安娜餐廳

营业中

休息中

今晚係平安夜男友好遲先收工所以唯有係元朗食野算10點幾ANNA未收工所以就去左喇但唔知係咪因為已經太夜喇靚既牛都賣哂喇所以牛扒都冇之前咁好食比較"UN"冇平時既水準不過杯凍菜蜜仍然都係咁好味偶而的1次失準下次不要再這樣啦^VV^

其實一直都有食ANNA既習慣1個月食1次咁因為本身超鐘意食牛又鐘意食ANNA既牛所以就成日黎食喇加上價錢又唔太貴其實黎1年內已經加過價不過唔緊要價錢都係合理既所以就成日幫襯喇我就最鐘意食牛扒每次都叫牛扒牛扒加上佢既黑椒汁簡直就係PERFECT!豬手其實都唔錯不過如果1個月食1次可能會厭因為佢比較膩所以舊唔舊食1次都係OK既我每次去ANNA都唔跟飯+意粉的因為食個多士+飲湯已經飽飽地有時連牛扒都食唔哂要分比人地食呢所以$64+1黎個價錢絕對抵食

我晚上入元朗，就上定網看下有咩吃，就發現這西餐廳，20：00度就拿位，等了十分鐘就有得入，這間餐廳的外貌極普通，隱約還留下一種八十年代的感覺，如果不留神，很容易便會忽略了它的存在，但當你踏進餐廳內，卻會發現餐廳大部分時間均坐滿了客人，要吃就陣早來。這裡的扒餐亦都是大大份絕不欺場，牛柳、西冷扒、豬扒等的厚度全都超過一吋厚，橫切面面積大過一隻手掌。我要了黑椒西冷扒，五成熟西冷扒的肉味不會被濃烈的黑椒汁蓋過，味道剛剛好，咀嚼時更有彈牙鬆軟的感覺。我女友要了免翁牛柳，為位於牛隻腰部的肉，在牛柳的末端，被認為是牛肉最嫩的部位，這裡免翁牛柳肉質柔軟惹味，牛柳入口一點也不韌且肉味濃郁。加個意粉都係五元，但我們胃細，配了薯條。羅宋湯，料足，味濃。如果用餐包，不用多士就最好拉。最尾嗒番杯凍檸茶，我們的据扒旅程就此完結了。埋單147元。

今晚玩即慶, 我地兩公婆同埋百厭仔, 仲有第一次黎的舊同事亞妹叫左鐵板黑椒牛柳, 鐵板蒜蓉雞扒, 蒜蓉豬扒 ( 碟上), 三個都係羅宋湯首先上多士, 真係好脆, 正!羅宋湯--好多料, 好味鐵板黑椒牛柳 (6成) --個扒唔似6成, 應該過熟, 一淋D汁沙沙聲, 好香但好嗆喉的黑椒味, 攪到亞仔都咳左幾聲, 亞妹話個黑椒汁唔夠辣, 但我試過又OK喎, 可能我唔太食得辣喇鐵板蒜蓉雞扒--好香蒜蓉味, 雞扒又滑又"林"蒜蓉豬扒 ( 碟上) 因為怕左百厭仔爬上枱攪事, 所以老公要犧牲下喇老公話個豬扒比較"鞋"口, 早知叫 雞扒喎

今日去左呢間到鋸扒，其實之前都去過幾次，都仲返轉頭去環境：好有懷舊感(枱布,門面,裝修.....)，隔屏較為dirty 有蜘蛛網，枱布唔多乾淨有漬食物：都係大路野豬牛雞(好林,個黑椒汁好味)Order ：黑椒牛柳餐多士→懷舊餐包會更加好味羅宋湯→是日好似溝左水，淡左，之前飲過好飲夠辣足料牛柳→大塊，好"林"一切就開,唔洗點鋸，黑椒汁出味夠辣蒜蓉西冷牛扒餐→較為難切要鋸及蒜汁無咁入味可能懷舊關係地氈似耐無大洗，所以感覺會有D 不潔，但係食物好好服務：當時客人不多，侍應週到閒時係度吹下水咁，但係可能接近收工會收野比較快

