安安燒 (染布房街) (已結業)

一直有聽聞安安燒的三重芝士出名，身為「芝」迷的我們今晚終於有機會試了！餐廳就在旺角近黑布街那邊，還算易找。.餐廳門外還掛了大紅燈籠，很易認。我們被安排坐在較入的位置，餐廳沒什麼裝潢，都是簡約的擺放木桌木檯，牆上貼了些餐牌和橫額，相信芝士撈真的是餐廳招牌。.店內環境滿迫狹的，基本上係椅背撞椅背，坐的頗辛苦；而且因為不是密封的關係導致冷氣不夠，一邊食一邊流晒汗，如果天氣再熱一點應該會更辛苦。順帶一提，店員的服務態度不錯，而且這裡的出餐較快，建議可以每次先點少少，避免造成檯上擠迫的情況啊！.看看餐牌，除左芝士撈丁外，還有海鮮、肉類、蔬菜瓜果、丸+餃類、秘製麻辣類、甜品和飲品等，還有必試推介，價錢都屬中價位，某些食物定價稍高。.宵夜時段更有折扣優惠，更抵食!.Apple Cider $35枝 (右)這晚天氣炎熱，還要是吃串燒，當然要點些凍飲降降溫。這枝Apple Cider酒度輕，帶有陣陣蘋果味，好岩女士們或者唔識飲酒的你飲。.黑松露醬芝士撈丁 $63呢度出名芝士撈丁，想黎食好耐了估唔到芝士撈丁仲有得揀要邊款味道，黑松露、蒜蓉芝士同一般三重芝士，其實每款都想試。鐘意芝士同松露既小妹便要了個三重

終於去食！我地10:00先入座，唔洗等位！雞泡魚乾係我嘅最愛！甜甜地，熱熱地再加上沙律醬！一流嘅好味！食到一半先記得影相之後今次第一次試佢嘅午餐肉，第一串黎到嘅係凍嘅不過話佢聽之後就賠返串熱嘅黎啦！厚厚嘅午餐肉，啖啖肉真係好好味，不過我覺得個價錢有d貴！蛋係一定要叫之一嘅！好甜好淋！好好味，有d似棉花糖咁！第一次叫燒香蕉，脆脆糖係面！yummy!Others nothing special! Not worth to write Hahahaha

今晚同久違了的同學食個串燒吹下水，得知道有一間近旺東的燒烤頗有名氣，幾個朋友都吃過，特意來一趟!由旺角東走來在天橋樓梯間已見到一幅易拉架做宣傳。到達店門，人頭湧湧，等的人不少，幸好朋友早已入座，位置也不錯，他的格局是半開放式，得3面牆，向街那1邊是開放的，我們的餐桌也是放在一半店內一半街外。空氣比較流通。桌面上已擺放各款調味粉，鹽，胡椒粒等等，裝備好齊全。餐紙的選擇也多，淨看名字已經lamlam脷嘩!!有芝士撈麵一定必食，仲要前後加埋5款咁多，滿足哂我呢啲芝士怪!圖文並茂，有啲款式真係睇個名好難想像到，呢個膠書仔就幫到手，睇相食飯嘛👀👀講真叫哂咁多款真係食5到，今次同朋友叫左2款先，3重芝士是用了3種截然不同的高檔芝士：藍芝士、巴馬臣芝士、車打芝士，再加上秘製調味以人手方法逐少量混合而成，令到食落口的芝士麵不會好膩，好香濃且口感非常柔滑的醬汁。👅👅兩款之中更高層次是那個黑松露醬版本，吃下去菇香味好鮮，帶動了芝士味更出，整件事已經5似食緊芝公仔麵，而像意粉般享受。面頭被火槍燒過帶陣陣燒香味，應返安安燒個招牌。另外熱愛雞翼的友人叫了一份餃子雞翼，外面雞皮燒到好脆薄，油麵逼出了，不太肥。裡面

