隻, 呢間的菠蘿本身多汁又甜, 加埋個脆焦糖係面就多咗重口感, 好似食緊一度健康甜品咁, 好啱女仔食! 我本身唔係好食得辣, 不過我都會推介一下呢隻麻辣牛骨髓,佢個麻辣做得好香同好入味, 我自己食咗少少覺得唔錯, 但比較辣, 所以大部份都係由我朋友清晒! 鍾意食辣的朋友唔好錯過啊~

自從無係旺角返工, 已經有好一排無幫襯安安燒. 今日約舊同事Gathering 就去返安安燒食宵夜喇. 以前已經幫襯過好幾次, 起初walk-in 都OK, 但一次比一次多人, 我地今日都係選擇一早Book 位穩陣D雖然有一排無幫襯, 但D食物依然好味. 仲多咗好多新款. 不過我個人就比較長情, 有幾款係我每次黎必食: 燒韭菜 - 韭菜製法無其它菜咁變化多端, 最普遍都係包餃子. 但自從興起咗重慶燒之後, 韭菜就成為咗我的新寵了! 韭菜佢有陣好特別的香味, 燒完之後個種奇怪臭青味會無咗, 反而香味出晒黎, 加埋孜然粉同埋辣粉, 咬落又有嚼口, 燒物必食! 燒雞泡魚乾 - 雞泡魚乾厚身, 帶有甜味同埋鮮味, 咬落煙韌, 重點係一定要點沙律醬, 一流! 甜蜜脆脆燒菠蘿 - 菠蘿燒完之後會特別甜, 咬落去又會好多汁好好味. 不過我更鍾意呢隻甜蜜脆脆燒菠蘿, 面頭多咗層脆焦糖, 咬落多咗一種層次感, 好好味其實其它D肉串都好味, 我自己鍾意食呢間係因為佢D食物夠香同夠濃味, 燒完之後都好Juicy唔會乾爭爭. 同埋佢都幾抵食呀, 每樣十零廿蚊, 我地宵夜幫襯仲有折, 哈哈哈哈

以前細個覺得芝士有陣怪味, 唔知點解D人會鍾意食. 後來慢慢試下試下, 就會食得出芝士有種無可抗拒的"味"力. 所以去到好多地方我都會叫芝士食物, 芝士pizza , 芝士焗龍蝦, 芝士火鍋, 芝心批都係我最愛. 不過講到有香港風味的, 就非"芝士撈丁"莫屬.丁面本身已經無得輸, 加埋芝士實在係贏晒! 雖然呢間係做川式串燒, 但做出來的芝士撈丁都幾好味, 佢賣點係三重芝士, 芝士面頭微微烤過, 令到成碗芝士面有種焦香味道, 幾特別. 今次食三重芝士係唔同D, 好夠味, 芝士香味都好重, 而且食落厚身唔會水汪汪. 丁面煮得夠廷身唔會overdone, 每條都沾到芝士唔會淋pat pat, 果然係呢間餐廳招牌菜, 值得一讚! 後來我地仲叫咗D串燒黎食, 大部份都燒得好香! 我地兩個女仔仲一人叫咗一杯生啤飲, 配串燒好爽呢~

係旺角附近打完波肚餓去搵野食一直見到附近有間串燒想試好耐 就行左去染布房街都睇下有無位未行到已經聞到串燒香味 未食都肚餓呀入到去 都已經好多食客 好彩 7點幾 2位都唔洗等超多款串燒比你間 我覺得最好食都係燒韮菜 一食食左三碟韮菜唔會燒到過熟 燒剛剛好 夠香夠多汁 好惹味！另外蒜蓉牛油焗金菇同牛柳串都好推介其次去到必試係三重芝士撈丁芝士味夠濃 加埋公仔面 一齊真係充滿罪惡感食串燒如果怕唔飽 加埋依個三重芝士撈丁 一定包你飽到訓唔著

自從數年前吃過安安燒的三重芝士撈丁, 我暫時還未找到可以與安安燒比拼的芝士撈丁, 晚上難得遇見有吉檯, 這一定是要再吃三重芝士撈丁的緣分。三重芝士撈丁  $44點菜紙上有說明芝士醬是安安燒的老細把留學歐洲時學到的經驗再選用藍芝士、巴馬臣芝士、車打芝士調創出來, 味道濃郁之餘是與彈牙一丁麵好夾, 吃完一碗也不會覺得膩。烤雞腿肉串  $23烤成的肉串是不會乾柴, 撒在肉面的調味, 吃落也沒有口渴感。玉子燒  $24甜甜的又有一點烤過的香味, 雖然它的形狀是有點似機製。燒鹿兒島豚肉串  $22豚肉脂肪分佈平均, 燒香後再撒上香辛惹味的調味粉, 吃落是肉質滑嫩甘香, 咀嚼時是爽爽易咬。燒甜美地們菠蘿  $19地們菠蘿出名就是優質, 燒烤過後會多一分酸甜醒胃, 糖份亦有沉澱下來所以吃的時候並不會水汪汪, 菠蘿保持原汁原味。焦糖脆蕃茄  $15大蕃茄很夠甜, 是自帶的甜, 蕃茄經燒烤過後, 它的果肉變軟腍, 面頭燒一層焦糖, 這種甜又是與果甜不一樣, 欠缺鮮味但就吃出層次來。無需加一服務費 !