幾年前吃過見城之後,曾經大言不慚地說過吃過最好的,很難回頭.直到今日,已經沒有這個包袱.正所謂吃得鮑參翅肚多,也要食碗牛雜河平衡一下,好像四大天王之一的郭天王,有紀香黛林這般級數的女友,也要來一個王秀琳.是同一樣道理.上個月連吃兩餐貴價牛扒之後,近日反樸歸真,重投鐵板豉油扒之懷抱.繼哥登堡之後,便輪到大西北的"安娜".見到這個安娜,又會聯想起電影"安娜馬德蓮娜".當我打開門口,會不會見到莫敏兒?晚上的安娜,門口有人在等位,我們兩個人,去到剛好有位.但是要搭檯,記得上一次去扒房要搭檯,應是十幾年前的金鳳.有人說過安娜是元朗金雀,內裏的裝修,則沒有那種花樣年華的moody感.近日網上最鬧得熱哄哄的新聞,一定是港女大鬧元朗聯興行之事件,女主角的趙小姐,是夜正好坐在小弟的後面檯.同班朋友在慶祝生日.享受自攜過來的聖安娜蛋糕,看她面上的表情,好像沒有受到近日被網友起底,攻擊.而影響心情.巢皮的餐牌,是歲月的痕跡.感覺像一條起晒貓鬚的vintage牛仔褲,友人說上次來吃,牛扒質如擦膠,我死不信邪,又或者是抱著"睇你有幾衰"心態,要了一個西冷牛扒.而友人便要個鐵板豬扒.餐湯有四款,我要周打魚湯,友人

琴日翻完大陸，9點零係元朗食飯見哩間咁多好評又係好字號咪試下叫左磨菇汁免翁牛柳黑椒汁西冷牛排都係7成熟第1個有焦味，唔知食緊咩肉，完全無肉味，我平時叫做咩都放得入口，但真係覺得幾難食。D磨菇汁又好大陣罐頭味，好似無點煮過咯。第2個預左梳打粉味，有黑椒汁點下都叫做OK 少少。我相信係唔好彩或者昨晚太多人所以水準吾得不過應該唔會有下一次金鳳都係梳打牛扒，但係最少食得出叫牛肉。我琴晚果個真係唔知咩肉。

睇完食評就同老公去試下,去到八點幾,好多人係門口等,但都好快就有位,兩個人的位多數都係搭台的,因為會係搭台,所以座無虛席,好熱鬧。我老公叫左一個吉列牛扒,我地覺得好特別,吉列豬、吉列魚食得多,吉列牛都係第一次,好好未,塊牛扒吉列完都好嫩滑,好多汁,另外加左個意粉,個意粉就一般,無咩味。我叫左個法式焗西冷,上尼既時間係一塊鉄板上放著配菜,而塊牛扒就要鍚紙包住另外分開上的,牛扒係用青椒、洋蔥、蘑菇一齊焗,幾得意,但味道就一般。雖然店鋪好多人好旺,但都無影響待應既照呼態度,非常好。

今日爹生日~對懷舊餐廳好有興趣既我提議去安娜食7點多d去到~好多好多人，不過好彩d人都走得幾快，等左唔係好耐就有位(無得book位架)好熱鬧好嘈，好似酒樓咁，呢間餐廳既歷史都好耐我爹媽話佢地廿幾年前都黎過，我就第一次去，佢地話間餐廳擴大左，同埋嘈左waiter落order既時候好快好緊張，d野都黎得好快，因為想d客人快d走，不過overall黎講服務都唔差既~叫左2個牛柳餐，1個豬扒同1個燒春雞餐+$5可以有意粉~有餐茶、湯、牛油方包~味道唔錯~可以免費拎蛋糕去切~今晚都有2抬人帶左蛋糕去~印象深刻~一間好熱鬧好嘈既西餐廳

安娜餐廳係幾十年老字號, 入到去的感覺就好似金鳳咁,格仔枱布, 古老的佈置, 打煲呔的侍應, 好懷舊~$48 的晚餐有湯、豬扒、石斑意粉、雪糕同飲品, 咁多嘢, 抵到爛, 而且樣樣都唔係茶餐廳的求其行貨, 石斑真係整得好好味!西冷牛扒的肉質, 應該係全元朗最好的!侍應做嘢快手有效率, 抵讚!