今晚同左個fd去食宵夜，佢帶我黎食安安燒，估唔到都幾好食！特別係芝士蒜蓉撈丁 ($46)，超多芝士，撈完之後啖啖麵都有芝士，好邪惡好滿足！都幾大份，兩份食都夠。都不過一黎到要趁熱食，凍左既話芝士硬左就撈唔到~ 我地仲叫左燒多春魚 $34燒得啱啱好，唔會苦 燒午餐肉 $16 燒牛舌 $34牛舌好好味！夠厚夠juice！唔會韌！燒菠蘿 $23最後食個燒菠蘿~ 清哂所有油膩感！ 呢度價錢都唔算貴，服務堅係抵讚！好nice，我地order錯嘢會馬上幫手改，thank you~

在旺角想食串燒，一定揀安安燒。位於旺角染布房街，經常滿座。串燒種類繁多，全部即叫即燒，你想食乜都有。餐廳門口掛住紅色燈籠，燈光昏暗，有Ｄ似日本局酒屋。雖然地方有Ｄ逼，半開放式設計，感覺很熱鬧。店內貼滿招牌美食，唔使怕諗唔到食乜。食物價錢唔貴，每款幾十蚊左右。個人最中意玉子燒，口感似海棉蛋糕，甜甜地。 另外燒菠蘿亦係我不二之選，香甜多汁，完全將入面嘅鮮甜帶出來！另一款茄子上面加了超多蒜蓉，香噴噴，茄子肉一絲一絲吸收了蒜香零舍惹味！ 燒雞翼亦皮脆肉香，上面灑上孜然粉食到停唔到！燒元貝好新鮮，蒜蓉粉絲索滿元貝鮮味，元貝肉身厚肉彈牙！回味！主菜三重芝士撈超正！每一條都沾滿芝士香！麵身亦彈牙，好好食！每張枱上放有孜然粉，梅粉，香辣粉，唔夠味可以自己加。下次唔知食咩好，一定再來安安燒！

前陣子經過的時候，被安安燒所發出的香氣吸引，於是我們就決定要找天來嚐嚐。安安特色芝士燒生蠔 $56一客三隻安安特色芝士燒生蠔，芝士份量夠多，頗為香口煙韌，吃來爽口滋味。蒜蓉燒扇貝 $45一客四隻蒜蓉燒扇貝，扇貝肉質腍嫩，辣椒蒜蓉夠多，非常香口惹味。美國牛小排 $36美國牛小排 牛味香濃，肉質富嚼勁，配上味道帶甜的燒汁，不錯。皇牌燒牛舌 $34燒牛舌肉質非常軟腍，牛舌味道頗濃郁，加上調味得宜，吃來甚為滋味。烤雞腎串 $23—客兩串烤雞腎串，雞腎質地爽口，加入七味粉，吃來香口惹味。烤雞軟骨串 $25—客兩串烤雞軟骨串，雞軟骨連帶少許雞肉，吃來口感豐富，香嫩可口。燒芝士餈飯 $25外層芝士燒得焦香十足，裡面口感煙韌，餡料有少許菜圃，香口美味。燒甜美地捫菠蘿 $19新鮮菠蘿串，燒過以後表面微焦，裡面香甜多汁，美味！

不是第一次食安安燒，不過之前只是覺得有些特別，或者比起喜歡北上的朋友，安安燒的確不算甚麼，但如果在香港食的話，這已經是不錯。這次不留情，叫了很多，當晚飯也好。 最新也算是比較飽肚的應該是這一個三重芝士撈丁，也是安安燒近一年多的招牌。但對我來說，有得選擇我會選擇薯粉。三重芝士撈丁我先把芝士撈了，其實一入口真的很香濃的芝士味，喜歡吃芝士的人真是有福了！哈哈！可能我比較挑釁，感覺只是放了芝士在上再用燒槍燒.....簡單了少少，但的確會令人回味。我是有點期待燒"九"菜，因為北上吃過很美味...這一個可以算合格，但不算很好味！茄子我建議可以一試，始終其實很難在家做到。 這個 焦糖脆蕃茄很好味！ 上面燒烤了的焦糖覆蓋了蕃茄的酸味，也令蕃茄帶點口感，脆脆的！這個推介！！ 牛排方面，可能本身肉質一般或解凍得無咁好，所以不算很好吃。或者是因為我吃過更好的！ 這個蜜汁串燒蠔都十分推介，要不是比較貴，我一定會再叫一次！好好味啊！甜甜的汁，咬下飽卜卜的蠔，好好吃！ 是次結算$250左右，嗯......未飽哦~BTW，燒烤都只是當小吃會比較好！ 最後送上烤菠蘿，哈哈！口感和味道都不錯~

