安娜餐廳

营业中

休息中

星期日難得男友有時間陪我, 我地行遠D去佐安娜餐廳食lunch, 之前有人介紹我話呢間餐廳都係老字號, 我之前都食過一次, 見好耐都無黎過, 於是提議黎呢度食lunch. 我地去到應該大約點幾兩點, 但都仲係好多人, 我叫佐個全餐, 有多士, 羅宋湯, 腸仔+薯條, 洋葱豬扒飯, 雪糕同餐飲. 你估下咁多野要幾多錢? 都只係$33一個set咋, 我覺得幾抵. 男友叫佐個豉椒排骨炒河, D排骨好腍, 一篤就可以散開咁. 至於我個洋葱豬扒飯, 我就覺得淡佐少少囉... 其實我上次黎果陣, 唔係好明呢間餐廳有乜吸引力可以有咁多人幫襯, 好食又唔算好好食, 平又唔算非常平, 服務一般而已. 不過可取既應該就係佢上菜超快, 呢頭落單轉過頭已經成枱都係食物, 勝在唔駛等囉. 不過我覺得佢上菜上得太快反而唔係太好, 令我食得好辛苦, 因為成日驚住D野會凍晒, 所以要好快咁飲晒碗湯, 要好快咁食晒D前菜... 間唔中黎食下都OK既.

今日約了朋友一聚，３個人去到安娜，其實今天不太想食西餐，不過因為環境可以傾到計同物氣氛唔錯，所以就揀左呢度！唔想食平時既set lunch，而揀左ｅgg salad($30)，其實我之前都試過在anna食egg salad,覺得仍不錯！家姐要左德國豬手餐($60),haha!加左$4有飯~而朋友就要左雞扒飯..紅湯要左多渣，好多雜菜好好味！keekee~多左好多fabric...個沙律依然好味，以好多薯仔+蘋果etc做底,最面一層就係雞蛋，最後加上網形既沙律醬，碟圈係以tomato + cucumber 圍住，賣相唔錯，幾美觀！：）幾好味既，不過我覺得好似加ｄ甜既生果入去會好ｄ！家姐的豬手幾大隻呀！味道唔錯，好似我0係扒王之王食過既豬展仔餐!不過呢隻豬手配既薯仔就唔得啦,又硬又冇味,就咁整熟左，切開做２半，一食就知係大陸薯,大陸薯唔緊要,最緊要係要識整囉！全餐都唔錯，因為環境好，傾計亦都唔錯，不過ｄ　waitress就好似成日都用住電話唔知做咩咁,整體還過得去啦~

我記得我小學已經去食...可能幼稚園都去過我阿爸阿媽拍拖年代已經出現應該有20年了但我記得大概年半無去回憶起以前細細個落元朗食飯就一定叫阿爸阿媽同我去安娜因為以前出面果到有個公園仔食完仲有得玩我最鐘意就係7成熟既黑椒牛柳但依家都係食5成因為鐵板上上到黎都有7.8成普遍黎講有野飲有餐包有湯剩鋸扒既地方係元朗屯門就唔太多呢個算係最好既一間完左之後果個雪糕個杯冰冰地果個感覺令人懷念好想再去但記得個廁所好細同埋有次見到個waiter去完唔洗手- -但都好耐之前既事

琴晚去食個set dinner, 真係講你都唔信, 係超抵lor,44蚊咋, 不過要加一, 凍飲唔洗加$, 隔黎左右同類餐廳都要60幾蚊啦,佢個set dinner係超多野食lor, 首先有個湯同牛油多士(好過一殷餐廳用餐包),之後有個前菜,係煎龍利柳薯菜, 跟住就有個主菜, 係蒜汁雞排意粉, 件雞排好林, 好大件, d汁又多, 食唔晒tim呀, 最後仲要有埋甜品tim, 雪糕/jelly, 真係超多野食lor, 超抵呀!!

元朗，以前社會書教落係新市鎮，查實一d都唔再新。今次小學同學聚會就發生係元朗一間好有細細個食聖誕大餐feel o既港式扒房。門面驟眼望似酒巴多過餐廳，帶位個位叔叔一打開到門竟然有d百樂門feel，差d以為會有許文強走出黎。入面人都幾多，不過客人走得都幾快，好快就有位。行到入去，環顧四周煙霧彌漫，燈光昏暗，加上人聲鼎沸，侍應哥哥姐姐都係打bo tie著黑色小背心，直情成個苛官，可能真係有人玩緊話事啤都未定。寶島小學同學強力推薦German Piggy Leg，set dinner有湯同餐茶，都係$60，俾想像中平。餐湯係例牌soup of Sung，平凡是福，好過飲成口粉忌廉湯；餐包冷若冰霜，硬得擲地有聲；豬手話咁快就上齊，真係好有肉地喎！面對龐然大物，正考慮點樣解決，一刀剖開已經應聲而開：成隻豬手都好lum，咸味剛剛好，但係個人認為都係煙豬手好味d；豬手好重膠質，都係淺嘗好d。配菜好奇怪，有兩舊食落short short聲o既薯仔，仲有酸菜青瓜，令人莫明奇妙。另一位浸過咸水同學就試T骨扒。size ok，無話將貨就價而薄切，但係order 5成熟就變o左well done。食落口感都o

