安娜餐廳

营业中

休息中

上時嚟既時候已經7-8年前(又係讀書果陣),好彩間餐廳仲係度 一個午餐(2個人食) - 蒜蓉豬扒飯我一定飲紅湯,好濃味,仲有舊肉添 多士夠脆,點紅湯食,正個飯夠哂大碟,豬扒唔"un",又多汁(多汁先會食哂d飯)三十幾蚊.....抵食不過............下次唔知幾時再嚟9唔9去元朗搵返讀書時,去過既地方,仲想搵返d笑容,回憶,青春...........

我同我老公每逢慶祝的日子都會揀呢度...佢雖然係唔花費裝修, 但真係勝在懷舊...我地非常之鍾意!!最值得一讚係全部上上下下所有員工, 真係要同佢地致敬!!全部都係受過長時間的專業訓練...水吧沖飲品超快, 落Order醒目, 執檯爽手, 上菜速度驚人...連收銀都又快又準!!佢d扒餐同出面「金牌餐廳」「花園餐廳」差不多...質素OK...但係我最鍾意就係員工們的合作性...敬業樂業...有求必應...今時今日有咁嘅工作態度真係難得!!就算比錢去睇下感受一下呢d服務都值得!!

聖誕節梗係要食西餐喇，難得去到元朗，咁梗係試下元朗既西餐有咩特別。安娜餐廳個樣好似好舊咁，有d似波士頓餐廳。一行三人，分別試左︰1.西冷扒配黑椒汁/洋蔥汁–塊扒好大，西冷扒唔係冇鐵板架咩?2.忌廉海鮮湯+火雞配火腿+聖誕布甸- 求其加少少雪藏海鮮就扮高級，冇咩味咋喎!- 塊火腿係普通既茶餐廳火腿! 火雞又冇乜味，食聖誕餐都預左係咁既質素- 相反個布甸又唔錯，出乎意料之外一如其他舊式西餐廳，出菜速度奇快，好彩佢d位夠多，唔係佢實俾壓力要你走! 每人都係食左$90到，聖誕以呢個價錢食到西餐，抵!!

肉醬意粉是我到那吃飯的不二之選,每次去到都有點想試其他東西,但卻都忍不住的點了肉醬意粉,真的好好吃,是我吃過的肉醬意粉中最好吃的!!不要貶低它呀!

今晚，我和老公一起到此餐廳共進晚餐。未進入餐廳門口之前，已經感到很舊的感覺。當時，心中覺得此餐廳應該會很有水準，因為踏入餐廳後，發覺大部份座位都差不多坐滿，而大多數食客均是年青男女，以今時今曰講求裝修來吸引年青食客，此間絕對不會用此方法來吸引食客。接到餐牌後，見到我最喜愛海鮮燴飯套餐，而我老公則點了德國咸豬手套餐，我們均點了羅素湯做餐湯。開始飲湯時，會有一件牛油多士伴湯，此多士都算o.k la，而餐湯都很夠味。飲完餐湯後，先來我老公所點之德國咸豬手，嘩! 真起好大隻呀!當時，我即刻問佢幾多錢，佢話只係$66，真坻食。當佢切第一塊肉食時，佢已經覺得好諗，放入口後，佢即刻話”正”。之後，輪到我沙律及海鮮燴飯出場，先講沙律，材料都算新鮮，有薯仔、雞蛋及火腿數片，至於海鮮燴飯方面，那些味道令我想起童年時所吃過海鮮燴飯，此飯真是令我拍手叫絕。所以，大家都可以值得－試。

夜晚想食西餐,因為元朗西餐廳比較小.在無得(簡)的情況下去左這樣所謂西餐.不說食物先,坐位好有問題成晚d伙計在我後面行來行去...有嘜問題???因為我後面是一道牆,而我坐下來後椅背跟牆的空間大約得半尺.d人不停的撞擊我,叫我點食呀????作為服務員,是否應該照顧一下客人的感受呢......食品價錢一般$45-80內一個餐羅宋湯(水一般的清晰)石班(外面層蛋將厚過件魚,好像食煎蛋一般)多士(涷過片牛油)涷oT (茶味無,糖水一般,)一個茶餐廳還比他好的餐廳.大家X,及大快X還好過他.環境有D像街市因為好嘈雜.檯布十分不清潔,一定不會再去食

晚上來開餐，等了20分鐘才有位，叫了鐵板牛柳，五成熟，但結果有八成熟，雖然沒想過要退換，仍忍不住向waiter投訴了幾句，但這位waiter主動要求幫我更換，雖然再來的牛柳仍有七成熟，但服務值得一讚，而味道方面就一般，價錢在元朗區屬偏貴。

佢果碟意粉真係差到唔差,,仲差過ｄ茶餐廳,,就甘淋左pat唔知係咩野醬就算數...服務態度又勁差,,食完就趕你走,,攪到好似食快餐甘...