Hoegaarden Dranght Beer $65/杯夏天熱辣辣仲要食串燒，一定要黎返杯啤酒先夠爽。$65一大杯，仲要夠晒冷凍，真係透心涼，抵飲。黑松露三重芝士撈丁 $63雖然安安燒主題係串燒，但呢款黑松露三重芝士撈丁卻成為今餐的主角。芝士味非常濃郁，配上黑松露真係無得輸。(記得趁熱撈均，如果吾係會變左一餅野~~)沙茶醬燒雞脾菇 $14/串雞脾菇厚切保持到本身的水份，所以十分juice，配上孖然粉，正。焦糖燒蕃茄 $15蕃茄SIZE 好大個。外層有焦糖再加上燒過，咬落口脆卜卜，而且蕃茄十分多汁且鮮甜，效果相當吾錯。惹味蒜蓉生燒茄子 $38茄子大隻多肉，好食。蒜蓉燒扇貝 $45/4隻蒜蓉同扇貝一向都係perfect match。美中不足係扇貝SIZE吾算大。極品烤餃子釀雞翼 $29/2大大隻雞翼裏面塞面餃子餡，外面有惹味醬汁。燒手打魚皮餃 $29/串 .一串有三大隻，餃皮好煙韌。朱古力糖脆玉子燒 $27玉子燒十分嫩滑而且有濃郁的蛋香，朱古力沒有遮蓋住蛋味，反而加強甜味，吾錯。P.S.可能串燒主題加上廚房係開放式設計的關係，店鋪本身沒有玻璃，意思即係店內冷氣不足，而且店內環境頗窄，在夏

天氣開始炎熱起來，當日 27~31度，熱得我要穿著背心裙來迎接這股熱流！當晚，跟一對年輕夫婦朋友及靚女朋友出旺角食飯！ 走到位於旺角染布房街的 <安安燒>！沿奶路臣街行到染布房街，轉右行前再過馬路便找到！總算易找！這裡地方細小，坐得迫夾，而且不夠冷氣，加上半開放式，室內比室外更熱！ 相信廚房忙於燒串燒的師傅，肯定火上加油！ 供應港式串燒為主，還有招牌菜芝士撈丁，不乏麻辣美食的選擇！ 價錢合理，不設加一服務費！還是，先點杯飲品解渴吧！每當店員送上食物時，亦會說出食物名稱！ 落單後，很快便開始送上串燒！大約10分鐘便送齊食物！很有效率，值得一讚！凍柑桔蜜 $17送上桌子時，這杯飲品上凍下暖，以熱水沖泡柑桔蜜加冰，把它冷卻！ 攪拌後，入口和暖順喉，酸味有致不錯喝！黑松露菌醬三重芝士撈丁 $63比較沒有黑松露的款式，貴了廿元！芝士醬很快便凝固了，卻是黑松露及芝士醬份量不夠多，公仔麵爽口彈牙！大家也食得芝味無窮！焦糖脆蕃茄 $15一開為二的蕃茄，鮮紅大個又多汁， 表面有一層薄薄的硬脆的焦糖，灑上一些幼鹽提升鮮甜度， 蕃茄入口暖身，只是食得比較論盡！一口甜薯 $22/串一啖一件紫蕃