上次食咗個午餐，真係普通嘢，冇特別，仲有本人是反吸煙，但店內就勁多人煲，店內已經暗，真係有d烏煙瘴氣

We five people and I have 羅宋湯-- ma ma黑椒牛柳7 成熟-- it looks like well doneI think Anna is getting worse and worse.It is 平but it's just ma ma...

呢到係我同男朋友飯堂之一,久唔久就心引起要黎食,只因好食夾抵食基本上次次黎親都係食全餐,全餐包湯,多士,小食,主菜,飲品同埋雪糕羅宋湯bo得好濃好惹味又足料,不過千奇唔好飲白湯,好難飲,好似開粉咁多士永遠烘到脆bobo既,加埋粒裝牛油,正小食可以自己揀,試過咁多款,最正都係薯仔蛋沙津主菜試過豬,雞,牛,黑椒牛扒飯/意粉係最match既組合,不過個黑椒汁水準唔夠穩定,有時會整得太spicy呢到d奶茶次次飲都好香滑,絕無失場雪糕好似有朱古力,士多啤梨同雲尼嗱味揀~我諗應該係牛奶公司咁多野加埋都係$32加一,咁抵食去邊到搵?

見到食評話唔錯, 今日專程走到元朗試吓, 叫咗西冷牛扒餐($60)同炸雞肶($17.00), d 牛扒好淋不過完全無味, 可能用鬆肉粉醃得太勁, 失望! 點知連隻炸雞肶都無味, 仲好有雪味. 唯一可取係杯谷古, 很濃很好味.

有次約左女友食飯,未諗到去邊...上o黎"開飯喇"搵下有咩好食..見e間野咁好評分..就一於試試.當夜八點半去到,見無人等都安心d..因為平時行過都見佢幾多人捧場.入到去雖然要搭"木台",但個胃都已經打晒鼓..無所謂啦.照住食評講,叫左個黑椒牛柳5成熟,女友就叫左個蒜汁牛柳8成熟. 我個牛柳真係o岩o岩好,唔太生,好軟身亦好夠肉汁.正!不過就真係辣了點.置於我女友那個,本身蒜汁都ok,不過8成熟,我就嫌過左小小火了. 服務員真係好親切,連我想移近小小塊鐵板牛柳時,那個做緊野o岩o岩經過o既事應都講聲"小心熱"仲跟手幫我整埋..^o^

食物水準唔錯, 不過唔知有冇人知道呢間餐廳最好玩既地方就係d餐可以轉來轉去, 佢地通常都會有set dinner, 如果你唔太鐘意個餐既其中一款食物, 你落單果陣可以o向個meun到揀其中一款轉, 我同朋友去食果陣, 通常會轉到個餐同佢set果個完全唔同, 而且我記得好似係唔需要另外加錢, 而家仲邊有咁好既餐廳^_^

anna 0係我爸媽拍拖果時已經0係道~~真係由細食到我大~~最正0既都係羅宋湯~洋蔥汁同蒜容汁都做得好好~晚餐0既冷盤"火腿沙津" 真係正到暈~~0係香港真係好錯搵到呢類咁舊0既西餐廳~又平又抵食！能夠保持水準真係好難得~

今日放早,所以又來左呢度食lunch啦~其實$30附近有好多選擇,不過我覺得呢度真係唔錯。要左個鮮茄雞扒意,塊雞扒真係好滑好大塊~好好味不過我覺得佢個汁麻麻,好假lor...個fd話洋蔥汁好好味好香~黑椒汁就太spicy...之前來食過個忌廉湯凍既,所以唔敢再叫,叫左個羅宋湯,好多菜呀~正!^^惹味!overall食唔晒,因為好飽lu~

我女朋友食野好鬼死醃尖,一間食店食一次就冇下次,好少食完又成日話去幫襯,但近來就有一間啦,就係呢間,氣氛好服務佳,一個午餐或快餐都係三十蚊內,又有好正既羅宋湯、粒庄牛油多士及大杯凍飲,卡位又寬敞又舒服,而且飯或炒粉麵都好正好有鑊氣。

呢間餐廳既服務真係好好，d員工個個都好好聲氣，一流。食物方面，我最鍾意黑椒牛扒，d黑椒汁好夠味，真係落足黑椒。d羅宋湯真係好正，價錢唔駛$30，超值。