放假前夕係屋企食完飯做乖乖女, 煲完電視劇後, 通常都鍾意約附近班朋友熱宵磨一下. 約下約下已經成為咗習慣, 而安安燒就係我地宵夜熱點之一. 我地通常夜晚11-12點會去食, 一黎貪佢隔離有標位可以泊車, 二來鍾意佢款式夠多可以散叫, 叫幾多都得. 三黎貪佢有折, 哈哈.宵夜唔太肚餓, 都係大家坐埋飲杯野傾下計. 今日朋友車我黎, 可以飲啤酒大解放. 本身想叫Hoeggarden, 不過我發現佢最近多咗隻新啤酒叫"Strongbow蘋果酒", 即管試下. 呢隻蘋果酒應該係專為女仕而設, 飲落好清新, 帶有蘋果香同有少少蜜糖味. 雖然佢係啤酒, 但就一D都唔苦, 反而佢個種啤酒味中咗左蘋果個種甜味, 一邊啤一邊食串燒好正呀!雖然話食宵夜, 但叫下叫下自然就會叫咗一堆野食. 豚肉串, 雞翼, 雞腎, 午餐肉, 牛舌, 芝心丸呢D指定動作會叫, 佢呢間燒得夠香又多汁, 好惹味, 我地成班都好like! 今日仲試咗兩樣新野, 就係燒韭菜同埋麻吉年糕燒. 前者燒韭菜好有驚喜, 望落大大條, 食落去一D都唔韌, 而且無"渣" 燒完個時熱辣辣好香韭菜味, 正! 後者麻吉年糕燒初時以為係韓式一條條的年

串燒加芝士撈丁依個組合，叫人如何拒絕安安燒位置雖較遠，但8點已經坐無虛席，門前企左唔少食客，聞住串燒既香氣，等左半個鐘終於入得，由於等時已經諗定食咩，一入去即可落單第一樣黎既係最期待既三重芝士撈丁，藍芝士&巴馬臣芝士&車打芝士混和下，加上面頭帶有燒焦既芝士膜，令我第一次試到如此香濃的芝士撈丁！第一口，即夾起微微燒焦的芝士部份，濃郁且帶咸香的芝士即帶來味蕾的衝擊，混和芝士與公仔面之後，每一條公仔面都被濃濃芝士汁包圍，作為芝士迷的筆者，每口都十分滿足扇貝上蒜蓉鋪得滿滿，加上少許蔥粒與辣椒粒，扇貝本身鮮味唔明顯，而且有2隻扇貝好細粒，有少少失望。筆者將過多的蒜蓉混和芝士撈丁同吃，又有另一番滋味與燒韭菜實在相逄恨晚既感覺孜然粉&辣椒粉均勻撒落韭菜串燒上，加上本身已燒得香甜juicy既韭菜，實在忍唔住一口接一口，十分之出色！！燒芝士餈飯係失望既，無特別，食唔出加左芝士燒牛小排，面頭燒得有點香脆，本身好有肉汁，肉味香濃，讚炸餃子雞翼，表面有大量蜜汁，對筆者而言太甜，內裡應該係豬肉餡料，食起來啖啖肉，算是不錯！燒鯖花魚唔腥，而且魚皮燒得脆脆，好香口鹽味加鯖花魚，是一種簡單的純粹的味道麻吉年糕串燒，外

安安燒成日喺openrice都長居高位今次決定一試燒茄子($38): 條🍆比較瘦 肉比較少 味偏淡燒翠玉瓜($13): 比較硬 我鐘意食淋身多汁d蒜香金菇($33): 好淡 我地自己加左好多辣粉🌶蒜焗扇貝($47/4隻): 幾好食 算係幾新鮮海蜆($42): 一份既份量都ok 算係隻隻都有肉 雖然都係淡口但鮮味重！牛舌($34): 好厚身好淋 我鐘意食爽身牛舌多d 😅芝心丸($15): 芝味🧀滿fun! 燒得好好味墨魚丸($18): 我的至愛❤️雞腿肉串($23/2串): 正常車厘茄煙肉卷($25): 好味 又係我好愛既配搭凍柑桔蜜($17): 食串燒🍡通常都要飲翻柑桔補下個喉 幾好味 但一杯其實唔夠喉😆青島($16): 老公自己獨自乾杯🍺🍻(隻杯都唔係凍杯黎既!!唔夠pro喎！)每人$200幾 但其實一啲都唔飽 都幾貴