想吃燒烤，又嫌拉大隊BBQ麻煩。這間有秘製辣醬，遇上嗜辣的朋友，一拍即合。秘製三重芝士撈丁 ($44)傳說中邪惡度滿滿的招牌菜，以為是壓軸，沒料到一開始來了。面層經微微烤過，香氣提升。混合藍芝士、巴馬臣芝士和車打芝士後，芝味原始濃重，但未能拉絲，芝士控可以一試。建議趁熱吃，放涼後會變糊。撈入桌上的香辣粉，會更惹味。川式麻辣燒扇貝 ($45/4隻)細小的身形，麻辣汁鹹比辣重，有點失望。但這個價錢，還起了底方便吃，實在不能苛求。燒超美味一口甜薯 ($22)燒得暖暖的小紫薯，香甜粉軟得可以「梅」。果然是「超美味」，跟朋友搶著吃，還encore了一串。蜜糖燒粟米 ($18)這粟一燒，接近木筷子長度。超甜粟米加蜜糖一燒，熱而微脆。麻吉年糕燒 ($18)接近芝心魚蛋，芝士層換上年糕，不是日式那種有點可惜。味道一般難失手，但熱度不夠。炙燒雙重芝士丸 ($18)同樣不會失手，咬下時會爆芝，小心燙口。玉子燒 ($24)又甜又厚，微濕鬆軟中夾著淡淡蛋味。雖然當然不及日本名店，但沒期望反而有驚喜。甜蜜脆脆糖燒菠蘿 ($23)厚切的連皮菠蘿，一面燒上焦糖，鮮上加甜。咬下時果汁甚至噴到對面，無得輸。凍了酸度會降

好耐無出過去食野, 今日興起約咗幾個Friend 出去食宵夜, 其中有個Friend 介紹話旺角有間串燒開到好夜, 就楂架車過去吹下水喇.去到都差唔多12點, 不過條街一D都唔靜, 我地去呢間安安燒都仲幾熱鬧. 佢主打川式串燒同埋芝士撈丁. D野食都幾多款式, 最緊要有生啤飲, 同朋友吹下水就啱晒.叫咗D肉串, 燒得幾香, 有埋川味粉, 食落少少辣, 不過就夠晒香口. 叫咗雞軟骨, 雞腎, 煙腩卷, 鴨舌等. 咬落D肉質都彈口同埋幾入味, 感覺唔錯. 貪得意叫咗份黑松露芝士撈丁, 又幾好味喎. 一丁本身面質已經好正, 加埋呢間D芝士都好夠濃味, 佢面頭有黑松露就更香, 撈埋落去就更香. 呢個配搭正!仲有樣野覺得幾正, 就係佢好多燒菜, 初時覺得玩野, 菜都拎黎燒? 就試下叫份燒韭菜啦, 又燒得幾好味喎. 食落唔會乾身, 韭菜燒過之後有陣好特別的香味, 唔知點形容. 絕對可以一試.埋單先知宵夜有折, 幾抵食!

原本同朋友約咗黎呢度食串燒, Tick Tick 下野食見到隔離枱叫咗一碗芝士撈丁, 我地貪得意就叫黎試下啦 (我係未食過芝士撈丁的, 哈哈) 點知原來呢樣先係全餐亮點.佢有得揀鰻魚汁定係黑松醬. 我自己好鍾意食黑松露, 所以叫咗碗黑松露醬芝士撈丁. 芝士份量夠多, 食落係厚身芝士, 味道濃郁. 而且面頭微微烤過, 令芝士變得更香. 黑松露醬的份量都好多, 而且加埋落芝士一齊撈, 味道好夾. 份量方面, 我地兩個女仔Share 一碗食都好足夠.另外我地都叫了唔同種類的串燒, 大部份都有返咁上下水準, 燒得夠香又唔會乾爭爭, 其中餃子雞翼同埋燒黃立倉我自己覺得唔錯可以推介的. 餃子雞翼係用豬肉釀入去雞翼度, 做到裏面好Juicy 同埋好Rich , 味道又會豐富D. 而燒黃立倉燒得個外皮好脆好香口, 裏面肉質鮮嫰, 佢會加埋檸檬同埋酸甜汁, 食落有少少泰式feel , 都唔錯呀!

