影片
更多
2006-06-30
30 浏览
元朗，以前社會書教落係新市鎮，查實一d都唔再新。今次小學同學聚會就發生係元朗一間好有細細個食聖誕大餐feel o既港式扒房。門面驟眼望似酒巴多過餐廳，帶位個位叔叔一打開到門竟然有d百樂門feel，差d以為會有許文強走出黎。入面人都幾多，不過客人走得都幾快，好快就有位。行到入去，環顧四周煙霧彌漫，燈光昏暗，加上人聲鼎沸，侍應哥哥姐姐都係打bo tie著黑色小背心，直情成個苛官，可能真係有人玩緊話事啤都未定。寶島小學同學強力推薦German Piggy Leg，set dinner有湯同餐茶，都係$60，俾想像中平。餐湯係例牌soup of Sung，平凡是福，好過飲成口粉忌廉湯；餐包冷若冰霜，硬得擲地有聲；豬手話咁快就上齊，真係好有肉地喎！面對龐然大物，正考慮點樣解決，一刀剖開已經應聲而開：成隻豬手都好lum，咸味剛剛好，但係個人認為都係煙豬手好味d；豬手好重膠質，都係淺嘗好d。配菜好奇怪，有兩舊食落short short聲o既薯仔，仲有酸菜青瓜，令人莫明奇妙。另一位浸過咸水同學就試T骨扒。size ok，無話將貨就價而薄切，但係order 5成熟就變o左well done。食落口感都o
門面驟眼望似酒巴多過餐廳，帶位個位叔叔一打開到門竟然有d百樂門feel，差d以為會有許文強走出黎。入面人都幾多，不過客人走得都幾快，好快就有位。行到入去，環顧四周煙霧彌漫，燈光昏暗，加上人聲鼎沸，侍應哥哥姐姐都係打bo tie著黑色小背心，直情成個苛官，可能真係有人玩緊話事啤都未定。
寶島小學同學強力推薦German Piggy Leg，set dinner有湯同餐茶，都係$60，俾想像中平。餐湯係例牌soup of Sung，平凡是福，好過飲成口粉忌廉湯；餐包冷若冰霜，硬得擲地有聲；豬手話咁快就上齊，真係好有肉地喎！面對龐然大物，正考慮點樣解決，一刀剖開已經應聲而開：成隻豬手都好lum，咸味剛剛好，但係個人認為都係煙豬手好味d；豬手好重膠質，都係淺嘗好d。配菜好奇怪，有兩舊食落short short聲o既薯仔，仲有酸菜青瓜，令人莫明奇妙。
另一位浸過咸水同學就試T骨扒。size ok，無話將貨就價而薄切，但係order 5成熟就變o左well done。食落口感都ok，但係隱約食得出用o左鬆肉粉。
另外呢到每當有扒上倒汁o既時候，每檯o既人都揭起塊檯布，場面相當壯觀，好好玩。要讚讚侍應姐姐好招呼好記性，好難得。
就係鍾意呢種久違了o既地道香港風情。
张贴