安娜餐廳

营业中

休息中

本來想好好地寫篇食評SUPPORT下ANNA...點知...9點幾黎到, 仲有人等位, 可能等大檯呱~不過我地唔洗等就入得, 坐著個最BUSY位, 唉...正中走廊位!! 勁比人撞!! ><心諗快快脆食完就算啦, 反正次次都係咁.點知ANNA好似知我地"好趕",先上TOAST, 再上湯, 晌影完個湯之後,就出牛柳了, 記住, 我只係影左相而未開始飲湯囉!!鐵板又點, 都會凍架?! 飲得湯黎定食左扒先呀大佬!! >成檯都係野, 仲有2杯餐飲, 唔小心D都會出意外!TOAST- 我記得以前係餐包, 不過多士送湯都OK好味.羅宋湯- 大碗, 多料, 夠熱, 好味.DRINK- 4塊LEMON, OK.牛柳- 七成, 好味, 薯條爛, 落汁時冇"咋", 唔知係咪唔夠熱.雞扒- "咋"得多過牛, 冇雪味, 啖啖肉.我真係鍾意食呢度既扒, 抵食夾大件,但點解9點幾都仲要趕人走喎, 太誇張了...可能ANNA跟本唔CARE D乜野食評, 反正就係勁好生意~

平日既夜晚無咩人等位, 但都得返門口位, 同好朋友決定等多陣先入座, 最後唔駛坐門口位咁尷尬, 個個一入門口就見到你食相...星期一Set Dinner 個餐好抵, 有烘多士、餐湯、吉列魚柳、洋蔥豬扒意粉、飲品同甜品。好朋友要了羅宋湯, 一般貨色但足料。烘多士夠燶, 搽埋牛油仲好味。吉列魚柳雖然唔會係靚野, 但真係真係好食! 可惜太細喇, 未過足口癮。洋蔥豬扒意粉可不介紹, 因為兩樣根本係分開煮, 煮完意粉倒d汁就算, 不過都中規中矩, 豬扒唔太硬。甜品要了啫哩多煉奶, 另可揀雪糕, 啫哩好正, 全面仲要d果肉, 看得出有誠意, 自己都未必整到咁好食西冷牛扒(5成熟, 黑椒汁)叫5成熟既原因係唔少地方叫7成熟, 但其實已經熟曬...今次叫5成就一d地方好淋唔鞋, 但有d仲係血水, 生到切唔到。唔知點解咁唔平均, 但勝在夠巨型, 唔怕食唔飽。如果有機會再來, 應該叫7成算。總括黎講都滿意, 價錢又抵。而好朋友直情想為吉列魚柳同啫哩特登入元朗

上星期五到安娜食，啱啱好彩係電視劇大局，所以唔洗等位今次我又叫咗個晚餐，一樣都係咁好食我叫個湯係周打魚湯，湯上係有一塊餅，佢同個湯好夾而我今次個芝士焗魚一樣咁好正！下次再食‧good！

Anna d冷氣一向都好凍..不過咁熱既天氣入去都唔錯既.. $48 Set Dinner 有餐包．餐湯．前菜(吉列魚柳)．主菜（洋蔥豬扒意粉）．甜品（o者o厘)．飲品．餐湯幾好飲..前菜都ok..但主菜就唔好食lu..d豬扒好難食..好大陣雪藏味..食左幾啖冇食! $69 牛扒餐 7成熟 都算好食既..服務方面幾好!d野黎得都好快..d waiter都好識做..見你飲完湯先上主菜食完先再送甜品黎...唔錯唔錯

突然想食下扒扒~~今天下午要去元朗買貓糧,順便就試下這間老字號~~見有點肚餓咪叫左個全餐超多野食囉~ 多士~ 火腿沙拉~ 紅湯~ 黑淑牛扒飯~ 雪糕下次有時間一定試下晚餐

因為想食扒又去開元朗就上唻openrice搵下搵到e間環境雖舊但感覺唔錯同friend一人嗌一個餐我叫左牛柳 佢叫左咸豬手我自己o個個就覺得算ok $70算係食到e個價錢應有既野但個咸豬手就.....=.=唔建議大家叫 冇咩味 又晒牙力=.=我個friend食左一半都未有就停左我都食左小小不過 冇幫佢食埋 因為覺得佢影響左我食牛柳既美好記憶=.=多士幾好食個餐湯亦唔錯如果我個friend冇嗌到咸豬手應該食個dinner會perfect好多~dinner唻講 平 就真係唔係特別平(講牛柳又係元朗食 我會食富都...上次食過幾好不過鍾意d lum既朋友就唔好去喇 因為佢都幾似瘦用咁有咬感...=.=)下次有機會再試下食lunch~~

試了招牌菜黑椒牛柳($70)及燒春雞餐($56)。牛柳肉質很軟，很易入口。燒雞的肉未較滑，但總算大大份。套餐不是配餐飽，而是配多士，頗有趣。環境很一般，隨時要搭枱，但比椰林閣抵食。

The service is very good.裝修就old-style dThe food is very cheap, $35 for a lunch set, go steak or rice or hot-pan or 意粉 or 薯菜(choose one), + soup + bread +蛋菴列 + drink + ice-cream!!

