安娜餐廳

营业中

休息中

我女朋友食野好鬼死醃尖,一間食店食一次就冇下次,好少食完又成日話去幫襯,但近來就有一間啦,就係呢間,氣氛好服務佳,一個午餐或快餐都係三十蚊內,又有好正既羅宋湯、粒庄牛油多士及大杯凍飲,卡位又寬敞又舒服,而且飯或炒粉麵都好正好有鑊氣。

呢間餐廳既服務真係好好，d員工個個都好好聲氣，一流。食物方面，我最鍾意黑椒牛扒，d黑椒汁好夠味，真係落足黑椒。d羅宋湯真係好正，價錢唔駛$30，超值。

住左元朗一年，先o係小街發現依間餐廳~ 餐廳外觀非常懷舊，仲有古老o既大字牌，感覺好好；前晚去食，發現味道都好好tim~　餐單好多食物揀，e.g.單係雪糕都分齋雪糕、雪糕新地同雪糕梳打~ 三個人，食左叫好叫座o既牛柳餐、是日晚餐(有火腰雞沙律同海鮮焗飯)同葡國雞~ 最先上係牛油多士，可能係肚餓關係，我覺得佢美味滿分!餐湯可揀牛尾湯，最鍾意湯中浮浮沉沉o既薏米，絕對係美味極品! 主菜o既牛柳好靚，不過冇食唔評；火腰雞沙律同海鮮焗飯味道都有中上，而且絕對飽肚~ 葡國雞又係好大份，試左一啖都唔錯~ 　飲品方面，我睇住吧部用茶餐廳黑白奶沖奶茶，香滑係預期中事~ 餐後，仲有雪糕送，好抵食啊!!雖然嘈少少(都多人架)，但仍然極度值得推介~ 尤其坐卡位仲好feel~

細細個...阿爸阿媽已經成日帶自己去呢間餐廳食...好正...可能你又會諗細細個識鬼食野咩/.\""但到E+ 自己大個左...自己同D FDS去食...因為好記得呢間野...連班FDS都話無介紹錯...真係好正!!!SET LUNCH抵食(三十蚊內)...夜晚最好食牛柳餐(七十蚊度)...>W<正爆..落埋喼汁"釣"D味出黎...簡直難以抵擋...BUT唔食得SPICY既朋友...真係唔好食黑椒汁///真係好勁的..""OVERALL..安娜開左咁多年...成廿年都有我估..由細食到大...雖然我仲未有廿歲-.-"""總之經歷咁多年都歷久不衰就知佢有幾KEEN啦~~^^得閒記得去試下~去親果度都唔願走...因為D CHAIR好舒服>W<""D燈光又極柔和WOR...正死人...

以前經過安娜，完全不會考慮到裡面開飯。門面好舊，餐廳位置又偏僻，總之覺得是開了十幾二十年、又髒又殘的地方。有次一個從前做廚的朋友說安娜正，我能不相信他嗎？我想安娜的確有十多廿年的歷史，裝潢都像是看7,80年代無線劇集的餐廳的樣子，真是難得，總之乾淨整齊。黑椒牛"pa"我要7成熟，牛肉依然好軟，黑椒汁好香，有點chilli，隔幾條巷都嗅到黑椒汁香味。咖哩類食品都屬中上之作，不是太chilli，份量十足，一個人未必能清碟。肉醬意粉賣相中下，但味道卻有十分，我個朋友清碟！但晚餐反而麻麻，不過有雪糕喎！

去親元朗行街多數都係呢度開餐,十次有九次都係其實叫三成熟唔會太生,就等於五成熟,有興趣不防試試! 黑椒汁會比較辣,怕辣朋友可試免翁汁,多多磨菇同樣出色!但我個人應為黑椒汁真係好惹味!上菜速度奇快,湯& 多士未食完個扒已經到la,熱辣辣,正!

見佢開左咁耐,終於有機會試下.6點幾行過,見佢入面一個人都未,打左個白鴒轉之後,返尼居然半埸爆滿.全埸燈光暗淡,個feeling幾好, 見佢門口隻豬手畫得咁吸引,就點左個豬手餐尼試下,而我女友就點左個晚餐.晚餐,42元,有湯,多士,煎石班,豬扒意粉,雪糕.個煎石班用雞旦尼煎,面幾香,有唔會散收收,有咬口.個意粉係黑椒汁,黑椒落得多,好有黑椒味,個汁幾好.豬扒略嫌硬左少少.豬手餐,58元,有湯,多士,豬手一隻,意粉一碟.豬手皮好滑好軟,d肉好入味,熱食一流.建議自行拆肉,樂趣較大.我覺得叫人拆埋肉好似傷殘人士咁.可能之前食左野同佢份量幾多既關係,豬手同意粉都係食得一半,真浪費.值得一讚既係呢間食店既侍者好有禮貌,而且好勤力,誠懇,工作動機好強.食飯一個鐘,佢幫我換左7杯水,實在難得.服務可比酒店.強烈建議食鐵板餐,因為好好玩.