31/3晚餐選擇來此人氣餐廳，真係幾多人，入座後見到餐牌上是$6x的鐵板餐(見食評$4x-5x，落單時阿姐話粉、飯加$5變餐，又幾抵wor)1) 忌廉湯--- 由於不好紅湯，茶餐廳式白湯，但有很多大大片磨菇2) 多士--- 如之前食評所言，餐包會吸引d3) 鐵板牛柳--- 大大塊、六成熟剛好，肉質很好，無""過；但配菜薯條就唔香，好似炸起左好耐咁4) 焗海鮮意粉--- 只覺得塊龍有焗過下，其餘海鮮(魷魚、蟹柳、蝦仔)似烚定鋪上無味的烚意粉上面，再加上白湯似的白汁，那有焗?!?5) 咖喱石班飯--- 咖喱、飯分開上，碗咖喱係微暖，給我感覺是鐵板餐所用的放涼醬汁(如用在熱辣辣的鐵皮上當然不用加熱) 這裏不煮熱才上有點求其；魚當然不是石班，是沾了蛋汁去的龍，幸好咖喱中的薯仔有炸由於多人等，入座後也自動快快點菜，菜也快快上，食完待應也快快收，快快食完一餐。

開頭入到去個感覺怪怪地，又黑而且張檯Ｄ格仔布我覺得唔太靚．．雖然果時都有好多人等位，但覺得都唔會太好味．．但男朋友一直話好好味，ｓｏ就試下啦！最後我就叫雞鐵板餐，男朋友就叫牛板餐！到食果時真係覺得好味，好有口感！而且仲係大大件咁架！！就算係男仔真係一個板餐都好飽ＬＵ～～～服務都不過不失啦～～

和簡生仔仔到來晚飯, order一客黑椒牛柳, 用碟上,上次來用鐵板上,牛柳大鐵板細,食到Ｄ配菜飛曬到枱上,今次用碟裝好好多, 牛柳依然幾好食, 但焗肉醬意粉就好難食,意粉太淋太濕,一Ｄ都唔似焗過, 面頭Ｄ肉醬得個甜字,無芝士味又無肉味, 比大家樂和大快活還要差好多..

不知道為什麼，每次朋友的聚舊都選擇了這裏，或許是因為這裡的環境合適聊天吧！所以每一次我都很喜歡到這裡來！今天沒有選擇沙律．選了一個焗芝士火腿意粉，很大的期望！＝）誰不知來到後感到失望了，因為上碟是用一個碟，非用焗飯所用的容器，感覺有點不是焗了～表面鋪著幾片芝士，週遭是一片片細小的火腿，一試味下，芝士不俗，但似乎太少；火腿經過調味，鹹鹹的令我不停灌水=(汁是幾濃的,意粉很多,但只有火腿的配料,真的不覺得味道很好,沒辦法了,要節衣縮食嘛....下次都是選沙律好了,始終較有保障吧!=)

　　今日同姊姊一齊去食晚餐ｏ既～我地都係第一次去果度．我地去到門口只見到兩三個人等緊位，等ｏ既時候見到少少入面，環境有ｄ似一間茶樓，比想像中嘈．不過好快就有位喇～！　　我入到去最吸引我就係佢地收銀果度個日曆（好懷舊）．我地最後點左牛柳同雞食．個牛柳好易入口，而個雞就難ｏ趙ｄ囉．佢地一路都好忙，但係都好有禮貌，上野都好快．ｇｏｏｄ！

星期六晚和簡生撑枱脚,兩人都是第一次來這裹, 六時正只見有五六枱客, 看看餐牌,內裏選擇好多.因之前上網openrice做過預備功課,就点了德國豬手和黑椒西冷扒,先上枱是羅宋湯和多士一片, 羅宋湯味好濃,都唔錯,但只是暖,不夠熱,而多士能夠換成餐包更好, 跟住上豬手,先看賣相一般,但份量好大,整個豬手鋪滿汁(正宗德國豬手是燒到外皮又脆又香,伴一些酸菜絲吃),這裏是炆豬手囉,塊皮好厚會振振吓, 因太多肥膏吃不了, 內裏的瘦肉都可以,可能是炆,所以比較淋, 伴碟的是酸青瓜,酸紅蘿白,比較奇怪, 簡生点牛扒,份量亦非常大, 塊扒大過隻鐵板,都幾好味,黑椒味濃.這裏我最唔明他們食物份量很足,但用未裝食物的碟就超細,我們一路食一路飛曬Ｄ汁和配菜出碟外,他們又不換枱布, 剛入來的時候巳看到枱上有很多漬.比較不衛生.

食完泰屋的魚菘，飽膩感持續了兩天才消散。　翌日(週六)與媽媽行街後來安娜晚餐，貪其冷氣超級涼爽。由於大家胃口都未復元，於是點了一個西冷餐($60)，以及一個安娜新地($28)share。　安娜的紅湯是不錯的，加上多士更加正，媽媽原來不想飲湯都忍不住飲了很多。說起來安娜大冷氣是有原因的：牛柳/西冷餐的鐵板很熱，當侍應淋上蒜茸汁/黑椒汁/燒汁時蒸氣沖天(這時食客要拉起檯布作阻隔)，冷氣少一點都不行。西冷是塊打了很多梳打粉軟化的調味牛肉，味道不差，當然口感不能算很好。而安娜新地是三球牛奶公司雪糕加上大量什果及紅豆，份量不小，味道也可以，感覺都幾有風味。　整餐以一杯凍啡作結，心滿意足。盛惠$97，好抵食!題目是一題問題，希望很快有機會找到答案!