同朋友食lunch, 我要咗特餐。忌廉湯唉！真係吾明點解咁既湯都整得出！好吾掂！而且灘凍哂.........烘多士我覺得好過餐包。搽埋牛油真係幾好味~兩條腸仔+薯條特餐同午餐既分別就係在於午餐無哩碟嘢同雪糕。老實講, 薯條幾好味, 分分鐘係全餐廳最好味既嘢！黑椒雞扒飯黑椒汁好鬼辣, 連朋友都話辣得滯, 完全不能送飯.......不過雞扒幾滑~~雪糕芒果味, 係阿姐推介的。無咩味, 有冰粒。棄之毫不可惜！overall, 這餐廳都OK既~個氣氛好70年代。不過翻兜機會很渺茫。比之, new york cafe真係優勝何只一百倍！淨係嗰度個湯就撼贏安娜一個餐啦！

今日食左個黑椒西冷牛扒餐..... 先黎一塊多士(我覺得好過食餐飽), 跟住個磨菇忌廉湯又大兜又多磨菇, 到主菜塊牛扒又大塊又厚, 而最抵死既地方係即使我叫到8成熟, 佢仍然一d都唔"un", 而價錢只係60幾蚊!!!! 真係可以話係平靚正! 唯一最睇唔過眼就係用埋d爛枱布, 倒汁落塊鐵板果陣又冇布比人擋住...... 可能呢個就係平既代價

一向也多在這裡吃晚餐，極少吃午餐。今天專程和男友到這裡吃午餐，人不算太多，不用等位。黑椒牛扒飯：我覺得黑椒汁是這裡的皇牌，黑椒味好濃，配白飯剛剛好，而且牛扒好腍粟米石斑薯菜：好多粟米汁，石斑好腍好入味$33(連加一)有湯有多士有餐飲，好抵！又抵又有水準又有服務，真的太喜歡這裡了 =]

....... d 牛... 好似食到有d... 梳打粉既感覺.. 唔緊要, 情況係唔嚴重既! d 磨菇汁較得幾好味, 唔會太鹹。隻豬手真係好夠"林"同夠入味, 而旁邊既配菜係醃酸左既蘿蔔同椰菜.. 幾醒胃喎..餐湯夠大碗.. 多士新鮮烘裡面裝修舊喇~檯布有污積and擬似鞋印~滅火筒既outlook 比你知道佢係唔識滅火架喇~....但係都係唔緊要, 冇昆蟲爬已經okay good 啦~又係0個句啦~早d去, 咪唔駛等位囉~....

呢間野又係成日都食...都係我男朋友介紹~佢成日同家人來呢度Dinner...夜晚來食飯,同Daddy, Sis& Bro~我同Sis,Bro叫左個牛柳餐,Daddy要個咖哩豬扒,加個飯~咁我不太喜歡血淋淋,要七成熟~佢地就要六成~~來到個陣,真係好厚呀~岩岩好係成個鐵扒個個野的Size!!!食落好lum,唔un,正,我最怕食扒好un,因為好難消化...Daddy d豬扒都好好味!!!平時都會來呢到食lunch~~~次次都食蒜蓉豬扒飯,Yummy!!!個紅湯都不錯~~~仲有,每次飲野淨係飲唂咕,好飲!!!

安娜, 一間我和男友都很喜歡的老店因為以前讀鐘聲小學, 時時到這裡吃午飯, 即使人大了也不時到安娜吃晚飯。喜歡安娜的原因有很多：食物一直都保持水準, 從來都沒有失手, 最愛這裡的多士和羅宋湯, 多士很脆而羅宋湯很夠味。服務很好, 即使有時晚上10時多才到來依然排長龍, 但也不會等很久。客人多時侍應也忙而不亂, 很有效率, 而且招呼周到, 好喜歡這裡的侍應, 是一批較年長的侍應, 跟老字號的安娜很相襯。還有好喜歡這裡的佈置, 十年如一, 由從前直到現在都是綠色格仔枱布, 舖外裝潢依然。我是一個不太喜歡吃西餐的人, 但很卻愛這間西餐廳 =]

尋日睇完金鳳餐廳嘅資料介紹,令我諗起我哋呢區都有開安娜餐廳!記得小時候間中同家人一齊去,最深嘅回憶係~好飽!(件扒好大)仲有就係嗰杯(超細)餐飲!一定要加大!!!!!於是尋晚一於同老公再去!避過最旺嘅時間去(約9點)唔洗等好耐!一望個餐牌竟然無加價!羅宋湯一樣好飲,件扒一樣咁大,扒嘅味道同黑椒汁亦同以前差唔多!不過杯餐杯大杯咗,張墊枱紙款式唔同咗,同埋啲侍應轉咗,記得以前有位女侍應嘅外形都好懷舊feel嘅!其實都幫襯咗呢度十幾年,保持一貫嘅水準,一貫嘅懷舊,好!!!!!!!