見到D食評寫到唔錯,於是去試吓點知都係麻麻地1.SOUP:忌廉湯頗難飲,有少少5溶;羅宋就幾好;多士超正2.主菜:黑椒西冷好有牛味,又夠大塊;但牛柳就......................................被嗱到稔晒成間餐廳比較舊,亦好大油煙煙

我地兩個人叫咗兩個餐 : 一個係鐵板黑椒牛柳(7成熟) 跟羅宋湯,牛油多士,凍檸茶(+$3),再追加一碟意粉(+$5) 一個係鐵板黑椒西冷(7成熟) 跟羅宋湯,牛油多士,凍檸茶(+$3)總結: 黑椒汁味濃,牛柳又"林"又大塊,西冷牛扒夠厚身,7成熟剛剛好唔會太熟, 檸茶唔太甜唔太酸唔太澀好飲~~ 只係沒有餐巾"檔"D鐵板汁

是日又向元朗出沒,話說當時已經3號風球,突然想食扒,自自然諗起去Anna開飯啦7點左右其實已經多人,同女友去到唔使等位,仲有卡位坐, nice ~~ 其實係第二次黎叫左兩個餐 : 鐵板黑椒牛柳 跟白湯,多士,凍檸樂+$3,再追加一碟意粉+$5 鐵板黑椒西冷 跟紅湯,多士,凍檸水先黎餐湯,白湯杰杰地好味,紅湯亦夠濃味,烘多士又夠脆 正到主角出場la . 鐵板一上檯淋黑椒汁果吓 , 個氣勢好勁"炸炸聲"好熱鬧 , 証明塊鐵板夠哂熱,加分 因為曾向第二d老自號試過塊板唔夠熱"炸"唔起, 食慾都會減d.先講女友叫既西冷扒,塊扒成6~7吋咁大,真係連塊牛牛板都唔夠載,仲要肉夠厚正而我既牛柳size都差唔多 又夠厚肉 . 我地兩個都係叫5成熟,當"炸"完後大約6~7成熟咁啦 , 件扒肉身腍唔韌 , 並唔係醃到腍哂果種,扒食落有肉汁加埋有黑椒味既黑椒汁真係正 隨餐追加既意粉都好正 , 意粉係茄汁煮過而硬度亦剛好,撈埋d黑椒汁一齊食,真係好滿足飽哂 向扒下面有粗薯條,但薯條已經比汁整到腍左變左薯蓉 haha ~~~~~ ANNA黑椒牛柳果然係得 !! 本來呢日大風大雨心情麻麻,好彩有ANNA

其實D人話"安娜"趕人走,其實都係想出面D人唔洗第咁"內",不過食左咁多年都習慣了! 一入到去你就會聞到陳年的黑椒汁的香味。一坐就即叫"黑椒牛柳餐"我一食個即整多士,飲個香甜紅湯就到主角出場!!!!!安娜出名塊鐵夠熱,叫5-6成好la !個汁一淋落去,D香味....真係不能形容:!!種之一個字正la!切一少少一入口....嘩 D黑椒味.....Good Nice! 真係黑椒汁有黑椒味!唔似其他個D得個"辣"字.....佢個一種黑椒汁味,你真係找唔到你一定要試下先知!$70炸!!又正又低我之次去過個間 莎*美 食,都係得個"林"字,黑椒汁真係得個"辣"字...仲有要成 90蚊(唔好去搶)不過我食過咁多間,都係呢間最正!百萬分 推介你去食晚餐!!!!!

今天中午落大兩，好在很快就等，於是決定去ANNA食個午餐，看食評話呢間不錯，我還是等一次來，看入面裝修是普通舊式餐廳，餐牌也是比較舊，午餐$31一個，有方面一片，例湯，主菜及餐飲一杯．牛油多士一般羅宋湯ｏｋ，忌廉湯沒有什麼配料，磨姑好似啱啱放入湯底的感覺，不似煮過牛肉炒意粉－賣相不錯，可能有一陣燶味，可能鑊未有洗淨就炒黑椒牛排飯－牛排前得不錯，黑椒汁幾香不太辣值得一提是店內店員的態度要改善，好似做唔做你生意都無所謂既樣，不殷勤