這間係染布房街的安安燒，陣陣燒烤香幾乎佔領了門口附近的街道。- 燒雞泡魚亁 : 表面燒得微焦不太乾身，食落香口帶點點咸味，而且甚有咬口。- 極品烤餃子釀雞翼 : 雞翼脹卜卜，裡面釀入了滑滑的豬肉，外層則得香脆，食落外脆內軟，不錯。- 蒜香燒白鱔 : 鱔外皮微燒焦，鱔肉厚肥美，燒醬汁味濃。- 燒鮮味海螺串 : 螺肉就算燒後仍十分爽，細細的串起來，食得方便。- 汁燒八爪魚鬚串: 八爪魚鬚斬件成粒，但仍然大大粒，不過肉質反而非常彈牙，燒汁也不錯。- 芝士燒生蠔 : 生蠔尺寸中等且滿佈芝士，所以食落非常香。- 蒜蓉燒扇貝 : 簡簡單單的以蒜蓉加辣椒粒，已經好味到停不了口，蒜蓉份量算多，超正!!- 燒芝士餈飯 : 餈飯面放了適量的芝士再燒，彷彿芝士溶入了餈飯面層，表面輕量燒焦，所以食落十分煙韌且飽肚。

路過 安安燒, 看見不用排隊, 更有吉位, 於是便入去吃吃串燒 ~  Menu ~點單紙 ~ 當然要點罐 Zero可樂 $12/罐皇牌燒牛舌 $34/串牛舌厚切, 孜然味重, 質感軟綿腍滑, 也充滿了舌味和油脂, 很是惹味 ~沙茶醬燒雞脾菇 $14/串火喉恰到好處, 雞脾菇軟腍入味, 沙茶醬味道香濃又帶點甜味, 勁惹味 ~燒車厘茄煙腩卷 $25/串一口咬下, 鮮甜多汁的車厘茄頓即爆汁, 加上鹹香的煙腩肉 .... 絕配 ~極品陪餃子釀雞翼 $29/1碟 (2隻)雞翼脹卜卜, 一口咬下立即爆肉汁, 皮脆肉又嫩滑, 在內的餃子餡味道香口微辣又帶甜 ~燒手打魚皮餃 $26/串外皮質感緊實Q韌, 內餡油脂豐腴, 味道鹹香, 超好吃 !燒美國牛小排 $36/碟 熱氣騰騰, 烤得香口, 肉質豐腴嫩滑, 滿有肉香, yummy ~  本篇完 ~

同朋友經過此街，聞到遠處好香既燒烤味，令肚皮都開始表示飢餓，所以為佢停留左腳步！開放式既燒烤店，同朋友揀左坐出面，唔會咁大陣味。好彩天氣唔算太熱，所以坐出面都覺得幾涼爽，我地一坐低，店員盲即時比左份meau比我地點菜。無論幾多次落單都係用同一張meau，而且食物菜式都好多，款款都好想試下，除左落單紙，另外仲有份有食物圖片既meau，圖文並茂唔怕揀錯，燒烤既野真係好多都好想試。秘製醬燒雞中翼，外層有啲麻辣，加左好多調味粉，好惹味雞翼幾厚身，裡面香嫩，食落好有四川既味道，好彩唔算太辣我接受到食落比較乾身，烤得好有窿味，不過我唔太好魷魚乾所以覺得一般黑松露醬芝士撈丁，第一次見識既黑松露芝士撈丁，聞落已經充滿松露香，而芝士既份量都落得好充足，岩晒我依個芝士迷，撈完之後食落去好香口，啖啖都充滿松露同芝士結合既味道，撈丁口感做得岩岩好，食落唔會軟淋淋，VERY GOOD!黎到一定要嗌個撈丁黎試下，包你一試難忘。撈丁一定要襯熱食，咁先可以食到佢最香濃又熱辣辣既芝士味，聞落都好吸引！雙重芝心丸，外層燒至金黃色，咬落彈口，不過要小心睇熱，內裡芝士流心會好燙熬，不過佢個芝士流心係比一般芝心丸多，中意食芝心